Հրապարակումներ Archives - Page 21 of 47

Թուրքիան զգուշացնում է ԱՄՆ-ի դեսպանին խոսքի ազատության մասին մեկնաբանություն անելու վերաբերյալ

18/02/201114/02/2022

Հինգշաբթի օրը թուրքական իշխանությունները քննադատել են ԱՄՆ նորանշանակ դեսպանին Թուրքիայում մի քանի լրագրողների ձերբակալման վերաբերյալ արված մեկնաբանությունների համար:

«Մենք համոզված ենք, որ դեսպանի կողմից ճիշտ չէ ընթացքի մեջ գտնվող քրեական գործի վերաբերյալ դատողություններ անել», – Թուրքիայի արտաքին գործերի նախարարի խոսքերն է մեջբերում կիսապաշտոնական «Անատոլիա» լրատվական գործակալությունը:

ԱՄՆ դեսպան Ֆրենսիս Ռիկկարդոնեին հարցրել են Թուրքիայում մամուլի ազատության վերաբերյալ, երբ խոսք է գնացել ոստիկանության կողմից կատարված լրատվական կայքի ստուգման մասին:

«Մի կողմից երկրում գործում է ազատ մամուլին աջակցելու քաղաքականությունը, մյուս կողմից լրագրողներին ձերբակալում են: Մենք փորձում ենք հասկանալ այս ամենը», – ասել է Ռիկկարդոնեն լրագրողներին:

«Արդարություն և զարգացում» գործող կուսակցության խոսնակ Հուսեյն Չելիկը չորեքշաբթի օրը քննադատել է Ռիկկարդոնեին Թուրքիայի ներքին գործերին խառնվելու համար:

Դեսպանն ասել է, որ նա ոչ թե մեկնաբանություն է արել մասնավորապես այս գործի վերաբերյալ, այլ, որպես օտարերկրացի, կան որոշ բաներ, որ «նա փորձել է հասկանալ»:

Երկուշաբթի Ստամբուլում թուրքական ոստիկանությունը ձերբակալել է չորս լրագրողի, որոնք ենթադրաբար աշխատում էին հակակառավարական լրատվական կայքում, Էրգենեկոնին՝ գործող իշխանություններին տապալելու միտում ունեցող հանցավոր կազմակերպությանը սատարելու մեղադրանքով:

Բոուլինգի առաջին մրցաշարը` հանուն հավասար հնարավորությունների

16/02/201114/02/2022

«Հույսի կամուրջ» և «Առաքելություն Արևելք» կազմակերպությունները սիրով հրավիրում են մասնակցելու«Սպորտը` հանուն հավասար հնարավորությունների» խորագրով բոուլինգի առաջին մրցաշարին, որը տեղի կունենա 2011թ. մարտի 9-ին, «Փլեյ սիթի» ժամանցի կենտրոնում` հասցեն` Աճառյան 35: Սկիզբը` ժամը 14:00:

Մրցաշարը կազմակերպվում է կանանց միջազգային օրվա առթիվ և իրականացվում է Դանիայի միջազգային զարգացման գործակալության աջակցությամբ :

Մրցաշարի նպատակն է խթանել հաշմանդամության խնդրով զբաղվող հասարակական կազամակերպությունների և լրատվամիջոցների համագործակցությունը, խնդրի մասին հասարակության իրազեկությունը բարձրացնելու նպատակուվ:

Մրցաշարին կարող են մասնակցել հաշմանդամության խնդրով զբաղվող հասարակական կազմակերպությունների, լրատվամիջոցների ներկայացուցիչներ (յուրաքանչյուրից 1 մասնակից), անհատներ:

Հատուկ մրցանակ է սահմանված մրցաշարը լավագույնս լուսաբանող լրագրողի համար:

Մասնակցության համար անհրաժեշտ է լրացնել հայտը և ներկայացնել մինչև մարտի 4-ը, «Հույսի կամուրջ»ՀԿ գրասենյակ (Կորյունի 19ա), կամ ուղարկել hkhacheryan@bridgeofhope.am էլեկտրոնային հասցեով:

Լրատվամիջոցների դերը ԵՄ ինտեգրման գործընթացում. նոր դասընթաց ԵՊԼՀ-ում

15/02/201114/02/2022

Փետրվարի 16-ին Երևանի պետական լեզվանաբական համալսարանում կմեկնարկի «ԶԼՄ-ների դերը եվրոպական ինտեգրման գործընթացում» առարկայի դասավանդումը Միջազգային ժուռնալիստիկայի բաժնի մագիստրատուրայի ուսանողների համար:

Դասընթացը կդառնա ԵՊԼՀ ՅՈՒՆԵՍԿՕ-ի մարդու իրավունքների, ժողովրդավարության և եվրոպական ուսումնասիրությունների ամբիոնի պաշտոնական դասացանկի բաղկացուցիչը:

Այն ներառում է դասախոսություններ և գործնական պարապմունքներ Եվրոպական միության պատմության և ինստիտուտների, ԵՄ-Հայաստան հարաբերությունների զարգացման ու հեռանկարների, այլ երկրների եվրոպական ինտեգրման գործընթացում լրատվամիջոցների ունեցած դերի վերաբերյալ:

Դասավանդման արդյունքում ուսանողները հաղորդակից կլինեն նաև այն հմտություններին, որոնք հնարավորություն են տալիս փնտրել և ընտրել տեղեկատվության վստահելի աղբյուրներ, իրականացնել իրավիճակի վերլուծություններ և հանրությանը ներկայացնել պատրաստի արտադրանք:

Նախատեսվում է կիրառել նոր տեխնոլոգիաներ` առարկայի դասավանդումը առավել համագործակցային դարձնելու և ցանցային աշխատանքը խրախուսելու նպատակով:

Ծրագրի հիմնական ակնկալվող արդյունքները կլինեն ուսանողների շրջանում ԵՄ և եվրոպական ինտեգրման վերաբերյալ գիտելիքների պաշարի ընդլայնումը, ինչպես նաև երկարաժամկետ հեռանկարում հանրային իրազեկության մակարդակի բարձրացումը:

Ադրբեջանցի լրագրողին ծեծել են

15/02/201114/02/2022

Շաբաթ օրը «Բիզիմ յոլ» թերթի թղթակից Ռամիդ Իբրահիմովի վրա հարձակվել են քաղաքացիական հագուստով մարդիկ, երբ նա ռեպորտաժ էր պատրաստում նախագահական նստավայրի մոտ տեղի ունեցող ցույցի մասին:

Այլ լրագրողներ փաստում են, որ Իբրահիմովին ծեծի են ենթարկել ազգային անվտանգության ծառայության աշխատակիցները, երբ նա լուսանկարում էր քաղաքացիներին Muray Limited Liability ընկերության մոտ: Այլ աղբյուրներից տեղեկանում ենք, որ բարձր կոչումով մի սպա Իբրահիմովի ձեռքից խլել է նրա հեռախոսն ու լրագրողական փաստաթղթերը և հարվածել նրան: Լրագրողն ասում է, որ այդ նույն սպան նաև մի կին է ծեծել: Իբրահիմովի խոսքերով՝ նա արդեն հայտնել է այդ մասին ոստիկանություն և անցել բժշկական հետազոտություն: Նա կանի ամեն հնարավորը սպային քրեական պատասխանատվության ենթարկելու համար:

Աղբյուր: http://www.irfs.az

Azeri Journalist Beaten

15/02/201114/02/2022

On Saturday, Bizim yol reporter Ramid Ibrahimov was assaulted by unknown men in civilian clothing, while he was preparing a report on the protest in front of the President’s Office.

Other journalists reported that Ibrahimov was physically attacked by the Special State Guard Service while taking photos of the citizen against the Muray Limited Liability Company. According to the others, a high ranking guard grabbed Ibrahimov phone and press ID card, and then kicked him.

The journalist says that the same officer had also beaten a women. Ibrahimov said that he had reported the incident to police and undergone a medical examination. He will do everything possible to bring the officer in question to criminal justice.

Source: http://www.irfs.az

Փաշինյանի պատժաչափը դատական նիստին չքննարկվեց

14/02/201114/02/2022

«Հայկական ժամանակ» օրաթերթի գլխավոր խմբագիր Նիկոլ Փաշինյանի բողոքը, կապված վերաքննիչ դատարանի պատժաչափի հաշվարկման հետ, հերթական անգամ տապալվեց:

Փետրվարի14-ին «Արթիկ» քրեակատարողական հիմնարկում անցկացվող դատական նիստի ընթացքում քրեակատարողական հիմնարկի վարչակազմի ստեղծած խոչընդոտների պատճառով նիստն այդպես էլ նախատեսված ընթացք չստացավ: Փոխարենը` քննարկման առարկա դարձավ նիստի համար Փաշինյանի նախապատրաստած փաստաթղթերի դուրսբերումը խուցից:

Խնդիրն այն էր, որ նիստի ընթացքում Փաշինյանը դատարանին միջնորդություն ներկայացրեց` թույլ տալ իր բանտախցից բերել այն փաստաթղթերը, որոնք ինքը նախապատրաստել էր այդ դատավարության համար, և որոնք քրեակատարողական հիմնարկի վարչակազմը համառորեն արգելում է դուրս հանել:

Դատարանը բավարարեց Փաշինյանի միջնորդությունը, սակայն քրեակատարողական հիմնարկի վարչակազմը Փաշինյանին ուղեկցեց խուց, բայց դարձյալ չթույլատրեց բանտախցից դուրս հանել փաստաթղթերը:

