Skip to content

Ժուռնալիստների «դեֆիցիտ» Գյումրիում

Տևական ժամանակ է` Գյումրու գրեթե բոլոր լրատվամիջոցները հայտարարություններ են տալիս լրագրողների թափուր աշխատատեղերը համալրելու նպատակով, սակայն գործատուները դժգոհում են, որ ոչ մի կերպ չի հաջողվում գտնել համապատասխան կադրեր: Չեն փրկում նաև խմբագրությունների կողմից կազմակերպվող կարճաժակետ մասնագիտական դասընթացները:

Բանը հասել է նրան, որ հանրապետության առաջին մասնավոր հեռուստաընկերությունը` «ՑԱՅԳ»-ը, անցած շաբաթ կադրեր էր փնտրում Գյումրիում կազմակերպված աշխատանքի տոնավաճառում:

Քաղաքում 10-ից ավելի լրատվամիջոց է գործում: Դրանցից են «ԳԱԼԱ» հեռուստաընկերությունը, «Շանթ» հեռուստաընկերությունն ու նույնանուն ռադիոն, «ՑԱՅԳ» հեռուստաընկերությունն ու «Ռադիոհայ Գյումրի» ռադիոն, «Շիրակ» հանրային հեռուստատեսությունն ու «Շիրակի ձայն» ռադիոկայանը, «Շրջապատ», «Հինգշաբթի» և «Կումայրի» շաբաթաթերթերը և «Շիրակ» երկշաբաթաթերթը:

Ո՞րն է խիստ ժամանակակից այս մասնագիտության «արհարմարհված» լինելու պատճառը Գյումրիում. ցածր վարձատրությո՞ւ նը, բուհերի կողմից աշխատաշուկային համապատասխան կադրեր չպատրաստե՞լը, թե՞ կան նաև այլ պատճառներ:

«ՑԱՅԳ» հեռուսաընկերության գործադիր տնօրեն Մարգարիտա Մինասյանը դժգոհում է, որ իրենց են դիմում «նստած ժուռնալիստ» աշխատելու առաջարկով: «Չեն պատկերացնում, որ սա ակտիվ աշխատանք է»,- ասում է Մինասյանը` համարելով, որ ժուռնալիստիկայի ֆակուլտետն ավարտելը դեռ չի նշանակում գործից գլուխ հանել:

Read More »Ժուռնալիստների «դեֆիցիտ» Գյումրիում