21-րդ դարում գուցե դժվար է մոգոնել մի բան, որ մեզնից առաջ ոչ մեկ դեռ մոգոնած չլինի, բայց օրեցօր աճող ստարտափերի քանակն այլ բան է վկայում:
Համացանցում «ստարտափ» բառով տեղեկություն որոնողին «Գուգլ» որոնողական համակարգը մատուցում է հազարավոր, եթե ոչ միլիոնավոր հղումներ դեպի տարատեսակ մասնագիտական գրականություն և զանազան նախաձեռնություններ: Այլ կերպ ասած՝ թվում է, թե մտքիդ մի ստարտափ կա, մնում է մի երկու բան կարդալ և իրագործել: Բայց պետք է հիշել, որ ձախողվելու հավանականություն միշտ էլ կա, սակայն պետք է չմոռանալ, որ ձախողվելուց հետո նոր ստարտափ սկսելու հնարավորություն միշտ կա:
Հայաստանում արդեն կան ստարտափի և՛ հաջողված օրինակներ, և՛ բազմաթիվ անհաջող օրինակներ: Այդ մասին վերջերս խոսվեց նաև «Ստարտափ Արմենիա» կազմակերպության կողմից նախաձեռնած քննարկման ժամանակ: Միջոցառման առանցքային թեման հայկական ձեռներեցային էկոհամակարգն էր: Քննարկման ընթացքում հնչեցին հետաքրքիր մտքեր և տրվեցին օգտակար խորհուրդներ, որոնք միավորելով մեկ ուղեցույցի մեջ՝ փոխանցում ենք նրանց, ովքեր իրենց պահոցներում կուտակած գաղափարներ ունեն, բայց վստահ չեն՝ ինչից սկսել:
1. Կոտրե՛նք այն հին կարծրատիպերը, թե իբր գաղափարները քիչ են:
Ամենևին: Գաղափարները շատ են, բայց չկան մասնագիտական կողմնորոշում ունեցող կառույցներ: Անհրաժեշտ է, որ յուրաքանչյուր ստարտափ ներկայացվի կոնկրետ ուղղվածություն ունեցող կառույց՝ «ճիշտ ստարտափ-ճիշտ մենթոր» սկզբունքով:
21-րդ դարում գուցե դժվար է մոգոնել մի բան, որ մեզնից առաջ ոչ մեկ դեռ մոգոնած չլինի, բայց օրեցօր աճող ստարտափերի քանակն այլ բան է վկայում:
Համացանցում «ստարտափ» բառով տեղեկություն որոնողին «Գուգլ» որոնողական համակարգը մատուցում է հազարավոր, եթե ոչ միլիոնավոր հղումներ դեպի տարատեսակ մասնագիտական գրականություն և զանազան նախաձեռնություններ: Այլ կերպ ասած՝ թվում է, թե մտքիդ մի ստարտափ կա, մնում է մի երկու բան կարդալ և իրագործել: Բայց պետք է հիշել, որ ձախողվելու հավանականություն միշտ էլ կա, սակայն պետք է չմոռանալ, որ ձախողվելուց հետո նոր ստարտափ սկսելու հնարավորություն միշտ կա:
Հայաստանում արդեն կան ստարտափի և՛ հաջողված օրինակներ, և՛ բազմաթիվ անհաջող օրինակներ: Այդ մասին վերջերս խոսվեց նաև «Ստարտափ Արմենիա» կազմակերպության կողմից նախաձեռնած քննարկման ժամանակ: Միջոցառման առանցքային թեման հայկական ձեռներեցային էկոհամակարգն էր: Քննարկման ընթացքում հնչեցին հետաքրքիր մտքեր և տրվեցին օգտակար խորհուրդներ, որոնք միավորելով մեկ ուղեցույցի մեջ՝ փոխանցում ենք նրանց, ովքեր իրենց պահոցներում կուտակած գաղափարներ ունեն, բայց վստահ չեն՝ ինչից սկսել:
