սոցիալական Archives

Եվ կրկին միասին. Barcamp Yerevan 2011-ը կմիավորի գիքերին

28/05/2011

Հունիսի 4-ին Հայաստանի ամերիկյան համալսարանում կմեկնարկի երկօրյա Barcamp Yerevan 2011-ը, որն իր շուրջ կմիավորի տեղեկատվական տեխնոլոգիաների մասնագետներին և պարզապես բոլոր գիքերին: Այսպես են անվանում նրանց, ովքեր կյանքն այլևս առանց սոցիալական մեդիաների չեն պատկերացնում:

Այս ոչ ֆորմալ միջավայրով միջոցառմանը երիտասարդները սպասում են մեկ տարի` սկսած անցյալ տարի ավարտված միջոցառման վերջին օրից, երբ մասնակիցները պայմանավորվեցին համացանցով շփվել` ակնկալիքով, որ մեկ տարի անց կրկին կհանդիպեն:

Barcamp-ը նոր ձևաչափով բաց քննարկումներից և զեկույցներից բաղկացած միջոցառում է, որը սկիզբ է առել ԱՄՆ-ում ավելի քան հինգ տարի առաջ: Հայաստանում Barcamp սկսել են կազմակերպել 2009թ-ից: Այստեղ մասնակիցները ներկայացնում են ՏՏ ոլորտոմ և համացանցում իրենց ունեցած ձեռքբերումները, փոխանակվում գաղափարներով և ծանոթանում միմյանց հետ:

[[wysiwyg_imageupload:101:]]Ի տարբերություն համաժողովի, այստեղ չկան հատուկ բանախոսներ. մասնակիցներից յուրաքանյուրը կարող է հանդես գալ զեկույցով, ինչպես նաև` քննարկում ծավալել: Հակառակ ավանդական համաժողովների՝ Barcamp-ի օրակարգը ձևավորվում է մասնակիցների կողմից` նրանց իսկ առաջարկած թեմաներով։

Սեր` առաջին օնլայն զրույցից. Գյումրիում սոց. ցանցերը` ամուսնության պատճառ

19/04/201114/02/2022

Երևանաբնակ Ստյոպայի և գյումրեցի Լուսինեի ծանոթության պատճառը համակարգիչն էր, իսկ ավելի ճիշտ` համացանցը, որտեղ բռնկվեց այս զույգի ջերմ օնլայն զրույցը: Այսօր նման ծանոթությունը գուցե այլևս զարմանալի չթվա Երևանում, բայց Գյումրիում աղջկա և տղայի միջև համակարգչային շփումները, մեղմ ասած, լուրջ չեն ընկալվում: Այնուամենայնիվ, զգացմունքներով լի 23-ամյա Ստյոպան պատրաստ էր ապացուցել, որ ավելի, քան երբևէ լուրջ էր տրամադրված այդ շփումները խորացնելուն:

«2010 թվականի նոյեմբերն էր: Լավ հիշում եմ` պարապ էի, գրեցի ուղղակի ժամանակ անցկացնելու համար: Հետո հասկացա, որ լուրջ աղջիկ է, խոսքերը ձևական չեն,» – խոստովանում է 23-ամյա Ստյոպան:

«Ես այդ ժամանակ խնդիրներ ունեի, սկսեցի Լուսինեի հետ կիսվել դարդ ու ցավերով: Այնքան հեշտ է խոսել անծանոթի հետ և այնպիսի անծանոթի, ով կարող է ժամերով լսել քեզ, փորձել խնդիրներիդ հարթեցման ուղիներ գտնել, անկախ հեռավորությունից` հոգեպես աջակցել քեզ ու զգացնել տալ իր ներկայությունը, իր այնքան ցանկալի ներկայությունը»:

Մի քանի ամիս ինտերնետով շփվելուց հետո երիտասարդները փոխանակվել են հեռախոսահամարներով: Ստյոպան ամեն անգամ Լուսինեի մասին խոսելիս անընդհատ պետք է շեշտի, որ իր սերը մնաց անպատասխան:

«Կյանքիս մեջ առաջին անգամ նրա համար եմ Գյումրի գնացել: Ամբողջ ճանապարհին մտածում էի` կարող է ստի, չգա, բայց եկավ: Երբ առաջին անգամ տեսա, հասկացա, որ նա է` միակս, կյանքիս իմաստը», – ասում է Ստյոպան:

Facebook-ը նոր գործիք է ստեղծել լրագրողների համար

08/04/201114/02/2022

Facebook-ը նոր գործիք է ստեղծել, որը կօգնի լրագրողներին սոցիալական ցանցն առավելապես արդյունավետ օգտագործել ինֆորմացիա հաղորդելու եւ լսարանի հետ կապ հաստատելու համար:

Facebook-ի լրատվական համագործակցության գծով ղեկավար Ջասթին Օսոֆսկին իր բլոգում գրել է. «Journalist on Facebook էջը լրագրողներին կտրամադրի ֆեյսբուքյան վերջին նորությունները եւ հնարավորություն` կապ հաստատել իրենց ֆեյսբուքյան լսարանի հետ, որը բաղկացած է 500 միլիոնից ավելի մարդուց»:

Journalist on Facebook էջին արդեն հավանություն է տվել 2300 մարդ:

Բացի այս` լրագրողների հետ հանդիպումներ են կազմակերպվելու, որոնց ընթացքում ներկայացվելու են, թե ինչպես է պետք օգտագործել սոցիալական ցանցը` որպես լրագրողական գործիք: Առաջին հանդիպումը տեղի է ունենալու ապրիլի 27-ին` Պալո Ալտոյում:

Աղբյուր: http://yerkir.am/am/news/5239.htm

Վիրտուալից իրական. ՀՀ-ում սոցիալական ցանցերի ազդեցությունը ներքաղաքական մթնոլորտի վրա

28/02/201114/02/2022

Ինտերնետում տեղեկատվություն տարածելու ազատության խնդիրը քննարկման առարկա է դարձել ողջ աշխարհում, ներառյալ Հայաստանում, հատկապես այն բանից հետո, երբ մեծացավ բողոքի ալիք բարձրացնելու նպատակով սոցիալական ցանցերի օգտագործումը:

Քաղաքական վերլուծությունների կենտրոնի ղեկավար, քաղաքագետ Վահան Դիլանյանը կարծում է, որ ինտերնետը և սոցիալական ցանցերը կարող են լինել «անհրաժեշտ, բայց ոչ բավարար» գործիքներ Հայաստանում եգիպտական «domino effect» հարուցելու համար:

Քաղաքագետը նման կարծիք ձևավորել է Հայաստանի և Եգիպտոսի Facebook-ից օգտվողների թվերը համեմատելուց հետո: Պարզել է, որ հայաստանյան ցուցանիշերը (4,5 տոկոս), ընդհանուր առմամբ, այդքան էլ չեն զիջում եգիպտականին (6, 8 տոկոս): Երկու երկրում էլ Facebook-ից օգտվողների հիմնական զանգվածը կազմում են երիտասարդներ` 18-ից 33 տարեկան:

«Այս փաստերը կարող են մարտահրավեր լինել հայաստանյան իշխանությունների համար, քանի որ պատմությունը և ներկան ցույց են տալիս, որ հենց երիտասարդությունն է դառնում փոփոխության շարժիչը»,-ասում է քաղաքագետը:

«Հայաստանում նման իրավիճակ չկա: Ինտերնետը փակել-չփակելու խնդիր չկա: Եթե մի բան փակում ես, բացասական էներգիան կուտակվում և պայթում է: Ոչ թե փակելու կողմնակից եմ, այլ ինտերնետից ճիշտ օգտվելու կողմնակից»,- ասում է իշխող` Հանրապետական կուսակցության պատգամավոր Էդուարդ Շարմազանովը: