«Շահրվանդ-է Էմրուզ» («Այսօրվա քաղաքացի») շաբաթաթերթը հայտնել է Իրանի Մարդու իրավունքների պաշտպանության միջազգային կազմակերպությանը, որ սեպտեմբերի 5-ի համարը արգելել են տպագրել: Համաձայն ուղարկված նամակի՝ պատճառը Իրանի մամուլի մասին օրենքի վեցերորդ հոդվածի խախտումն է:

Աղբյուրը հայտնել է կազմակերպությանը, որ «հավանաբար արգելքի հիմնական պատճառը շապիկի լուսանկարն է եղել»: Համաձայն աղբյուրի՝ այդ համարի շապիկին տպագրված էր կոլաժ նախագահ Մահմուդ Ահմադինեջադի լուսանկարով: Ըստ Մամուլի մասին օրենքի վեցերորդ հոդվածի՝ արգելվում է «պաշտոնյաների, հաստատությունների, կազմակերպությունների և անհատների մասին զրպարտանք տպագրել կամ վիրավորել պաշտոնատար անձանց նույնիսկ լուսանկարների և ծաղրանկարների միջոցով»:

Աղբյուր: Iran Human Rights

Read More »Իրան. Ռեֆորմիստական շաբաթաթերթին արգելել են լույս տեսնել

Ըստ Human Rights Center ՀԿ-ի տվյալների՝ Ախալգորիի անցագրային կետում վրացական ոստիկանությունը ստուգել է «Ռեզոնանս» թերթի լրագրող Մարի Օթարաշվիլիի նոութբուքը:

«Ոստիկաններից մեկը հարցրեց, թե ինչ ունեմ պայուսակումս: Ես չթաքցրի, որ այնտեղ նոութբուք է: Նրանք խնդրեցին միացնել այն և ցույց տալ այն ամենն ինչ կա դրա մեջ: Սկզբում ես հրաժարվեցի, այնուհետև համաձայնեցի: Միացրի նոութբուքը: Այնտեղ ունեմ «Գրաված տարածքների օրենք» և «Մարտավարություն» (որը վերաբերում է գրաված տարածքների մարտավարութանը) վերնագրերով ֆայլեր»:

«Այդ նյութերը հաճախ եմ օգտագործում հոդվածներ գրելիս: Ոստիկանները հատկապես հետաքրքրվեցին «Մարտավարություն» ֆայլով և ինձ ասացին բացել այն: Ես բացեցի և սկսեցի բացատրել, որ սա Վերաինտեգրման նախարարության կայքից վերցված ֆայլ է: Նրանք մեծ հետաքրքրությամբ կարդացին «Մարտավարությունը» և ասացին ինձ ցույց տալ բոլոր նկարները: Ես հրաժարվեցի, քանի որ դրանք իմ անձնական նկարներն էին և այն լուսանկերները, որոնք օգտագործում եմ հոդվածների մեջ, բայց վերջիվերջո համաձայնեցի: Նրանք գտան Օսեթիայի անջատողականների առաջնորդի տեղակալ Մերաբ Չիգոևի լուսանկարը և շատ հարցեր տվեցին այդ նկարի մասին»:

Read More »Վրացական ոստիկանությունը ստուգում է «Ռեզոնանսի» լրագրողի նոութբուքը

Իրանական իշխանությունները երկու ամսով արգելել են տպագրել Ռուզեգար (Ժամանակներ) ռեֆորմիստական օրաթերթը հակառեժիմյան «պրոպագանդա» տարածելու և «պետական գաղտնիքներ» տպագրելու համար: Այս մասին հայտարարել է Թեհրանի դատախազությունը երկուշաբթի օրը:

«Ռուզեգար օրաթերթը չի տպագրվի երկու ամիս. որոշումն ուժի մեջ է մտել նույն օրվանից», – դատախազության խոսքերն է մեջբերում ISNA լրատվական գործակալությունը:

«Թերթը մեղադրվում է ռեժիմի դեմ պրոպագանդա տարածելու և պետական գաղտնիքներ տարածելու մեջ», – ասվում է հայտարարության մեջ առանց մանրամասնությունների:

Առաջին անգամ Ռուզեգարը հայտնվեց կրպակներում 2010 թվականի փետրվարի 3-ին՝ միանալով այն մի քանի ռեֆորմիստական թերթերին, որոնք փորձում են գոյատևել իսլամական հանրապետության` մամուլի դեմ վարած քաղաքականության պայմաններում:

Աղբյուր: Google.com

Read More »Իրանական ռեֆորմիստական օրաթերթը չի տպագրվի երկու ամիս

Read More »TurkGuvenligi հաքերների խմբավորումը հարձակվել է առաջատար կայքերի վրա

Ազատություն ռադիոկայանի ադրբեջանցի թղթակցին Իրանի տարածքով դուրս են հանել Նախիջևանից: Լրագրողը հետաքննում էր Թեհրանի օգտին լրտեսության մեջ մեղադրվող մարդու սպանության դեպքը: Այս մասին հաղորդում է Ազատություն ռադիոկայանի ադրբեջանական ծառայությունը: 

Յաֆեզ Հասանովը մեկնել էր Նախիջևան օգոստոսի 30-ին Թուրաք Զեյնալովի ընտանիքի հետ հարցազրույց անելու համար: Զեյնալովին անցյալ շաբաթ գտել էին մահացած Ազգային անվտանգության նախարարության տարածքում: Զեյնալովի ընտանիքն ասում է, որ նրան մեղադրում էին Իրանի օգտին լրտեսության մեջ:

