Հրապարակումներ Archives - Page 47 of 47

Ուշադրություն. Հայաստանում ծննդօգնության ծախսերը հոգում է պետությունը

07/12/200812/02/2022

Արդեն հինգերորդ ամիսն է Հայաստանում իրականացվում է ծննդօգնության պետական ծրագիր, համաձայն որի յուրաքանչյուր հղի կնոջ տրվում է հավաստագիր, որով նա իրավունք է ստանում անվճար օգտվել հղիության և ծծնդօգնության հետ կապված բոլոր տեսակի բժշկական ծառայություններից: Սակայն, Առողջապահության նախարարության հատուկ թեժ գիծ ստացված բողոքներից դատելով` ծննդատներում ապօրինի գանձումները շարունակվում են:

Ըստ Առողջապահության նախարարության տրամադրած տվյալների այս տարվա հուլիսին թեժ գիծ զանգահարած 140 մարդկանցից 60-ը բողոքել են ծննդօգնություն իրականացնող բուժհաստատությունների աշխատանքից:

Ըստ Առողջապահության նախարարության մոր և մանկան առողջության պահպանման բաժնի պետ Կարինե Սարիբեկյանի զանգահարողները բողոքել են թե դրամաշորթությունից, թե բուժհիմնարկներում մարդկանց ապակողմնորոշելուց` մասնավորապես խոսքը վերաբերում է վճարովի և անվճար ծառայություններին:

«Կնոջն առաջարկվում է վճարովի պալատ, իսկ պատճառաբանությունը լինում է այն, որ անվճար պալատները զբաղված են: Ավելին, երբեմն առաջարկվում է նաև վճարովի պալատը կիսել մեկ այլ ծննդկանի հետ£ Սա անօրինական է, և մարդիկ պետք է դրա մասին տեղյակ լինեն£ Այս առումով հատկապես շատ բողոքներ են ստացվել «Շենգավիթ» բժշկական կենտրոնի հասցեին», – ասում է Կարինե Սարիբեկյանը:

Գյուղապետի ընկերասիրություն` գյուղացիների սեփականության իրավունքի հաշվին

07/12/200812/02/2022

Լոռու մարզի Այրում գյուղում մի անլուծելի համարվող խնդիր կա, որ տարիներ շարունակ գյուղի ղեկավարները ոչ թե միջոցներ, այլ համարձակություն չեն ունեցել լուծելու, այսինքն` պայքարելու մարզի ու հանրապետության ազդեցիկ պաշտոնյաների դեմ:

Մոտ 400 հա հողատարածք ունի գյուղը, որի կեսից ավելին նախկին ու ներկա պաշտոնյաների ձեռքին է: Ընդ որում, խոսքը ոչ միայն գյուղի պահուստային, այլ գյուղացիների սեփական հողատարածքների մասին է:

«Որ գյուղացուց հողը վերցնեն, հարուստներին տան, գյուղացու վիճակը ո՞նց կլինի»,-հարցնում է Մանվել Վարդանյանը և ինքն իր հարցի պատասխանը տալիս, – «Արդեն մի քանի տարի է` ես չեմ կարողանում իմ հողին տեր կանգնել: Սոցիալական վիճակս շատ ծանր է»: Վարդանյանը պատմում է, որ այգի է ունեցել 80 բերքատու ծառերով: Իր սեփական հողի նոր «տերերը» հիմքից կտրել են ու տեղը ցորեն են ցանում:

«Ես չեմ ուզում իմ սեփականությունը տալ իրենց»

06/12/200812/02/2022

«Նախագահ Սարգսյանն ամեն օր խոսում է մանր ու միջին բիզնեսը զարգացնելու մասին: Հիմա մենք այդ ճյուղի ներկայացուցիչներն ենք, բայց մեզ շպրտում են դուրս, ու այդ հսկայական տարածքը տալիս մեկ մարդու, որ հա՛մ մեջը փող աշխատեն, հա՛մ էլ մենակ էդ օլիգարխը հարստանա: Երեւի մենք էլ հետո նրա մոտ պիտի ճորտի պես աշխատենք: Բայց ինչու՞, ես չեմ ուզում իմ սեփականությունը տալ իրենց»,- ասում է Նիկոլայ Մելիքյանը:

Նիկոլայը մեկն է այն 28 գործարարներից, ովքեր Բուսաբանական այգու հարեւանությամբ` Աճառյան պողոտային եւ Ծարավ Աղբյուր փողոցին հարող տարածքում, ունեն սեփականաշնորհված տարածքներ: Այս հատվածում տեղակայված են շինանյութերի եւ ավտոսարքավորումների խանութներ, մեքենաների սպասարկման զանազան կետեր, բայց դրանց գոյությունն այլեւս վտանգի տակ է:

2005 թ. ապրիլի 21-ին կառավարությունը որոշել է հիշյալ տարածքը` 9400 քմ ընդհանուր մակերեսով, առանձնացնել պետության կարիքների համար` կառուցապատման նպատակով: Քաղաքապետին հանձնարարվել է կառուցապատման ծրագրերի իրականացումն ապահովել 2005-2009 թթ. ընթացքում:

Ի կատարումն սրա` 2006 թ. հուլիսին քաղաքապետ Երվանդ Զախարյանն ընդունել է 1119-Ա որոշումը եւ կառուցապատման ծրագրերի իրականացման ապահովումը հանձնարարել «Երեւանի կառուցապատման ներդրումային ծրագրերի իրականացման գրասենյակին» (ԾԻԳ):

Արդարադատություն` «փակ դռների» հետևում

05/12/200812/02/2022

Տեղեկատվության ազատության մասին օրենքի բովանդակությունը ՀՀ վարչապետի հանձնարարականով վերջերս Արդարադատության նախարարության կողմից ենթարկվել էր փոփոխության և արժանացել մասնագետների բուռն քննադատությանը:

Ոլորտի որոշ մասնագետների հավաստմամբ ոչ թե օրենքում փոփոխություններ են կատարվել, այլ օրենքը ամբողջությամբ, ընդհուպ մինչև անունը, փոխվել է’ դառնալով Տեղեկություն ստանալու ազատության մասին օրենք’ նախկին Տեղեկատվության ազատության մասին օրենքի փոխարեն:

Ի դեպ Տեղեկատվության ազատության մասին գործող օրենքը միջազգային չափանիշների համապատասխանությամբ և կիրառելիությամբ այսօր Հայաստանում համարվում է լավագույն օրենքներից մեկը:

Իսկ փոփոխված տարբերակը, որն ըստ էության դարձել է նոր օրենքի նախագիծ, ըստ մասնագետների հագեցած է տեղեկատվություն ստանալու վերաբերյալ երեք անգամ ավելի սահմանափակող կետերով, քան նախորդը:

Առկա 15 սահմանափակումներից գրեթե բոլորն ունեն նույն թերությունը. նշված չէ, թե ինչ չափանիշներով պետք է առաջնորդվի տեղեկատվություն տրամադրողը, որպեսզի որոշի տվյալ ինֆորմացիան դասվում է սահամանափակումների թվին, թե ոչ:

Ի տարբերություն գործող օրենքի նոր օրենքի նախագծում ներառված չէ նաև այնպիսի դրույթներ, համաձայն որի տեղեկատվության տրամադրումը չի կարող մերժվել, եթե այն վերաբերում է մարդու անվտանգությանն ու առողջությանը, սպառնալիքներին, բնության և շրջակա միջավայրի պաշտպանությանը, առողջապահության և կենսական այլ ոլորտներում տիրող իրավիճակին:

From vacation to dismissal: Municipality employee says he was fired because of supporting opposition

06/10/200812/02/2022

A former employee at the Lori province administration appealed to the RA Administrative Court to rule the steps taken by the higher management to dismiss him from work illegal.

Armen Hovhannisyan, the member of All Armenian Movement party claims he was fired from his job of senior specialist of the internet center at the municipality because he participated in the February rallies in Yerevan, while enjoying his right for a leave.

The municipality however qualified his involvement in political rallies as a violation of the principles of keeping politically restraint, grounded by Article 2 of the RA Law on Civil Service.

