Skip to content

Ադրբեջան. «Ազադլիք» թերթի կայքը կրկին կոտրել են

«Ազադլիք» թերթը հայտարարություն է տարածել՝ կապված իր կայքի վրա շարունակական հարձակումների հետ: Հայտարարության մեջ նշվում է, որ անցած երկու տարվա ընթացքում azadliq.az կայքը մի քանի անգամ կոտրվել է, ինչից հետո նրանք ստիպված են եղել նոր կայք ստեղծել՝ azadliq.info: Այս կայքը բացվել է տարվա սկզբին, սակայն կրկին ենթարկվել է շարունակական հարձակումների:

Հայտարարության հեղինակները համոզված են, որ հարձակումների պատաճառը թերթի քննադատական հրապարակումներն են կառավարության վարած արտաքին և ներքին քաղաքականության վերաբերյալ: Կայքերի վրա իրականացված հարձակումը քաղաքական պատվեր է և գաղտնի ծառայությունների ձեռքի գործը:

Սեպտեմբերի 5-ին ժամը 22:00-ին կատարված հարձակման հետևանքով կայքն արգելափակվել է: Ներկայումս միջոցներ են ձեռնարկվում կայքը վերականգնելու համար:

Երկրի նախագահը միշտ հայտարարում է միջացգային հասարակության առջև, որ ադրբեջանական ինտերնետն ազատ է: Սակայն ներկա իրավիճակը ցույց է տալիս, որ դրանք պարզապես խոսքեր են:

Աղբյուր: Contact.az

Read More »Ադրբեջան. «Ազադլիք» թերթի կայքը կրկին կոտրել են

Հայազգի ֆոտոլրագրողը Բաքվի օդանավակայանից հետ է ուղարկվել. հուզվել էր նաև «Ա1+»-ի լրագրողը

Ադրբեջանական «Կոնտակտ» ինտերնետային ռեսուրսը հաղորդագրություն տարածելով այն մասին, որ այսօր Բաքվի օդանավակայանում ձերբակալվել է «Bloomberg» ամերիկյան գործակալության ֆոտոլրագրող Դիանա Մարկոսյանը, տեղադրել էր մեկ այլ Դիանա Մարկոսյանի լուսանկար: Զուգադիպությունը ոչ միայն անվան և ազգանվան մեջ էր, այլ նաև մասնագիտության:

Բայց նրանց միջև տարբերություն էլ կա:

Ըստ «Կոնտակտ»-ի, Բաքվի օդանավակայանում ձերբակալված Դիանա Մարկոսյանը միաժամանակ ԱՄՆ և Ռուսաստանի քաղաքացի է և Բաքու էր ժամանել իր ռուսական անձնագրով:

Մինչդեռ լուսանկարում Հայաստանի քաղաքացի Դիանա Մարկոսյանն էր և «Ա1+» լրատվական կայքի լրագրողը, ով Երևանում է և այժմ ստիպված է անընդմեջ պատասխանել հարազատների և գործընկերների հեռախոսազանգերին` տեղեկացնելու, որ իր հետ ամեն բան կարգին է, իսկ պատահածը պարզապես թյուրիմացություն է:

Թյուրիմացությո՞ւն է, թե՞ Ադրբեջանի սահմանապահներն իրոք «Bloomberg»-ի ֆոտոլրագրողին դիմավորել են այն համոզմունքով, որ իրականում ոմն Դիանա Մարկոսյանը «Ա1+»-ի լրագրողն է, կարելի է միայն ենթադրել:

Read More »Հայազգի ֆոտոլրագրողը Բաքվի օդանավակայանից հետ է ուղարկվել. հուզվել էր նաև «Ա1+»-ի լրագրողը

Ադրբեջանը կալանավորում է ժողովրդավարության ակտիվիստներին

Ադրբեջանում ձերբակալվել են ժողովրդավարական հինգ ակտիվիստներ, որոնք փորձում էին բողոքի համազգային օր կազմակերպել Facebook սոցիալական կայքի միջոցով: Այդ մասին երեկ հայտարարել է Ադրբեջանի ընդդիմությունը:

Ակտիվիստներին ձերբակալեցին այն բանից հետո, երբ Facebook-ում բացվեց «Ադրբեջանի մեծ մարդկանց օր» կոչվող սոցիալական էջը, որի նպատակը մարտի 11-ին երկրում արաբական աշխարհում տեղի ունեցող հեղափոխական տրամադրությունների տարածումն է: Սակայն ձերբակալելով հինգ առաջատար ակտիվիստների`իշխանությունները հասկացրել են, որ չեն հանդուրժի բողոքի նման ակցիաներ: Ըստ ընդդիմության, ձերբակալված ակտիվիստներին շինծու մեղադրանքներ են ներկայացված:

«Իշխանությունները ապօրինի միջոցներ են օգտագործում` ճնշելու ընդդիմությանը», – հայտարարել է ընդդիմադիր Մուսավաթ կուսակցության առաջնորդ Իսա Գամբարը (Isa Gambar):

Նա ասել է, որ հինգ ակտիվիստներին ձերբակալել են «խուլիգանության ծիծաղելի մեղադրանքով»՝ իբր հասարակական վայրում հեռախոսով բարձրաձայն խոսելու համար:

Amnesty International կազմակերպությունը կոչ է արել Ադրբեջանի կառավարությանը «վերջ տալ այս ամենին և թույլատրել ակտիվիստներին խաղաղ ցույցեր կազմակերպել»:

Source: http://www.thepeninsulaqatar.com


Read More »Ադրբեջանը կալանավորում է ժողովրդավարության ակտիվիստներին

Բաքվի հրապարակի անվտանգության աշխատակիցները ճնշում են գործադրել լրագրողների վրա

Արտակարգ իրավիճակների նախարարության ներկայացուցիչները և «Ազէներժի» կազմակերպության աշխատակիցները, որոնք ապահովում են Դրոշի հրապարակի անվտանգությունը, բարոյական ճնշում են գործադրել մի խումբ լրագրողների վրա, ովքեր փորձում էին պարզել դրոշի իջեցման պատճառները: Անվտանգության աշխատակիցները հրաժարվում են պատասխանել, թե ինչու են իջեցրել դրոշը, և կոպտորեն փորձում են դուրս հանել լրագրողներին հրապարակից: «Սա կառավարական օբյեկտ է և այստեղ չի թույլատրվում նկարահանել», – բղավեց «Ազէներժիի» համազգեստով մի «հաստավիզ» և մոտակայքով անցնող ոստիկանության աշխատակցին հրահանգեց ձերբակալել լրագրողներին: Սակայն ոստիկանը ավելի խելամիտ գտնվեց անվտանգության աշխատակցից և արհամարհեց նրան:

Արտակարգ իրավիճակների նախարարության ներկայացուցիչների պահվածքը շատ կոպիտ էր և արհամարհական: Նրանք պահանջում էին չմոտենալ և չնկարահանել: Չհեռանալու դեպքում, նրանք սպառնացին ուժ գործադրել: Լրագրողները պահանջեցին չխոչնդոտել իրենց աշխատանքին և ասացին, որ Դրոշի հրապարակը փակ օբյեկտ չէ, և որ նախարարության և «Ազէներժիի» արգելքը լիովին ապօրինի է: Սակայն լրագրողների բոլոր պահանջները արդյունք չտվեցին: Եվ ոչ ոք չի կարող պատասխանել, թե ինչու է Դրոշի հրապարակը հսկվում «Ազէներժիի» աշխատակիցների կողմից:

Read More »Բաքվի հրապարակի անվտանգության աշխատակիցները ճնշում են գործադրել լրագրողների վրա