Skip to content

Իրանում ձերբակալված վեց լրագրողներից երկուսն ազատված են

Իրանական «Ֆարս» լրատվական գործակալությունը հայտնում է, որ անցյալ ամիս BBC-ի իրանական ծառայության հետ աշխատող վեց ձերբակալված լրագրողներից երկուսն ազատ են արձակվել:

Երկուշաբթի օրը գործակալությունը տեղեկություն է տարածել այն մասին, որ Նասեր Սաֆարիանը և Մոհսեն Շահրնազը ազատվել են: Այլ տեղեկություններ չեն հրապարակվում:

Գործակալությունը չի հայտնում նաև մնացած չորս լրագրողների մասին տեղեկություններ, որոնք մեղադրվում են BBC-ին տեսանյութեր և լրատվություն հաղորդելու մեջ, ինչը վնաս է հասցնում Իրանի Հանրապետությանը:

Թեհրանը մեղադրում է BBC-ին բրիտանական հետախուզությանը քողարկելու և Իրանին վնասելու փորձերի մեջ:

Աղբյուր: Washingtonpost.com

 

Read More »Իրանում ձերբակալված վեց լրագրողներից երկուսն ազատված են

Հայ լուսանկարիչների աշխատանքները միջազգային «Ֆոտովիզա» մրցույթում

Լուսանկարների «Ֆոտովիզա» 3-րդ միջազգային  փառատոնի եզրափակչի մասնակիցների շարքում ընդգրկվել են հայ լուսանկարիչների չորս աշխատանքներ: Այս տարի փառատոնը կրում է «Ճանապարհ» խորագիրը:

Մրցույթի հայ մասնակիցներն են Անահիտ Հայրապետյանը («Քեթրինի կյանքի ուղին»), Նազիկ Արմենակյանը («Այլ ճանապարհ»), Հայկ Բիանջյանը («Անհետացող հիշողություններ») և Իննա Մխիթարյանը («Լավ կյանքի ճանապարհին»): Հայկ Բիանջյանը ներկայացված է նաև տեսանյութերի մրցույթում, որտեղ հեղինակել է «Կարմիր շենք» հոլովակը:

Փառատոնին մասնակցում են նաև լուսանկարիչներ Ռուսաստանի, Իտալիայի, Լեհաստանի տարբեր քաղաքներից: Եզրափակիչ անցած աշխատանքները հնարավոր է տեսնել այստեղ:

Եզրափակիչ փուլ անցած մասնակիցների աշխատանքների ցուցահանդեսը կբացվի Կրասնոդարում հոկտեմբերի 23-ին: Հենց այդ օրը հայտնի կդառնա հաղթողի անունը:

Բոլոր աշխատանքները կհրապարակվեն փառատոնի պաշտոնական կայքում՝ http://www.photovisa.ru:

Read More »Հայ լուսանկարիչների աշխատանքները միջազգային «Ֆոտովիզա» մրցույթում

Թբիլիսյան կինոթատրոնները որոշ կայքերի դատի են տվել

Հոկտեմբերի 4-ին Թբիլիսիի խոշորագույն կինոթատրոնները՝ «Ամիրանի»-ն և «Ռուսթավելի»-ն դատական հայց են ներկայացրել 7 կայքերի դեմ:

Կինոթատրոնները պահանջում են արգելել կայքերին հրապարակել չլիցենզավորված ֆիլմեր և ուզում են ստանալ վնասների փոխհատուցում: Այս մասին հոկտեմբերի 4-ին հայտնել են «Ամիրանի» կինոթատրոնի ներկայացուցիչ Իրինա Կիլասոնիձեն և Վրաստանի Հեղինակների միության նախագահ Գիգա Կոբալաձեն: Նշված կայքերի թվում են gize.ge, allshares.ge, boom.ge-ն:

Ըստ Գիգա Կոբալաձեի՝ կինոթատրոնները դիմել են Վրաստանի հեղիանակային իրավունքի պաշտպանության ասոցիացիային, որի հետ համատեղ հայց է ներկայացվել դատարան:

«Վրացական կայքերում տեղադրված «Ռեմբո» և «Կյանքի ծառը» ֆիլմերը լիցենզավորված չեն և հրապարակվել են ապօրինաբար, ինչը վնաս է հասցնում կինոթատրոններին», – ասել է Կոբալաձեն: 

Իրինա Կիլասոնիձեն հրաժարվել է նշել պահանջվող փոխհատուցման չափը, սակայն շեշտել է, որ «վնասը մեծ է»:

Ինչպես նշում է Վրաստանի Հեղինակների միության նախագահը՝ նրանք արդեն համաձայնության են եկել որոշ կայքերի հետ, որոնք այլևս չեն տեղադրում կինոթատրոններին պատկանող ֆիլմեր:

