Ժողովրդական վարպետ Նունե Խաչատրյանի նուրբ ձեռքերում ծաղիկները նոր կյանք և շունչ են ստանում: Նրանք շարունակում են ապրել և հաճույք պատճառել մարդկանց` մեկ այլ ձևի մեջ:
Նունե Խաչատրյանը ծնվել է 1967 թ-ին Երևանում: Մանկուց շատ է սիրել ծաղիկներ: «Հայրիկիս հետ շատ եմ չորացրել ծաղկաթերթիկներ. ընթացքում նայել ենք, հիացել դրանցով: Պապիկս էլ ծաղիկներ էր մշակում»,- վերհիշում է Խաչատրյանը:
1983 -1984 թթ-ին Նունե Խաչատրյանն սկսել է հաճախել Երևանի Պիոներ պալատի նկարչական խմբակը: Այնուհետև սովորել է Երևանի համար 8 Գեղարվեստատեխնիկական ուսումնարանի հախճապակու բաժնում, աշխատել «Գայանե» կոոպերատիվի գունավոր ապակու արտադրամասում՝ որպես նկարիչ: 2005 թ-ին կազմակերպվել է նրա անհատական ցուցահանդեսը, որտեղ ներկայացվել է հայերենի ամբողջ այբուբենը` պատրաստված ծաղկաթերթիկներով: Մասնակցել է նաև խմբակային ցուցահանդեսների:
«Սովորաբար նախապես չորացնում եմ ծաղիկների թերթիկները, որպեսզի դրանք իրենց գույնը փոխեն և ստանան անհրաժեշտ գույնը, այնուհետև աշխատում եմ այնպես, ինչպես կաշխատեի ներկով` օգտագործելով, սակայն, ծաղկաթերթիկը»,-անկեղծանում է ժողովրդական վարպետը:
Նունե Խաչատրյանին ծաղիկներ շատ են նվիրում: Նույնիսկ այնպես է ստացվում, որ չի հասցնում իր համար ծաղիկ գնել: «Սովորաբար շրջում եմ նաև տարբեր մարզերով ու հավաքում ծաղիկներ` նոր գործերի համար: Օգտագործում եմ ծաղկի բոլոր թերթիկները»:
Ժողովրդական վարպետ Նունե Խաչատրյանի նուրբ ձեռքերում ծաղիկները նոր կյանք և շունչ են ստանում: Նրանք շարունակում են ապրել և հաճույք պատճառել մարդկանց` մեկ այլ ձևի մեջ:
Նունե Խաչատրյանը ծնվել է 1967 թ-ին Երևանում: Մանկուց շատ է սիրել ծաղիկներ: «Հայրիկիս հետ շատ եմ չորացրել ծաղկաթերթիկներ. ընթացքում նայել ենք, հիացել դրանցով: Պապիկս էլ ծաղիկներ էր մշակում»,- վերհիշում է Խաչատրյանը:
1983 -1984 թթ-ին Նունե Խաչատրյանն սկսել է հաճախել Երևանի Պիոներ պալատի նկարչական խմբակը: Այնուհետև սովորել է Երևանի համար 8 Գեղարվեստատեխնիկական ուսումնարանի հախճապակու բաժնում, աշխատել «Գայանե» կոոպերատիվի գունավոր ապակու արտադրամասում՝ որպես նկարիչ: 2005 թ-ին կազմակերպվել է նրա անհատական ցուցահանդեսը, որտեղ ներկայացվել է հայերենի ամբողջ այբուբենը` պատրաստված ծաղկաթերթիկներով: Մասնակցել է նաև խմբակային ցուցահանդեսների:
«Սովորաբար նախապես չորացնում եմ ծաղիկների թերթիկները, որպեսզի դրանք իրենց գույնը փոխեն և ստանան անհրաժեշտ գույնը, այնուհետև աշխատում եմ այնպես, ինչպես կաշխատեի ներկով` օգտագործելով, սակայն, ծաղկաթերթիկը»,-անկեղծանում է ժողովրդական վարպետը:
Նունե Խաչատրյանին ծաղիկներ շատ են նվիրում: Նույնիսկ այնպես է ստացվում, որ չի հասցնում իր համար ծաղիկ գնել: «Սովորաբար շրջում եմ նաև տարբեր մարզերով ու հավաքում ծաղիկներ` նոր գործերի համար: Օգտագործում եմ ծաղկի բոլոր թերթիկները»:
Հովհաննես Շարամբեյանի անվան ժողովրդական ստեղծագործության կենտրոնում օրերս բացվեց Նունե Խաչատրյանի անհատական ցուցահանդեսը: «Հայկական տարազներ» խորագիրը կրող անհատական ցուցահանդեսը և «Ծաղկանուն» զարդերի հավաքածուի ցուցահանդես-վաճառքը մեկտեղվել էր մեկ հարկի ներքո:
Միջոցառմանը ներկայացված էին Նունե Խաչատրյանի ծաղկաթերթերով ստեղծված աշխատանքները՝ 32 հայկական տարազ, ինքնադիմանկարներ և թեմատիկ հորինվածքներ: Ժողովրդական վարպետը ներկայացրել էր նաև «Ծաղկանուն» խորագիրը կրող իր զարդերի հավաքածուն:
«Ցուցադրված են չորացրած ծաղկաթերթիկներից պատրաստված իմ աշխատանքները, որտեղ կան նաև երկու ինքնադիմանկարներ, ինչպես նաև որոշ տառեր հայերենի այբուբենից: Ունեմ նաև կավից աշխատանքներ` առավելապես զարդեր : Տարազներն ստեղծելիս տարբեր նյութերից եմ օգտվել`հիմնականում «Հայկական տարազներ» գրքից: Պարզապես չեմ վերցրել և նույնությամբ ստեղծել, ինչ-որ բաներ փոխել եմ, իհարկե, չհեռանալով բնօրինակից, նաև կերպարներ եմ ստեղծել»,- անկեղծանում է Խաչատրյանը:
Զարդերը ևս հիմնականում ծաղիկներ են պատկերում: Թեման ամենուր նույնն է` միայն նյութն է տարբեր:
Ցուցահանդեսին էլ Նունե Խաչատրյանը բազմաթիվ ծաղիկներ ստացավ. դրանք ևս օրեր հետո կվերածվեն յուրօրինակ պատկերների:
Աղբյուր` JNews.am