Երևանի Ավան և Նոր-Նորք համայնքների ընդհանուր իրավասության դատարանում այսօր մեկնարկեց Ազգային ժողովի Հանրապետական պատգամավոր Ռուբեն Հայրապետյանի դեմ «Հետք» պարբերականի լրագրող Գրիշա Բալասանյանի հայցով դատավարությունը:
Լրագրողը դատարանից պահանջում է պարտավորեցնել Ռուբեն Հայրապետյանին իրենից ներողություն խնդրել և գումարային փոխհատուցում վճարել` իր պատիվն ու արժանապատվությունը վիրավորելու համար:
«Պատասխանողը վիրավորել է վստահորդիս: Դրսևորել է վստահորդի անձնական և ընտանեկան կյանքի նկատմամբ անթույլատրելի միջամտություն», – դատարանում հայտարարեց Բալասանյանի փաստաբան Վահե Գրիգորյանը:
Փետրվարի 2-ին, երբ լրագրողը զանգահարել է Ռուբեն Հայրապետյանի բջջային հեռախոսին հարցազրույցի մասին պայմանավորվածություն ձեռք բերելու նպատակով, պատգամավորը նրան նախ անվանել է տգետ, հետո` հայհոյել, հետո ավելացրել` «լավ արեցի»:
Հայցվոր կողմը դատարանին ներկայացրել է ապացույցներ, այդ թվում` լրագրողի հարցին ի պատասխան Ռուբեն Հայրապետյանի հայհոյանքների ձայնագրությունը:
Երևանի Ավան և Նոր-Նորք համայնքների ընդհանուր իրավասության դատարանում այսօր մեկնարկեց Ազգային ժողովի Հանրապետական պատգամավոր Ռուբեն Հայրապետյանի դեմ «Հետք» պարբերականի լրագրող Գրիշա Բալասանյանի հայցով դատավարությունը:
Լրագրողը դատարանից պահանջում է պարտավորեցնել Ռուբեն Հայրապետյանին իրենից ներողություն խնդրել և գումարային փոխհատուցում վճարել` իր պատիվն ու արժանապատվությունը վիրավորելու համար:
«Պատասխանողը վիրավորել է վստահորդիս: Դրսևորել է վստահորդի անձնական և ընտանեկան կյանքի նկատմամբ անթույլատրելի միջամտություն», – դատարանում հայտարարեց Բալասանյանի փաստաբան Վահե Գրիգորյանը:
Փետրվարի 2-ին, երբ լրագրողը զանգահարել է Ռուբեն Հայրապետյանի բջջային հեռախոսին հարցազրույցի մասին պայմանավորվածություն ձեռք բերելու նպատակով, պատգամավորը նրան նախ անվանել է տգետ, հետո` հայհոյել, հետո ավելացրել` «լավ արեցի»:
Հայցվոր կողմը դատարանին ներկայացրել է ապացույցներ, այդ թվում` լրագրողի հարցին ի պատասխան Ռուբեն Հայրապետյանի հայհոյանքների ձայնագրությունը:
Վահե Գրիգորյանը դատարանում վկայակոչեց Սահմանադրությունը, որտեղ սահմանված է, որ «Մարդը, նրա արժանապատվությունը, հիմնական իրավունքներն ու ազատությունները բարձրագույն արժեքներ են», որ «արժանապատվությունը հարգվում և պաշտպանվում է պետության կողմից», որ յուրաքանչյուր ոք պարտավոր է «պահպանել Սահմանադրությունը և օրենքները, հարգել այլոց արժանապատվությունն ու իրավունքները»: Փաստաբանը հղում կատարեց նաև միջազգային կոնվենցիաներին ու Հայաստանի կողմից վավերացված միջազգային պայմանագրերի պահանջներին:
Սակայն Ազգային ժողովի պատգամավոր Ռուբեն Հայրապետյանի ներկայացուցիչ Գևորգ Գևորգյանը հայտարարեց, որ իրենք առարկում են հայցի դեմ:
«Հարգելի դատարան, մենք մեր դիրքորոշումը կոնկրետ կներկայացնենք դատաքննության ընթացքում: Այս փուլում հայտարարում եմ, որ փաստերը չենք ընդունում, հայցապահանջը չենք ընդունում», – ասաց փաստաբանը:
Գևորգ Գևորգյանը հրաժարվեց պատասխանել Վահե Գրիգորյանի կոնկրետ հարցադրումներին, թե արդյոք առարկում է, որ փետրվարի 2-ին հեռախոսազրույց է տեղի ունեցել պատգամավորի և լրագրողի միջև, և որ լրագրողի հասցեին պատգամավորի արտահայտություններում վիրավորանք կա: Լրագրողի փաստաբանը նաև հետաքրքրվեց, արդյոք հայհոյանքների ձայնագրության վերծանումը ճիշտ չի կատարված, և ի վերջո` արդյոք պատասխանող կողմը հերքում է այս գործով Հատուկ քննչական ծառայության կողմից կայացված որոշման մեջ շարադրված փաստերը:
Ռուբեն Հայրապետյանի ներկայացուցիչը հայտարարեց, որ այդ հարցերին նախնական դատական նիստում չի պատասխանի, իրենց դիրքորոշումը դատաքննության ժամանակ կհայտնեն, որը ապրիլի 27-ին նշանակվեց:
«Հետք» պարբերականի ներկայացուցիչ Գրիշա Բալասանյանը մինչ դատարան դիմելը հաղորդում էր ներկայացրել Գլխավոր դատախազություն` խնդրելով միջոցներ ձեռնարկել Ռուբեն Հայրապետյանին քրեական պատասխանատվության ենթարկելու համար այն հիմնավորմամբ, որ պատգամավորը ակնհայտորեն խոչընդոտել է լրագրողի մասնագիտական օրինական գործունեությունը:
Հատուկ քննչական ծառայությունը հրաժարվել էր քրեական գործ հարուցել` հիմնավորելով, որ պատգամավորը չի խոչընդոտել Գրիշա Բալասանյանի մասնագիտական գործունեությանը: Միաժամանակ, ՀՔԾ-ն քրեական գործի հարուցումը մերժելու մասին իր պատասխանում մեջբերել էր Ռուբեն Հայրապետյանի բացատրությունը, ով չժխտելով կատարվածը, ասել էր, որ այդ օրն անտրամադիր է եղել, առողջական խնդիրներ է ունեցել, լրագրողին ուղղորդել է, որ հետաքրքրող հարցերով դիմի իր մամուլի քարտուղարին, ու անջատել է հեռախոսը: Հետո նույն լրագրողը նորից է զանգահարել, որից վրդովված` նրան անպատիվ խոսքեր է ասել:
Գրիշա Բալասանյանի փաստաբան Վահե Գրիգորյանը, «Ազատություն» ռադիոկայանի հետ զրույցում վկայակոչելով, որ «ՀՔԾ-ին տրված բացատրության մեջ Ռուբեն Հայրապետյանը չի հրաժարվել ոչ հեռախոսազանգից, ոչ վիրավորանքից», տարակուսանք հայտնեց պատասխանող կողմի` այսօրվա դիրքորոշման առնչությամբ:
«Պատասխանողն ինքն ընդունել է դա ժամանակին, և հասկանալի չէ, թե ինչու է այսօր նման պատասխան ներկայացնում», – նշեց Բալասանյանի փաստաբանը:
Ռուբեն Հայրապետյանի փաստաբան Գևորգ Գևորգյանը հրաժարվեց հարցազրույցից:
Աղբյուր` azatutyun.am