Skip to content

Ինչպես ապահով դարձնել էլփոստի հաշիվը. 5 խորհուրդ

Էլեկտրոնային փոստը կամ սոցցանցերի հաշիվները հաքերային հարձակումների առաջնային թիրախներից են: Ուստի, ցանկացած օգտատեր պետք է տիրապետի այն պարզ կանոններին, որոնց կիրառությունը թույլ կտա ունենալ առավել ապահով հաշիվ և հնարավորինս զերծ կպահի անձնական տվյալների կորստից:  

JNews-ը ներկայացնում է Netmanners.com կայքում հրապարակված 5 խորհուրդ՝ ինչպես ապահով դարձնել ձեր էլեկտրոնային փոստի հաշիվը:

– Ընտրեք բարդ գաղտնաբառեր

Ապահով էլեկտրոնային փոստի հաշիվ ունենալու առաջնային պայմաններից է բարդ գաղտնաբառի ընտրությունը: Պետք չէ որպես գաղտնաբառ օգտագործել ձեր կատվի կամ ամուսնու անունը, ինչպես նաև մականուն. ոչինչ չպետք է ձեր անձը ճանաչելի դարձնի: Փոխարենը խորհուրդ է տրվում ընտրել 8 նիշից բաղկացած գաղտնաբառ, որը կպարունակի տառերի մեծատառ և փոքրատառ տարբերակներ, թվեր և նիշեր: Երբեք ձեր գաղտնաբառերը մի գրեք ուրիշի համար տեսանելի վայրում: Եթե ստիպված եք եղել այս կամ այն պատճառով ձեր գաղտնաբառի մասին տեղյակ պահել այլ անձանց, ապա վերջիններիս կողմից այն օգտագործելուց անմիջապես հետո անհրաժեշտ է ընտրել նորը:  

[[wysiwyg_imageupload:55:]]- Հաճախ մաքրեք նամակների արկղերը

Read More »Ինչպես ապահով դարձնել էլփոստի հաշիվը. 5 խորհուրդ

OGP Initiative Awareness Campaign Continued in Gyumri and Armavir

The Open Government Partnership initiative (OGP) was represented also in Gyumri and Armavir cities on November 14 and 15, 2014 by “Journalists for the Future” NGO (JFF).

The workshops entitled “Open Government Partnership Initiative”, organized with the financial support of the US Embassy in Armenia, were attended by almost 35 representatives of local CSOs.   

Suren Deheryan, JFF president and workshop trainer noted that the OGP regional discussions aim at introducing the representatives of local CSOs the initiative, at listening their comments and proposals on the obligations undertaken by Armenia and informing the stakeholder bodies about them.

[[wysiwyg_imageupload:38:]]“The experience shows that the majority of regional NGOs are not aware of this initiative. Thus, through these discussions we aim to evoke interest among them towards participation in the OGP/Armenia process,” Deheryan states.

The CSO representatives in Gyumri and Armavir got acquainted with the OGP/Armenia first and second Action Plans, the implemented and expected projects on the basis of these plans.

Read More »OGP Initiative Awareness Campaign Continued in Gyumri and Armavir

Վանա կատուները Երևանում

Վանա կատուներն արդեն վեց տարուց ավել է, ինչ բնակվում են Երևանում: Չնայած այն հանգամանքին՝ որ կատուների այս տեսակն արգելվում է դուրս բերել Թուրքիայի սահմաններից՝ Վանա կատուները բնակվում են այլ երկրներում ևս: Սա հետևանք է պատմական իրականության. երբ հայերը վտարվել են իրենց բնակավայրից, վերցնելով իրենց ունեցվածքը կամ պարզապես այն, ինչ կարող էին, տարել են նաև Վանա կատուներին:

Այս կատուներին այժմ կարելի է հանդիպել Ռուսաստանի տարբեր քաղաքներում: Սրանք բնակվում են տերերի բակերում, ունեն սպիտակ գույն, աչքերը՝ պղնձագույն, մուգ կանաչ կամ երկնագույն են: Մազածածկը խիտ է, մեջքի հատվածում՝ կարճ, որովայնի հատվածում՝ երկար, որը լողալուց հետո ամբողջովին ծածկում է կատվի մեջքը՝ չթողնելով որ մրսի: Որձերի մոտ՝ վզի շրջանում, կա օղակաձև մազածածկ: Առջևի թաթերը երկար են, ինչը օգնում է նրանց չթրջվել ջուրը մտնելիս: Սա Վանի կլիմային հարմարվածության հետևանք է: Վանա կատուն ի սկզբանե վայրի է եղել, այդ պատճառով էլ սիրում է թարմ ձուկ:

Read More »Վանա կատուները Երևանում

Վ. Սարոյանի պատմվածքի հիման վրա Մոսկվայում անիմացիոն ֆիլմ է նկարահանվում

«Մոսկվայում՝ մի փոքրիկ սենյակում, մենք փորձում ենք վերստեղծել Հայաստանի «կոնցենտրատը»,- ասում է «Իմ սիրտը» լիամետրաժ անիմացիոն ֆիլմի ռեժիսոր, սցենարի հեղինակ ու բեմադրող նկարիչ Իլյա Յուդովիչը:

Պլաստիլինե տիկնիկներով այս ֆիլմը հիմնված է Վիլյամ Սարոյանի «Գեղեցիկ սպիտակ ձիու ամառը» պատմվածքի վրա: Այն պատմում է 20-րդ դարի սկզբին ապրող հայ տարագիրների ընտանիքից սերող  9 և 14 տարեկան երկու տղայի մասին: Նրանք երազում են ձի հեծնել սովորել, սակայն ձի չունեն: Իսկ հարևան ագարակատերն ունի: Մի առավոտ էլ ձին հայտնվում է ինքն իրեն, ինչպես մի բան, որ չի կարող լինել, բայց շատ ես ուզում, որ լինի:

«Այս ֆիլմը մեզ համար նույնպես մի սպիտակ ձի է, որը մենք գողացել ենք», – ասում է Իլյա Յուդովիչը: Նա և ֆիլմի[[wysiwyg_imageupload:16:]]
պրոդյուսեր Վլադիմիր Լապինը ֆիլմի նկարահանված աշխատանքային նյութը ներկայացրել են «ՌեԱնիմանիա» Երևանի միջազգային անիմացիոն փառատոնի՝ «Ընթացիկ նախագծեր» ծրագրի շրջանակում: Ֆիլմի վրա թիմն աշխատում է 5 տարի, արդեն նկարվել է ֆիլմի 50 %-ը (մոտ 30 րոպե): Իլյա Յուդովիչն ասում է, որ ֆիլմի կեսը նկարելու համար անհրաժեշտ էր միայն 2,5 տարի, մյուս 2,5 տարին հեղինակները միջոցներ էին փնտրում ֆիլմը նկարելու համար: Իլյան և Վլադիմիրը նախատեսում են «Իմ սիրտը» լիամետրաժ անիմացիոն ֆիլմն ավարտել 2015-ին՝ Հայոց ցեղասպանության 100-րդ տարելիցին ընդառաջ: Նրանք ակնկալում են համախոհներ և գործընկերներ գտնել Հայաստանում:

Read More »Վ. Սարոյանի պատմվածքի հիման վրա Մոսկվայում անիմացիոն ֆիլմ է նկարահանվում

Գնահատակա՞ն, թե՞ գիտելիք

Տարրական դասարանների ուսուցչուհի Ելենա Մարտիրոսյանին և ռուսաց լեզվի ուսուցչուհի Գոհար Սարդարյանին հանդիպեցինք Մուշեղ Իշխանի անվան թիվ հինգ հիմնական դպրոցում: Թեև արդեն կեսօրն անց էր՝ դպրոցն ամբողջովին դատարկված չէր: Պարզվեց, որ աշակերտներից շատերը դասերից հետո մնում են հավելյալ պարապմունքների: Ե. Մարտիրոսյանն ասաց, որ աշխատանքը վերջացնում է ուշ երեկոյան, քանի որ ստիպված աշխատում է նաև որպես կրկնուսույց: Ոմանց հետ պարապում է դպրոցում, իսկ որոշ աշակերտներ էլ նրան տանն են ընդունում:

Այսօր դպրոցականների մեծ մասը հաճախում է դպրոց, բայց սովորում է կրկնուսույցների մոտ: Թե ինչու է այսպիսի իրավիճակ տիրում մեր կրթական համակարգում՝ փորձեցինք ճշտել՝ խոսելով և՛ ծնողների, և՛ ուսուցիչների, և՛ աշակերտների հետ: Կարծիքները տարբերվող էին, բայց առանցքը նույնն էր՝ ամեն ինչ գալիս է վերևից և հասարակության կարծրատիպային մտածելակերպից, ուսուցիչները բավականաչափ չեն վարձատրվում, դպրոցներում էլ այն թյուր կարծիքը կա, թե երեխան ի վիճակի չէ ինքնուրույն պարապել:

Read More »Գնահատակա՞ն, թե՞ գիտելիք

Վնասված արձաններն ու անտեղյակ պահապանները

Ազգի երկու նվիրյալները՝ Հովհաննես Թումանյանն ու Ալեքսանդր Սպենդիարյանը, վաղուց Ազատության հրապարակում իրենց բազկաթոռների վրա հանգիստ նստած փորձում են դիմակայել անհանգիստ կյանքին: Սակայն մեր որոշ քաղաքացիներ նրանց «նեղացնում են»: Անհայտ «հերոսները» լատինատառ գրություն էին թողել Սպենդարյանի արձանի պատվանդանի վրա ու մնացել անպատիժ: Շաբաթներ շարունակ գրությունը չէր անհետանում պատվանդանից և միայն Էրեբունի-Երևանի տոնի կապակցությամբ վերջապես մաքրվեց, բայց մաքրվեց ոչ ամբողջությամբ՝ գրության հետքերը դեռ պարզ երևում են:

Ի դեպ, այս արձանի վրա գրություններ առաջին անգամը չէ, որ հայտնվում են: Սպենդարյանի արձանի պատվանդանից անպակաս են լատինատառ գրությունները, որոնք ամեն անգամ յուրովի թարմացվում են, իսկ Թումանյանի արձանի պատվանդանի քարերի մի մասն ամիսներ շարունակ տեղում չէ: Պատվանդանի վերին հարթակը եզրագծող քարերի կեսն իրականում չի պակասում, պարզապես դրանք իրենց տեղում չեն: Օպերայում աշխատող պահակներից մեկը մեզ հայտնեց, որ քարերն այժմ դրված են արձանի ոտքերի մոտ: Ամիսներ են անցել այն օրից, երբ քարերը թափված են եղել գետնին․ պահակները, վտանգելով իրենց կյանքը, բարձրացել են աստիճանի վրա և քարերը դրել պատվանդանի վրա, որից հետո ահազանգել են տարբեր պաշտնյաների ու մինչև օրս սպասում են նրանց գալուն:

Read More »Վնասված արձաններն ու անտեղյակ պահապանները

«Մոտ եկեք». հասարակությանը և արվեստագետներին մոտեցնելու նոր ձևաչափ

Յուրաքանչուր ոք արվեստը պատկերացնում և զգում է յուրովի: Սակայն, երբ մոտենում են պատկերացումներն ու զգացմունքները մեկ կետի, ստացվում է գլուխգործոց: Եթե դուք ուզում եք ստեղծել գլուխգործոց, մոտ եկեք:

Հոկտեմբերի 7-ին Երևանի Ժամանակակից արվեստի թանգարանում տեղի ունեցավ «Մոտ եկեք» (Come closer) ինտերակտիվ ցուցահանդեսը, որի մտահղացման հեղինակներն են ֆրանսիահայ արվեստագետ Էդմոն Յաբեթեանը և շվեցարահայ Ալինա Մնացականեանը: Երկու արվեստագետներին ոգեշնչել էր մեկ գաղափար` ստեղծել հասարակությանը և արվեստագետներին մոտեցնելու նոր ձևաչափ: Ցուցահանդեսում ներկայացված են ինստալացիաներ, պերֆորմանսներ, կտավներ, ֆոտոնկարներ  և  տեղում ստեղծվող համատեղ նախագծեր:

Նախքան վերջնական արդյունքի հասնելը Էդմոն Յաբեթեանը մտածում էր ներկայացնել պերֆորմանս, որտեղ երկու անձ շարժումների միջոցով կստեղծեին հաղորդակցման կապ: Սակայն Ալինա Մնացականեանի առաջարկով պերֆորմանսը վերածվեց ավելի մեծ նախագծի:

«Ես հասկացա, որ երկու հոգով այդքան էլ հետաքրքիր չի լինի ինտերակտիվ պերֆորմանս անել և լայնացրի մտահղացման շրջանակը»,- ասում է Ալինա Մնացականեանը:

Read More »«Մոտ եկեք». հասարակությանը և արվեստագետներին մոտեցնելու նոր ձևաչափ

Բայթ, բայթ, էքսաբայթ

Ամեն օր աշխարհում ստեղծվում է 2.5 էքսաբայթ ինֆորմացիա: Ի՞նչ է էքսաբայթը. այն ինֆորմացիայի քանակի չափման միավոր է, որ հավասար է 1018 բայթի: Սրա հզորությունը պատկերացնելու համար ասենք, որ ժամանակակից աշխարհում գերհզոր համակարգիչներն ունեն 1տբ հիշողություն, այնինչ  1էբ = 1.000.000տբ-ի: Սա նույնն է, ինչ օրական 2.5 մլն այդպիսի գերհզոր համակարգիչներ արտադրվեն:

Ամեն օր 2.5 էքսաբայթ ինֆորմացիայի ստեղծումը հավասարազոր է նրան, որ երկրի վրա մեկ մարդուն օրական տրվի 1 CD սկավառակ՝ 520 MB պարունակությամբ: Եթե բոլորի մեկական սկավառակները 5 օր շարունակ իրար վրա շարենք, ապա այդ շարքը Երկրից կձգվի մինչև Լուսին: Օրական ստեղծվող 2.5 էքսաբայթը նաև նույնն է, ինչ  աշխարհի երեսին երբևէ տպված բոլոր գրքերը 46.5 հազար անգամ տպվեն ամեն օր:

Թե մարդիկ ինչքանով են այս հսկայածավալ ինֆորմացիան հասցնում յուրացնել՝ դժվար է ասել: Ոչ ոք չի կարող հաշվել, թե մարդն օրական ինչքան ինֆորմացիա կարող է կլանել: Մենք ինչ-որ մեկի հետ զրուցելիս, ինչ-որ բան կարդալիս կամ անելիս կենտրոնանում ենք մի երևույթի վրա, սակայն  իրականում այդ ֆոնի վրա կան շատ այլ տեսակի ինֆորմացիաներ: Օրինակ, ինչպես հաշվել, թե զրուցելիս շրջապատի աղմուկը, նշանները կամ լվացվելիս ջրի կաթիլներն ինչ ինֆորմացիա են փոխանցում մեզ:

Read More »Բայթ, բայթ, էքսաբայթ

Լրագրողական կազմակերպությունները դատապարտում են ՀՔԾ-ի`լրագրողների դեմ բռնության դեպքերը կոծկելու գործելաոճը

Լրագրողական կազմակերպությունները հայտարարություն են տարածել սեպտեմբերի 9-ին Ազգային ժողովի մոտ «Ա1+» հեռուստաընկերության լրագրողի նկատմամբ ֆիզիկական բռնություն գործադրելու և ավելի վաղ` հունիսի 24-ին ոստիկանների կողմից «Չորրորդ իշխանություն» թերթի լրագրող Անի Գևորգյանի նկատմամբ ֆիզիկական բռնություն կիրառելու փաստերին Հատուկ քննչական ծառայության ցուցաբերած վերաբերմունքի մասին։ Ստորև ներկայացվում է ամբողջական հայտարարությունը.

«Սեպտեմբերի 25-ին հայտնի դարձավ, որ ՀՀ Հատուկ քննչական ծառայությունը հանցակազմի բացակայության հիմնավորմամբ որոշել է մերժել քրեական գործի հարուցումը Ազգային ժողովի մուտքի մոտ սեպտեմբերի 9-ին տեղի ունեցած միջադեպի առիթով, երբ խորհրդարանի անվտանգության ծառայության ղեկավարը խոչընդոտել էր «Ա1+» հեռուստաընկերության թղթակից Մարինե Խաչատրյանի մասնագիտական գործունեությունը։ Իսկ ավելի վաղ, հունիսի 24-ին, ՀՔԾ-ն կարճեց քրեական գործը՝ կապված ոստիկանների կողմից «Չորրորդ իշխանություն» թերթի լրագրող Անի Գևորգյանի նկատմամբ ֆիզիկական բռնություն կիրառելու հետ։ Փաստերի այս տրամաբանությունը թույլ է տալիս ենթադրել, որ ամենայն հավանականությամբ անհետևանք կմնան նաև սեպտեմբերի 19-ին տեղի ունեցած՝ Ղազախստանի հայ համայնքի «Նաիրի» ընկերակցության ղեկավար Արտյուշա Կարապետյանի և նրան ուղեկցողների բռնարարքները «Հայկական ժամանակ» օրաթերթի թղթակից Թագուհի Հովհաննիսյանի նկատմամբ։

Read More »Լրագրողական կազմակերպությունները դատապարտում են ՀՔԾ-ի`լրագրողների դեմ բռնության դեպքերը կոծկելու գործելաոճը

«Լրագրողական գործունեությանը խոչընդոտելը քրեորեն պատժելի արարք է». լրագրողական ՀԿ-ների հայտարարությունը

Լրագրողական կազմակերպությունները հայտարարություն են տարածել «Հայկական ժամանակ» օրաթերթի թղթակցի մասնագիտական գործունեությունը խոչընդոտելու դեպքի առնչությամբ: Հայտարարության մեջ մասնավորապես նշված է.

«Սեպտեմբերի 19-ին Երևանի Ալ. Սպենդիարյանի անվան օպերայի և բալետի թատրոնում, ուր ընթանում էր «Հայաստան-Սփյուռք» համաժողովը, ապա նաև թատրոնին հարող տարածքում խոչընդոտվել է «Հայկական ժամանակ» օրաթերթի թղթակից Թագուհի Հովհաննիսյանի մասնագիտական գործունեությունը: Ղազախստանի հայկական համայնքի «Նաիրի» ընկերակցության ղեկավար Արտյուշա Կարապետյանը, որին լրագրողը մոտեցել է իրեն հետաքրքրող հարցերի պատասխանները ստանալու ակնկալիքով, քաշքշել է նրան, խլել ձայնագրիչը և շպրտել, ապա հրահանգել իրեն ուղեկցող անձանց՝ «սրան ստեղից կորցրեք»:

Քիչ ուշ, արդեն Կարապի լճի մոտ, «ՀԺ» թղթակիցը փորձել է հեռախոսով նկարել Արտյուշա Կարապետյանին, սակայն վերջինիս ուղեկցողները խլել են հեռախոսը և սպառնացել այն նետել ջուրը: Նրանցից մեկը ջնջել է նկարահանածը և վերադարձրել հեռախոսը:

Մենք՝ ներքոստորագրյալներս, ողջունելով համաժողովի կազմակերպիչների դատապարտող գնահատականները կատարվածին, այնուամենայնիվ հերթական անգամ հարկ ենք համարում նշել, որ լրագրողական գործունեությանը խոչընդոտելը քրեորեն պատժելի արարք է, և դրան պետք է հետևի իրավապահ մարմինների համարժեք արձագանքը։

Read More »«Լրագրողական գործունեությանը խոչընդոտելը քրեորեն պատժելի արարք է». լրագրողական ՀԿ-ների հայտարարությունը