Իրանի մշակույթի նախարար Սեյեդ Մոհամադ Հոսեյնին BBC-ի համաշխարհային ծառայության տնօրեն Պիտեր Հորոքսի մեղադրանքներն այն մասին, որ BBC-ի համար աշխատող լրագրողների բարեկամները ճնշման են ենթարկվել կառավարության կողմից, անհիմն է համարում:

«BBC-ին առաջ էր տանում Բրիտանիայի գաղութային քաղաքականությունը, հասարակության մեջ առաջացնում էր հակասություն, հետևաբար նրա գործունեությունը Իրանում դադարեցվեց»,- ասել է Հոսեյնին Trend-ի հետ հարցազրույցում:

Ըստ Հորոքսի՝ այն բանից հետո, երբ BBC-ին վավերագրական ֆիլմ ցուցադրեց Իրանի կրոնական առաջնորդ Այաթոլա Ալի Խամենեի մասին, ֆիլմի վրա աշխատողներից վեցը ձերբակալվեցին, իսկ BBC-ի համար աշխատող տասը անձանց ընտանիքներ հայտնվեցին ճնշման տակ:

«Այն լրագրողները, ովքեր համագործակցում են արտասահմանյան մամուլի հետ, զգուշացվել են ուշադիր լինել այն պարբերականների հարցում, որոնց գործունեությունը հակասում է Իրանի պետական շահերին: Որոշ լրագրողներ պատժվել են», – ասել է նախարարը Trend-ի հետ զրույցում:

«Շատ մարդիկ են ժամանել Իրան լրագրողի անվան տակ, սակայն շուտով բացահայտվել են որպես լրտեսներ», – ասել է Հոսեյնին: Ըստ նախարարի՝ Իրանում խոսքի ազատությունը բարձր մակարդակի վրա է, և բոլոր պայմաններն ստեղծված են մամուլի ազատ աշխատանքի համար: Երկրում գրանցված է 4 500 լրատվամիջոց, որոնցից ներկայումս գործում են 3 000-ը :

Աղբյուր: Trend.az

Read More »Իրանի մշակույթի նախարարը BBC-ի մեղադրանքներն անհիմն է համարում

Իրանի հանրային հեռուստատեսությունը հայտնել է, որ իրանական իշխանությունները ձերբակալել են հինգ լրագրողի, որոնք աշխատում էին BBC-ի պարսկերեն ծառայության համար:

Երկուշաբթի օրը հեռուստաալիքի կայքում տեղեկություն տարածվեց, որ լրագրողների այդ խումբը BBC-ին տրամադրում էր տեսանյութեր և բացասական լուրեր Իրանի մասին: Լրագրողների անունները չեն նշվել:

Իրանն արգելափակել է BBC հեռուստաալիքը և մեղադրել նրան, ինչպես նաև բրիտանական կառավարությանը, մասսայական դժգոհություններ առաջացնելու մեջ:

Վերջին տարիներին Իրանում ձերբակալվել են բազմաթիվ լրագրողներ և բլոգերներ:

Աղբյուր: The Associated Press

Read More »Իրանը ձերբակալել է BBC-ի 5 լրագրողի