Չճանաչված Մերձդնեստրի մոլդովական հանրապետության նախագահ Իգոր Սմիրնովն այսօր մի շարք ԶԼՄ ներկայացուցիչների հետ հանդիպման ժամանակ հայտնել է, որ Մամուլի օրվա կապակցությամբ նա ներում է շնորհում Էռնեստ Վարդանյանին:
30-ամյա Էռնեստ Վարդանյանի նկատմամբ, ով մոլդովական RIA “New Region”-ի լրագրող-վերլուծաբանն է, 2010 թվականի դեկտեմբերի 16-ին Մերձդնեստրյան մոլդովական հանրապետության Գերագույն դատարանի կողմից դատապարտվել էր 15 տարվա ազատազրկման` լրտեսության ու պետական դավաճանության համար:
Ինչպես նախկինում հայտնել է «Օլվիա-պրես» մերձդնեստրյան պաշտոնական լրատվական գործակալությունը՝ 2010 թվականի ապրիլին Մերձդնեստրի հանրապետության ազգային անվտանգության նախարարությունը ձերբակալել է Էռնեստ Վարդանյանին համաձայն ՔՕ 271-րդ հոդվածի՝ լրտեսության ու պետական դավաճանության մեղադրանքով՝ Մոլդովայի հանրապետության հատուկ ծառայությունների հետ համագործակցելու համար: Ըստ «Օլվիա-պրես»-ի, դատական լսումների ժամանակ Էռնեստ Վարդանյանը զղջացել էր իր արարքի համար և պատմել, թե ինչպես են անվտանգության ծառայության աշխատակիցներն իրեն ստիպել համագործակցել:
Չճանաչված Մերձդնեստրի մոլդովական հանրապետության նախագահ Իգոր Սմիրնովն այսօր մի շարք ԶԼՄ ներկայացուցիչների հետ հանդիպման ժամանակ հայտնել է, որ Մամուլի օրվա կապակցությամբ նա ներում է շնորհում Էռնեստ Վարդանյանին:
30-ամյա Էռնեստ Վարդանյանի նկատմամբ, ով մոլդովական RIA “New Region”-ի լրագրող-վերլուծաբանն է, 2010 թվականի դեկտեմբերի 16-ին Մերձդնեստրյան մոլդովական հանրապետության Գերագույն դատարանի կողմից դատապարտվել էր 15 տարվա ազատազրկման` լրտեսության ու պետական դավաճանության համար:
Ինչպես նախկինում հայտնել է «Օլվիա-պրես» մերձդնեստրյան պաշտոնական լրատվական գործակալությունը՝ 2010 թվականի ապրիլին Մերձդնեստրի հանրապետության ազգային անվտանգության նախարարությունը ձերբակալել է Էռնեստ Վարդանյանին համաձայն ՔՕ 271-րդ հոդվածի՝ լրտեսության ու պետական դավաճանության մեղադրանքով՝ Մոլդովայի հանրապետության հատուկ ծառայությունների հետ համագործակցելու համար: Ըստ «Օլվիա-պրես»-ի, դատական լսումների ժամանակ Էռնեստ Վարդանյանը զղջացել էր իր արարքի համար և պատմել, թե ինչպես են անվտանգության ծառայության աշխատակիցներն իրեն ստիպել համագործակցել:
Էռնեստ Վարդանյանի մորաքրոջ դուստր Լիլիթ Աղեկյանը, ով բնակվոմ է Գյումրիում, JNews-ին տեղեկացրեց, որ ներման մասին լուրը նրանք իմացել են քիչ առաջ Էռնեստի ընտանիքի անդամներից, սակայն լուրն այնքան անսպասելի էր, որ հավատալու համար նրանք սկսեցին լրացուցիչ տեղեկություն փնտրել լրատվական կայքերում:
«Մենք մշտապես հանդես ենք եկել նամակներով և հայտարարություններով` դիմելով տարբեր միջազգային ատյանների և հույս ունեցել, որ այս ամենը ապարդյուն չի անցնի, քանի որ համոզված ենք, որ Էռնեստը մեղավոր չէ»,-ասում է Լիլիթը: «Այժմ արդեն շնորհակալություն եմ հայտնում բոլորից, ովքեր աջակցել և կարեկցել են մեզ այս ամիսներին: Գյումրեցի իմ համաքաղաքացիներից եմ շնորհակալ, որ միշտ մեր կողքին են եղել»:
Էռնեստ Վարդանյանի խնամակալության տակ են գտնվում իր երկու անչափահաս երեխաները, մայրը, 16-ամյա քույրը և կինը:
Աղբյուրներ` Olvia-Press , Noviy Region 2, JNews.am և Puls