Հոկտեմբերի 25-ին, Վճռաբեկ դատարանի որոշման համաձայն, Գյումրու քաղաքապետարանին պատկանող հեռուստաաշտարակից ապամոնտաժվեցին «ԳԱԼԱ» հեռուստաընկերությանը պատկանող սարքավորումները:
Դրանք տեղափոխվեցին Գյումրու կենտրոնական հեռուստաաշտարակ, որը պատկանում է ՀՀ տրասպորտի և կապի նախարարությանը կից Հայաստանի հեռուստատեսային և ռադիո հաղորդիչ ցանց ՓԲԸ-ին: Ապամոնտաժման պահից սկսած «ԳԱԼԱ»-ի հեռուստաեթերը դադարեցվեց, սակայն հեռուստաընկերության տնօրինությունը հայտնում է, որ այն կվերականգնվի մի քանի ժամվա ընթացքում, եթե մոնտաժային աշխատանքների ժամանակ լրացուցիչ դժվարություններ չառաջանան:
«Երկու ամիս առաջ ԴԱՀԿ-ից (Դատական ակտերի հարկադիր կատարման ծառայություն) նամակ ստացանք, հետաքրքրվում էին` ինչ փուլում է ապամոնտաժման պրոցեսը: Պատասխանել ենք, որ կան տեխնիկական խնդիրներ, որպեսզի մեր ազդանշանը հասցնենք մյուս հեռուստաաշտարակ, իսկ համապատասխան մասնագետներ գտնելու համար մեզ ժամանակ էր անհրաժեշտ»,- ասում է «ԳԱԼԱ»-ի սեփականատեր Վահան Խաչատրյանը:
Ապամոնտաժման օրը ևս «ԳԱԼԱ»-ն ԴԱՀԿ-ից նամակ ստացավ, սակայն ալևս չպատասխանեց, քանի որ ապամոնտաժման աշխատանքներն ավարտված էին:
Առայժմ պարզ չէ, թե սարքավորումները Գյումրիի կենտրոնական հեռուստաաշտարակ տեղափոխելու արդյունքում ինչպիսին կլինի «ԳԱԼԱ»-ի հեռուստաեթերի որակը:
Հոկտեմբերի 25-ին, Վճռաբեկ դատարանի որոշման համաձայն, Գյումրու քաղաքապետարանին պատկանող հեռուստաաշտարակից ապամոնտաժվեցին «ԳԱԼԱ» հեռուստաընկերությանը պատկանող սարքավորումները:
Դրանք տեղափոխվեցին Գյումրու կենտրոնական հեռուստաաշտարակ, որը պատկանում է ՀՀ տրասպորտի և կապի նախարարությանը կից Հայաստանի հեռուստատեսային և ռադիո հաղորդիչ ցանց ՓԲԸ-ին: Ապամոնտաժման պահից սկսած «ԳԱԼԱ»-ի հեռուստաեթերը դադարեցվեց, սակայն հեռուստաընկերության տնօրինությունը հայտնում է, որ այն կվերականգնվի մի քանի ժամվա ընթացքում, եթե մոնտաժային աշխատանքների ժամանակ լրացուցիչ դժվարություններ չառաջանան:
«Երկու ամիս առաջ ԴԱՀԿ-ից (Դատական ակտերի հարկադիր կատարման ծառայություն) նամակ ստացանք, հետաքրքրվում էին` ինչ փուլում է ապամոնտաժման պրոցեսը: Պատասխանել ենք, որ կան տեխնիկական խնդիրներ, որպեսզի մեր ազդանշանը հասցնենք մյուս հեռուստաաշտարակ, իսկ համապատասխան մասնագետներ գտնելու համար մեզ ժամանակ էր անհրաժեշտ»,- ասում է «ԳԱԼԱ»-ի սեփականատեր Վահան Խաչատրյանը:
Ապամոնտաժման օրը ևս «ԳԱԼԱ»-ն ԴԱՀԿ-ից նամակ ստացավ, սակայն ալևս չպատասխանեց, քանի որ ապամոնտաժման աշխատանքներն ավարտված էին:
Առայժմ պարզ չէ, թե սարքավորումները Գյումրիի կենտրոնական հեռուստաաշտարակ տեղափոխելու արդյունքում ինչպիսին կլինի «ԳԱԼԱ»-ի հեռուստաեթերի որակը:
«Հնարավոր է` մի տեղ լավանա եթերը, մյուս տեղում վատանա, դա կախված է հեռուստաաշտարակի դիրքից, հիմա ոչինչ չեմ կարող ասել, մինչև չփորձարկվի, չենք տեսնի»,- ասում է Վահան Խաչատրյանը:
Հին հեռուստաաշտարակը դարձել էր վեճի առարկա «ԳԱԼԱ»-ի և Գյումրու քաղաքապետարանի միջև, երբ վերջինս 2007թ-ին սեփականաշնորհեց այն և որոշ ժամանակ անց պահանջեց ազատել հեռուստաաշտարակը «ԳԱԼԱ»-ին պատկանող սարքավորումներից: Իսկ կենտրոնական հեռուստաաշտարակից հեռուստաընկերությունը օգտվելու է պայմանագրային հիմունքներով` ամսական վճարելով 180 հազար դրամ:
«Զերծ կմնամ մեկնաբանություններից, քանի որ չգիտեմ` մյուս հեռուստաընկերությունները ինչքան են վճարում հեռուստաաշտարակից օգտվելու համար, ավելի ճիշտ գիտեմ, բայց չեմ ուզում խորանալ էդ թեմայի մեջ, որովհետև իմ հեռուստաընկերությունը ի վիճակի է պահանջված գումարը վճարել»,- ասում է Խաչատրյանը:
Հոկտեմբերի 26-ին ԳԱԼԱ հեռուստաընկերության հեռարձակումը վերականգնվել է:
Աղբյուր` JNews.am