Skip to content

Թուրք ոստիկանները դատապարտվել են Հրանտ Դինքի սպանության առիթով

Հունիսի 2-ին թուրքական դատարանը 4-6 ամիս ժամկետով ազատազրկման է դատապարտել մի խումբ ոստիկանների 2007 թվականին հայ լրագրող Հրանտ Դինքի սպանության ժամանակ անգործություն դրսևորելու համար:

Մի գնդապետ և նրա հինգ ենթակաները, որոնք բարձր պաշտոններ էին զբաղեցնում Տրապիզոնում, որտեղ էլ երիտասարդների մի խումբ պլանավորել է լրագրողի սպանությունը, հայտնվել են ծովափնյա քաղաքի դատարանում:

Դատախազներն ասում են, որ ոստիկանությունը տեղեկություններ է ստացել Դինքի սպանության կազմակերպման մասին Տրապիզոնում: Հենց այս քաղաքից է 17-ամյա մարդասպանը, ով ընդունել է իր մեղքը:

Սեպտեմբերին Մարդու իրավունքների եվրոպական դատարանը հայտնել է, որ Թուրքիայի իշխանությունները անհրաժեշտ միջոցառումներ չեն ձեռնարկել Դինքին պաշտպանելու համար:

Աղբյուր: RFE/RL

Read More »Թուրք ոստիկանները դատապարտվել են Հրանտ Դինքի սպանության առիթով

ՊԻԿ հեռուստաալիքի լրագրողին վտարում են Ռուսաստանից

Մոսկվայի քաղաքային դատարանը երեկ որոշում է ընդունել հեռացնել երկրից Առաջին տեղեկատվական կովկասյան հեռուստաալիքի լրագրող Նատիա Փոլադաշվիլուն: 

Ինչպես հայտնում է Кавказский узел կայքը՝ մայիսի 30-ին Աբխազիայի նախագահ Սերգեյ Բաղապշի հուղարկավորման արարորողության ժամանակ ձերբակալվել են ՊԻԿ հեռուստաալիքի թղթակիցներ Ալեքսեյ Մատվեևը և Նատիա Փոլադաշվիլին: Մատվեևին տուգանել են 500 ռուբլի գումարով, իսկ Փոլադաշվիլու գործը ուղարկվել է դատարան:

Մայիսի 31-ին դատարանը որոշում է ընդունել Ադրբեջանի քաղաքացի Նատիա Փոլադաշվիլուն վտարել երկրից, հայտնում է  «Грузия Onlinе»-ը:

Ինչպես հայտնել են մայրաքաղաքի իրավապահ մարմինները՝ լրագրողները նկարահանում էին իրականացնում և հարցազրույցներ վերցնում առանց հավատարմագրման փաստաթղթերի: 

Հատկանշական է, որ մարտի 2-ին տեղի ունեցած Մոսկվա-Թբիլիսի հեռուստակամրջի ժամանակ ռուսական կողմը մեղադրել է ՊԻԿ հեռուստաալիքին այն բանում, որ վերջինս ապակայունացնում է իրավիճակը Կովկասում և նպաստում ՌԴ-ի քայքայմանը: Հեռուստաալիքի ղեկավարությունն էլ հայտարարել է օբյեկտիվ հաղորդումներ պատրաստելու իր նպատակների մասին:

Աղբյուր: http://www.kavkaz-uzel.ru/

Read More »ՊԻԿ հեռուստաալիքի լրագրողին վտարում են Ռուսաստանից

Լրագրողներ առանց սահմանների. Թբիլիսիում հարձակվել են 10-ից ավելի լրագրողի վրա

«Լրագրողներ առանց սահմանների» կազմակերպությունը ցնցված է այն բռնություններից, որոնք վրացական անվտանգության ուժերը գործածել են մայիսի 26-ի վաղ առավոտյան Թբիլիսիում տեղի ունեցող հակակառավարական ցույցը լուսաբանող լրագրողների հանդեպ:

«Ըստ մեր աղբյուրի՝ ոստիկաննները հարձակում են գործել կամ ձերբակալել նվազագույնը տասներկու լրագրողի», – հաղորդում է «ԼԱՍ»-ն: «Իրադարձությունները լուսաբանող լրագրողների հանդեպ ուժի այս գործադրումը պարզապես անհանդուրժելի է: Մենք կոչ ենք անում թե՛ կառավարությանը, թե՛ ընդդիմությանը հարգել լրագրողներին. նրանք չպետք է դառնան ընթացիկ քաղաքական լարվածության զոհ»:

Մայիսի 21-ից սկսած՝ ամեն օր հազարավոր մարդիկ դուրս էին գալիս ցույցի՝ պահանջելով նախագահ Սահակաշվիլու հրաժարականը: Մայիսի 26-ին՝ կեսգիշերից հետո, ոստիկանությունը ուժ գործադրեց, որպեսզի ցրի ընդդիմության ցույցը Ռուսթավելու պողոտայից: Ընդդիմությունը զգուշացվել էր, որ փողոցը պետք է ազատվի, քանի որ այնտեղ տեղի էին ունենալու Վրաստանի անկախության 20-ամյակին նվիրված տոնակատարություններ: 

Ոստիանությունը արցունքաբեր գազ, ռետինե փամփուշտներ և մահակներ էր օգտագործում ցուցարարներին ցրելու համար: Լրագրողները ենթարկվում էին բանավոր վիրավորանքների և ֆիզիկական հարձակման: Առանց բացատրությունների նրանցից խլում կամ կոտրում էին ֆոտո և տեսախցիկները:

Read More »Լրագրողներ առանց սահմանների. Թբիլիսիում հարձակվել են 10-ից ավելի լրագրողի վրա

Էյնուլա Ֆաթուլաևին ազատ են արձակել չորս տարի բանտում անցկացնելուց հետո

Լրագրող և թերթի խմբագիր Էյնուլա Ֆաթուլաևը ազատ է արձակվել բանտում չորս տարի անցկացնելուց հետո:

Ֆաթուլաևին ազատել են տասնյակ այլ բանտարկյալների հետ Ադրբեջանի նախագահ Իլհամ Ալիևի կողմից շնորհված համաներման արդյունքում:

Նրա ազատումը ողջունվեց շատ ադրբեջանական և միջազգային կազմակերպությունների կողմից, որոնք տարիներ շարունակ աշխատել են այդ ուղղությամբ:

Ազատ արձակվելուց ընդամենը երկու ժամ հետո, խոսելով «Ազատություն» ռադիոկայանի հետ, Ֆաթուլաևն ասել է, որ համոզված է, որ այդ ջանքերը կարևոր դեր են խաղացել կառավարության` իրեն ազատելու որոշման մեջ:

Նա ավելացրել է, որ անսպասելի ազատությունը կարծես մի «հրաշք» լինի, որը դժվար է հասկանալ:

«Ես մինչև հիմա փորձում եմ հասկանալ իրավիճակը», – ասել է նա: «Սա մի հրաշք է ինձ համար: Ես չէի պատկերացնի: Իսկապես անակնկալ էր ինձ համար»:

Ֆաթուլաևը, ով ներկայումս փակված «Իրական Ադրբեջան» թերթի գլխավոր խմագիրն է, ձերբակալվել էր 2007 թվականին և դատապարտվել 8,5 տարի ազատազրկման հարկերից խուսափելու և ահաբեկչություն խթանելու մեղադրանքներով:

2010 թվականին Մարդու իրավունքների եվրոպական դատարանը որոշում ընդունեց, ըստ որի Ֆաթուլաևը պետք է ազատ արձակվեր և 25,000 եվրո փոխհատուցում ստանար, քանի որ Ադրբեջանի կառավարությունը խախտել էր նրա խոսքի ազատության և արդար դատի իրավունքները:

Read More »Էյնուլա Ֆաթուլաևին ազատ են արձակել չորս տարի բանտում անցկացնելուց հետո

Բողոքի ցույցի ժամանակ ոստիկանները ձերբակալել, ծեծել են լրագրողների և առգրավել տեխնիկան

Մայիսի 26-ի առավոտյան Ռուսթավելի պողոտայում տեղի ունեցող ցույցի ընթացքում ոստիկանության հարձակման արդյունքում լրագրողներ են տուժել: Օրինապահները ձերբակալել, ծեծել և հայհոյել են նրանց`առգրավելով լուսանկարչական սարքավորումները և տեսախցիկները:

Հատուկ նշանակության զորքերը ծեծել են Netgazeti-ի լրագրող Թամազ Կուպրեիշվիլուն:

Interpressnews գործակալության թղթակից Մալխազ Չկադուային ձերբակալել և բերման են ենթարկել ոստիկանական բաժանմունք: Որոշ ժամանակ անց նրան ազատ են արձակել: Ինչպես հայտնում է Մալխազ Չկադուան՝ նրան և այլ լրագրողների հայհոյել են մոտ մեկ և կես ժամ: Ըստ նրա՝ ոստիկանական բաժանմունքում շատ այլ ձերբակալվածներ կան:

Ինչպես հայտնում է Interpressnews գործակալությունը՝ նրանց թղթակցին ոստիկանները վայր են գցել Թավուկաշվիլի փողոցում և թույլ չեն տվել հեռանալ: Լրագրողը կրել է մամուլի ծառայության տարբերակիչ նշաններով հագուստ, սակայն ոստիկանները նրան բաց չեն թողել և տարել են անհայտ ուղղությամբ:

Netgazeti-ի լրագրող Նինո Կախնիաշվիլին թունավորվել է արցունքաբեր գազից և տեղափոխվել հիվանդանոց: Առաջին բուժօգնություն ստանալուց հետո նրան դուրս են գրել հիվանդանոցից: 

Netgazeti-ի մեկ այլ լրագրող Նեսթան Ցեցխլաձեից խլել են տեսախցիկը:

Media.ge-ն անձամբ ներկա է գտնվել և տեսել է՝ ինչպես են ֆիզիկական ուժ գործադրում և խլում ֆոտոխցիկը Guira News-ի լրագրող Նատո Գոգելիայից:

Աղբյուր` Media.Ge

Read More »Բողոքի ցույցի ժամանակ ոստիկանները ձերբակալել, ծեծել են լրագրողների և առգրավել տեխնիկան

Բլոգերների դատավարություններն Ադրբեջանում շարունակվում են

Ադրբեջանում մաիսի 6-ին ավարտվել է երիտասարդ ակտիվիստ և բլոգեր Բախտիար Հաջիևի դատական հետաքննությունը: Հաջիևին մեղադրում են պարտադիր զինվորական ծառայությունից խուսափելու մեջ: Մայիսի 10-ին նշանակված է գլխավոր դատախազի ելույթը: 

Դատական գործընթացի ժամանակ դատավորը մերժել է դատապաշտպանությունը նկարահանելու կամ ձայնագրելու խնդրանքը:

Փաստաբանի խոսքերով՝ Հաջիևն արդեն պատրաստ է լսել մեղադրական որոշումը, քանի որ օբյեկտիվ դատական հետաքննություն չի անցկացվում: «Ես չեմ հավատում Ադրբեջանի դատական համակարգի արդարադատությանը, քանի որ այն իրականացնում է գործադիր իշխանության պատվերները», – ասել է Հաջիևը:

Դատի ժամանակ հարցաքննվել են այն ոստիկանները, որոնք մարտի 4-ին ձերբակալել էին Հաջիևին: Նրանք հերքել են Հաջիևի և պաշտանության հայտարարությունն այն մասին, որ լրագրողի հանդեպ ֆիզիկական ճնշում են գործադրել:

Հաջիևի համախոհներից և ընկերներից շատերին, ինչպես նաև լրագրողներին, թույլ չեն տվել ներկա գտնվելու դահլիճում, չնայած՝ ըստ փաստաբանի, ազատ տեղեր շատ են եղել:

Ադրբեջանի դեմոկրատական հանրությունը համոզված է, որ Հաջիևին ձերբակալել են որպես Facebook-յան խմբի անդամ, որը մարտի 11-ին հայտարարել էր Ադրբեջանում «Ազգային մեծ օր» հակակառավարական ակցիա անցկացնելու մասին:

Աղբյուր: http://www.kavkaz-uzel.ru/

Read More »Բլոգերների դատավարություններն Ադրբեջանում շարունակվում են

Լրագրողներ առանց սահմանների. Իրանը «գիշատիչ» է մամուլի ազատության համար

Փարիզյան «Լրագրողներ առանց սահմանների» կազմակերպությունը աշխարհի տարբեր քաղաքական առաջնորդների, հանցավոր խմբավորումների և ապստամբների իր ամենամյա ցուցակում, որպես մամուլի ազատության հանդեպ «գիշատչի», ընդգրկել է նաև Իրանին: 

Ըստ կազմակերպության, Իրանի նման կարգավիճակի գլխավոր մեղավորը երկրի գերագույն առաջնորդ Ալի Խամենեին է, ով «պատասխանատու է լրագրողների նկատմամբ շարունակական բնույթ կրող ճնշումների համար: Միջազգային մամուլի դեմ  հնչեցրած նրա վարակիչ և բորբոքիչ քննադատություններն արթնացրել են կառավարող մարմինների զայրույթը լրատվամիջոցների հանդեպ: Նա լիովին համաձայնել է այն դատական համակարգի հետ, որը 2009-ի օգոստոսին և 2010-ի հունվարին իրականացրեց մի շարք ցուցադրական դատավարություններ՝ լրագրողներին և բլոգերներին անհավանական երկար ժամկետներով ազատազրկելով և որոշ դեպքերում նույնիսկ մահապատժի ենթարկելով: Հեղափոխական պահակախումբը, որն անուղղակիորեն ենթարկվում է Խամենեին, կառավարում է Թեհրանում գտնվող Էվին բանտը, հետևաբար հենց նա է պատասխանատու այդ բանտում լրագրողներին և բլոգերներին տանջելու և այլ ոտնձգությունների համար»:

Կազմակերպությունը Խամենեին մեղադրում է նաև «մարդկության դեմ հանցանքներ կատարելու մեջ»՝ ավելացնելով, որ նախագահ Ահմադինեջադն էլ «ուղղակիորեն պատասխանատու է այս ճնշման համար, որը նա կազմակերպում է կրթության, մշակույթի նախարարների հետ՝ իսլամական և հեղափոխական պահակախմբի աջակցությամբ»:

Read More »Լրագրողներ առանց սահմանների. Իրանը «գիշատիչ» է մամուլի ազատության համար

Վաճառվել են թուրքական Milliyet և Vatan թերթերը

Թուրքական Sabah թերթի փոխանցմամբ, թուրքական Doğan մեդիա հոլդինգը վաճառել է Milliyet և Vatan թերթերը` դրանց ինտերնետային կայքերի հետ միասին: Թերթերի վաճառքից ընդհանուր առմամբ ստացվել է 73 միլիոն 960 հազար դոլար:

Ընդ որում, Milliyet-ը վաճառվել է Bağımsız Gazeteciler Yayıncılık (Անկախ լրագրողների հրատարակչություն) կազմակերպությանը, իսկ Vatan-ը` DK Gazetecilik ve Yayıncılık (ԴԿ լրագրություն և հրատարակչություն) կազմակերպությանը:

Milliyet-ի վաճառքից ստացվել է 47.960.000 դոլար, իսկ Vatan-ի վաճառքից` 26 միլիոն դոլար:

Հիշեցնենք, որ Milliyet օրաթերթը հիմնադրվել է 1950 թվականի մայիսի 3-ին: Ներկայիս դրությամբ, իր տպաքանակով (ավելի քան 172.000) Milliyet-ը թուրքական թերթերի շարքում զբաղեցնում է 9-րդ հորիզոնականը:

Ինչ վերաբերում է Vatan օրաթերթին, ապա այն ստեղծվել է 2002 թվականի սեպտեմբերի 2-ին և իր տպաքանակով (ավելի քան 109.000) զբաղեցնում է 14-րդ տեղը: 

Աղբյուր: 1in.am


Read More »Վաճառվել են թուրքական Milliyet և Vatan թերթերը

Ադրբեջանին քննադատում են շվեդ լրագրողներին արտաքսելու համար

Ադրբեջանը արտաքսել է երեք շվեդ լրագրողների, որոնք ձերբակալվել էին ընդդիմության ցույց կազմակերպելու վերջին փորձի ժամանակ: Նրանց ձերբակալումը դատապարտվել էր մի շարք միջազգային կազմակերպությունների կողմից, հայտնում է «Ազատություն» ռադիոկայանի ադրբեջանական ծառայությունը:

Լրագրողները ժամանել էին Բաքու մարդու իրավունքների վերաբերյալ վավերագրական ֆիլմ նկարելու նպատակով:

Նրանք ձերբակալվել էին ապրիլի 17-ին, երբ ոստիկանությունը ցրում էր ընդդիմության ցույցը քաղաքի կենտրոնական այգիներից մեկում:

Ներքին գործերի նախարարության ներկայացուցիչ Օրխան Մանսուրզադեն ասել է «Ազատություն» ռադիոկայանին, որ լրագրողները հավատարմագրված չեն եղել Արտաքին գործերի նախարարության կողմից և ապրիլի 18-ին օրենքի համաձայն արտաքսվել են երկրից:

Սակայն լրագրողներից մեկը հայտնել է, որ նա և իր գործընկերները չեն թաքցրել իրենց մասնագիտությունը, երբ դիմել են վիզաների համար: Նա ավելացրել է, որ պաշտոնյաներն Ադրբեջանի դեսպանատանը նրանց հավաստիացրել են, որ իրենց փաստաթղթերը կուղարկվեն Արտգործ նախարարություն:

Լրագրողների պաշտպանության կոմիտեն (CPJ) կոչ է անում Ադրբեջանի կառավարությանը չխոչընդոտել միջազգային մամուլի աշխատանքներին:

Աղբյուր: RFE/RL


Read More »Ադրբեջանին քննադատում են շվեդ լրագրողներին արտաքսելու համար

«50 ֆաթուլաևներ» Լոնդոնում պահանջում են ազատ արձակել լրագրողին

Բանտում գտնվող լրագրող Էյնուլլա Ֆաթուլաևին նվիրված բողոքի ցույցի մասնակիցները լրագրողի դեմքը պատկերող դիմակներով այսօր՝ ապրիլի 20-ին, հավաքվելու են Լոնդոնում Ադրբեջանի դեսպանատան առջև: Լոնդոնում գտնվող մարդու իրավունքների պաշտպանության հինգ կազմակերպությունները նման կերպ կնշեն ադրբեջանցի լրագրողի ձերբակալման չորրորդ տարելիցը: 

«Հիսուն ֆաթուլաևներ» դեսպանին կհանձնեն Ադրբեջանի իշխանություններին հասցեագրված նամակ, որում պահանջում են անմիջապես և առանց վերապահումների ազատել Ֆաթուլաևին և փոխհատուցել տույժը: Վերջին մեղադրանքը, որի համար նա գտնվում է բանտում, կապված է թմրադեղեր պահելու հետ, որը սակայն ենթադրաբար կեղծված է Ֆաթուլաևին բանտում պահելու համար՝ հակառակ 2010 թվականի ապրիլին Եվրոպական դատարանի կայացրած որոշման:

Աղբյուր: Article19.org


Read More »«50 ֆաթուլաևներ» Լոնդոնում պահանջում են ազատ արձակել լրագրողին