Օրերս Հայաստանի Վճռաբեկ դատարանը մերժեց «Հայկական ժամանակ» օրաթերթի հրատարակիչ «Դարեսկիզբ» ՍՊԸ հայցն ընդդեմ վերաքննիչ դատարանի որոշման, որով օրաթերթի հրատարակիչը Ազգային ժողովի երեք պատգամավորներին պետք է վճարի ավելի քան 6 միլիոն դրամ:
Նման որոշում Երեւանի Կենտրոն եւ Նորք-Մարաշ վարչական շրջանների ընդհանուր իրավասության դատարանի կողմից կայացվել էր այս տարվա փետրվարին` համարելով, որ թերթի 2010թ-ի հոկտեմբերի 14-ի համարում լույս տեսած «Ութից յոթը ցուցակում են» վերնագրով հոդվածում հրապարակված տեղեկությունները չեն համապատասխանում իրականությանը:
Վճռաբեկ դատարանի վճիռը բողոքարկելու նպատակով օրաթերթի խմբագրությունը պատրաստվում է դիմել Մարդու իրավունքների Եվրոպական դատարան: Զուգահեռաբար, խմբագրակազմը իր համակիրների օգնությամբ փորձում է կուտակել վճարման ենթակա անհրաժեշտ գումարը:
«Վիվասելի» եւ «Բիլայնի» բաժանորդները կարող են 1000 դրամ փոխանցել «Հայկական ժամանակ» օրաթերթի հաշվին, եթե հեռախոսի միջոցով «hzh» բառը ուղարկեն 4735 կարճ համարին: Նվիրատվություն արտերկրից հնարավոր է կատարել հետևյալ հաշվեհամարներին գումար ուղարկելով` «Հայէկոնոմբանկ», ԱՄՆ դոլար – 163008154896, եվրո-163008012698:
Օրերս Հայաստանի Վճռաբեկ դատարանը մերժեց «Հայկական ժամանակ» օրաթերթի հրատարակիչ «Դարեսկիզբ» ՍՊԸ հայցն ընդդեմ վերաքննիչ դատարանի որոշման, որով օրաթերթի հրատարակիչը Ազգային ժողովի երեք պատգամավորներին պետք է վճարի ավելի քան 6 միլիոն դրամ:
Նման որոշում Երեւանի Կենտրոն եւ Նորք-Մարաշ վարչական շրջանների ընդհանուր իրավասության դատարանի կողմից կայացվել էր այս տարվա փետրվարին` համարելով, որ թերթի 2010թ-ի հոկտեմբերի 14-ի համարում լույս տեսած «Ութից յոթը ցուցակում են» վերնագրով հոդվածում հրապարակված տեղեկությունները չեն համապատասխանում իրականությանը:
Վճռաբեկ դատարանի վճիռը բողոքարկելու նպատակով օրաթերթի խմբագրությունը պատրաստվում է դիմել Մարդու իրավունքների Եվրոպական դատարան: Զուգահեռաբար, խմբագրակազմը իր համակիրների օգնությամբ փորձում է կուտակել վճարման ենթակա անհրաժեշտ գումարը:
«Վիվասելի» եւ «Բիլայնի» բաժանորդները կարող են 1000 դրամ փոխանցել «Հայկական ժամանակ» օրաթերթի հաշվին, եթե հեռախոսի միջոցով «hzh» բառը ուղարկեն 4735 կարճ համարին: Նվիրատվություն արտերկրից հնարավոր է կատարել հետևյալ հաշվեհամարներին գումար ուղարկելով` «Հայէկոնոմբանկ», ԱՄՆ դոլար – 163008154896, եվրո-163008012698:
«Թերթը, փառք աստծո, ունի ընթերցող, վաճառվում է, բայց իշխանության հասցրած վնասները հասնում են մի կրիտիկական կետի, որտեղ մենք ստիպված պիտի լինենք դիմել ընթերցողի աջակցությանը»,- «Ազատություն» ռադիոկայանի հետ զրույցում ասել է «Հայկական ժամանակ» օրաթերթի գլխավոր խմբագիր Նիկոլ Փաշինյանը:
Անցյալ տարի թերթը մոտ 3,5 միլիոն դրամ վճարել էր դատարանի մեկ այլ որոշման համար` նախկին նախագահ Ռոբերտ Քոչարյանի որդուն` նրա պատիվը եւ արժանապատվությունը արատավորող տեղեկություններ հրապարակելու համար:
/լրաքաղ/
JNews.am