«Որոշ կայքերի հետ էլ չհաջողվեց համաձայնության գալ, ինչն էլ հանգեցրեց դատական հայցի ներկայացմանը», – ասել է Կոբալաձեն:

Աղբյուր: Media.ge

 

Read More »Թբիլիսյան կինոթատրոնները որոշ կայքերի դատի են տվել

VivaCell-ն ու Մեդիամաքսը ներկայացնում են Yerevan Web Meetings 2011 ծրագիրը

Այսօր ՎիվաՍել-ՄՏՍ-ն ու Մեդիամաքս լրատվական գործակալությունը ներկայացրեցին Yerevan Web Meetings 2011 նախագիծը, որի նպատակն է Հայաստանում ներկայացնել ցանցային բովանդակության (content) ստեղծման և առաջխաղացման լավագույն արտասահմանյան փորձը:

Yerevan Web Meetings 2011 ծրագրի նախաձեռնությունը պատկանում է Մեդիամաքսին: Նախագծի գլխավոր հովանավորն է Հայաստանի առաջատար բջջային օպերատոր ՎիվաՍել-ՄՏՍ-ը:

Yerevan Web Meetings 2011 ծրագրի շրջանակներում Հայաստան կայցելեն անվանի մասնագետներ, որոնք վարպետության դասեր կանցկացնեն ինտերնետային նախագծերի իրականացմամբ զբաղվող ընկերությունների ներկայացուցիչների և անհատների համար:

Վարպետության դասերը կանցկացվեն Մեդիամաքսի գրասենյակում: Դրանք նաև իրական ժամանակի ռեժիմում (live streaming) կհեռարձակվեն www.Itel.am կայքում:

Կազմակերպիչները վարպետության դասերին մասնակցելու հրավերներ կուղարկեն ոլորտի ներկայացուցիչներին, սակայն որոշակի տեղեր հասանելի կլինեն նաև ինտերնետային սկսնակ (start-up) ընկերությունների համար:

Աղբյուր: JNews.am

Read More »VivaCell-ն ու Մեդիամաքսը ներկայացնում են Yerevan Web Meetings 2011 ծրագիրը

Վրացի լրագրողները պահանջում են վերադարձնել նախագահի այգում նկարածը

«Maestro TV» հեռուստաընկերության լրագրողները պահանջում են ոստիկանությունից իրենց վերադարձնել նախագահ Միխեիլ Սաակաշվիլիի՝ Կվարելիում գտնվող խաղողի այգում սեպտեմբերի 25-ին նկարահանած տեսանյութերը:

«Առանց հավատարմագրման» հեռուստաշոուի անձնակազմը՝ հեղինակ Շալվա Ռամիշվիլիի հետ միասին, նկարահանումներ են իրականացրել նախագահին պատկանող տարածքներում, երբ նրանց ձերբակալել են և բռնագրավել նկարահանող սարքավորումները: Շուտով տեխնիկան հետ է վերադարձվել նրանց, սակայն առանց հիշողության քարտերի և բարձրախոսի:

Ինչպես Ռամիշվիլին հայտնում է իր ֆեյսբուքի էջում՝ նա և իր նկարահանող խումբը մտել են նախագահին պատկանող տարածք (որը նա վերջերս է գնել անհատ անձից) առանց որևէ խոչընդոտի՝ չնայած այն փաստին, որ այնտեղ եղել են ոստիկանության աշխատակիցներ:

«Ոչ ոք չհարցրեց, թե ուր եմ գնում: Բոլորը մեզանից փախչում էին, ոստիկանները թաքնվում էին խաղողի այգում: Ես նրանց հարցնում էի՝ ում տունն է սա, նրանք ինձ չէին պատասխանում», – հիշում է Ռամիշվիլին: Ըստ նրա՝ նախագահի այգին դարպաս չուներ:

Ռամիշվիլին պնդում է, որ քիչ անց Կվարելիի ոստիկանապետը քաղաքացիական հագուստով մոտեցել է նրանց և տարել տարածքից դուրս:

Read More »Վրացի լրագրողները պահանջում են վերադարձնել նախագահի այգում նկարածը

Իրանն ազատ է արձակում արշավորդներին, սակայն բազմաթիվ լրագրողներ բանտերում են

Լրագրողների պաշտպանության կոմիտեն ողջունել է ամերիկացի լրագրող Շեյն Բոյերի և նրա ընկեր Ջոշ Ֆաթալի ազատումը Թեհրանի Էվին բանտից 1 միլիոն ԱՄՆ դոլար գրավի դիմաց:

«Մենք ողջունում ենք այն փաստը, որ Բոյերը և Ֆաթալը երկու տարվա անարդար բանտարկումից հետո վերջապես ազատ են», – ասել է Կոմիտեի տնօրեն Ջոել Սայմոնը: «Այսօր մենք պետք է ուշադրություն դարձնենք այն տասնյակ իրանցի լրագրողներին, ովքեր գտնվում են երկրի բանտերում՝ ամեն օր բախվելով անարդարության հետ և ենթարկվելով խոշտանգումների: Մենք կոչ ենք անում Թեհրանին ազատել բոլոր անարդարացիորեն բանտարկված լրագրողներին»:

Իրանի իշխանությունները ձերբակալել էին Բոյերին, Ֆաթթալին և Սարա Շրաուդին 2009 թվականի հուլիսին, երբ նրանք արշավում էին Իրաքի սահմանի մոտակայքում: Բոյերը, ով հանդիսանում է New America Media լրատվամիջոցների միության թղթակիցը, այդ ժամանակ աշխատանքի մեջ չէր: Շրաուդին ազատ էին արձակել սեպտեմբերին, մինչդեռ Բոյերն ու Ֆաթթալը դատապարտվել էին 8 տարվա ազատազրկման՝ մեղադրվելով լրտեսության և Իրանի սահմանն ապօրինի կերպով հատելու մեջ:

Հրանտ Դինքի մրցանակակիրներն են Ահմեթ Ալթանը և Լիդիա Կաչո Ռիբեյրոն

Երեկ երեկոյան Ստամբուլում «Հրանտ Դինք» հիմնադրամը երրորդ անգամ հանձնեց Հրանտ Դինքի անվան միջազգային մրցանակը: Ավանդաբար մրցանակը «կիսում են» երկու գործիչ. այս անգամ մեկը Թուրքիայի քաղաքացի է, մյուսը` Մեքսիկայի:

Ինչպես նշում է Հրանտ Դինքի հիմնադրամը, մրցանակը տրվում է «խտրականությունից, ցեղասպանությունից, բռնությունից զերծ, ազատ ու անկախ աշխարհի ձգտող, այդ ուխտի համար անհատական զոհողություններ ցուցաբերող, կանխակարծիքներ խորտակող, այդ պայքարի մեջ հասարակությանը խրախուսող անձանց»:

Այս տարի Թուրքիայից մրցանակին արժանացավ «Թարաֆ» թերթի խմբագիր Ահմեթ Ալթանը:

«Ոչ թե ուրախությամբ, այլ ամոթով եմ ստանում այս մրցանակը: Թուրքիայի 70 միլիոն մարդու հետ ես չկարողացա կանխել Հրանտի սպանությունը: 70 միլիոն մարդու հետ ես չկարողացա հայտնաբերել իրական ոճրագործին: Ամոթով ստանալով մրցանակը` այն որպես ավանդ պիտի պահեմ, մի օր Հրանտի ոճիրը բացահայտողին այն վերադարձնելու համար», – իր ելույթում ասել է Ալթանը:

Թուրքիայից դուրս Հրանտ Դինքի անվան մրցանակը տրվել է մեքսիկացի իրավապաշտպան, կանանց իրավունքների համար պայքարող Լիդիա Կաչո Ռիբեյրոյին: Վերջինիս պատվավոր մրցանակը հանձնել են Երևանի մամուլի ակումբի նախագահ Բորիս Նավասարդյանը և նախորդ տարվա դափնեկիր թուրքական «Գիտակցված բողոքի» շարժման ներկայացուցիչներից մեկը:

Նշենք, որ նախորդ տարի մրցանակի էր արժանացել նաև իսպանացի դատավոր Բալտասար Գարսոն Ռեալը:

Read More »Հրանտ Դինքի մրցանակակիրներն են Ահմեթ Ալթանը և Լիդիա Կաչո Ռիբեյրոն

Ադրբեջանցի լրագրողի ընտանիքի անդամներին ծեծել են, տունը՝ քանդել

Լրագրող Իդրաք Աբբասովի ընտանիքի անդամներին սեպտեմբերի 9-ին դաժանաբար ծեծի են ենթարկել, իսկ նրանց տունը, որը գտնվում է Բաքվի արվարձաններից մեկում, մասամբ քանդել են էքսկավատորով՝ ապօրինի կառուցված լինելու պատրվակով:

Այս հարձակումն իրականացրել են պետական Բինագադի նավթարդյունաբերական ընկերության անվտանգության աշխատակիցները: Աբբասովը, ով «Լրագրողների ազատության և անվտանգության ինստիտիուտ» ՀԿ անդամ է, հետաքննություն էր վարում ընկերության ապօրինի գործունեությունը բացահայտելու ուղղությամբ:

«Սա անկասկած պատժելի արարք է», – հայտարարում է Լրագրողներ առանց սահմանների կազմակերպությունը: «Այս հարձակումը բացահայտորեն իրականացվել է Աբբասովին լռեցնելու նպատակով, քանի որ նրա հետաքննությունն անհանգստության առիթ էր Բինագադի նավթարդյունաբերական ընկերության համար: Այս դեպքը լույս է գցում այն դաժան մեթոդների վրա, որոնցով Ադրբեջանի իշխանությունները փորձում են խանգարել լրագրողներին: Բացի ուղղակիորեն լրագրողներին սպառնալուց և հարձակման ենթարկելուց, նրանք թիրախ են դարձնում լրագրողների ընտանիքները»:

Սեպտեմբերի 9-ին՝ երեկոյան ժամը 11-ի շրջանոմ, Աբբասովի բարեկամների տուն, որտեղ նրանք ապրել են 25 տարի, ներխուժել են սևազգեստ տղամարդիկ:

Լրագրողի ծնողներին, եղբայրներին և նրանց երեխաներին դաժանաբար ծեծել են մահակներով: Հայրը, մայրը և եղբայրներից մեկը տեղափոխվել են հիվանդանոց: Լրագրողի հայրը գտնվում է կոմայի մեջ, իսկ մայրը և եղբայրը ուղեղի ցնցում են ստացել:

Read More »Ադրբեջանցի լրագրողի ընտանիքի անդամներին ծեծել են, տունը՝ քանդել

Ազատություն ռադիոկայանի ադրբեջանցի թղթակցին դուրս են հանել Նախիջևանից

Ազատություն ռադիոկայանի ադրբեջանցի թղթակցին Իրանի տարածքով դուրս են հանել Նախիջևանից: Լրագրողը հետաքննում էր Թեհրանի օգտին լրտեսության մեջ մեղադրվող մարդու սպանության դեպքը: Այս մասին հաղորդում է Ազատություն ռադիոկայանի ադրբեջանական ծառայությունը: 

Յաֆեզ Հասանովը մեկնել էր Նախիջևան օգոստոսի 30-ին Թուրաք Զեյնալովի ընտանիքի հետ հարցազրույց անելու համար: Զեյնալովին անցյալ շաբաթ գտել էին մահացած Ազգային անվտանգության նախարարության տարածքում: Զեյնալովի ընտանիքն ասում է, որ նրան մեղադրում էին Իրանի օգտին լրտեսության մեջ:

Հասանովը պատմել է Ազատություն ռադիոկայանին, որ օգոստոսի 31-ին երեք տղամարդ ազգային անվտանգության ծառայության մեքենայով կանգնեցրել են նրան փողոցում և պարտադրել են նստել մեքենան:

«Երբ ես հարցրեցի, թե ովքեր են, նրանք ինձ ոչինչ չասացին: Նրանք ստիպեցին ինձ նստել մեքենան, վերցրին անձնագիրս և պահանջեցին անջատել բջջային հեռախոսս», – պատմում է նա:

Հասանովն ասում է, որ նրանք պահանջել են չգրել Զեյնալովի գործի մասին, քանի որ նա «դավաճան» էր:
 
Լրագրողի խոսքերով՝ նրան տարել են սահմանի մոտ և ասել են վերադառնալ Բաքու Իրանով՝ զգուշացնելով չվերադառնալ Նախիջևան, այլապես «նրա վրա էժան չի նստի»: Հասանովը Իրանում տաքսի է նստել և սեպտեմբերի 1-ին վերադաձել Բաքու:

Ազատություն ռադիոկայանը Իրանում համարվում է ապօրինի կազմակերպություն:

Read More »Ազատություն ռադիոկայանի ադրբեջանցի թղթակցին դուրս են հանել Նախիջևանից

Վրացական թերթերը թողարկվում են դատարկ՝ որպես բողոք լուսանկարիչների ձերբակալման դեմ

Վրացական որոշ առաջատար թերթեր և կայքեր իրենց առաջին էջը տպագրել են առանց որևէ լուսանկարի՝ որպես բողոք լուսանկարիչների ձերբակալման դեմ, որոնց մեղադրում են Ռուսաստանի օգտին լրտեսության մեջ:

Associated Press-ի թղթակից Գիորգի Աբդալաձեն, Եվրոպական ֆոտոլրատվական գործակալության աշխատակից Զուրաբ Կուրցիկիձեն, Վրաստանի նախագահի անձնական լուսանկարիչը ձերբակալվել էին հուլիսի 7-ի վաղ առավոտյան:

Բոլորն էլ մեղադրվում են լրտեսության մեջ և, ըստ հաղորդագրությունների, ընդունում են, որ լուսանկարել են գաղտնի փաստաթղթեր և վաճառել դրանք ռուսական ռազմական հետախուզությանը: Նրանց սպասվում է 12 տարվա ազատազրկում, իսկ դատավարությունը կսկսվի սեպտեմբերի 1-ից:

Աղբյուր: The Guardian

 

Read More »Վրացական թերթերը թողարկվում են դատարկ՝ որպես բողոք լուսանկարիչների ձերբակալման դեմ