Փետրվարի 22-ին «Ամերիկայի ձայնը» հայտարարել է, որ բազմաթիվ կայքեր`այդ թվում նաև միջազգային հեռարձակողի գլխավոր կայքը՝ voanews.com-ը, ենթարկվել են հարձակման: «ԱՁ» կայքի փոխարեն այցելուները տեսել են հակաամերիկյան հաղորդագրություն՝ հասցեագրված պետքարտուղար Հիլարի Քլինթոնին, ինչպես նաև Իրանի դրոշը` AK-47 ինքնաձիգի ուղեկցությամբ:

Այտեղ թավ տառերով գրված է եղել. «Մենք ապացուցեցինք, որ կարող ենք»:

Կիբերանվտանգության փորձագետ Ջեֆրի Քարն ասում է, որ իրանական կիբեր բանակը պետք է ընդունել ամենայն լրջությամբ: «Կան հաքերների մի քանի խմբեր, որոնք գործում են Իրանից դուրս և ենթադրաբար կապեր ունեն իրանական իշխանությունների հետ: Դրանցից մեկը իրանական կիբեր բանակն է: Նրանք շատ հմուտ են: Անփորձ հաքերներ չեն», – ասել է նա:

«Fars News Agency»-ին, որը սերտ կապերի մեջ է իրանական կառավարության հետ, գովաբանում է հարձակումը և նշում, որ սա պատասխան էր Իրանի մասին «սխալ լուրերի» տարածմանը: Դեռ հայտնի չէ, թե ինչպես են կոտրվել «Ամերիկայի ձայնի» կայքերը: 

«Ամերիկայի ձայնը» հայտնում է, որ ոչ մի տեղեկատվություն չի կորել կամ գողացվել, և արդեն բոլոր կայքերը նորմալ գործում են:

Աղբյուր: Media.ge

 

Read More »Իրանցի հաքերները կոտրել են «Ամերիկայի ձայնի» կայքերը