1. Կոտրե՛նք այն հին կարծրատիպերը, թե իբր գաղափարները քիչ են:
Ամենևին: Գաղափարները շատ են, բայց չկան մասնագիտական կողմնորոշում ունեցող կառույցներ: Անհրաժեշտ է, որ յուրաքանչյուր ստարտափ ներկայացվի կոնկրետ ուղղվածություն ունեցող կառույց՝ «ճիշտ ստարտափ-ճիշտ մենթոր» սկզբունքով:
2. Ճիշտ չէ ձգտել դեպի մաքսիմալը` առանց մինիմալը պատկերացնելու:
Ներկայացրած ծրագրերի բյուջեները սովորաբար չեն ունենում հստակ հիմնավորում ծախսերի վերաբերյալ: Ուստի բյուջեի էֆեկտիվ հաշվարկը ծրագրի չափազանց կարևոր մաս է կազմում:
3. Ծրագրերի գաղափարների մեծ մասը չեն արտացոլում իրական պահանջարկը:
Իսկ գործարարները չեն ուզում «հում» ծրագրերի վրա ժամանակ և ռեսուրսներ վատնել:
4. Միայն հասկանալը քիչ է, պետք է նաև հատուկ վերաբերմունք ունենալ:
Դու պարտավոր ես մտնել ուրիշի` այս դեպքում ապագա գնորդի կաշվի մեջ և հասկանալ՝ արդյոք քո առաջարկածը կօգնի՞ լուծել գնորդի խնդիրը:
5. Նախագիծը պետք է ճիշտ մատուցել:
Նույնիսկ ամենալավ ծրագիրը հնարավոր է ձախողել, եթե չիմանաս՝ ինչպես քեզ ներկայացնես: Երբ քվանտային ֆիզիկայի միջոցով են փորձում ներկայացնել սեփական ծրագիրը, միշտ չէ, որ արդյունքը գոհացնող է լինում:
6. Գումար փնտրել միայն գաղափարի հիման վրա:
Սա դժվար է և դժվար է ոչ միայն Հայաստանում: Միակ առաջարկվող լուծումը փորձնական նմուշ ունենալն է:
7. Ստարտափերի լուսաբանում:
Ամեն օր ավելանում է ստարտափ միջոցառումների մասին պատմող լուսաբանումների քանակը, բայց կա՞ արդյոք գոնե մեկ հարթակ, որը մասնագիտացած է հենց այդ ոլորտում և տեղեկատվությունը հանրությանը ներկայացնում է բարձր մակարդակով:
8. Հարմարավետ և սիրուն գրասենյակներից դուրս գալու կարևորությունը:
Սոցիալական ստարտափի համար անհրաժեշտ է հարցում իրականացնել պատահական անցորդներից, սակայն դա իրականացնելու համար բավական դժվար է նախ համակերպվել այն մտքին, որ դրա համար պետք է գրասենյակից դուրս գալ: Հարմարավետ գոտուց դուրս չգալու պարագայում՝ վտանգ կա, որ երբեք հաջողության չես հասնի:
9. Շատերը ցանկանում են հեծանիվի անիվ հորինել:
Բայց երբ պարզվում է, որ այն արդեն մեկ ուրիշը հորինել է, պնդում են, որ իրենց «անիվը» ուրիշ է: Խնդիրն այն է, որ շատ դեպքերում մարդիկ ոչ թե լուծում են առաջարկում, այլ արդեն առկա լուծումների իրենց տարբերակը: Բայց արդյո՞ք այդ տարբերակը նորություն է:
Պատրաստեց Կալիպսո Բզնունին
Աղբյուր` JNews.am
Սույն հոդվածը պատրաստվել է Հայկական Կարմիր խաչի «Երիտասարդների կայուն զարգացում»ծրագրի շրջանակներում կազմակերպված մեդիա ուսուցում–վարժանքների ընթացքում: