Հայաստանի խոսքի ազատության պաշտպանության կոմիտեն 2010 թվականին արձանագրել է ԶԼՄ-ների իրավունքների խախտման 46 դեպք, ինչը նախորդ տարվա համեմատ 8-ով աճել է:

Փետրվարի 9-ին կոմիտեի նախագահ Աշոտ Մելիքյանը լրագրողներին ներկայացրեց 2010 թվականի տարեկան զեկույցը, որտեղ ներառվել են դատական, տնտեսական և քաղաքական միջավայրների ազդեցությունները ԶԼՄ-ների գործունեության վրա, ինչպես նաև լրատվամիջոցների եւ լրագրողների իրավունքների խախտման դեպքերը:

Ըստ զեկույցի, լրագրողների նկատմամբ ֆիզիկական բռնությունների դեպքերը 2-ով նվազել է, սակայն ԶԼՄ-երի եւ դրանց աշխատակիցների նկատմամբ ճնշումներն, ընդհակառակն, աճել են 5-ով: Վիճակը վատացել է նաեւ տեղեկություններ ստանալու եւ տարածելու իրավունքի առումով: 

Read More »Զեկույց 2010. ԶԼՄ-ների իրավունքների խախտման դեպքերն ավելացան