Ականավոր մտավորական, գրող և հրատարակիչ Ռագիփ Զարաքոլուի ձերբակալությունը՝ ապօրինի կազմակերպություններին անդամակցելու կասկածանքով, առաջացրել է մի շարք առաջատար հասարակական կազմակերպությունների զայրույթը: Թուրքիայի հրատարակիչների միությունը, Ժամանակակից լրագրողների ասոցիացիան և Մարդու իրավունքների ասոցիացիան կոչ են արել ազատ արձակել Զարաքոլուին:

Նրան ձերբակալել են հոկտեմբերի 29-ին տեղի ունեցած մասսայական ձերբակալությունների արդյունքում: Գրողին ենթադրաբար կասկածում են Քրդստանի հասարակությունների միություն կազմակերպության հետ կապերի մեջ, որը համարվում է Քրդստանի աշխատանքային կուսակցության քաղաքացիական գաղտնի կառույց:

Ռագիփ Զարաքոլուն նաև Բելգե հրատարակչության տնօրենն է, որը բազմաթիվ գրքեր է հրատարակել Թուրքիայում ազգային փոքրամասնությունների դեմ խտրականությունների մասին, ինչպես նաև անդրադարձել է հայերի ցեղասպանությանը:

Աղբյուր: Hurriyet Daily News.com

Read More »Թուրք գրողի ձերբակալությունը զայրացրել է հասարակական կազմակերպություններին

Read More »Իրավաբանական խորհրդատվություն վրացական հեռուստատեսությունում

Բաքվում ընթանում է ամերիկացի լրագրողի և բրիտանացի մարդու իրավունքների պաշտպանի վրա չորս ամիս առաջ հարձակում գործած անձանց դատավարությունը: Այս մասին հաղորդում է «Ազատություն» ռադիոկայանի ադրբեջանական ծառայությունը:

Ամերիկացի լրագրող Ամանդա Էրիկսոնը և բրիտանացի ակտիվիստ Սելիա Դևիսը պնդում են, որ հունիսի 15-ին Բաքվի Ազգային դրամատիկական թատրոնի մոտակայքում նրանց վրա հարձակում են գործել:

20-22 տարեկան չորս անձնավորություն՝ Ադիլ Թագիզադեն, Ռոման Հասանովը, Վուսալ Քուրբանովը և Նազիմ Հուսեյնովը, մեղադրվում են խուլիգանության և ծանր մարմնական վնասվածքներ պատճառելու մեջ: Եթե նրանք մեղավոր ճանաչվեն, նրանց սպառնում է երեքից յոթ տարի ազատազրկում:

Բոլոր չորս մեղադրյալներն էլ իրենց մեղավոր չեն ճանաչում: Նրանք ժխտում են այն փաստը, որ հարձակվել են կանանց վրա կամ վիրավորական խոսքեր են ասել նրանց հասցեին, ինչպես նաև պնդում են, որ հարբած չեն եղել: Նրանց խոսքերով՝ նրանք փորձում էին օգնել երկու կնոջ, ովքեր հարբածի տպավորություն էին թողնում:

«Նրանք խմած էին, երբ ես մոտեցա նրանցից մեկին և հարցրեցի, թե ինչով կարող եմ օգնել», – ասում է Թագիզադեն: «Նրանք վախեցան և սկսեցին գոռալ: Մենք հասկացանք, որ նրանք օտարերկացիներ են: Հետո Նազիմը տվեց նրանց իր բջջային հեռախոսը, որ զանգահարեն ոստիկանություն, բայց այդ կինը նետեց հեռախոսը գետնին և կոտրեց այն: Մենք նրանց չենք ծեծել… նրանք պարզապես փախան»:

Read More »Ադրբեջանում սկսվել է ակտիվիստի և լրագրողի վրա հարձակված անձանց դատը

Հրանտ Դինքի սպանության գործով զբաղվող դատախազը երկուշաբթի օրը հայտնել է, որ սպանության պատասխանատվությունը «Էրգենեկոն» խմբավորման վրա է:

Դատախազ Հիքմեթ Ուստան հայտնել է իր կարծիքը այն մասին, թե ովքեր են սպանության հեղինակները, և իր մեղադրանքներն է հնչեցրել Ստամբուլի դատարանում: Դատախազն ասել է, որ սպանությունը «Էրգենեկոնի» ձեռքի գործն է, և պահանջել ցմահ ազատազրկել յոթ կասկածյալներին, այդ թվում՝ հիմնական մեղադրյալներ Յասին Հայալին և Էրհան Թունչելին, սահմանադրական կարգը խախտելու փորձի համար:

Թունչելը մեղադրվում է մարդասպանին զենք տրամադրելու, իսկ Հայալը՝ Թունչելի հետ Դինքի սպանությունը համահեղինակելու մեջ: Սպանությունն իրականացրել է Օգյուն Սամաստը, ով 2007 թվականին սպանեց Հրանտ Դինքին իր գրասենյակի մոտ: Սամաստին դատապարտել են 22 տարի և 10 ամիս ազատազրկման:

Երկուշաբթի օրվա լսումներին Դինքի ընտանիքի փաստաբանները հայտնել են, որ ունեն նոր և կարևոր ապացույցներ կապված սպանության հետ, և խնդրել են դատախազին հետաձգել իր խոսքը: Սակայն դատախազը մերժել է փաստաբանների խնդրանքը:

Աղբյուր: Todays Zaman

Read More »Դատախազի կարծիքով Հրանտ Դինքի սպանությունը «Էրգենեկոնի» ձեռքի գործն է

Այս տարի ամբողջ աշխարհում արդեն սպանվել է 82 լրագրող: Այս մասին հաղորդում է Մամուլի միջազգային ինստիտուտն (International Press Institute) իր ամենամյա զեկույցում:

Լրագրողների մեծամասնությունը (32 հոգի) սպանվել են հարավամերիկյան երկրներում: 24-ը կորցրել են իրենց կյանքը Աֆրիկայում և Միջին Արևելքում, 13-ը՝ Ասիայում, և 2-ը՝ Եվրոպայում:

Մեքսիկան մնում է մեդիայի համար աշխարհի ամենավտանգավոր երկիրը, որտեղ արդեն սպանվել են իրենց աշխատանքն իրականացնող 11 լրագրողներ:

Մեքսիկայի խմբավորումները, որոնք ներգրավված են թմրանյութերի բիզնեսում, ուժ են գործադրում լրագրողների նկատմամբ, ինչն ազդում է երկրում լրագրության որակի վրա, քանի որ լրագրողները փորձում են քիչ անդրադառնալ քրեական թեմաներին՝ վախենալով իրենց կյանքի համար:

Իրաքը ճանաչվել է երկրորդ ամենավտանգավոր երկիրը լրագրողների համար, որտեղ այս տարի սպանվել է 8 լրագրող:

Համաձայն հետազոտության՝ Իրաքին հետևում են Պակիստանը, Լիբիան և Հոնդուրասը հնգական սպանությամբ:

Համաձայն անցած տարվա զեկույցի՝ 2010 թվականին աշխարհում սպանվել է 101 լրագրող: Պակիստանը առաջատարն է 16 զոհով, որին հետևում են Մեքսիկան (12) և Հոնդուրասը (10):

Աղբյուր: Media.ge

Read More »2011 թվականին աշխարհում սպանվել է 82 լրագրող

Թուրքիայի նախագահ Աբդուլա Գյուլը շաբաթ օրը հանդիպել է գերմանացի լրագրողների հետ, ովքեր գտնվում էին իրանական բանտում լրտեսության մեղադրանքով և ազատ են արձակվել նախագահի միջամտությամբ:

Գյուլը պաշտոնական այցով մեկնել է Բեռլին, որտեղ առաջին հանդիպումն ունեցել է Bild թերթի թղթակից Մարկուս Հելվիգի և ֆոտոլրագրող Յենս Կոխի հետ:

Հելվիգը և Կոխը շնորհակալություն են հայտնել Գյուլին թուրքերենով, իսկ Գյուլն ասել է, որ Գերմանիայի նախագահ Քրիստիան Վուլֆը հայտնել էր նրան երկու լրագրողների ձերբակալման մասին Իրան կատարվելիք այցից առաջ, և այն, որ Գերմանիայի նախագահն էլ մեծ ջանք է գործադրել լրագրողներին ազատելու համար:

Գերմանացի լրագրողներ Մարկուս Հելվիգը և Յենս Կոխը ձերբակալվել էին Իրանում անցած տարի, երբ փորձել էին հարցազրույց վերցնել Սաքինա Աշտիանիի ընտանիքից, ով մահապատժի էր ենթարկվել քարկոծման հետևանքով՝ ամուսնական հավատարմության խախտման համար:

Երկու լրագրողներին ազատել են նախագահ Գյուլի և Իրանի նախագահ Մահմուդ Ահմադինեջադի փետրվարյան հանդիպումից որոշ ժամանակ անց:

Աղբյուր: Worldbulletin.net

Read More »Թուրքիայի նախագահը հանդիպում է ազատված գերմանացի լրագրողների հետ