Հայ-թուրքական եւ հայ-ադրբեջանական հարաբերությունները դեռեւս Հայաստանի եւ հայերի առաջնային խնդիրներից են եւ կմնան այդպիսին, մինչեւ որ չլուծվեն: Թե երբ կգա այդ օրը, կամ արդյոք կգա ընդհանրապես, ոչ ոք չգիտի, սակայն մեզնից յուրաքանչյուրը կարող է իրական եւ մոտ դարձնել այն: Դրան էլ ավելի նպաստում է չորրորդ, թվային, հեղափոխությունը: Այն հեշտացրեց ամեն մարդու
ներգրավվածությունն այս կամ այն խնդրի լուծման գործում, պարզեցրեց լոկալ եւ միջպետական կոմունիկացիան:
Այս տեսակետից շատ կարեւոր է այն ամենն, ինչ կատարվում է համացանցում եւ այն մարդիկ, որոնք ներգրավված են այդ գործընթացներում: Այդ ամենն հաշվի առնելով, Մարդկային Զարգացման Միջազգային Կենտրոնը կազմակերպել էր «Նոր մեդիաներում հայ-թուրքական հարաբերությունների լուսաբանումը. ստերեոտիպների մեղմացում» թեմայով չորսօրյա սեմինար, կցելով թրեյնինգին համացանցում քիչ թե շատ ակտիվ մասնակիցների: Սեմինարն անցկացվում էր միաժամանակ Հայաստանում եւ Թուրքիայում:
«Հանրությանը կրթելը երկար եւ դժվար գործընթաց է: Այնինչ այդ գործընթացը կարելի է զգալիորեն հեշտացնել ավանդական լրատվամիջոցների եւ մասնավորապես բլոգերների եւ սոգիալական մեդիայի այլ ակտիվ օգտատերերի միջոցով», – նշված է կազմակերպության պաշտոնական կայքում:
Հայ-թուրքական եւ հայ-ադրբեջանական հարաբերությունները դեռեւս Հայաստանի եւ հայերի առաջնային խնդիրներից են եւ կմնան այդպիսին, մինչեւ որ չլուծվեն: Թե երբ կգա այդ օրը, կամ արդյոք կգա ընդհանրապես, ոչ ոք չգիտի, սակայն մեզնից յուրաքանչյուրը կարող է իրական եւ մոտ դարձնել այն: Դրան էլ ավելի նպաստում է չորրորդ, թվային, հեղափոխությունը: Այն հեշտացրեց ամեն մարդու
ներգրավվածությունն այս կամ այն խնդրի լուծման գործում, պարզեցրեց լոկալ եւ միջպետական կոմունիկացիան:
Այս տեսակետից շատ կարեւոր է այն ամենն, ինչ կատարվում է համացանցում եւ այն մարդիկ, որոնք ներգրավված են այդ գործընթացներում: Այդ ամենն հաշվի առնելով, Մարդկային Զարգացման Միջազգային Կենտրոնը կազմակերպել էր «Նոր մեդիաներում հայ-թուրքական հարաբերությունների լուսաբանումը. ստերեոտիպների մեղմացում» թեմայով չորսօրյա սեմինար, կցելով թրեյնինգին համացանցում քիչ թե շատ ակտիվ մասնակիցների: Սեմինարն անցկացվում էր միաժամանակ Հայաստանում եւ Թուրքիայում:
«Հանրությանը կրթելը երկար եւ դժվար գործընթաց է: Այնինչ այդ գործընթացը կարելի է զգալիորեն հեշտացնել ավանդական լրատվամիջոցների եւ մասնավորապես բլոգերների եւ սոգիալական մեդիայի այլ ակտիվ օգտատերերի միջոցով», – նշված է կազմակերպության պաշտոնական կայքում:
Այսպիսով՝ սեմինարի հիմնական նպատակը «նոր մեդիաների օգտատերերին» ստերեոտիպներն հասկանալու, այնուհետեւ դրանք մեղմացնելու փորձեր անելու, արդյունավետ կոմունիկացիա վարելու, համոզելու հմտություններին ծանոթացնելն էր, ինչպես նաեւ ազգայնականության հիմունքները ներկայացնելը:
Սեմինարն իր մեջ ներառում էր տարատեսակ անհատական եւ խմբային վարժություններ, խնդիրներ, թեմատիկ կինոդիտումներ եւ դրանց քննարկումներ: Վարժություններից առաջինը պարզագույն, ձեռքի ուժի, խնդիր էր: Նպատակը՝ շահել առավելագույն միավորները: Արդյունքում՝ զրոյական, լավագույն դեպքում մեկական միավորներ հնարավոր քսանի փոխարեն: Պատճառը՝ խնդրի սխալական պատկերացում: Այն, ինչին ականատես ենք լինում ամեն օր եւ ինչը շատ նման է ավելի խոշոր եւ լուրջ, անգամ հարեւան պետությունների հետ մեր ունեգած խնդիրներին:
Լավագույն արդյունքին հասնելու գաղտնիքը փոխշահավետությունն ընկալելու եւ էգոիստի մտածելակերպից հրաժարվելու մեջ է: Հազվադեպ է, որ հարցերը լուծվում են ուժ գործադրելու եւ դիմացինին տապալելու փորձեր անելու շնորհիվ: Երբեմն այլ ճանապարհներ փնտրելու եւ այլ լուծումներ գտնելու արդյունքն անհամեմատ մեծ է:
Այդ արդյունքին հասնելու համար հավասարապես կարեւոր բաղադրիչների մասին սեմինարի ընթացքում անցկացվց ընդլայնված զրույց: Հաջողության հասնելու հիմնական գրավականն, ըստ ՄԶՄԿ-ի, սեփական աշխարհայացքի վերանայումն ու հոգեբանության ձեւափոխումն է:
Մեր հասարակության յուրաքանչյուր անդամ ինքն իր համար սահմանում է թուրք ժողովրդի հստակ պատկեր, կամ ստանում այդ պատկերն ու նկարաքրությունը դաստիարակության ընթացքում: Ստերեոտիպներն առկա են անգամ լրատվամիջոցներում, ինչը բերում է դրանց էլ ավելի տարածմանը: Ազատվել դրանցից կամ փորձել կոտրել դրանք բավականին դժվար է: Եւ հենց այստեղ է, որ օգնության պետք է հասնի համացանցի ակտիվ զանգվածն՝ այն մարդիկ, ում ասածները տարածվում են առավել արագ, յուրահատուկ ձեւով:
Սեմինարի ավարտին կրկին առավել արդյունք գրանցելու վարժություն: Այս անգամ իրավիճակն ավելի է նման մեր ունեցած խնդիրներին՝ նախկինում թշնամող երկու երկրների գործարք, բանակցային գործընթաց: Կիրառվում են բոլոր ստացած հնարքները: Արդյունքը՝ շատ ավելի մոտ առավելագույնին:
հեղինակ` Շարմաղ Սաքունց
Աղբյուր` JNews.am