Գյումրու Ժուռնալիստների «Ասպարեզ» ակումբը 10 ամիս շարունակ իրականացնում է «Հ1» հեռուստաալիքի եթերի ուսումնասիրություն` պարզելու, թե որքանով է Հանրային հեռուստաընկերությունը պահպանում օրենքով սահմանված դրույթները` կապված հեռուստաալիքի հաղորդումներում առևտրային գովազդի ծավալի և տեղաբաշխման հետ:
Հաղորդումների մոնիտորինգն իրականացվում է Գյումրիում, որտեղ «Հ1» հեռուստաալիքը եթեր է հեռարձակվում օրական ընդամենը 17-ից 21 ժամ:
Մոնիտորինգից ստացված տվյալները ներկայացվում են փուլ առ փուլ, և օրերս Ժուռնալիստների «Ասպարեզ» ակումբի խորհրդի նախագահ Լևոն Բարսեղյանը և մեդիա փորձագետ Մեսրոպ Հարությունյանը ներկայացրին այս տարվա մայիս-հունիս ամիսների մոնիտորինգի արդյունքներն ու կատարված եզրակացությունները: Հաշվետվության ներկայացմանը հրավիրված էին նաև «Հ1»-ի ներկայացուցիչներ, ովքեր, սակայն, ներկա չգտնվեցին:
Մոնիտորինգի հեղինակները նշեցին, որ մայիս ամսվա 27 ուսումնասիրված օրերի ընթացքում «Հ1»-ը հեռարձակել է մոտ 171 րոպե քողարկված գովազդ, իսկ հունիս ամսվա 29 ուսումնասիրված օրերին` մոտ 282 րոպե: Հետազոտության համաձայն «Հ1»-ի եթերում գովազդի նախատեսված 7%-ի փոխարեն հեռարձակվել է ավելի քան 10%:
Ծրագրի ղեկավար Լևոն Բարսեղյանը կարծում է, որ Հանրայինն այլևս ոչնչով չի տարբերվում մասնավոր հեռուստաընկերությունից:
Գյումրու Ժուռնալիստների «Ասպարեզ» ակումբը 10 ամիս շարունակ իրականացնում է «Հ1» հեռուստաալիքի եթերի ուսումնասիրություն` պարզելու, թե որքանով է Հանրային հեռուստաընկերությունը պահպանում օրենքով սահմանված դրույթները` կապված հեռուստաալիքի հաղորդումներում առևտրային գովազդի ծավալի և տեղաբաշխման հետ:
Հաղորդումների մոնիտորինգն իրականացվում է Գյումրիում, որտեղ «Հ1» հեռուստաալիքը եթեր է հեռարձակվում օրական ընդամենը 17-ից 21 ժամ:
Մոնիտորինգից ստացված տվյալները ներկայացվում են փուլ առ փուլ, և օրերս Ժուռնալիստների «Ասպարեզ» ակումբի խորհրդի նախագահ Լևոն Բարսեղյանը և մեդիա փորձագետ Մեսրոպ Հարությունյանը ներկայացրին այս տարվա մայիս-հունիս ամիսների մոնիտորինգի արդյունքներն ու կատարված եզրակացությունները: Հաշվետվության ներկայացմանը հրավիրված էին նաև «Հ1»-ի ներկայացուցիչներ, ովքեր, սակայն, ներկա չգտնվեցին:
Մոնիտորինգի հեղինակները նշեցին, որ մայիս ամսվա 27 ուսումնասիրված օրերի ընթացքում «Հ1»-ը հեռարձակել է մոտ 171 րոպե քողարկված գովազդ, իսկ հունիս ամսվա 29 ուսումնասիրված օրերին` մոտ 282 րոպե: Հետազոտության համաձայն «Հ1»-ի եթերում գովազդի նախատեսված 7%-ի փոխարեն հեռարձակվել է ավելի քան 10%:
Ծրագրի ղեկավար Լևոն Բարսեղյանը կարծում է, որ Հանրայինն այլևս ոչնչով չի տարբերվում մասնավոր հեռուստաընկերությունից:
«Հանրային հեռուստաընկերության փիլիսոփայությունից պետք է հանվի վարկանիշ ունենալու գաղափարը: Այն հանրային բացակա կարիքների լրացումն է: Իսկ էստեղ ստացվում է սիմբիոզ. մի կողմից անունը հանրային է` ահռելի գումարներով սնվող պետական բյուջեից, մյուս կողմից` լավ էլ մրցակցային հեռուստաընկերություն»,- նշում է Բարսեղյանը:
Հայաստանի պետբյուջեից Հանրային հեռուստառադիոընկերության խորհրդին տարեկան հատկացվում է մոտ 10 միլիոն դոլար: Գովազդից ստացված եկամուտն էլ փաստացի կազմում է 3 մլն դոլար: Փորձագետ Մեսրոպ Հարությունյանն առաջարկում է պետբյուջեից հատկացվող գումարը դարձնել 13 մլն դոլար և հրաժարվել գովազդի հեռարձակումից:
«Երկրում պետք է լինի մեկ հանրային հեռուստաընկերություն, որը պետք է հեռարձակվի առանց գովազդային ընդմիջման»,- համոզված է նա:
Հարությունյանը նշում է, որ «Հ1»-ը նույնիսկ լրատվական հաղորդումներն է ընդհատում գովազդով, ինչն էլ, ըստ նրա` որոշակի էթիկայի խախտում է: Հունիս ամսվա դիտարկումների համաձայն` «Հայլուր» լրատվական հաղորդման ընթացքում գրանցվել է 42 խախտման դեպք (չի թույլատրվում հաղորդումն ընդմիջել գովազդով 20 րոպեում մեկից ավելի անգամ):
——————————————————————————
մասնակցեք «Ջեյնյուզի» անանուն հարցմանը
Համաձա՞յն եք, որ պետբյուջեից “Հ1”-ին հատկացվի լրացուցիչ գումար և եթերում չլինի գովազդ
——————————————————————————
Մոնիտորինգն իր մեջ ներառում է նաև իրավիճակի բարելավման համար առաջարկություններ` ուղղված «Հեռուստատեսության և ռադիոյի ազգային հանձնաժողովին», Հանրային հեռուստառադիոընկերության խորհրդին, «Հ1» հեռուստաընկերության տնօրինությանը և ՀՀ Ազգային ժողովին:
Փորձագետներն առաջակում են ապահովել 24-ժամյա եթեր բոլոր մարզերում և չխախտել գովազդի համար նախատեսված ժամանակահատվածը, որի արդյունքում կազատվի բավականին եթերաժամանակ գիտական, կրթական, մշակութային և այլ հաղորդումների համար:
Հաշվետվության օրինակները հատուկ նամակներով ուղարկվել են վերը նշված կառույցներին, սակայն պատասխան ստացվել է միայն Ազգային ժողովից:
«…Լինելով օրենսդիր մարմին և չունենալով ներկայացված տվյալները ստուգելու որևէ լծակ, հանձնաժողովը կարող է դրանք դեռևս ընդունել ի գիտություն և մտահոգություն` իր լիազորության շրջանակներում հետագա համատեղ աշխատանքի միջոցով կարգավորելու միտում»,- պատասխան նամակում նշել է ԱԺ գիտության, կրթության, մշակույթի, երիտասարդության և սպորտի հարցերի մշտական հանձնաժողովի նախագահ Արտակ Դավթյանը (նամակը ներկայացված է ոչ ամբողջությամբ):
Ազգային ժողովում «Գովազդի մասին» օրենքում կատարված վերջին փոփոխությունների համաձայն` առավելագույն գովազդի ծավալը 1 ժամում հասցվել է մինչև 14 րոպեի, իսկ գովազդային տարբեր հատկանիշներ կրող ինֆորմացիոն նյութերը կհամարվեն գովազդ:
«Նախորդ դիտարկումից առ այսօր, ցավոք, Ժուռնալիստների «Ասպարեզ» ակումբը և այս զեկույցի հեղինակները որևէ արձագանք որևէ մարմնից չեն ստացել` դիտարկվում են, թե չեն դիտարկվում, կկատարվեն փոփոխություններ, թե չեն կատարվի»,- ասում է Բարսեղյանը:
«ՋեյՆյուզը» փորձեց կապ հաստատել նաև «Հ1»-ի գործադիր տնօրեն Գագիկ Բունիաթյանի հետ, սակայն երեք օր շարունակ տնօրենի ընդունարանից պատասխանեցին, որ Բունիաթյանը տեղում չէ:
«Ասպարեզ» ակումբը նախատեսում է ուսումնասիրությունը շարունակել մինչև 2012թ-ի ապրիլ ամիսը:
Ի դեպ, օրերս Հանրային հեռուստաընկերությունը փոխել է իր պաշտոնական կայքի հասցեն: Նախկին Armtv.com-ի փոխարեն այժմ այն կարելի է այցելել հ1.am հասցեով:
Աղբյուր` JNews.am