Դատավորի սահմանած կես ժամի փոխարեն դատավարության ներկաները երկուսուկես ժամ սպասում էին Փաշինյանի բանտախցից վերադառնալուն, ով, ձեռնունայն վերադառնալով, հայտարարեց. «Հարգելի դատարան, ես ուղղակի ուզում եմ ձեզ տեղյակ պահել, թե այս ընթացքում ինչ է տեղի ունեցել. մենք գնացել ենք իմ խուց, և փորձել եմ թղթերը վերցնել, քրեակատարողական հիմնարկի ներկայացուցիչը փաստացի ասել է, որ թույլ կտա խցից դուրս բերել այնպիսի թղթեր, երբ համոզվի, որ դրանք առնչվում են տվյալ դատական գործին»:

Վրաստանում հայտարարվել են մամուլի համագործակցության 2011 թվականի ծրագրի հաղթողները

14/02/201114/02/2022

Վրաստանում ԱՄՆ դեսպանատունը IREX-ի հետ համատեղ հայտարարել են 2011 թվականի վրացական մամուլի համագործակցության ծրագրի (Georgian Media Partnership Program) հաղթողներին: Դրանք են՝ Բաթումիի 25-րդ ալիքը և Գուրջաանիի համանուն հեռուստաընկերությունը:

Այս հեռուստաալիքները կհամագործակցեն ամերիկյան ընկերությունների հետ` ամրապնդելու գործնական և մասնագիտական հարաբերությունները փոխանակումների, անհատական խորհրդատվությունների և կուտակած փորձի փոխանցման միջոցով: 25-րդ ալիքի և Գուրջաանի TV-ի ներկայացուցիչները կայցելեն իրենց ամերիկյան գործընկերներին փորձ ձեռք բերելու նպատակով: Ամերիկացի փորձագետներն էլ կմեկնեն Վրաստան դասընթացներ և խորհրդատվություն կազմակերպելու համար:

Աղբյուր: Media.ge

Վրացական հեռուստաալիքները վերադառնում են Շիդա Քարթլի

10/02/201114/02/2022

Փետրվարի 8-ի առավոտյան Վրաստանի Հանրային հեռուստատեսությունը, Գորիի Տրիալետի և Առաջին ստերեո ալիքը վերսկսել են հեռարձակումները Շիդա Քարթլիում, որտեղ նախօրեին վթար էր տեղի ունեցել: Իմեդի հեռուստաըկերությանը հաջողվել է եթեր մտնել միայն երեկ ցերեկը:

Աղբյուր: http://www.media.ge/en/node/40192

Իրանում արգելված են օտարերկրյա ճաշատեսակներ ներկայացնող խոհանոցային շոուները

08/02/201114/02/2022

Կիրակի օրը Իրանում արգելվել են խոհանոցային հեռուստաշոուները, որտեղ սովորեցնում են պատրաստել օտարերկրյա ճաշատեսակներ:

Արգելքի հեղինակները պահպանողականներն են, ովքեր փորձում են պաշտպանել իրանական մշակույթը արևմտայնացումից: Իրանի հեռարձակումների վարչության պետի տեղակալ Ալի Դարաբին ասել է. «Այսուհետև արգելվում է սովորեցնել՝ ինչպես պատրաստել ոչ իրանական ճաշատեսակներ»: Հայտնի խոհանոցային շուները կցուցադրեն միայն իրանական կերակուրների բաղադրատոմսեր:

Մինչև արգելքը այդ հաղորդումների ընթացքում ցուցադրվում էին ուտեստներ իտալական, չինական և հնդկական խոհանոցներից, որոնք ճափազանց տարածված են իրանցիների մոտ:

Հանրային հեռուստատեսությունը միակ թույլատրված հեռուստատեսությունն է երկրում, որտեղ մասնավոր և արբանյակային հեռուստաալիքներն արգելված են:

Աղբյուր: www.theepochtimes.com

Քարթլիի շրջանը մնացել է առանց վրացական հեռուստաալիքների

08/02/201114/02/2022

Փետրվարի 7-ի առավոտյան Քարթլիի շրջանում դադարեցվեց վրացական հեռուստաալիքների հեռարձակումը: Անջատվել են “Ռուստավի 2”, “Իմեդի”, “Տրիալետի” հեռուստաալիքները և Հանրային հեռուստատեսությունը: Այժմ միայն “Սաքարթվելո” ալիքն է շարունակում իր հեռարձակումները, որը սահմանափակվում է միայն ֆիլմերի ցուցադրությամբ: Բոլոր ռադիոկայանները, որոնք հեռարձակվում էին Գորիի հեռուստաաշտարակի միջոցով, նույնպես անջատվել են:

“Տրիալետի” հեռուստաընկերության պրոդյուսեր Լադո Բիչաշվիլին հայտնել է Media.ge կայքին, որ նախորդ գիշերվա ձնաբքի պատճառով հեռուստաաշտարակի մալուխները վնասվել են, ինչի հետևանքով էլ դադարեցվել են հեռարձակումները: Վրացական հեռուստաալիքների տեխնիկների խմբերը ժամանել են դեպքի վայր՝ վթարը վերացնելու նպատակով: Հեռուստաալիքների եթերի վերականգնման ժամկետները դեռ անհայտ են:

Աղբյուր: www.Media.ge

« Previous
1
…
19
20
21
22
23
…
47
Next »