Վրացական լրատվական գործակալությունները հայտնում են, որ ձերբակալվել են նախագահի անձնական ֆոտոլրագրող Իրակլի Գեդենիձեն և նրա կինը: Արտաքին գործերի նախարարության մամուլի կենտրոնի լուսանկարիչ Գիա Աբդալաձեն, Եվրոպական ֆոտոլրատվական գործակալության աշխատակից Զուրաբ Կուրցիկիձեն և ֆոտոթղթակից Շախ Այվազովը` Associated Press-ից նույնպես ձերբակալված են:

InterPressNews լրատվական գործակալությունը մեջբերում է Գիա Աբդալաձեի կնոջ խոսքերը, որը ենթադրում է, որ իր ամուսնուն մեղադրում են լրտեսության մեջ (հոդված 314 Վրաստանի ՔՕ):

Համաձայն Ներքին գործերի նախարարության հայտարարության՝ ձերբակալվածները մեղադրվում են օտարերկրյա կառավարություններից մեկի հովանու ներքո գործող հետախուզական կազմակերպությանը Վրաստանի շահերին վնասող տեղեկատվություն տրամադրելու մեջ:

ՆԳ նախարարությունը հետաքննություն է սկսել:

Ըստ վերջին տվյալների՝ Associated Press-ի ֆոտոթղթակից Շախ Այվազովին ազատ են արձակել: Այս մասին հայտնել է նրա կինը:

Աղբյուր: Media.ge

Read More »Ձերբակալվել է Սաակաշվիլիի անձնական ֆոտոլրագրողը

Թուրքական մեդիա ընկերությունները քննադատում են դատախազի պահանջն, ըստ որի թերթերը պետք է հանձնեն մայիսի 31-ին Հոփա քաղաքում տեղի ունեցած իրադարձությունների` իրենց բոլոր լուսանկարենրը կամ կանգնեն դատարանի առջև:

«Կառավարությանը տեղեկատվություն տրամադրելը լրագրողի գործը չէ», – ասում են Թուրքիայի լրագրողների ասոցիացիան և Առաջադեմ լրագրողների ասոցիացիան: 

Մայիսի 31-ին սևծովյան Հոփա շրջանում տեղացիները բողոքի ցույց էին կազմակերպել Թուրքիայի վարչապետ Ռեջեփ Թայիբ Էրդողանի դեմ: Սակայն ոստիկանության կիրառած արցունքաբեր գազի հետևանքով 54-ամյա ցուցարար Մեթին Լոկումչուն սրտի կաթված է ստացել և մահացել: Նրա մահը զայրացրել է ցույցի մասնակիցներին, որոնք սկսել են քարկոծել Էրդողանի կողմնակիցներին:

Հինգշաբթի օրը Հոփայի դատախազությունը հաղորդագրություն է ուղարկել մամուլին՝ տալով լրագրողներին 10 օր, որպեսզի նրանք հանձնեն այդ իրադարձություններից առաջ, ընթացքում կամ հետո արված բոլոր լուսանկարները: Զգուշացվել է նաև, որ ցանկացած լրագրող, որը կհրաժարվի հանձնել իր լուսանկարները, կենթարկվի քրեական պատասխանատվության համաձայն Թուրքիայի ՔՕ 257-րդ հոդվածի՝ «պարտականությունները չկատարելու համար»:

Այս պահանջը զայրացրել է լրագրողական միություններին և քննադատվել մտավորականության կողմից:

«Լրագրողները անվտանգության աշխատակիցներ չեն, որպեսզի տեղեկություն տան իշխանություններին տեղի ունեցած իրադարձությունների մասին», – ասում է Առաջադեմ լրագրողների ասոցիացիան:

Read More »Թուրքիա. Դատախազի պահանջը բարկացնում է լրագրողական կազմակերպություններին

Չորեքշաբթի օրը Գերմանիայի կառավարությունը հայտարարեց, որ վրդովված է իրանցի կին մարզական լրագրողի ձերբակալմամբ, ով անցած շաբաթ պետք է մեկներ Գերմանիա ֆուտբոլի կանանց աշխարհի առաջնությունը լուսաբանելու:

Բեռլինի մարդու իրավունքների գլխավոր պաշտպան Մարկուս Լյոնինգը հայտարարություն է տարածել, ըստ որի լրագրող Մարյամ Մաջդի ձերբակալությունը ուղղակիորեն կապված է նրա գործունեության հետ: Լրագրողը պայքարում է կանանց իրավունքների՝ մասնավորապես կանանց ստադիոն գնալու թույլատվության համար:

«Զուգադիպություն չէ, որ Մաջդը, ով պայքում է սպորտային միջացառումներին կանանց մասնակցության համար, ձերբակալվել է իրանական անվտանգության ուժերի կողմից նախատեսված մեկնումից առաջ», – ասել է Լյոնինգը:

«Սա իրանական ռեժիմի կողմից կանանց իրավունքների պաշտպանների ճնշման ևս մեկ տխուր օրինակ է»:

Լյոնինգը կոչ է արել Իրանի կառավարությանը անմիջապես ազատել Մաջդին և մնացած բոլոր կանանց իրավունքների պաշտպաններին և «վերջապես կատարել մարդու և քաղաքացիական իրավունքների պարտավորությունները, որոնց տակ ստորագրել է Իրանը»:

Աղբյուր: Supersport.com

Read More »Գերմանիան Իրանից պահանջում է ազատ արձակել լրագրողին

Հունիսի 27-ին Վրաստանի Ներքին գործերի նախարարությունը բավարարեց «Օբյեկտիվի» մեդիա միավորման լրագրող Նինո Մակիաշվիլու բողոքը և համաձայնեց նրան տրամադրել պահանջված տեղեկատվությունը: Այս մասին հաղորդում է Վրաստանի երիտասարդ փաստաբանների ասոցիացիան, որն աջակցություն էր ցույց տալիս լրագրողին:

Մայիսի 27-ին Նինո Մակիաշվիլին Ներքին գործերի նախարարությանը դիմում էր ներկայացրել՝ պահանջելով հայտնել, թե որ ոստիկանական ստորաբաժանումներն են իրականացրել մայիսի 26-ի բողոքի ցույցի ցրումը: Նախարարությունը ոչ մի կերպ չէր արձագանքել: Լրագրողը դիմում էր ներկայացրել նախարարին: Հունիսի 27-ին տեղի ունեցած բանավոր լսումների ժամանակ նախարարության ներկայացուցիչը հայտնել է, որ լրագրողը շուտով կստանա իրեն հետաքրքրող տվյալները:

Աղբյուր: Media.ge

Read More »Վրաստանի Ներքին գործերի նախարարությունը բավարարում է լրագրողի բողոքը

Գորի քաղաքի «Թրիալետի» հեռուստաընկերությունը դատի է տվել «Պատերազմի 5 օր» ֆիլմի հեղինակներին՝ ռեժիսոր Ռեննի Հարլիին, պրոդյուսերներ Պապունա Դավիդայային և Կոբա Նակոպիային, հեռուստաընկերության արժանապատվությունը և հեղինակությունը վիրավորելու համար: Այս մասին հեռուստաընկերությունը հայտնել է հունիսի 23-ին՝ պնդելով, որ ֆիլմը թյուր տեղեկատվություն է պարունակում:

Ֆիլմի դրվագներից մեկում օտարերկրյա լրագրողները տեսանյութեր են բերում մի հեռուստաընկերություն, որի դարպասները փակ են գտնում: Դրվագում պարզ երևում է հեռուստաընկերության լոգոն: Հենց այս դրվագն էլ հանդիսանում է «Թրիալետի»-ի բողոքի պատճառ:

«Թրիալետի»-ի հիմնադիր Բադրի Նանետիշվիլին պնդում է, որ պատերազմական գործողությունների ընթացքում հեռուստաընկերությունը մեկ վայրկյան անգամ չի փակվել: Հեռուստաընկերության շենքում գործել է միջազգային մեդիա-կենտրոն, և միջազգային լրագրողները ռմբակոծություններից առաջ վերջինն են եղել, որ լքել են շենքը: Նանետիշվիլին համոզված է, որ նման դրվագը քաղաքական պատվեր է և հատուկ արված է՝ հեռուստաընկերությանը վարկաբեկելու համար: 

