«Շահրվանդ-է Էմրուզ» («Այսօրվա քաղաքացի») շաբաթաթերթը հայտնել է Իրանի Մարդու իրավունքների պաշտպանության միջազգային կազմակերպությանը, որ սեպտեմբերի 5-ի համարը արգելել են տպագրել: Համաձայն ուղարկված նամակի՝ պատճառը Իրանի մամուլի մասին օրենքի վեցերորդ հոդվածի խախտումն է:

Աղբյուրը հայտնել է կազմակերպությանը, որ «հավանաբար արգելքի հիմնական պատճառը շապիկի լուսանկարն է եղել»: Համաձայն աղբյուրի՝ այդ համարի շապիկին տպագրված էր կոլաժ նախագահ Մահմուդ Ահմադինեջադի լուսանկարով: Ըստ Մամուլի մասին օրենքի վեցերորդ հոդվածի՝ արգելվում է «պաշտոնյաների, հաստատությունների, կազմակերպությունների և անհատների մասին զրպարտանք տպագրել կամ վիրավորել պաշտոնատար անձանց նույնիսկ լուսանկարների և ծաղրանկարների միջոցով»:

Աղբյուր: Iran Human Rights

Read More »Իրան. Ռեֆորմիստական շաբաթաթերթին արգելել են լույս տեսնել

Ըստ Թուրքիայի Արդարադատության նախարարության՝ խոսքի ազատությունը Թուրքիայում չի սահմանափակվում, և ձերբակալված 63 լրագրողներից միայն 4-ն են բանտարկված իրենց հրապարակումների համար: Հանրային հեռուստատեսության թղթակից Թուրան Օզլուն անցյալ շաբաթ դարձավ 64-րդ ձերբակալված լրագրողը:

Թուրքիայի լրագրողների միության խնդրանքով նախարարությունը կատարել է հետազոտություն, ըստ որի 63 ձերբակալված լրագրողներից 18-ը դատապարտվել են: Լրագրողների միությունը 72 հոգու ցուցակ էր ներկայացրել նախարարությանը՝ խնդրելով, տեղեկություն տրամադրել այդ մարդկանց մասին: Միության նախագահ Էրքան Իփեկչին հայտնել է Bianet կայքին, որ թվերի տարբերությունը շտկվել է տվյալների համեմատումից հետո:

Նախարարությունը հայտարարել է, որ այն փաստարկը, ըստ որի «Թուրքիայում մամուլի ազատությունը սահմանափակվում է», իրականությանը չի համապատասխանում:

Նախարարության հայտարարության մեջ ասվում է. «Թուրքիայի լրագրողների միությունը 72 հոգու ցուցակ էր ներկայացրել, ովքեր ըստ միության ձերբակալված կամ դատապարտված են: Նրանցից երեքի մասին ոչ մի բանտում տեղեկություններ չկան, իսկ վեցը ազատ են արձակվել: 63 մարդ գտնվում է բանտում: Նրանցից 36-ի նկատմամբ սկսվել են դատական գործընթացներ, որոնցից 18-ն արդեն դատապարտվել են: 27 հոգու գործով հետաքննություն է վարվում: Ձերբակալված 63 հոգուց 18-ը մամուլի քարտ ունեն, մնացածը՝ ոչ»:

Read More »Թուրքիա. «Լրագրողները իրենց գրածների համար չեն ձերբակալվել»

Վիդեոնկարահանումը բավականին աշխատատար գործընթաց է: Այդ պատճառով նկարահանմանը պետք է պատրաստվել նախօրոք:

Նկարահանումից առաջ միշտ ստուգեք սարքավորումները:

Հատուկ ուշադրություն դարձրեք եռոտանու հարթակի, ռադիոբարձրախոսների (համոզվեք, որ ունեք թե՛ հաղոդիչ, թե՛ ընդունիչ), մարտկոցների, լուսավորող սարքերի վրա:

Որոշեք, թե ինչ անկյան տակ եք խոսելու Ձեր պատմության մասին, և մտածեք, թե ինչ ճանապարհով կարելի է հասնել արդյունքի: Բոլոր հնարավոր հեռախոսազանգերն արեք գրասենյակից դուրս գալուց առաջ և փորձեք քննարկել բոլոր մանրուքները հարցազրույցի մասնակցի հետ:

Ժամանակը միշտ չի հերիքում: Դրա համար ինչքան շատ աշխատեք հիմա, այնքան քիչ գործ ստիպված կլինեք անել հետո: 

Եվ նախօրոք ճշտեք եղանակի տեսությունը. գուցե անձրևանո՞ց պետք գա:

Երբ սկսեք նկարահանումը, ստուգեք լուսավորության պայմանները, կարգավորեք սպիտակի բալանսը և որոշեք, թե ինչպես եք նկարահանելու սյուժեն: Կարող եք օգտագործել՝

 – ընդհանուր պլան, որպեսզի ցուցադրեք գործողության վայրը,

 – խոշոր պլան,

 – տարբեր անկյուններից նկարահանում, որպեսզի մոնտաժի ժամանակ ավելի շատ հնարավորություններ ունենաք:

Գործին մոտեցեք ստեղծագործաբար: Մտածեք՝ ինչպես կարելի է բացել պատմությունը կադրում կամ մոնտաժի արդյունքում, ինչպես առավել արդյունավետ փոխանցել իմաստը պատկերի կամ ձայնի միջոցով:

Read More »Հեռուստալրագրություն. օգտակար խորհուրդներ նկարահանում և ռեպորտաժ պատրաստելու համար

Ինչպիսի՞ն պետք է լինի վեբ-կայքի տեքստը: Ինչպիսի՞ն է առցանց տեքստի կառուցվածքը: Քանի՞ բառ պետք է լինի հոդվածում: Ինչո՞ւ շրջել բուրգը:

Ինտերնետային կայքի համար գրված ակնարկը նույն բանը չէ, ինչ թերթի հոդվածը: Վեբ-ընթերցողը քմահաճ է. աչքի տակով անցկացնում է տեքստը իրեն հետաքրքրող տեղեկատվություն գտնելու ակնկալիքով, և եթե արագ արդյունքի չհասնի, ամենայն հավանականությամբ կլքի կայքը:

Այդ պատճառով տվե՛ք նրանց այն, ինչ ուզւոմ են:

Պատկերացրեք՝ ինչպես կպատմեիք Ձեր նորությունը մարդաշատ և աղմկոտ վայրում: Ինչի՞ց կսկսեիք: Շատ դեպքերում հենց այդպիսին պետք է լինի առցանց հոդվածի առաջին պարբերությունը:

Ընթերցողն առաջին հերթին ուշադրություն է դարձնում կայքում զետեղված վերնագրերին: Հաջողված վերնագիրը արտահայտում է այն, ինչի մասին խոսվելու է հոդվածում: Համոզվեք, որ Ձեր վերնագիրը լսարանին թյուրիմացության մեջ չի գցում:

Առցանց հոդվածները պետք է լինեն համեմատաբար կարճ, քանի որ  էկրանից ավելի բարդ է տեղեկատվությունն ընկալել քան թղթից: Որպես կանոն կարիք չկա մանրամասն նախապատմություն գրել, քանի որ կարելի է պարզապես հղում տալ Ձեր կայքում նախկինում հրապարակված նյութերի վրա:

Եթե Ձեր հոդվածը բաղկացած է մի քանի իմաստային մասից, կարող եք այն բաժանել հատվածների՝ վերնագրելով դրանցից յուրաքանչյուրը հեշտ ընկալելու համար:

Read More »Ինչպես գրել վեբ-կայքի համար

Հունիսի 13-ին «Open Society Georgia» կազմակերպությունը կներկայացնի Վրաստանի մարզային հեռարձակողների ասոցիացիայի համար պատրաստած ձեռնարկը, ինչպես նաև ասոցիացիայի կայքը և ընթացիկ ծրագրերը:

Ձեռնարկը, որը կրում է «Նոր մեդիան հին մեդիայի համար» անվանումը, նախատեսված է տեսական և գործնական (վիդեո) դասընթացների համար:

Ձեռնարկը պատրաստել է ասոցիացիայի աշխատակիցների թիմը, և այն նախատեսված է վրացական մարզային հեռուստատեսությունների համար, սակայն ձեռնարկը կարող է օգտակար լինել նաև այլ լրատվամիջոցների աշխատակիցների, ինչպես նաև սկսնակ լրագրողների համար:

Source: Media.ge

Read More »Նոր մեդիան հին մեդիայի համար. նոր ձեռնարկ լրագրողների համար

Ինչպես հայտնում է Totalfootball.am կայքը՝ մայիսի 23-ին կայացավ ՀՖՖ գործադիր կոմիտեի նիստը, որի առաջին կետն էր «Արարատի» գլխավոր մարզիչ Արկադի Անդրեասյանի և Totalfootball.am-ի ֆոտոթղթակից Աշոտ Առուշանյանի միջև տեղի ունեցած միջադեպի հարցը: ՀՖՖ կարգապահական կոմիտեն գործադիր կոմիտեին առաջարկել էր Արկադի Անդրեասյանին ճանաչել ֆուտբոլում ոչ ցանկալի անձ:

ՀՖՖ նախագահ Ռուբեն Հայրապետյանը գործադիր կոմիտեին առաջարկեց Անդրեասյանին չճանաչել ֆուտբոլում ոչ ցանկալի անձ և բավարարվել միայն զգուշացմամբ, ինչպես նաև ուժի մեջ թողնել 10 խաղի որակազրկումը և 250 հազար դրամ ֆինանսական տուգանքը: Գործկոմը միաձայն ընդունեց այդ առաջարկը:

Հիշեցնենք, ապրիլի 23-ին կայացած Հայաստանի առաջնության հերթական տուրի Փյունիկ  – Արարատ խաղի ընդմիջմանը Արկադի Անդրեասյանը իրեն ուղեկցող անձանց հետ միասին ծեծի էր ենթարկել ֆոտոլրագրողին:

Աղբյուր: Totalfootball.am

Read More »ՀՖՖ նախագահի առաջարկով Անդրեասյանը չճանաչվեց անցանկալի անձ ֆուտբոլում