According to the law, the civil servant has not right to violate the principle of politically restraint behavior, using his or her position for the interests of a party, non-governmental, including religious, associations, to agitate a certain way of attitude to them, or be engaged in any other political or religious activities while performing professional duties.

Արձակուրդից` ազատում. քաղաքապետարանի աշխատողն ասում է, որ իրեն ազատել են աշխատանքից ընդդիմությանը սատարելու համար

06/10/200812/02/2022

Լոռու մարզպետարանի նախկին աշխատողը բողոքարկում է ղեկավարության գործողությունները՝ ՀՀ վարչական դատարանին խնդրելով անհիմն ճանաչել իրեն աշխատանքից ազատելու հրամանը:

Հայոց համազգային շարժում կուսակցության անդամ Արմեն Հովհաննիսյանը պնդում է, որ իրեն ազատել են մարզպետարանի ինտերնետ կենտրոնի ավագ մասնագետի պաշտոնից այն պատճառով, որ իր արձակուրդի ընթացքում մասնակցել է Երևանի փետրվարյան հանրահավաքներին:

Սակայն մարզպետարանը նրա գործողությունները որակել է քաղաքացիական ծառայողի քաղաքական զսպվածության սկզբունքի խախտում’ հիմնվելով «Քաղաքացիական ծառայության մասին» ՀՀ օրենքի 2 հոդվածի վրա:

Համաձայն օրենքի’ քաղծառայողն իրավունք չունի իրականացնելու քաղծառայողի քաղաքական զսպվածության սկզբունքի խախտումներ՝ իր ծառայողական դիրքն օգտագործել կուսակցությունների, հասարակական, այդ թվում՝ կրոնական միավորումների շահերի համար, նրանց նկատմամբ վերաբերմունք քարոզել, ինչպես նաև իր ծառայողական պարտականությունները կատարելիս այլ քաղաքական կամ կրոնական գործունեություն իրականացնել:

Ավելին, բայց ավելի էժան. Զեյթունի հանրակացարանում կացության համար սահմանվածից ավելի են վճարում

06/10/200812/02/2022

Համաձայն Զեյթունի ուսանողական հանրակացարանում բնակվող պետական բուհերի ուսանողների, հանրակացարանում իրենց բնակության համար ուսանողները օրինական սահմանված վարձավճարից ավելի են վճարում: Ուսանողները հավաստիացնում են, որ դա անում են ստիպված, քանի որ գիտեն, որ Երևանում բնակարան վարձելու դեպքում պիտի վճարեն մի քանի անգամ ավելի:

«Ես 50 հազարից ավելի եմ վճարում: Երբ այստեղ սենյակ էի ուզում ստանալ, ինձ ասացին, որ 95 հազար պետք է վճարեմ. ես կարգը չգիտեի, համաձայվեցի, դա ինձ ձեռնտու էր», – պատմում է հանրակացարանում ապրող ոչ պետական բուհում սովորող ուսանողներից մեկը, ով չցանկացավ նշել իր անունը: Մեր զրուցակիցը նշեց, որ եթե հենց սկզբից իմանար, որ իր վճարած գումարը սահմանվածից շատ էր, միևնույն է, կմուծեր. «Մենք ոչինչ չենք կարող անել, քանի որ Երևանում բնակարան վարձելը, այն էլ նորմալ պայմաններով, շատ ավելի թանկ հաճույք է»:

Անանուն ուսանողի խոսքերը հաստատում են ԵՊՀ կենսաբանության ֆակուլտետի շրջանավարտ Անին և նրա եղբայր Արմենը, ով դեռ սովորում է Էրեբունի բժշկական քոլեջում: Մինչև 2007 թվականը Անին, Արթիկի շրջանից գալով Երևան, շուրջ վեց տարի իր ուսման ընթացքում բնակվել է Զեյթունի հանրակացարանում: Չորս տարի նա ապրել է’ հանրակացարանի սենյակը կիսելով իր երկու ընկերուհիների հետ, այնուհետև ևս երկու տարի’ եղբոր հետ:

« Previous
1
…
45
46
47