Գյումրիում սկսել է լույս տեսնել «Գյումրի-Ասպարեզ» անվամբ օրաթերթը: Այս նախաձեռնության հեղինակը Գյումրու ժուռնալիստների «Ասպարեզ» ակումբն է:
Պաշտոնական առաջին համարի շնորհանդեսը կայացավ հոկտեմբերի 12-ին: Այս համարից առաջ լույս էին տեսել նաև փորձնական հինգ համարներ, որոնք անվճար բաժանվել էին Շիրակի մարզի բնակիչներին (կարդացեք նաև Գյումրիի «Ասպարեզը» ուզում է ասպարեզ հանել օրաթերթ):
«Ասպարեզ» ակումբի խորհրդի նախագահ Լևոն Բարսեղյանի տեղեկացմամբ, մոտ 20 տարի է Շիրակի մարզում տեղական օրաթերթ չի հրատարակվել, հետևաբար իրենց նպատակն է ամեն կերպ վերականգնել օրաթերթային ավանդույթը: Թերթի նյութերը մասնակի կամ ամբողջությամբ տեղադրվում են նաև ակումբի Asparez.am կայքում:
«Ուզում ենք այնպիսի թերթ լինի, որ հանրությունը կապվի դրա հետ, չենք ուզում ձևական թերթ լինի, ուզում ենք այն դառնա մարդկանց սեղանի թերթը, և եթե մարդուն հետաքրքրող նյութեր մատուցենք, ինքը 200-300 դրամ էլ պատրաստ կլինի վճարել»,- կարծում է Բարսեղյանը:
8 էջանոց թերթը հրատարակվելու է 500 տպաքանակով, իսկ վաճառքի գինը սահմանվել է 100 դրամ: «Մենք հավակնոտ չենք: Մենք չենք կարծում, որ Գյումրին դրախտ է օրաթերթ հրատարակելու համար: Ենթադրում ենք, որ եթե առաջին ամսում վաճառենք 300 օրինակ, երկրորդ ամսում` 400 օրինակ, այնուհետև յուրաքանչյուր ամիս 50 կամ 100 օրինակ կփորձենք ավելացնել»,- ասում է Բարսեղյանը:
Գյումրիում սկսել է լույս տեսնել «Գյումրի-Ասպարեզ» անվամբ օրաթերթը: Այս նախաձեռնության հեղինակը Գյումրու ժուռնալիստների «Ասպարեզ» ակումբն է:
Պաշտոնական առաջին համարի շնորհանդեսը կայացավ հոկտեմբերի 12-ին: Այս համարից առաջ լույս էին տեսել նաև փորձնական հինգ համարներ, որոնք անվճար բաժանվել էին Շիրակի մարզի բնակիչներին (կարդացեք նաև Գյումրիի «Ասպարեզը» ուզում է ասպարեզ հանել օրաթերթ):
«Ասպարեզ» ակումբի խորհրդի նախագահ Լևոն Բարսեղյանի տեղեկացմամբ, մոտ 20 տարի է Շիրակի մարզում տեղական օրաթերթ չի հրատարակվել, հետևաբար իրենց նպատակն է ամեն կերպ վերականգնել օրաթերթային ավանդույթը: Թերթի նյութերը մասնակի կամ ամբողջությամբ տեղադրվում են նաև ակումբի Asparez.am կայքում:
«Ուզում ենք այնպիսի թերթ լինի, որ հանրությունը կապվի դրա հետ, չենք ուզում ձևական թերթ լինի, ուզում ենք այն դառնա մարդկանց սեղանի թերթը, և եթե մարդուն հետաքրքրող նյութեր մատուցենք, ինքը 200-300 դրամ էլ պատրաստ կլինի վճարել»,- կարծում է Բարսեղյանը:
8 էջանոց թերթը հրատարակվելու է 500 տպաքանակով, իսկ վաճառքի գինը սահմանվել է 100 դրամ: «Մենք հավակնոտ չենք: Մենք չենք կարծում, որ Գյումրին դրախտ է օրաթերթ հրատարակելու համար: Ենթադրում ենք, որ եթե առաջին ամսում վաճառենք 300 օրինակ, երկրորդ ամսում` 400 օրինակ, այնուհետև յուրաքանչյուր ամիս 50 կամ 100 օրինակ կփորձենք ավելացնել»,- ասում է Բարսեղյանը:
Բայց նա լիահույս է, որ քաղաքում 1000 հոգի կգտնվի, որ 100 դրամ կցանկանա հատկացնել թերթ ընթերցելու համար և այդ թերթը կլինի «Գյումրի-Ասպարեզ»-ը: «Կարևորը անպետք բովանդակություն չմատուցվի ընթերցողին: Իհարկե, ոմանք կմտածեն` ես հաց գնելու փող չունեմ, ուր մնաց թերթ»:
Բարսեղյանի հավաստմամբ, թերթի և տպագրատան հիմնադրման գործում Ակումբի հիմնադիրների անձնական ֆինանսական և ոչ ֆինանսական միանվագ ներդրումը կազմել է մոտ 26 մլն դրամ: Այս նախաձեռնությանը մոտ 22,5 մլն դրամով օժանդակել է նաև Բաց հասարակություն հիմնադրամներ-Հայաստանը:
[[wysiwyg_imageupload:132:]]«Հույս ունենք 7-8 ամսում հասնել ինքնածախսածածկման զրոյական մակարդակի, բայց մենք գիտակցում ենք, որ ծախսերը նույնպես աճելու են, այսինքն` մեր ախորժակը այս իմաստով մեծ չէ»,- ասում է Բարսեղյանը
Փորձնական հինգ համարների տարածումից հետո արդեն արձագանքներ կան. դրանցից թերթի հրատարակչին առաջնային հուզում են բացասականները` հնարավորինս շուտ դրանք թերթում շտկելու համար:
«Գյումրի-Ասպարեզ» օրաթերթի խմբագրակազմը բաղկացած է հմուտ և երիտասարդ կադրերից: Վերջիններն ընտրվել են մրցութային կարգով և 3 ամիս դասընթացներ անցել «Ասպարեզ» ակումբում, այնուհետև չորս ամիս իրենց գիտելիքները յուրացրել են գործնականում` նյութեր պատրաստելով Asparez.am կայքի համար:
«Մենք շահագրգիռ ենք նաև, որ քաղաքում այլ օրաթերթեր ևս հայտնվեն, որը կխթանի մրցակցությունը և օրաթերթի ինդուստրիայի ձևավորմանը: Եթե Գյումրիում օրաթերթ լիներ, մենք հազիվ թե ձեռնամուխ լինեինք օրաթերթի ստեղծմանը: Բայց այսօր մեզ իսկապես զարկերակային թերթ է պետք քաղաքում»,- համոզված է Բարսեղյանը:
Աղբյուր` JNews.am