Հասանովը պատմել է Ազատություն ռադիոկայանին, որ օգոստոսի 31-ին երեք տղամարդ ազգային անվտանգության ծառայության մեքենայով կանգնեցրել են նրան փողոցում և պարտադրել են նստել մեքենան:

«Երբ ես հարցրեցի, թե ովքեր են, նրանք ինձ ոչինչ չասացին: Նրանք ստիպեցին ինձ նստել մեքենան, վերցրին անձնագիրս և պահանջեցին անջատել բջջային հեռախոսս», – պատմում է նա:

Հասանովն ասում է, որ նրանք պահանջել են չգրել Զեյնալովի գործի մասին, քանի որ նա «դավաճան» էր:
 
Լրագրողի խոսքերով՝ նրան տարել են սահմանի մոտ և ասել են վերադառնալ Բաքու Իրանով՝ զգուշացնելով չվերադառնալ Նախիջևան, այլապես «նրա վրա էժան չի նստի»: Հասանովը Իրանում տաքսի է նստել և սեպտեմբերի 1-ին վերադաձել Բաքու:

Ազատություն ռադիոկայանը Իրանում համարվում է ապօրինի կազմակերպություն:

Read More »Ազատություն ռադիոկայանի ադրբեջանցի թղթակցին դուրս են հանել Նախիջևանից

Իրանի կառավարությունը ներում է շնորհել 100 քաղաքական բանտարկյալի՝ այդպիսով փորձելով մեղմել ընդդիմության հետ հարաբերությունները և նվազեցնել լարվածությունը խորհրդարանական ընտրություններից յոթ ամիս առաջ:

Իրանի հոգևոր առաջնորդ Այաթոլլահ Ալի Խամենեին դատական մարմնի գլուխ Սադեք Լարիջանի խորհրդով հրամայել է ազատ արձակել մի շարք բանտարկյալների` նշելու սուրբ Ռամադանը:

Համաներումը Իրանի կառավարության վերջին փորձն է հանդարտեցնելու երկրի լարված քաղաքական մթնոլորտը 2012-ի մարտին տեղի ունենալիք խորհրդարանական ընտրությունների նախաշեմին: Իշխանությունները վերջին շրջանում որոշակի ազատություն են տվել ընդդիմադիր թերթերին և ավելի համբերատար են դարձել քննադատությունների նկատմամբ:

Աղբյուր: The Guardian

Read More »Իրանն ազատ է արձակում 100 քաղաքական բանտարկյալի

Ըստ Թուրքիայի Արդարադատության նախարարության՝ խոսքի ազատությունը Թուրքիայում չի սահմանափակվում, և ձերբակալված 63 լրագրողներից միայն 4-ն են բանտարկված իրենց հրապարակումների համար: Հանրային հեռուստատեսության թղթակից Թուրան Օզլուն անցյալ շաբաթ դարձավ 64-րդ ձերբակալված լրագրողը:

Թուրքիայի լրագրողների միության խնդրանքով նախարարությունը կատարել է հետազոտություն, ըստ որի 63 ձերբակալված լրագրողներից 18-ը դատապարտվել են: Լրագրողների միությունը 72 հոգու ցուցակ էր ներկայացրել նախարարությանը՝ խնդրելով, տեղեկություն տրամադրել այդ մարդկանց մասին: Միության նախագահ Էրքան Իփեկչին հայտնել է Bianet կայքին, որ թվերի տարբերությունը շտկվել է տվյալների համեմատումից հետո:

Նախարարությունը հայտարարել է, որ այն փաստարկը, ըստ որի «Թուրքիայում մամուլի ազատությունը սահմանափակվում է», իրականությանը չի համապատասխանում:

Նախարարության հայտարարության մեջ ասվում է. «Թուրքիայի լրագրողների միությունը 72 հոգու ցուցակ էր ներկայացրել, ովքեր ըստ միության ձերբակալված կամ դատապարտված են: Նրանցից երեքի մասին ոչ մի բանտում տեղեկություններ չկան, իսկ վեցը ազատ են արձակվել: 63 մարդ գտնվում է բանտում: Նրանցից 36-ի նկատմամբ սկսվել են դատական գործընթացներ, որոնցից 18-ն արդեն դատապարտվել են: 27 հոգու գործով հետաքննություն է վարվում: Ձերբակալված 63 հոգուց 18-ը մամուլի քարտ ունեն, մնացածը՝ ոչ»:

Read More »Թուրքիա. «Լրագրողները իրենց գրածների համար չեն ձերբակալվել»

Մինչև 2012 թվականի հունվար ամիսը Ադրբեջանի բնակչության 85 տոկոսը հնարավորություն կունենա դիտելու թվային հեռուստատեսություն: Այս մասին հայտնել է Կապի և տեղեկատվական տեխնոլոգիաների նախարարի տեղակալ Էլմիր Վելիզադեն իշխող «Նոր Ադրբեջան» կուսակցության պաշտոնական կայքին տված հարցազրույցում:

Նրա խոսքերով՝ բնակչությունը հնարավորություն կստանա դիտել 10 հեռուստաալիքից բաղկացած հանրային հեռուստատեսության փաթեթ և ապագայում նաև՝ կոմերցիոն փաթեթ, որը կպարունակի 50-60 հեռուստաալիք:

Ներկայումս թվային հեռուստատեսությունը սփռվում է Բաքվում, Գյանջայում, Շիրվանում, Լերիկում, Լանքարանում և դրանց շրջակա տարածքներում: Անալոգային հեռարձակումը կդադարի, երբ թվային հեռուստատեսության ազդանշանը հասանելի լինի հանրապետության ամբողջ տարածքում:

Աղբյուր: Trend.az

Read More »Մինչև 2012 թ-ը Ադրբեջանի բնակչության 85%-ը կունենա թվային հեռուստատեսություն