Ռուսաստանի, Արևելյան Եվրոպայի և Կենտրոնական Ասիայի երկրների լրագրողները, ովքեր ռուսերենով նյութեր պատրաստելու ավելի քան երկու տարվա մասնագիտական փորձ ունեն և մտադիր են հետագայում զարգացնել իրենց կարիերան լրագրության ոլորտում, հրավիրվում են հայտ ներկայացնել` մասնակցելու ապրիլի 23-27-ը Մոսկվայում կայանալիք «Ինչպես լուր գրել թվային դարաշրջանում» 5-օրյա վարպետության դասընթացին:

Միջոցառման մասնակիցները կծանոթանան լրագրության միջազգային չափանիշներին, որոնք կիրառվում են գլոբալ տեղեկատվական ծառայություններում, այդ թվում` «Ռոյթերս» (Reuters) գործակալությունում:

Միջոցառումը կազմակերպվում է «Հեռանկարներ» (Перспективы) ծրագրի շրջանակներում` Thomson Reuters Foundation, Robert Bosch Stiftung և Fritt Ord Foundation հիմնադրամների համատեղ նախաձեռնությամբ: «Հեռանկարներ» ծրագրի վարպետության դասերի դասընթացավարները համաշխարհային և ռուսական առաջատար լրատվամիջոցներում աշխատող լրագրողներ ու խմբագիրներ են, ինչպես նաև ինտերնետ համայնքի հետ աշխատող և սոցիալական ցանցերում մեդիա նախագծերին աջակցող փորձագետներ:

Դասընթացի մասնակիցների ճանապարհորդական, կացարանային և սննդի ծախսերը հոգում է կազմակերպող կողմը:

Վարպետության դասընթացի մասնակցության հայտերն ընդունվում են մինչև 2016թ. ապրիլի 4-ը:

Read More »5-օրյա դասընթաց Մոսկվայում` «Ինչպես լուր գրել թվային դարաշրջանում»

ՀՀ ԳԱԱ Գիտակրթական կենտրոնում մայիսի 6-ին կազմակերպվում է սեմինար լրագրողների համար՝ նվիրված արտերկրային քաղաքակրթություններին (ներառյալ SETI, արտարեգակնային մոլորակներ, Երկրի վրա կյանքի ծագումը, աստղակենսաբանություն, ՉԹՕ-ներ և հնայց): Նախատեսվում են զեկուցումներ և քննարկում:

Սկիզբը՝ ժամը 18:00. 

Read More »Արտերկրային քաղաքակրթություններին նվիրված սեմինար լրագրողների համար

Փետրվարի 3-ին Եվրոպական լրագրության կենտրոնը ԱՄՆ-ի Փոյնթերի ինստիտուտի հետ համատեղ կկազմակերպի մեկ ժամ տևողությամբ առցանց սեմինար “Զեկույցներ եվրոյի մասին”: Սեմինարի ընթացքում կներկայացվի տարադրամի պատմությունը, և լրագրողները մեծ փորձ ձեռք կբերեն ընթացիկ ճգնաժամը արդյունավետ լուսաբանելու հարցում: Մասնակիցները կսովորեն` ինչպես է աշխատում եվրոն և ինչպես է այն ազդում համաշխարհային շուկայի վրա:

Գրանցվելու և լրացուցիչ տեղեկություն ստանալու համար սեղմեք այստեղ:

Read More »Լրագրողները հրավիրվում են մասնակցելու “Զեկույցներ եվրոյի մասին” առցանց սեմինարին

Նախորդ գիշեր այրել են «Լոռի» հեռուստաընկերության գլխավոր խմբագիր Նարինե Ավետիսյանին պատկանող «Մերսեդես C-180» մակնիշի ավտոմեքենան: Այն փակված էր շենքի բակում գտնվող ավտոտնակում:

Վնասված մեքենան Ավետիսյանը հայտնաբերել է միայն այսօր` հունվարի 17-ի առավոտյան, երբ աշխատանքի մեկնելու համար բացել է ավտոտնակի դարբասները: Ինչպես JNews.am-ին փոխանցեց Ավետիսյանը, մեքենայի վրա հայտնաբերվել են այրված լաթի կտորներ և հեղուկ վառելանյութի հետքեր:

ՆԳ Լոռու մարզային վարչության Վանաձորի բաժնում հարուցվել է քրեական գործ: Տեխզննության ընթացքում պարզվել է, որ այրված լաթի կտորը գցվել է ավտոտնակի վերևի օդանցքից, որտեղից էլ լցվել է նաև հեղուկ վառելանյութը: Ավտոտնակի ձյունապատ տանիքին հայտնաբերվել են նաև ոտնահետքեր:

Բարեբախտաբար կրակը ինքնամարվել է, հակառակ դեպքում` այն տարածվելով` լուրջ վտանգ կդառնար հարակից բնակելի շենքի համար:

«Չեմ կարծում, որ սա անձնական հողի վրա կատարված արարք է: Սակայն լրագրողական գործիս հետ էլ ոչ մի կերպ չեմ կարողանում կապել», – JNews-ին ասաց Ավետիսյանը:

Ըստ նրա, «Լոռի» հեռուստաընկերությունը վերջին շրջանում այնպիսի հաղորդումներ չի հեռարձակել, որի հետևանքով որևէ մեկը նման քայլի դիմեր: «Սովորաբար թեժ միջադեպեր լինում են տեղական ընտրությունների շրջանում, սակայն Լոռիում առաջիկա ընտրությունները միայն հաջորդ տարի է լինելու, և անգամ այդ կապակցությամբ որևէ ռեպորտաժ մեր եթերով չի հեռարձակվել», – ասում է Ավետիսյանը:

Read More »Այրել են «Լոռի» հեռուստաընկերության գլխավոր խմբագրի մեքենան

Ինչպես հայտնում է ISNA լրատվական գործակալությունը, շաբաթ օրը Սպահան քաղաքի կենտրոնական բանտում կախաղան է հանվել 4 մարդ, որոնք դատապարտվել էին թմրանյութերի վաճառքի համար:

Դատախազ Մոհամմադ Ռեզա Հաբիբին ասել է, որ այդ անձիք մահապատժի են ենթարկվել օփիումի և քրեքի վաճառքի համար:

Ըստ AFP-ի հաշվարկների, որոնք հիմնված են ԶԼՄ-ների տարածած տեղեկատվության վրա, այս տարի Իրանում արդեն 20 մարդ ենթարկվել մահապատժիէ ` ներառյալ վերջին դեպքը: Նրանց մեծամասնությունը թմրավաճառներ են:

Նվազագույնը 179 մարդ մահապատժի է ենթարկվել 2010 թվականին:

Չինաստանի, Սաուդյան Արաբիայի և ԱՄՆ-ի հետ մեկտեղ` Իրանում տարեկան մահապատիժների քանակն ամնեաբարձրներից է:

Սպանոթյունը, բռնաբարությունը, զինված կողոպուտը, թմրանյութերի վաճառքը և ամուսնական դավաճանությունն այն հանցագործություններն են, որոնց դեպքում Իրանում կիրառվում է մահապատիժ:

Իսլամական հանրապետությունում համոզված են, որ մահապատիժը էական նշանակություն ունի օրենքի պահպանման համար և կիրառվում է միայն երկարատև դատական գործընթացներից հետո:

Read More »Իրանում կախաղան է հանվել 4 թմրավաճառ

Դեկտեմբերի 15-ին «Մտածենք միմյանց մասին» մեդիա մրցույթի հաղթողները (լրագրողներ, որոնք գրում են սոցիալական թեմաներով) պարգևատրվել են: Լրագրողներն ստացել են մրցանակներ և վկայագրեր լավագույն հոդվածների, հեռուստատեսային և ռադիոնյութերի, ինչպես նաև լուսանկարների համար:

«Մտածենք միմյանց մասին» մրցույթը 2006 թվականից կազմակերպվում է Քաղաքացիական հասարակական ինստիտուտի կողմից:

Մրցույթի նպատակն է բարելավել և խորացնել սոցիալական թեմաներով նյութերը:

Աղբյուր: Media.Ge

Read More »«Մտածենք միմյանց մասին» մեդիա մրցույթի հաղթողները պարգևատրվել են