Վաղը նա կրկին կգա դասի, ակտիվ կմասնակցի քննարկումներին, դաս կպատասխանի կամ ուշադրությամբ կլսի դասախոսությունը և ոչ ոք չի կռահի, որ այս նույն աղջիկն այսօր խաղում էր թատրոնում կամ գրում էր նոր սկսած վեպի վերջաբանը: Սա նույն 20-ամյա Սոնա Ավետիսյանն է, ով սովորում է Բրյուսովի անվան լեզվաբանական համալսարանի լրագրության բաժնում:

Համալսարանում նա հատուկ ուշադրություն չի պահանջում իր անձի նկատմամբ, և միգուցե դա է պատճառը, որ դասախոսներն ու համակուրսեցիները հարգում են նրան, բայց զուգահեռ նաև աչքի է ընկնում բարձր առաջադիմությամբ:

Ստեղծագործել Սոնան սկսել է դեռ դպրոցական հասակից: «Առաջին պատմվածքս գրել եմ իններորդ դասարանում: Միշտ սիրել եմ գրել: Գրելով` առաջին հերթին արտահայտում եմ ինքս ինձ: Երբ սկսում եմ գրել, չգիտեմ` ինչ ավարտ կունենա գրածս», – խոստովանում է նա:

Նրա գրածները ինքնատիպ ավարտ են ունենում, բայց մի բանում նման են իրար` արտացոլում են այսօրվա իրականությունը:

Read More »Երբ շուրջդ ստեղծում ես հրաշքների աշխարհ

Ինչպես հայտնում է Totalfootball.am կայքը՝ մայիսի 23-ին կայացավ ՀՖՖ գործադիր կոմիտեի նիստը, որի առաջին կետն էր «Արարատի» գլխավոր մարզիչ Արկադի Անդրեասյանի և Totalfootball.am-ի ֆոտոթղթակից Աշոտ Առուշանյանի միջև տեղի ունեցած միջադեպի հարցը: ՀՖՖ կարգապահական կոմիտեն գործադիր կոմիտեին առաջարկել էր Արկադի Անդրեասյանին ճանաչել ֆուտբոլում ոչ ցանկալի անձ:

ՀՖՖ նախագահ Ռուբեն Հայրապետյանը գործադիր կոմիտեին առաջարկեց Անդրեասյանին չճանաչել ֆուտբոլում ոչ ցանկալի անձ և բավարարվել միայն զգուշացմամբ, ինչպես նաև ուժի մեջ թողնել 10 խաղի որակազրկումը և 250 հազար դրամ ֆինանսական տուգանքը: Գործկոմը միաձայն ընդունեց այդ առաջարկը:

Հիշեցնենք, ապրիլի 23-ին կայացած Հայաստանի առաջնության հերթական տուրի Փյունիկ  – Արարատ խաղի ընդմիջմանը Արկադի Անդրեասյանը իրեն ուղեկցող անձանց հետ միասին ծեծի էր ենթարկել ֆոտոլրագրողին:

Աղբյուր: Totalfootball.am

Read More »ՀՖՖ նախագահի առաջարկով Անդրեասյանը չճանաչվեց անցանկալի անձ ֆուտբոլում

Հունիսի 13-ին Ադրբեջանի գերագույն դատարանը, դատավոր Հավիզ Նասիբովի գլխավորությամբ, կքննի լրագրող Էյնուլլա Ֆաթուլլաևի բողոքարկումը: Այս մասին Turan-ին հայտնել է լրագրողի փաստաբան Էլչին Սադիգովը:

Ըստ նրա՝ բողոքարկվում է Բաքվի վերաքննիչ դատարանի հունվարի 25-ի որոշումը, որով ուժի մեջ մնաց Գարադաղի դատարանի որոշումը, ըստ որի Ֆաթուլլաևին ազատազրկել են 30 ամսով թմրանյութեր պահելու համար:

Source: http://www.contact.az

Read More »Հունիսի 13-ին Գերագույն դատարանը կքննի լրագրող Ֆաթուլլաևի բողոքարկումը

Թբիլիսիում և Բաթումիում մայիսի 21-ից սկսված բողոքի ցույցերի ընթացքում լրագրողներին թույլ չեն տալիս նկարահանել, նրանց վիրավորում են և խլում նկարահանված նյութերը:

Մայիսի 22-ին Վրաստանի խորհրդարանի նախկին նախագահ Նինո Բուրջանաձեի որդի Անզոր Բիցաձեն դրոշի փայտով հարվածել է «Նեթգազեթի»-ի լրագրող Թամազ Կուպրեիշվիլիի փորին, երբ նա փորձում էր Բուրջանաձեից մեկնաբանություններ ստանալ հանրային հեռուստեսության շենքի մոտ տեղի ունեցող իրադարձությունների մասին:

«Նինո Բուրջանաձեն ինձ ասաց, որ ես գնամ և հարցազրույց վերցնեմ ոստիկաններից, երբ նրա տղան դրոշի փայտով հարվածեց փորիս, չնայած՝ ցավոտ չէր», – ասել է Թամազ Կուպրեիշվիլին Media.ge կայքին:

Ըստ նրա՝ Բուրջանաձեի մամլո ծառայությունն արդեն կապնվել է նրա հետ՝ ասելով, որ Անզոր Բիցաձեն ուզում է հանդիպել նրան և ներողություն խնդրել տեղի ունեցած «թյուրիմածության» համար:

Մայիսի 22-ին Interpressnews լրատվական գործակալությունը հայտնել է, որ քաղաքացիական հագուստով ինչ-որ անձնավորություն նրանց թղթակցից խլել է Կոստավա պողոտայի վրա՝ հանրային հեռուստատեսության շենքի առջև տեղի ունեցած ընդհարումների նկարահանած նյութերը:

Բողոքի ցույցերը դեռևս շարունակվում են հանրային հեռուստատեսության շենքի առջև: Երկրորդ հանրային ալիքը ցուցադրում է ակցիան ուղիղ եթերով:

Ակցիան կազմակերպել է ընդդիմադիր «Վրաստանի համաժողովրդական ժողով» կազմակերպությունը:

Read More »Վրաստան. բռնություն լրագրողների հանդեպ

Հարցազրույց «Կովկասյան հանգույց» առցանց լրատվական գործակալության գլխավոր խմբագիր Գրիգորի Շվեդովի հետ

«Կովկասյան հանգույց»-ը վերջին 11 տարիներին Կովկասում տեղի ունեցող իրադարձությունները լուսաբանող պարբերական է, որը նաև ակտիվորեն զարգացնում է քաղաքացիական լրագրության հնարավորությունները: Ըստ գլխավոր խմբագիր Գրիգորի Շվեդովի`այսօր ԶԼՄ-ները պետք է ձևավորեն քաղաքացիական ընթերցողներ, ովքեր կարձագանքեն լուսաբանված խնդիրներին: Շվեդովը Երևանում էր մայիսի 17-19-ը «Լրագրողներ հանուն ապագայի» ՀԿ հրավերով: Այստեղ նա վարեց վարպետության դաս ուսանողների համար, ինչպես նաև մասնակցեց «Նոր մեդիա. հաղորդակցվելու նոր հնարավորություններ տարածաշրջանում» թեմայով հարավկովկասյան մեդիա համաժողովին:

– Կարծիք կա, որ այն քաղաքացիական հասարակությունը, որն այսօր ձևավորվում է նոր մեդիայի օգնությամբ, փոքր-ինչ պասիվ բնույթ է կրում, քանի որ հաճախ սահմանափակվում է «հավանություն» (like) տալով նյութերին: Դուք ի՞նչ եք կարծում այս կապակցությամբ:

Read More »Գրիգորի Շվեդով. մեդիայի համար վնասակար է հանդուրժողականություն զարգացնել

ՀՀ խորհրդարանում աշխատելը գնալով վտանգավոր է դառնում լրագրողների համար որոշ պատգամավորների վարքի պատճառով: Այսօր ԱԺ պատգամավոր Սաշիկ Սարգսյանը, ով որպես Սերժ Սարգսյանի եղբայր իրեն անպատժելի է համարում, հարձակվել է մեր թղթակցի` Մարինե Խառատյանի վրա: Պատգամավոր Սաշիկ Սարգսյանին մեր թղթակիցը ԱԺ միջանցքում հանդիպելով մոտեցել է ու հարց ուղղել, թե պատրաստվո՞ւմ է արդյոք առաջադրվել առաջիկա խորհրդարանական ընտրություններում: Սաշիկ Սարգսյանը կատաղած խլել է ձայնագրիչը, բոլոր հնարավոր կոճակները սեղմելով անջատել այն` թե ի՞նչ իրավունք ունես ինձ հարց տաս:

Լրագրողը փորձել է բացատրել, որ ԱԺ պատգամավորին ԱԺ-ում հնարավոր է եւ հարցեր ուղղվեն: Սաշիկ Սարգսյանն անցել է վիրավորանքների ու հայհոյանքների: Երբ լրագրողը նրան կարգի է հրավիրել`ասելով, թե ձեզ կոռեկտ պահեք լրագրողի հետ զրուցում, Սաշիկ Սարգսյանը փորձել է հարձակվել լրագրողի վրա ԱԺ գրադարանի մերձակա միջանցքում:

Դեպքին ականատես ԱԺ աշխատակիցներից մեկը կարողացել է հետ պահել Սաշիկ Սարգսյանին ու այդ պատճառով հարձակումը կանխվել է: Սաշիկ Սարգսյանի հայհոյանքներին ականատես ՀՀԿ խմբակցության ղեկավար Գալուստ Սահակյանը անգամ չի փորձել սաստել լրագրողի վրա հարձակված իր խմբակցության անդամին` թերեւս վախենալով թթու խոսք ասել Սերժ Սարգսյանի եղբորը:

Read More »Հրապարակ օրաթերթ. «Սաշիկ Սարգսյանը հարձակվել է մեր լրագրողի վրա»

Մամուլի ազատության ԵԱՀԿ ներկայացուցիչ Դունյա Միյատովիչը համոզված է, որ վերջին մեկուկես տարվա ընթացքում ադրբեջանական մամուլում դրական փոփոխություններ են տեղի ունեցել:

«Վերջին մեկուկես տարվա ընթացքում Ադրբեջանի մամուլում դրական փոփոխություններ են նկատվում: Սակայն գլխավոր աշխատանքները կսկսվեն այն ժամանակ, երբ երկրում ընդունվի զրպարտության մասին օրենքը», – իր քառօրյա այցի ամփոփման ժամանակ հայտնել է Միյատովիչը:

«Ես ողջունում եմ նախագահ Իլհամ Ալիևի հայացքները համացանցի ազատության վերաբերյալ», – ասել է Միյատովիչը:

Այցի ընթացքում Միյատովիչը հանդիպել է իշխանությունների և ադրբեջանական մամուլի ներկայացուցիչների հետ:

Ապագայում ևս Միյատովիչը պատրաստվում է հետևել Ադրբեջանում տեղի ունեցող գործընթացներին:

«Զրպարտանքի մասին օրենքի կարևորագույն նպատակն է խուսափել լրագրողների ազատազրկումներից, ինչպես նաև թեթևացնել այն գումարների չափերը, որոնք մամուլը վճարում է որպես տուգանք», – ասում է Միյատովիչը:

«Ես ակնկալում եմ, որ Ադրբեջանի խորհրդարանը քննարկում կծավալի օրինագծի վերաբերյալ և հասարկությունը կաջակցի այդ օրինագծին», – ասել է նա:

Զրպարտանքի մասին օրինագիծը մշակվել է ԵԱՀԿ Բաքվի գրասենյակի օգնությամբ 2005 թվականին: Օրինագծի մշակմանը մասնակցել են պատգամավորներ, մամուլի ներկայացուցիչներ և փաստաբաններ:

Read More »ԵԱՀԿ. Ադրբեջանը մամուլի ասպարեզում առաջընթաց է գրանցում

Եվրոպական խորհրդարանը պատրաստվում է խիստ բանաձև ընդունել Ադրբեջանում մարդու իրավունքների վերաբերյալ: Այս մասին հայտնում է Թուրան լրատվական գործակալությունը:

Բանաձևը վերաբերում է մարդու իրավունքների և ժողովրդավարության զարգացմանը Ադրբեջանում՝ ներառյալ Էյնուլլա Ֆաթուլլաևի և ակտիվիստ Ջաբար Սավալանի, ինչպես նաև այլոց գործերին:

Աղբյուր: News.am

Read More »Եվրախորհրդարանը խիստ բանաձև է ընդունում Ադրբեջանի վերաբերյալ

Ֆրանսիական «Լրագրողներ առանց սահմանների» կազմակերպությունը մտահոգված է հայկական թերթերի նկատմամբ հարուցված դատական գործընթացներով և սահմանված վնասների փոխհատուցման գումարներով, որոնք սպառնում են թերթերի գոյությանը և ստիպում դրանց զբաղվել ինքնագրաքննությամբ: 

2010-ի ապրիլին տեղի ունեցած փոփոխությունը, ըստ որի ապաքրեականացվեց զրպարտանքի և վիրավորանքի մասին օրենքը, դիտվեց որպես ժողովրդավարական քայլ, սակայն դատական հետապնդումները մամուլի նկատմամբ շարունակվում են: Միայն 2011-ի առաջին եռամսյակում հարուցվել է զրպարտության 12 գործ: Գլխավոր թիրախն անկախ թերթերն են: Ներկայումս «Ժամանակ» օրաթերթի դեմ ներկայացված է երեք տարբեր հայց: Դատական գործ է հարուցված նաև «Հայկական ժամանակ»-ի և «Հրապարակ»-ի նկատմամբ:

Հիմնականում հայցվորները քաղաքական գործիչներ են: Ապրիլի 18-ին ՀՀ Վերաքննիչ դատարանը «Հետք» կայքին, որը ստեղծել է «Հետաքննող լրագրողներ» ՀԿ-ն, պարտադրել է որպես փոխհատուցում Իջևանի քաղաքապետին վճարել 450 000 դրամ, ինչպես նաև հերքել տպագրված նյութը: Սպառելով բոլոր հույսերը՝ ՀԿ-ն ցանկանում է դիմել Մարդու իրավունքների եվրոպական դատարան:

Read More »«Լրագրողներ առանց սահմանների»-ն մտահոգ է Հայաստանում մամուլի վիճակով