Skip to content

Վիճահարույց փոփոխություններ «Պետական գաղտնիքի մասին» նոր օրենքում

Մարտի 1-ին Ազգային ժողովն ընդունեց ՀՀ կառավարության առաջարկած օրինագծերի ծավալուն մի փաթեթ, որի հիմքում «Պետական գաղտնիքի մասին» նոր օրենքն է: Lրագրողական կազմակերպությունները համատեղ հայտարարություն են․․․

«Ոսկե բանալին» և «Ժանգոտ կողպեքը» գտան իրենց արժանի տերերին

Տեղեկատվության ազատության շաբաթվան նվիրված միջոցառումները Հայաստանում եզրափակվեցին սեպտեմբերի 28-ին` Ինֆորմացիայի ազատության կենտրոնի կողմից կազմակերպված «Ոսկե բանալի, ժանգոտ կողպեք» մրցանակաբաշխությամբ:

Այս անգամ «Ժանգոտ կողպեքի» արժանացան ամենազավեշտալի պաշտոնական պատասխանների հեղինակները` ՀՀ պետական եկամուտների կոմիտեն և Համալսարանների համատիրությունը: Ի տարբերություն նախորդ տարիների այս անգամ «Ժանգոտ կողպեք» չշնորհվեց որևէ պետական մարմնի` որպես ամենափակ կառույցի: Ըստ ԻԱԿ ղեկավարության, հավակնող թեկնածուն նախօրեին ուղարկել էր ԻԱԿ-ին հուզող հարցերի լիարժեք պատասխանները, այդ իսկ պատճառով կենտրոնը որոշել էր չպախարակել կառույցի անունը:

«Ժանգոտ կողպեք» մրցանակը տրվում է այն կազմակերպություններին, որոնք չեն պատասխանում քաղաքացիների կամ կազմակերպությունների հարցումներին և բավարար չեն աշխատում: Իսկ «Ոսկե բանալի» մրցանակը տրվում է այն կառույցներին, պետական հաստատություններին, անձանց և ԶԼՄ-ներին, որոնք բաց և թափանցիկ աշխատանք են կատարում:

Այս տարի ԻԱԿ-ը «Ոսկե բանալիներ» էր պատրաստել 6 անվանակարգերում, իսկ կենտրոնի 10-ամյակի կապակցությամբ հատուկ մրցանակներ շնորհեց Հայաստանում տեղեկատվության ազատության զարգացման գործում նշանակալի ներդրում ունեցող տասը կազմակերպությունների, որոնց թվում էին «Առավոտ» օրաթերթը, «Երկիր մեդիա» հեռուստաընկերությունը և Գյումրու Ժուռնալիստների «Ասպարեզ» ակումբը:

Read More »«Ոսկե բանալին» և «Ժանգոտ կողպեքը» գտան իրենց արժանի տերերին

Givemeinfo նորաստեղծ կայքը կտրամադրի Հայաստանում տեղեկատվության ազատության պատկերը

«Տեղեկատվության ազատության շաբաթվա» միջոցառումների շրջանակում սեպտեմբերի 22-ին Երևանում կայացավ Givemeinfo.am («Տվեք ինձ տեղեկատվություն») կայքի շնորհանդեսը:

Այս էլեկտրոնային հարթակը հնարավորություն է տալիս հետևելու քաղաքացիների կողմից պետական գերատեսչություններին ուղարկված հարցումների և ստացված պատասխանների արդյունավետությանը և ձևավորել վիճակագրություն:

Կայքում գրված է, որ այն ստեղծված չէ քննադատելու կամ վերլուծելու համար, այլ ցույց է տալիս Հայաստանում տեղեկատվության ազատության ոլորտի վիճակագրական պատկերը` ըստ քաղաքացիների հարցումների:

Նախագիծն իրականացվել է «Ինֆորմացիայի ազատության կենտրոն» ՀԿ կողմից`«Տեղեկատվության ազատության օրենսդրության կիրառումը Հայաստանում» ծրագրի շրջանակներում: Կայքի մտահղացման հեղինակն է Ալբերտ Պողոսյանը:

«Հիմնական գաղափարն այն է, որ ստեղծենք հասարակական վերահսկողության ինովացիոն մեխանիզմ, որտեղ մարդիկ` ներմուծելով իրենց հարցումներն ու պաշտոնական անձանց պատասխանները, դառնում են տեղեկատվության վիճակագրության ստեղծող»,- ասում է ԻԱԿ-ի նախագահ Շուշան Դոյդոյանը:

Կայքի տեղեկատվությունը կուտակվում է քաղաքացիների կողմից մուտքագրած տվյալների հիման վրա և գրաֆիկների միջոցով ներկայացվում է տեղեկատվության ազատության ոլորտի վիճակագրական պատկերը:

Read More »Givemeinfo նորաստեղծ կայքը կտրամադրի Հայաստանում տեղեկատվության ազատության պատկերը