Սեպտեմբերի 20-ին Կենտրոն և Նորք-Մարաշ վարչական շրջանների ընդհանուր իրավասության դատարանում ավարտվեց Թաթուլ Մանասերյանն ընդդեմ «Ժամանակ» օրաթերթի գործով վճիռը:

Դատարանը մասնակի բավարարեց հայցվորի պահանջը` պարտադրելով «Ժամանակ» օրաթերթի հիմնադիր «Սկիզբ Մեդիա» ՍՊԸ-ին վճարել 510 հազար դրամ` 300 հազարը զրպարտության համար, 200 հազարը` փաստաբանական ծախսերի, իսկ 10 հազարը, որպես պետական տուրք:

Տնտեսագետ Թաթուլ Մանասերյանը 2.5 միլիոն փոխհատուցում էր պահանջել «Ժամանակ» օրաթերթի հիմնադիր «Սկիզբ Մեդիա» ՍՊԸ-ից` պատիվը, արժանապատվությունը, գործարար համբավը արատավորելու համար: Բացի այդ Մանասերյանը պահանջել էր հերքել «Ժամանակ» օրաթերթի 2010թ-ի սեպտեմբերին թերթում տպագրված «Քրգործ` ԱԺ նախագահի խորհրդականի դե՞մ» հոդվածում առկա տեղեկությունները: Հոդվածում գրված էր, որ ՀՀ ԱԺ նախագահ Հովիկ Աբրահամյանի նախկին խորհրդական Թաթուլ Մանասերյանի դեմ քրեական գործ է հարուցվել` վաշխառությամբ զբաղվելու կասկածանքով, ինչպես նաև, որ մեկ այլ քրեական գործի շրջանակներում վկաներից մեկը հայտնել էր, որ Թաթուլ Մանասերյանն իրեն տոկոսով փող է տվել:

«Ժամանակ» օրաթերթը պատրաստվում է բողոքարկել վճիռը: 

/Լրաքաղ/

JNews.am

Read More »Հայցվորի պահանջը բավարարվեց. «Ժամանակ»-ը պետք է վճարի Մանասերյանին զրպարտության համար

Օրերս Հայաստանի Վճռաբեկ դատարանը մերժեց «Հայկական ժամանակ» օրաթերթի հրատարակիչ «Դարեսկիզբ» ՍՊԸ հայցն ընդդեմ վերաքննիչ դատարանի որոշման, որով օրաթերթի հրատարակիչը Ազգային ժողովի երեք պատգամավորներին պետք է վճարի ավելի քան 6 միլիոն դրամ:

Նման որոշում Երեւանի Կենտրոն եւ Նորք-Մարաշ վարչական շրջանների ընդհանուր իրավասության դատարանի կողմից կայացվել էր այս տարվա փետրվարին` համարելով, որ թերթի 2010թ-ի հոկտեմբերի 14-ի համարում լույս տեսած «Ութից յոթը ցուցակում են» վերնագրով հոդվածում հրապարակված տեղեկությունները չեն համապատասխանում իրականությանը:

Վճռաբեկ դատարանի վճիռը բողոքարկելու նպատակով օրաթերթի խմբագրությունը պատրաստվում է դիմել Մարդու իրավունքների Եվրոպական դատարան: Զուգահեռաբար, խմբագրակազմը իր համակիրների օգնությամբ փորձում է կուտակել վճարման ենթակա անհրաժեշտ գումարը:

«Վիվասելի» եւ «Բիլայնի» բաժանորդները կարող են 1000 դրամ փոխանցել «Հայկական ժամանակ» օրաթերթի հաշվին, եթե հեռախոսի միջոցով «hzh» բառը ուղարկեն 4735 կարճ համարին: Նվիրատվություն արտերկրից հնարավոր է կատարել հետևյալ հաշվեհամարներին գումար ուղարկելով` «Հայէկոնոմբանկ», ԱՄՆ դոլար – 163008154896, եվրո-163008012698:

Read More »Հանգանակություն. «Հայկական ժամանակին» անհրաժեշտ է 6 միլիոն դրամ դատարանի որոշումը կատարելու համար

«Բելլա և Սեդրակ Քոչարյաններն ընդդեմ «Ժամանակ» օրաթերթի հիմնադիր «Սկիզբ Մեդիա Կենտրոն» ՍՊԸ» գործով դատավարությունը Կենտրոն և Նորք-Մարաշ վարչական շրջանների ընդհանուր իրավասության դատարանում ավարտված է, և արդեն առկա է դատարանի վճիռը:

Դատարանը` գործը վարող դատավոր Արայիկ Մելքումյանի նախագահությամբ, «ժամանակ» օրաթերթի հիմնադրին պարտավորեցնում է տպագրել հերքում` նույն օրաթերթի անցյալ տարվա երեք հոդվածներում տպագրված տեղեկությունների վերաբերյալ: Այս հոդվածները, արդեն նաև ըստ դատարանի, արատավորում են ՀՀ երկրորդ նախագահ Ռոբերտ Քոչարյանի ընտանիքի պատիվը, արժանապատվությունն ու գործարար համբավը:

Դատարանը որոշեց նաև, հօգուտ Քոչարյանների, օրաթերթի հիմնադրից բռնագանձել մեկ միլիոն դրամ (ավելի քան 2600 դոլար )` նրանց վիրավորելու և երկու միլիոն դրամ (ավելի քան 5300 դոլար)`զրպարտելու համար: Հայցվորի ներկայացրած մյուս` դատական ծախսերի համար պահանջած երեք միլիոն դրամի մասով հայցը մերժվեց` անհիմն լինելու պատճառաբանությամբ։

Քոչարյանների ներկայացուցչի ` դատարանում բերած բողոքի հիմքը և ողջ էությունը «Ժամանակ» օրաթերթի 3 հոդվածներից վերցված հետևյալ հատվածներն էին.

Ստորև բերվող բոլոր մեջբերումները վերցված են Datalex.am կայքում (դատական տեղեկատվական համակարգ) տեղադրված դատարանի վճռից: 

Read More »«Արյան» գինը. «Ժամանակ» օրաթերթը Քոչարյաններին պետք է վճարի 3 միլիոն դրամ

Արարողությանը ներկա գտնվող լրագրողներից մեկը հայտնել է, որ քաղքացիական հագուստով մարդկանց և անվտանգության ծառայության աշխատակիցների մի մեծ խումբ ներխուժել է թաղման արարողության վայրը և ծեծի ենթարկել սգացողներին:

Հալեհ Սահաբին, ում ձեռքին եղել է հոր նկարը, նույնպես ծեծի է ենթարկվել, երբ նրա ձեռքից փորձել են խլել նկարը՝ հայտնում է լրագրողը: Այնուհետև նա փորձել է մոտենալ հոր մարմնին, սակայն նրան մի կողմ են քաշել և հարվածել:

Այդ պահին Հալեհ Սահաբին սրտի կաթված է ստացել: Նրան տեղափոխել են Թեհրանի հիվանդանոցներից մեկը, սակայն նրա կյանքը փրկել չի հաջողվել:

Աղբյուր: http://www.news.az/

Read More »Իրանցի ակտիվիստը մահանում է հոր թաղման ժամանակ

Read More »Բողոքի ցույցի ժամանակ ոստիկանները ձերբակալել, ծեծել են լրագրողների և առգրավել տեխնիկան

Հայաստանի երկրորդ նախագահ Ռոբերտ Քոչարյանի ընտանիքի` Բելլա և Սեդրակ Քոչարյանների հայցը ընդդեմ «Ժամանակ» օրաթերթի գործով վճիռն այդպես էլ չհրապարակվեց, թեպետ նախապես հայտարարվել էր, որ այսօր կկայանա այդ գործով դատական վերջին նիստը:

Մինչդեռ Կենտրոն և Նոր Նորք վարչական շրջանների ընդհանուր իրավասության դատարանի դատավոր Արայիկ Մելքումյանը, ով նախագահում է այս նիստը, որոշեց վերսկսել դատաքննությունը որոշ ապացույցներ կրկին հետազոտելու նպատակով:

Քոչարյանների ընտանիքը «Ժամանակ» օրաթերթին դատի է տվել օրաթերթի նախորդ տարվա աշնանը տպագրված երեք հոդվածների համար: Հայցվոր կողմը պնդում է, որ այդ երեք հոդվածներով տարածվել է սուտ տեղեկատվություն: Մասնավորապես Ռոբերտ Քոչարյանի կնոջ` Բելլա Քոչարյանի մասին թերթը նշել է, որ նա ներգրավված է դեղորայքի բիզնեսում և նրանց ընտանիքին է պատկանում «911» դեղատների ցանցը: Ռոբերտ Քոչարյանի որդի` Սեդրակ Քոչարյանի վերաբերյալ «Ժամանակի» մեկ այլ հոդվածում գրված էր, որ նրա հովանու ներքո են կատարվում «Սպայկա» ընկերության բեռնափոխադրումները:

Քոչարյանների ընտանիքը «Ժամանակ» օրաթերթից 6 միլիոն դրամի փոխհատուցում է պահանջում` վիրավորանքի և զրպարտության միջոցով հասցված վնասի համար:

Թեպետ կողմերը կարող էին նաև հաշտության գալ դեռ դատական ընթացքի ժամանակ, սակայն հայցվոր կողմը չէր ընդունել «Ժամանակի» ներկայացուցիչ` փաստաբան Նիկոլայ Բաղդասարյանի հաշտության առաջարկը, իսկ  օրաթերթում տպագրված հերքումը հաշվի չէր առնվել:

Read More »Կրկին փորձիր. Քոչարյաններն ընդդեմ «Ժամանակ» օրաթերթի գործի քննությունը շարունակվում է