Ֆիլմի պրոդյուսերներից մեկը՝ Կոբա Նակոպիան, ով խորհդարանի անդամ է և ֆինանսավորել է ֆիլմը, պնդում է, որ «Թրիալետիի» մեղադրանքներն անհեթեթ են: Ըստ նրա՝ պատերազմի օրերին ոչ միայն այդ հեռուստաընկերությունը, այլ նաև Գորի քաղաքի մնացած բոլոր կազմակերպությունները չէին աշխատում: Նակոպիան կտրականապես բացառում է որևէ քաղաքական կոնտեքստի առկայությունն այդ ֆիլմում:

Read More »Վրացական հեռուստատեսությունը դատի է տվել ամերիկյան ֆիլմի հեղինակներին

Հայազգի լրագրող Հրանտ Դինքի սպանության գործով դատախազը պահանջել է դատարանից մարդասպանին պատժել 18-ից 27 տարի ազատազրկմամբ: 

Ծայրահեղ-ազգայնականների կողմից Դինքը դիտվում էր որպես դավաճան, թուրքերի թշնամի և ատելի հայ: Այս մասին գրված է դատախազ Ալի Դեմիրի պաշտոնական հաղորդագրության մեջ՝ հիմնված Դինքի դեմ ծավալված զրպարտական գործունեության վրա:

Դինքը դիտվում էր որպես թուրքերի թշնամի իր գրած հոդվածների պատճառով, հայտնում է պաշտոնական հաղորդագրությունը:

Դեմիրը պնդում է, որ Սամաստը իրականացրել է սպանությունը կանխամտածված և սառնասրտորեն: Սակայն սպանությունից հետո Սամաստը զղջացել է իր հանցանքի համար, ասում է Դեմիրը:

Աղբյուր: Hurriyet Daily News

Read More »Դինքի սպանողին 27 տարվա ազատազրկում է սպասվում

Իրանը և Կուբան գլխավորում են այն երկրների ցանկը, որոնց կառավարությունները ստիպել են 67 լրագրողների լքել իրենց հայրենիքը վերջին 12 ամիսների ընթացքում: Այս մասին երկուշաբթի օրը հայտնել է Լրագրողների պաշտպանության կոմիտեն:

Իրանը և Կուբան արտաքսել են 18-ական լրագրողի, ոմանց` ընտանիքներով:

ԼՊԿ-ն կատարել է այս ուսումնասիրությունը հունիսի 20-ին նշվող Փախստականների միջազգային օրվա կապակցությամբ:

67 լրագրողներից ոչ մեկը 12 ամսվա ընթացքում հնարավորություն չի ստացել վերադառնալու տուն: Նրանցից քսաներկուսը Միջին Արևելքի և Հյուսիսային Աֆրիկայի երկրներից են, 19-ը՝ Ամերկայից, 19-ը Աֆրիկայից, վեցը՝ Ասիայից և մեկը՝ Կենտրոնական Ասիայից:

Աղբյուր: Trend.az

Read More »Իրանը լրագրողներին արտաքսող առաջատար երկիր է

Ընդդիամադիր առաջնորդ Նինո Բուրջանաձեն դատի է տվել «Ռուսթավի 2» և «Իմեդի» հեռուստաալիքներին, ինչպես նաև «Տաբուլա» ամսագրին: Նրա բողոքի հայտարարությունն ուղարկվել է նաև միջազգային լրագրողական կազմակերպություններին: 

Քաղաքական գործչին բարկացրել է «Ռուսթավի 2» և «Իմեդի» հեռուստաընկերությունների տարածած տեղեկությունը մայիսի 26-ի ցույցի ցրման ժամանակ սպանված ոստիկանի մասին: Ըստ հայտարարության՝ ոստիկանն ընկել է Նինո Բուրջանաձեին ուղեկցող մեքենայի տակ:

«Հեռուստաընկերությունները սուտ պատմություններ են տարածում և մեղադրում են ինձ հանցագործության մեջ: «Տաբուլա» ամսագիրն էլ տպագրել է իմ լուսանկարը շապիկի վրա և վերնագրել` «Դատե՛լ»:

Համաձայն ընդդիմադիր կայքում տեղադրված հաղորդագրության՝ Բուրջանաձեն պահանջում է փոխհատուցում իր կրած բարոյական և նյութական վնասների համար: 

Աղբյուր: Media.ge

Read More »Նինո Բուրջանաձեն դատի է տվել լրատվամիջոցներին