Նկարահանեք Ձեզ դեպքի վայրում, և հեռուստադիտողը կտեսնի, որ Դուք իրադարձությունների կենտրոնում եք:

Հեռուստադիտողները միշտ ուզում են տեսնել լրագրողին տեղի ունեցող իրադարձությունների վայրում: Ինչպես պատմում է BBC-ի թղթակից Դևիդ Շուկմանը, լսարանին հետաքրքիր է իմանալ` ինչ է տեղի ունենում իրադարձությունների կիզակետում: Հիմնականում այդ զգացմունքները փոխանցելու լավագույն միջոցը «stand up»-ն է:

Ահա թե ինչ է խորհուրդ տալիս Դևիդը.

– Կողմնորոշվեք, թե Ձեր ռեպորտաժի որ հատվածում է ավելի նպատակահարմար տեղադրել «stand up»-ը:

– Աշխատեք միշտ նայել տեսախցիկին: Կարող եք նաև մի կողմ նայել, բայց նույնիսկ հայացքի այդ փոփոխթյունը պետք է որոշակի իմաստային նպատակ հետապնդի:

– Օգտագործեք ռադիոբարձրախոս, որպեսզի բղավելու կարիք չլինի… բացառությամբ այն դեպքերի, երբ հատուկ նկարահանում եք աղմկոտ վայրերում՝ իրադարձությունների մթնոլորտը ներկայացնելու համար:

– Խոսեք պարզ նախադասություններով, խոսակցական լեզվով, այնպես, ինչպես ընկերոջ հետ:

– Մի փորձեք լիովին գրել Ձեր «stand up»-ի տեքստը: Դրա փոխարեն որոշեք, թե ինչ եք ուզում ասել սկզբում և վերջում, ինչպես նաև մի քանի հիմնական նախադասություն մտածեք:

– Եթե կադրում Ձեր շարժվելը որևէ իմաստային կարիք չի հետապնդում, ավելի լավ է կանգնեք մի տեղում:

– Ժամանակ առ ժամանակ կարելի է օգտագործել տարբեր առարկաներ: Օրինակ՝ որոշ դեպքերում Ձեր ձեռքի խնձորը կամ քարը կարող են հեշտացնել բարդ խնդրի բացատրությունը:

Read More »Հեռուստալրագրություն. ինչի՞ համար է պետք «stand up»-ը