Skip to content

Սեղմել «Երկրի» զարկերակը. պատգամավորները պատժում են իրենց ընդունած օրենքներով

«Տիգրան Արզաքանցյանն ընդդեմ «Երկիր» օրաթերթի» դատական գործը կշարունակվի ապրիլի 21-ին: Նման որոշում կայացրեց Կենտրոն և Նորք-Մարաշ համայնքների ընդհանուր իրավասության դատարանի դատավոր Ռուբեն Ափինյանը ապրիլի 11-ին նշանակված դատական նիստի ժամանակ` պատասխանող կողմի բացակայության պատճառով:

Պատասխանող կողմը դատարան եկավ 7 րոպե ուշացումով, բայց դատավորի որոշումը մնաց անփոփոխ:

Ազգային ժողովի պատգամավոր Տիգրան Արզաքանցյանը դատի է տվել «Երկիր» օրաթերթին` իր պատիվն ու արժանապատվությունն արատավորող տեղեկություններ հրապարակելու համար: «Երկիր»-ի «131 դեմք ու դիմակ» խորագիրը ներկայացնում է ԱԺ 131 պատգամավորներին. այս տարվա հունվարի 13-ի համարի հերթական հոդվածը ԱԺ պատգամավոր Տիգրան Արզաքանցյանի մասին էր:

Պատգամավորի կարծիքով` օրաթերթը վիրավորական արտահայտություններ է թույլ տվել իր հասցեին` անվանելով իրեն «ստիլյագա», «Քյավառա բարբառով խոսող», նաև մեջբերել է նախկին վարչապետ, Երևանի կոնյակի գործարանի նախկին փոխտնօրեն Հրանտ Բագրատյանի խոսքերը, թե «այդ լակոտը իր արտադրած կոնյակով խայտառակում է Հայաստանը Ռուսաստանում»:

«Տիգրան Արզաքանցյանն ընդդեմ «Երկիր» օրաթերթի» դատական գործը կշարունակվի ապրիլի 21-ին: Նման որոշում կայացրեց Կենտրոն և Նորք-Մարաշ համայնքների ընդհանուր իրավասության դատարանի դատավոր Ռուբեն Ափինյանը ապրիլի 11-ին նշանակված դատական նիստի ժամանակ` պատասխանող կողմի բացակայության պատճառով:

Պատասխանող կողմը դատարան եկավ 7 րոպե ուշացումով, բայց դատավորի որոշումը մնաց անփոփոխ:

Ազգային ժողովի պատգամավոր Տիգրան Արզաքանցյանը դատի է տվել «Երկիր» օրաթերթին` իր պատիվն ու արժանապատվությունն արատավորող տեղեկություններ հրապարակելու համար: «Երկիր»-ի «131 դեմք ու դիմակ» խորագիրը ներկայացնում է ԱԺ 131 պատգամավորներին. այս տարվա հունվարի 13-ի համարի հերթական հոդվածը ԱԺ պատգամավոր Տիգրան Արզաքանցյանի մասին էր:

Պատգամավորի կարծիքով` օրաթերթը վիրավորական արտահայտություններ է թույլ տվել իր հասցեին` անվանելով իրեն «ստիլյագա», «Քյավառա բարբառով խոսող», նաև մեջբերել է նախկին վարչապետ, Երևանի կոնյակի գործարանի նախկին փոխտնօրեն Հրանտ Բագրատյանի խոսքերը, թե «այդ լակոտը իր արտադրած կոնյակով խայտառակում է Հայաստանը Ռուսաստանում»:

Տիգրան Արզաքանցյանը «զրպարտություն» է որակել «Երկիր»-ի հոդվածում արված պնդումները, թե նա «ռուս գեղեցկուհիներ է Հայաստան տանում-բերում», «կազինոների մշտական հաճախորդ է», «ծեծ ուտելու սովորություն ունի» և «անցնող նստաշրջանի ընթացքում ընդամենը մեկ անգամ է երևացել Ազգային ժողովի միջանցքներում»:

Հայցվորի շահերի ներկայացուցիչ, փաստաբան Վահե Հովսեփյանի փոխանցմամբ` Արզաքանցյանը զրպարտության և վիրավորանքի համար որոշել է թերթից գանձել օրենքով նախատեսված տուգանքի առավելագույն չափը, քանի որ թերթը չհիմնավորված արտահայտություններով բացասական տպավորություն է ստեղծում պատգամավորի մասին:

Փետրվարին դիմելով դատարան` Արզաքանցյանը դատարանից պահանջել է պարտավորեցնել «Երկիր» օրաթերթին լրիվ կամ մասնակի հրապարակել այս գործով դատարանի վճիռը և պատգամավորի ներկայացրած պատասխանը, ինչպես նաև օրաթերթից բռնագանձել 3 մլն դրամ որպես վիրավորանքի և զրպարտության հետևանքով նրա պատվին ու արժանապատվությանը պատճառված վնասի փոխհատուցում (1 մլն.` վիրավորանքի, 2 մլն. զրպարտության համար): Պատգամավորը պահանջում է նաև, որ օրաթերթից բռնագանձեն ևս 568 հազար դրամ` դատական ծախսերի համար (փաստաբանական ծառայության վճար և պետական տուրքի գումար):

«Երկիր»-ն իր հերթին պնդում է, որ տպագրված բառերն ու արտահայտությունները մեջբերումներ են կա’մ ուրիշի խոսքից, կա’մ այլ լրատվամիջոցներից և կենսագրությունից բխող որոշակի եզրահանգումներ են, որի իրավունքը ցանկացած լրատվամիջոց ունի:

Որպես հայցագնի երաշխիք՝ դատական գործի շրջանակներում ԴԱՀԿ ծառայությունը արգելանք է դրել «Երկիր խմբագրություն» ՍՊԸ-ին սեփականության իրավունքով պատկանող գույքի վրա, օտարել է և արգելել այն տնօրինել:

«Երկիր» օրաթերթը շարունակում է իր գործունեությունը, քանի որ նրա դրամական միջոցներն արգելանքի տակ չեն:

Վերջերս ՀՀ երկրորդ նախագահ Ռոբերտ Քոչարյանի` «Հրապարակ» օրաթերթի դեմ նույն` զրպարտության և վիրավորանքի հոդվածով հայցադիմումի հետևանքով արգելանքի տակ էր «Հրապարակ»-ի ոչ միայն գույքը, այլ նաև ֆինանսական միջոցները: Արգելանքը հանվել է միայն այսօր և այժմ թերթը կարող է շարունակել իր գործունեությունը:

2010թ.-ի մայիսին զրպարտության և վիրավորանքի հոդվածները քրեական օրենսգրքից տեղափոխվեցին քաղաքացիական օրենսգիրք, և սահմանվեց ավելի մեծ տուգանք: Այս փոփոխությունից անցել է գրեթե մեկ տարի, սակայն արդեն տասից ավելի դատական գործեր են հարուցվել ԶԼՄ-ների դեմ:

«Այս հոդվածները ապաքրեականացնելու դրական փոփոխությունը բերեց բացասական հետևանքի, որովհետև մենք սայլը ձիուց առաջ դրեցինք. դեռևս անկախ դատական համակարգը չկայացած, որոշեցինք դատական կարգով խնդիրներ լուծել»,- այսպես է իրադրությունը գնահատում Աշոտ Մելիքյանը` Խոսքի ազատության պաշտպանության կոմիտեի նախագահը:

Երևանի մամուլի ակումբի նախագահ Բորիս Նավասարդյանը նույնպես կարծում է, որ մեր դատական համակարգը պատրաստ չէր կիրառելու համապատասխան օրենսդրական դրույթները և միջազգային փորձի նախադեպերը:

«Այս պահի խնդիրը ցանկացած ճանապարհով դատարանների պրակտիկան փոխելն է` դատավորների համար դասընթացների, սեմինարների, փորձագետների խորհրդատվությունների ապահովումը: Ավելի երկարատև խնդիր է օրենսդրական բարեփոխում իրականացնելը»,- կարծում է Նավասարդյանը:

ԶԼՄ-ների դեմ հայցերի քանակը չավելացնելու և իրադրությունը շտկելու համար փորձագետները համարում են, որ անհրաժեշտ են, թերևս, եռակողմ քայլեր` որակյալ լրագրողական աշխատանք, օրենսդրական բարեփոխում և դատարանների կողմից այս հայցերի մանրակրկիտ ուսումնասիրություն` քաղաքական հաշվեհարդարի գործիք չդառնալու համար:

Աղբյուր` JNews.am