Skip to content

Բաքուն պահանջում է BBC-ի վերադարձը

Փետրվարի 16-ին տեղի ունեցած կլոր սեղանի շրջանակներում ադրբեջանական լրագրողները և մարդու իրավունքների պաշտպանները իրենց դժգոհությունը հայտնեցին BBC-ի ադրբեջանական ծառայության փակման կապակցությամբ:

Միջոցառման մասնակիցները բողոքի հայտարարություն ստորագրեցին ռադիոկայանի փակման վերաբերյալ և ուղղեցին այն Ադրբեջանում Միացյալ թագավորության դեսպանատուն, հայտնում է Azeri Press Agency (APA) գործակալությունը:

Դեմոկրատ լրագրողների լիգայի (Democratic Journalists League (DJL)) նախագահ Յադիգար Մամմադլին (Yadigar Mammadli) ասել է, որ ռադիոյի հեռարձակումների դադարեցման որոշումը «հարված է ոչ միայն լրագրության, այլև հասարակության շահերին»:

2011 թվականի հունվարին BBC-ի համաշխարհային ծառայության ղեկավարությունը որոշում էր ընդունել փակել իր ծառայություններից հինգը, որոնց թվում էր նաև ադրբեջանականը՝ կրճատելով 560 աշխատատեղ: Ներկայումս ադրբեջանական ծառայությունը իր ծրագրերը հեռարձակում է համացանցում:

Մարդու իրավունքների պաշտպանները ասում են, որ Ադրբեջանի քաղաքացիները, որոնք ապրում են շրջաններում, գրեթե չունեն ելք դեպի ինտերնետ, և ռադիոյի հեռարձակումները չափազանց կարևոր էին նրանց համար:

Աղբյուր: http://www.media.ge/en/node/40303

Read More »Բաքուն պահանջում է BBC-ի վերադարձը