Հուլիսի 16-ին կավարտվի «Սփյուռքի ԶԼՄ-ների երիտասարդ լրագրողների դպրոց» ծրագիրը, որը նախաձեռնել էր Սփյուռքի նախարարությունը Երևանի պետական համալսարանի հետ համատեղ:

Երեքշաբաթյա դասընթացին, որը մեկնարկեց հունիսի 26-ին, մասնակցեցին մինչև 33 տարեկան 19 լրագրողներ` աշխարհի տարբեր երկրների հայկական գաղթօջախներից: Նրանց մեծ մասը ներկայացնում էին սփյուռքի հայկական ԶԼՄ-ները:

Նման ամառային դպրոցի գաղափարն առաջարկվել էր դեռ նախորդ աշնանը Ստեփանակերտում կայացած հայ լրագրողների 5-րդ համաժողովում: Իսկ արդեն դպրոցի բացմանը Սփյուռքի նախարար Հրանուշ Հակոբյանը հույս հայտնեց, որ նման դպրոցը կարևոր և սկզբունքային նշանակություն կունենա սփյուռք-հայրենիք գործակցությունը զարգացնելու և հզորացնելու առումով:

«Խնդիրը նրանում է, որ սփյուռքի ԶԼՄ-ներն սկսում էին ծերանալ. խմբագիրների և աշխատակիցների տարիքը գերազանցում է 40-ը: Այս դպրոցը կազմակերպվել է ոլորտը երիտասարդացնելու նպատակով»,- ասում է Սփյուռքի նախարարության տեղեկատվական-վերլուծական բաժնի պետ Նվեր Նալբանդյանը:

ԵՊՀ ռեկտոր Արամ Սիմոնյանի խոսքով ծրագիրը շարունակական բնույթ է կրելու, և ԵՊՀ-ն մշտապես աջակցելու է դրա իրագործմանը:

Ամառային դպրոցի տեսական դասախոսություններն անցնում են ԵՊՀ-ում, իսկ գործնական դասընթացները` հայաստանյան մի քանի հեռուստաընկերություններում, «Հայաստանի Հանրապետություն» և «Առավոտ» օրաթերթերի խմբագրություններում:

Read More »Հայաստանը դարձավ սփյուռքի ԶԼՄ-ների նոր սերնդի կրթության դարբնոց

Վրացական լրատվական գործակալությունները հայտնում են, որ ձերբակալվել են նախագահի անձնական ֆոտոլրագրող Իրակլի Գեդենիձեն և նրա կինը: Արտաքին գործերի նախարարության մամուլի կենտրոնի լուսանկարիչ Գիա Աբդալաձեն, Եվրոպական ֆոտոլրատվական գործակալության աշխատակից Զուրաբ Կուրցիկիձեն և ֆոտոթղթակից Շախ Այվազովը` Associated Press-ից նույնպես ձերբակալված են:

InterPressNews լրատվական գործակալությունը մեջբերում է Գիա Աբդալաձեի կնոջ խոսքերը, որը ենթադրում է, որ իր ամուսնուն մեղադրում են լրտեսության մեջ (հոդված 314 Վրաստանի ՔՕ):

Համաձայն Ներքին գործերի նախարարության հայտարարության՝ ձերբակալվածները մեղադրվում են օտարերկրյա կառավարություններից մեկի հովանու ներքո գործող հետախուզական կազմակերպությանը Վրաստանի շահերին վնասող տեղեկատվություն տրամադրելու մեջ:

ՆԳ նախարարությունը հետաքննություն է սկսել:

Ըստ վերջին տվյալների՝ Associated Press-ի ֆոտոթղթակից Շախ Այվազովին ազատ են արձակել: Այս մասին հայտնել է նրա կինը:

Աղբյուր: Media.ge

Read More »Ձերբակալվել է Սաակաշվիլիի անձնական ֆոտոլրագրողը

Թուրքական մեդիա ընկերությունները քննադատում են դատախազի պահանջն, ըստ որի թերթերը պետք է հանձնեն մայիսի 31-ին Հոփա քաղաքում տեղի ունեցած իրադարձությունների` իրենց բոլոր լուսանկարենրը կամ կանգնեն դատարանի առջև:

«Կառավարությանը տեղեկատվություն տրամադրելը լրագրողի գործը չէ», – ասում են Թուրքիայի լրագրողների ասոցիացիան և Առաջադեմ լրագրողների ասոցիացիան: 

Մայիսի 31-ին սևծովյան Հոփա շրջանում տեղացիները բողոքի ցույց էին կազմակերպել Թուրքիայի վարչապետ Ռեջեփ Թայիբ Էրդողանի դեմ: Սակայն ոստիկանության կիրառած արցունքաբեր գազի հետևանքով 54-ամյա ցուցարար Մեթին Լոկումչուն սրտի կաթված է ստացել և մահացել: Նրա մահը զայրացրել է ցույցի մասնակիցներին, որոնք սկսել են քարկոծել Էրդողանի կողմնակիցներին:

Հինգշաբթի օրը Հոփայի դատախազությունը հաղորդագրություն է ուղարկել մամուլին՝ տալով լրագրողներին 10 օր, որպեսզի նրանք հանձնեն այդ իրադարձություններից առաջ, ընթացքում կամ հետո արված բոլոր լուսանկարները: Զգուշացվել է նաև, որ ցանկացած լրագրող, որը կհրաժարվի հանձնել իր լուսանկարները, կենթարկվի քրեական պատասխանատվության համաձայն Թուրքիայի ՔՕ 257-րդ հոդվածի՝ «պարտականությունները չկատարելու համար»:

Այս պահանջը զայրացրել է լրագրողական միություններին և քննադատվել մտավորականության կողմից:

«Լրագրողները անվտանգության աշխատակիցներ չեն, որպեսզի տեղեկություն տան իշխանություններին տեղի ունեցած իրադարձությունների մասին», – ասում է Առաջադեմ լրագրողների ասոցիացիան:

Read More »Թուրքիա. Դատախազի պահանջը բարկացնում է լրագրողական կազմակերպություններին

21-ամյա Արման Ղազարյանի և նրա հասակակից Ինեսսա Սաղեյանի նախաձեռնությամբ Երևանում սկսում է ակտիվանալ BookCrossing շարժումը: Կասկադի այգում կիրակի կայացավ Հայաստանում առաջին BookCrossing-ը, որի ընթացքում մասնակիցները իրենց հետ բերած գրքերը փոխանակում էին միմյանց հետ:

Ընթերցանության նման շարժումը իրականում 10-ամյա պատմություն ունի, իսկ 2007թ-ին BookCrossing-ի առաջին պաշտոնական երկիր դարձավ Սինգապուրը: BookCrossing-ի մայր կանոնի համաձայն կարդացած գիրքը պետք է թողնել հասարակական վայրում, որտեղ մեկ այլ ընթերցող կարող է գտնել այն, կարդալ և իր հերթին նույն կերպ «մոռանալ» գիրքը մեկ այլ վայրում: Այսպիսի շարժման արդյունքում BookCrossing-ի նախահայր, ինտերնետային տեխնոլոգիաների մասնագետ Ռոն Խորնբեկերկի պատկերացմամբ աշխարհը կվերածվի մի հսկա գրադարանի:

«Մենք ուզում ենք BookCrossing-ը Հայաստանում ակտիվացնել: Այն սկսվում է փոքր քաղաքներում և վերածվում գլոբալ շարժման»,- ասում է Արմանը:

16-ամյա Սյունե Սարգսյանը երևանյան շարժման մասնակիցներից է: Կասկադի այգի նա իր հետ բերել էր «Գոնչարով» և փոխանակեց այն «Ֆեդերիկո Ֆելինի»-ի հետ:

Read More »Գրքապտույտ. Երևանը միացավ BookCrossing հասարակական շարժմանը

Հուլիսի 1-ից մետրոյի ուղեվարձի թանկացման մասին լուրը բողոքի ալիք բարձրացրեց հատկապես ուսանողների շրջանում:

Այն օրը, երբ Երևանի քաղաքապետ Կարեն Կարապետյանը հայտարարեց ուղեվարձի կրկնակի թանկացման մասին, «Facebook» սոցիալական ցանցում անմիջապես ստեղծվեց «Դեմ ենք մետրոյի թանկացմանը» նախաձեռնությունը, որի մասնակիցները 8 օր անց` հունիսի 29-ին, բաց նամակներով դիմեցին Հայաստանի Հանրապետության նախագահին, վարչապետին և Երևանի քաղաքապետին` մետրոյի հուլիսի 1-ին որոշված թանկացումը հետաձգելու և փորձաքննություն անցկացնելու պահանջով:

Ուղեվարձը 50-ից 100 դրամ դարձնելով` քաղաքապետարանը մտադիր է այդ գումարներն ուղղել Երևանի մետրոպոլիտենի զարգացմանն ու ներուժի առավելագույն օգտագործմանը։ Մինչդեռ ուղևորները հակառակ կարծիքի են:

20-ամյա Վահան Ղազարյանը մետրոյից հաճախ է օգտվում: Մետրոյի ուղեվարձի թանկացման մասին լուրը նրան շատ է վրդովեցրել:

«Մետրոն երթևեկության միակ միջոցն է, որից ես հաճույքով եմ օգտվում ու աշխատում էի հնարավորինս շատ օգտվել: Հուսով եմ, որ կարճ ժամանակ անց մետրոպոլիտենը կզգա, որ արդյունքում նրանք կորցնում են իրենց ուղևորների մեծ մասին ու այդ որոշումը չեղյալ կհամարվի»:

Read More »Մետրոյի ուղեվարձը միևնույնն է թանկացավ

Ինչպիսի՞ն պետք է լինի վեբ-կայքի տեքստը: Ինչպիսի՞ն է առցանց տեքստի կառուցվածքը: Քանի՞ բառ պետք է լինի հոդվածում: Ինչո՞ւ շրջել բուրգը:

Ինտերնետային կայքի համար գրված ակնարկը նույն բանը չէ, ինչ թերթի հոդվածը: Վեբ-ընթերցողը քմահաճ է. աչքի տակով անցկացնում է տեքստը իրեն հետաքրքրող տեղեկատվություն գտնելու ակնկալիքով, և եթե արագ արդյունքի չհասնի, ամենայն հավանականությամբ կլքի կայքը:

Այդ պատճառով տվե՛ք նրանց այն, ինչ ուզւոմ են:

Պատկերացրեք՝ ինչպես կպատմեիք Ձեր նորությունը մարդաշատ և աղմկոտ վայրում: Ինչի՞ց կսկսեիք: Շատ դեպքերում հենց այդպիսին պետք է լինի առցանց հոդվածի առաջին պարբերությունը:

Ընթերցողն առաջին հերթին ուշադրություն է դարձնում կայքում զետեղված վերնագրերին: Հաջողված վերնագիրը արտահայտում է այն, ինչի մասին խոսվելու է հոդվածում: Համոզվեք, որ Ձեր վերնագիրը լսարանին թյուրիմացության մեջ չի գցում:

Առցանց հոդվածները պետք է լինեն համեմատաբար կարճ, քանի որ  էկրանից ավելի բարդ է տեղեկատվությունն ընկալել քան թղթից: Որպես կանոն կարիք չկա մանրամասն նախապատմություն գրել, քանի որ կարելի է պարզապես հղում տալ Ձեր կայքում նախկինում հրապարակված նյութերի վրա:

Եթե Ձեր հոդվածը բաղկացած է մի քանի իմաստային մասից, կարող եք այն բաժանել հատվածների՝ վերնագրելով դրանցից յուրաքանչյուրը հեշտ ընկալելու համար:

Read More »Ինչպես գրել վեբ-կայքի համար