Յուրաքանչուր ոք արվեստը պատկերացնում և զգում է յուրովի: Սակայն, երբ մոտենում են պատկերացումներն ու զգացմունքները մեկ կետի, ստացվում է գլուխգործոց: Եթե դուք ուզում եք ստեղծել գլուխգործոց, մոտ եկեք:
Հոկտեմբերի 7-ին Երևանի Ժամանակակից արվեստի թանգարանում տեղի ունեցավ «Մոտ եկեք» (Come closer) ինտերակտիվ ցուցահանդեսը, որի մտահղացման հեղինակներն են ֆրանսիահայ արվեստագետ Էդմոն Յաբեթեանը և շվեցարահայ Ալինա Մնացականեանը: Երկու արվեստագետներին ոգեշնչել էր մեկ գաղափար` ստեղծել հասարակությանը և արվեստագետներին մոտեցնելու նոր ձևաչափ: Ցուցահանդեսում ներկայացված են ինստալացիաներ, պերֆորմանսներ, կտավներ, ֆոտոնկարներ և տեղում ստեղծվող համատեղ նախագծեր:
Նախքան վերջնական արդյունքի հասնելը Էդմոն Յաբեթեանը մտածում էր ներկայացնել պերֆորմանս, որտեղ երկու անձ շարժումների միջոցով կստեղծեին հաղորդակցման կապ: Սակայն Ալինա Մնացականեանի առաջարկով պերֆորմանսը վերածվեց ավելի մեծ նախագծի:
«Ես հասկացա, որ երկու հոգով այդքան էլ հետաքրքիր չի լինի ինտերակտիվ պերֆորմանս անել և լայնացրի մտահղացման շրջանակը»,- ասում է Ալինա Մնացականեանը:
Յուրաքանչուր ոք արվեստը պատկերացնում և զգում է յուրովի: Սակայն, երբ մոտենում են պատկերացումներն ու զգացմունքները մեկ կետի, ստացվում է գլուխգործոց: Եթե դուք ուզում եք ստեղծել գլուխգործոց, մոտ եկեք:
Հոկտեմբերի 7-ին Երևանի Ժամանակակից արվեստի թանգարանում տեղի ունեցավ «Մոտ եկեք» (Come closer) ինտերակտիվ ցուցահանդեսը, որի մտահղացման հեղինակներն են ֆրանսիահայ արվեստագետ Էդմոն Յաբեթեանը և շվեցարահայ Ալինա Մնացականեանը: Երկու արվեստագետներին ոգեշնչել էր մեկ գաղափար` ստեղծել հասարակությանը և արվեստագետներին մոտեցնելու նոր ձևաչափ: Ցուցահանդեսում ներկայացված են ինստալացիաներ, պերֆորմանսներ, կտավներ, ֆոտոնկարներ և տեղում ստեղծվող համատեղ նախագծեր:
Նախքան վերջնական արդյունքի հասնելը Էդմոն Յաբեթեանը մտածում էր ներկայացնել պերֆորմանս, որտեղ երկու անձ շարժումների միջոցով կստեղծեին հաղորդակցման կապ: Սակայն Ալինա Մնացականեանի առաջարկով պերֆորմանսը վերածվեց ավելի մեծ նախագծի:
«Ես հասկացա, որ երկու հոգով այդքան էլ հետաքրքիր չի լինի ինտերակտիվ պերֆորմանս անել և լայնացրի մտահղացման շրջանակը»,- ասում է Ալինա Մնացականեանը:
«Մոտ եկեք» ինտերակտիվ պերֆորմանսում ներառված են շվեյցարացի տարբեր արվեստագետների գործեր, որոնք ներկայացնում են մեկը մյուսի հետ սերտորեն կապված աշխատանքներ: Ինտերակտիվության շնորհիվ մարդիկ ազատ են ստեղծել կամ հորինել հաղորդակցության տարբեր տեսակներ ցանկացած միջոցներով, որ կարող են պատկերացնել` հնչյուն, երաժշտություն, շարժում, բառեր, երգ, լռություն և այլն :
«Մենք առաջարկում ենք մարդկանց իրար մոտենալ, չվախենալ միմյանցից, միևնույն ժամանակ մոտենալ նաև արվեստին և արվեստագետներին»,- ասում է Ալինա Մնացականեանը:
«Մոտ եկեք»-ը շրջիկ ցուցահանդես է, որը հյուրընկալվելու է այլ երկրներում ` նպատակ ունենալով ստեղծել կապ տեղի համայնքների հետ՝ արվեստագետների միջոցով: 2015-2017 թվականներին այն ներկայացվելու է Շվեյցարիայում, որտեղ իրենց գործերը կներկայացնեն նաև հայ արվեստագետներ:
Ցուցահանդեսին աջակցել են Երևանի Արվեստի դպրոցի սաները, որոնք հոկտեմբերի 10-ին նույն ցուցասրահում ներկայացնելու են իրենց աշխատանքները` նկարների, պերֆորմանսների և տեսանյութերի տեսքով: Սաների մասնակցությունը կարևոր է, քանի որ նրանք ևս կապող օղակ են հանդիսանում հայաստանյան և արտերկրի արվեստի ստեղծման միջև:
«Այն, ինչ մենք ներկայացնում ենք, հետաքրքրական է, նորություն: Մարդիկ այլ անկյունից են նայում խնդիրներին, երբ իրենք ևս մասնակցում են արվեստի ցուցադրմանը»,- ասաց Ալինա Մնացականեանը:
Ցուցահանդեսը կտևի մինչև հոկտեմբերի 26-ը:
Նկարները՝ հեղինակի
Աղբյուր՝ JNews.am