Չորեքշաբթի օրը Գերմանիայի կառավարությունը հայտարարեց, որ վրդովված է իրանցի կին մարզական լրագրողի ձերբակալմամբ, ով անցած շաբաթ պետք է մեկներ Գերմանիա ֆուտբոլի կանանց աշխարհի առաջնությունը լուսաբանելու:

Բեռլինի մարդու իրավունքների գլխավոր պաշտպան Մարկուս Լյոնինգը հայտարարություն է տարածել, ըստ որի լրագրող Մարյամ Մաջդի ձերբակալությունը ուղղակիորեն կապված է նրա գործունեության հետ: Լրագրողը պայքարում է կանանց իրավունքների՝ մասնավորապես կանանց ստադիոն գնալու թույլատվության համար:

«Զուգադիպություն չէ, որ Մաջդը, ով պայքում է սպորտային միջացառումներին կանանց մասնակցության համար, ձերբակալվել է իրանական անվտանգության ուժերի կողմից նախատեսված մեկնումից առաջ», – ասել է Լյոնինգը:

«Սա իրանական ռեժիմի կողմից կանանց իրավունքների պաշտպանների ճնշման ևս մեկ տխուր օրինակ է»:

Լյոնինգը կոչ է արել Իրանի կառավարությանը անմիջապես ազատել Մաջդին և մնացած բոլոր կանանց իրավունքների պաշտպաններին և «վերջապես կատարել մարդու և քաղաքացիական իրավունքների պարտավորությունները, որոնց տակ ստորագրել է Իրանը»:

Աղբյուր: Supersport.com

Read More »Գերմանիան Իրանից պահանջում է ազատ արձակել լրագրողին

Հունիսի 30-ին Կենտրոն եւ Նորք Մարաշ վարչական շրջանների ընդհանուր իրավասության դատարանում Հայաստանի երկրորդ նախագահ Ռոբերտ Քոչարյանն ընդդեմ «Հրապարակ» օրաթերթի դատական նիստում հնարավոր է` նոր քաղաքական սկանդալի հիմք դրվեց:

Բանն այն է, որ նիստի ընթացքում դատավորը բավարարեց հայցվոր կողմի` Քոչարյանի ներկայացուցչի միջնորդությունը` որպես վկա դատարան հրավիրել վիճահարույց` «Քոչարյանին ոչնչացնում են, Ծառուկյանին` բացատրո՞ւմ» հոդվածի հեղինակ, «Հրապարակ» օրաթերթի լրագրող Լուսինե Պետրոսյանին:

Հայցվորը պնդում է վերջինիս ներկայությունը` անձամբ հեղինակից լսելու իրենց համար «վիրավորական և զրպարտիչ» արտահայտությունների, հոդվածագրի պնդմամբ` լրագրողական կարծիքի հիմնավորումները:

«Քոչարյանն ընդդեմ «Հրապարակի»» գործի ողջ էությունը կայանում է կողմերի մոտեցումների հենց այս հակադրության մեջ:

Քոչարյանի փաստաբանների համոզմամբ` «Հրապարակ» օրաթերթի` այս տարվա փետրվարի 12-ի համարում տպված` «Քոչարյանին ոչնչացնում են, Ծառուկյանին` բացատրո՞ւմ» հոդվածում տեղ են գտել տեղեկություններ, որոնք ամբողջությամբ վիրավորում և զրպարտում են երկրորդ նախագահին:

Read More »«Քոչարյանն ընդդեմ «Հրապարակի»» դատը «սպառնում» է վերածվել իսկական սկանդալի

Հունիսի 27-ին Վրաստանի Ներքին գործերի նախարարությունը բավարարեց «Օբյեկտիվի» մեդիա միավորման լրագրող Նինո Մակիաշվիլու բողոքը և համաձայնեց նրան տրամադրել պահանջված տեղեկատվությունը: Այս մասին հաղորդում է Վրաստանի երիտասարդ փաստաբանների ասոցիացիան, որն աջակցություն էր ցույց տալիս լրագրողին:

Մայիսի 27-ին Նինո Մակիաշվիլին Ներքին գործերի նախարարությանը դիմում էր ներկայացրել՝ պահանջելով հայտնել, թե որ ոստիկանական ստորաբաժանումներն են իրականացրել մայիսի 26-ի բողոքի ցույցի ցրումը: Նախարարությունը ոչ մի կերպ չէր արձագանքել: Լրագրողը դիմում էր ներկայացրել նախարարին: Հունիսի 27-ին տեղի ունեցած բանավոր լսումների ժամանակ նախարարության ներկայացուցիչը հայտնել է, որ լրագրողը շուտով կստանա իրեն հետաքրքրող տվյալները:

Աղբյուր: Media.ge

Read More »Վրաստանի Ներքին գործերի նախարարությունը բավարարում է լրագրողի բողոքը

Ադրբեջանական «Կոնտակտ» ինտերնետային ռեսուրսը հաղորդագրություն տարածելով այն մասին, որ այսօր Բաքվի օդանավակայանում ձերբակալվել է «Bloomberg» ամերիկյան գործակալության ֆոտոլրագրող Դիանա Մարկոսյանը, տեղադրել էր մեկ այլ Դիանա Մարկոսյանի լուսանկար: Զուգադիպությունը ոչ միայն անվան և ազգանվան մեջ էր, այլ նաև մասնագիտության:

Բայց նրանց միջև տարբերություն էլ կա:

Ըստ «Կոնտակտ»-ի, Բաքվի օդանավակայանում ձերբակալված Դիանա Մարկոսյանը միաժամանակ ԱՄՆ և Ռուսաստանի քաղաքացի է և Բաքու էր ժամանել իր ռուսական անձնագրով:

Մինչդեռ լուսանկարում Հայաստանի քաղաքացի Դիանա Մարկոսյանն էր և «Ա1+» լրատվական կայքի լրագրողը, ով Երևանում է և այժմ ստիպված է անընդմեջ պատասխանել հարազատների և գործընկերների հեռախոսազանգերին` տեղեկացնելու, որ իր հետ ամեն բան կարգին է, իսկ պատահածը պարզապես թյուրիմացություն է:

Թյուրիմացությո՞ւն է, թե՞ Ադրբեջանի սահմանապահներն իրոք «Bloomberg»-ի ֆոտոլրագրողին դիմավորել են այն համոզմունքով, որ իրականում ոմն Դիանա Մարկոսյանը «Ա1+»-ի լրագրողն է, կարելի է միայն ենթադրել:

Read More »Հայազգի ֆոտոլրագրողը Բաքվի օդանավակայանից հետ է ուղարկվել. հուզվել էր նաև «Ա1+»-ի լրագրողը

Ընդդիմադիր Kaleme.com կայքը հայտնում է, որ փաստագրական ֆիլմերի ռեժիսոր 34-ամյա Մահնազ Մոհամմադիի ընկերները հայտնել են, որ կիրակի օրը ազգային անվտանգության աշխատակիցները  ձերբակալել են նրան իր տանը, իսկ 25-ամյա ֆոտոլրագրող և կանանց իրավունքների ակտիվիստ Մարյամ Մաջդին ձերբակալել են ուրբաթ օրը:

Ձերբակալությունները վերջ են դրել բանտարկյալների հացադուլին, ովքեր բողոքում էին Հալեհ Սահաբիի սպանության դեմ, ում, ենթադրաբար, անվտանգության ծառայողները ծեծել էին հունիսի 1-ին հոր թաղման արարողության ժամանակ:

Աղբյուր: www.upi.com

Read More »Իրանում ձերբակալվել է մի ռեժիսոր և մի ֆոտոլրագրող

Երկու հոգի, ովքեր ծեծի էին ենթարկել ամերիկացի լրագրող Ամանդա Էրիկսոնին և բրիտանացի մարդու իրավունքների պաշտպան Սելիա Դևիսին, ձերբակալվել են Բաքվի ոստիկանության աշխատակիցների կողմից: Այս մասին շաբաթ օրը Trend լրատվական գործակալությանը հայտնել է Ադրբեջանի Ներքին գործերի նախարարության մամլո ծառայությունը:

Հունիսի 15-ի լույս 16-ի գիշերը՝ 00:20-ի սահմաններում, Ադրբեջանի մայրաքաղաքի Յասամալ թաղամասում չորս անծանոթ մարդ ծեծի են ենթարկել երկու կանանց՝ բրիտանացի Սելիա Դևիսին և ամերիկացի Ամանդա Էրիկսոնին:

Ձերբակալվածները 1993 թվականին ծնված Ադիլ Թագիզադեն և 1989 թվականին ծնված Ռոման Հասանովն է:

Ոստիկանները գիտեն նաև մյուս երկու անձանց անունները և գործողություններ են ձեռնարկել՝ նրանց ձերբակալելու նպատակով:

Աղբյուր: Trend.az

Read More »Ադրբեջանում ձերբակալվել են լրագրողներին ծեծի ենթարկած երկու անձնավորություն

Ամեն առավոտ մի խումբ սփյուռքահայ երիտասարդներ հավաքվում են Երևանի Շահումյանի արձանի հարևանությամբ, և այստեղից սկսվում է նրանց ուղևորությունը դեպի հայրենիքի տեսարժան և պատմամշակութային վայրեր: Երիտասարդներն արդեն եղել են Սարդարապատում, Էջմիածնում, Օշականում, այցելել են նաև Զվարթնոցի տաճար: Այս անգամ գնալու են Մատենադարան` հին ձեռագրերի թանգարան:

20-ամյա Մկրտիչ Բաղդասարյանը նրանցից մեկն է: Մկրտիչը Հայաստան է եկել Ռումինիայից քրոջ` Անիի հետ: Չնայած Հայաստանում առաջին անգամ է, նա վարժ տիրապետում է հայերենին.

«Շատ էի ուզում տեսնել հայրենիքս, երկիրս  ու այն վայրերը, որոնք տեսել եմ նկարներով: Հայերեն խոսելը սովորել եմ ընտանիքում. մայրս, հայրս, տատիկս խոսում են հայերեն: Ռումինիայից 12 հոգի ենք, միայն ես ու քույրիկս գիտենք հայերեն», – ասում է Մկրտիչը:

Նա մեկն է այն հարյուրավոր սփյուռքահայ երիտասարդներից, ովքեր այս տարի մասնակցում են Հայաստանի Սփյուռքի նախարարության նախաձեռնությամբ կազմակերպած «Արի տուն» ծրագրին:

Այս ծրագիրը սփյուռքի նախարարությունը կազմակերպում է արդեն 3-րդ տարին: Առաջին տարին` 2009 թ-ին, 300-ից ավելի երիտասարդներ էին մասնակցում: Անցած տարի մասնակիցների թիվը մոտ 600 էր: Այս տարի նախարարությունը պատրաստակամություն է հայտնել Հայաստան հրավիրելու մինչև 800 երեխայի:

Read More »«Արի տուն». սփյուռքահայ երիտասարդները բացահայտում են Հայաստանը

Ցանկացած լրագրող ձգտում է պատրաստել իր նյութն այնպես, որ այն հնչի ինքնատիպ և նորովի: Ինքնատիպությունը գալիս է փորձի հետ: Սակայն ինչպես շատերն են ենթադրում, ինքնատիպ նյութ ստեղծելն ավելի ու ավելի բարդ գործ է դառնում: 

Այսօր լրագրողների կատարած աշխատանքի ծավալն ավելի մեծ է, քան մի քանի տարի առաջ: Զարմանալի չէ, որ այդ ահռելի աշխատանքի ծավալի պատճառով այնպիտի տպավորություն է ստեղծվում, որ ավելի շատ ժամանակ է ծախսվում նյութի մշակման, այլ ոչ դրա փնտրման վրա: Բացի այդ տեղեկատվության (և ապատեղեկատվության) մեծ քանակությունը, որը կարելի է գտնել համացանցում, շատ հաճախ պարզապես փակուղի է բերում:

Ինքնատիպությունը ժամանակ, մեծ ջանք և մշտական պրակտիկա է պահանջում: Պատրաստ եղեք, որ ստիպված եք լինելու նորովի մտածել և, հնարավոր է, հրաժարվել մի շարք սովորություններից: Ընտրությունը Ձերն է:

BBC-ի բազմաթիվ թղթակիցներ, պրոդյուսերներ և խմբագիրներ ասում են նույն բանը. լրագրողի համար ամենակարևորը հետաքրքրասիրությունն է: Եթե բավականաչափ հետաքրքրասեր չեք, լավ լրագրող չեք դառնա:

Read More »Օրիգինալ լրագրություն. ինչպես պատրաստել ինքնատիպ նյութեր

Օրերս Գիտությունների ազգային Ակադեմիայում տեղի ունեցավ ամերիկացի հեղինակներ Մինեսոտայի համալսարանի պրոֆեսոր Ռոլանդ Մարչեսի և Միչիգանի համալսարանի պրոֆեսոր Մարլեն Բրուի կողմից հեղինակած «Փայլ և շքեղություն. Ձեռագործ արվեստի գանձեր Պոլսո Հայ Առաքելական Եկեղեցիներում» գրքի շնորհանդեսը:

Գիրքը նվիրված է հայկական կրոնական ձեռագործ արվեստին:

«Տեղեկանալով Ստամբուլում գրքի հրատարակման մասին` հեղինակներին հրավիրեցինք Հայաստան ներկայացնելու այն»,- ասում է «Ապագան Քոնն է» ՀԿ համահիմնադիր-փոխնախագահ Գագիկ Սարգսյանը:

Ուսումնասիրելով Ստամբուլի հայկական եկեղեցիները և ձեռագործ արվեստի նմուշները` հեղինակները գտել են ձեռագիր մակագրություններ, որոնք պատմում են 19-րդ դարում Պոլսում հայկական մշակույթի մեծ արժեքների ու դրանց դերի մասին: Գիրքն անգլերեն լեզվով է, տպագրվել է 1000 օրինակով և հովանավորվել է թուրքական Citlembik Publications հրատարակության կողմից:

Պրոֆեսոր Բրուի խոսքով «գիրքը հավակնում է դառնալ Կալիֆորնիայի հայկական դպրոցի ուսումնական ծրագրի մաս»: Իսկ պրոֆեսոր Մարչեսը պատրաստվում է նույն արվեստն ուսումնասիրել Էջմիածնի եկեղեցիներում:

Էջմիածնի Մայր տաճարում գրքի հեղինակներին ընդունեց նաև Ամենայն Հայոց Կաթողիկոս ՆՍՕՏՏ Գարեգին Բ.-ն:

Աղբյուր` JNews.am

Read More »Պոլսի հայերեն մակագրությունների վերածնունդը ամերիկացի գիտնականների գրքում

Գորի քաղաքի «Թրիալետի» հեռուստաընկերությունը դատի է տվել «Պատերազմի 5 օր» ֆիլմի հեղինակներին՝ ռեժիսոր Ռեննի Հարլիին, պրոդյուսերներ Պապունա Դավիդայային և Կոբա Նակոպիային, հեռուստաընկերության արժանապատվությունը և հեղինակությունը վիրավորելու համար: Այս մասին հեռուստաընկերությունը հայտնել է հունիսի 23-ին՝ պնդելով, որ ֆիլմը թյուր տեղեկատվություն է պարունակում:

Ֆիլմի դրվագներից մեկում օտարերկրյա լրագրողները տեսանյութեր են բերում մի հեռուստաընկերություն, որի դարպասները փակ են գտնում: Դրվագում պարզ երևում է հեռուստաընկերության լոգոն: Հենց այս դրվագն էլ հանդիսանում է «Թրիալետի»-ի բողոքի պատճառ:

«Թրիալետի»-ի հիմնադիր Բադրի Նանետիշվիլին պնդում է, որ պատերազմական գործողությունների ընթացքում հեռուստաընկերությունը մեկ վայրկյան անգամ չի փակվել: Հեռուստաընկերության շենքում գործել է միջազգային մեդիա-կենտրոն, և միջազգային լրագրողները ռմբակոծություններից առաջ վերջինն են եղել, որ լքել են շենքը: Նանետիշվիլին համոզված է, որ նման դրվագը քաղաքական պատվեր է և հատուկ արված է՝ հեռուստաընկերությանը վարկաբեկելու համար: 

Ֆիլմի պրոդյուսերներից մեկը՝ Կոբա Նակոպիան, ով խորհդարանի անդամ է և ֆինանսավորել է ֆիլմը, պնդում է, որ «Թրիալետիի» մեղադրանքներն անհեթեթ են: Ըստ նրա՝ պատերազմի օրերին ոչ միայն այդ հեռուստաընկերությունը, այլ նաև Գորի քաղաքի մնացած բոլոր կազմակերպությունները չէին աշխատում: Նակոպիան կտրականապես բացառում է որևէ քաղաքական կոնտեքստի առկայությունն այդ ֆիլմում:

Read More »Վրացական հեռուստատեսությունը դատի է տվել ամերիկյան ֆիլմի հեղինակներին