թվային Archives

Վրաստանում դեռ չկա թվային հեռարձակման վերաբերյալ ռազմավարական փաստաթուղթ

21/11/2011

Վրաստանը, տարածաշրջանի մյուս երկրների պես, 2015 թ-ի հունվարից պետք է հեռուստառադիոհաղորդումների անալոգային հեռարձակումից անցնի թվային տարբերակի: Դա հաստատված է 2006թ-ի Միջազգային հեռահաղորդակցության միության համաձայնագրով:

Սակայն Վրաստանում թվային հեռուստառադիոհաղորդումների ներդրման ազգային ռազմավարության փաստաթուղթը դեռևս մշակման փուլում է, իսկ թվայնացման գործընթացի իրականացման մանրամասնություններն ու անհրաժեշտ ֆինանսական միջոցների չափն առայժմ հայտնի չեն:

Ըստ Վրաստանի էկոնոմիկայի և կայուն զարգացման նախարարության Հաղորդակցման, տեղեկատվական տեխնոլոգիաների և նորարարության վարչության պետի տեղակալ Ջեմալ Վաշակիձեի, պատճառները բազմազան են` տեխնիկականից մինչև կազմակերպչական.

«Սա առաջին հերթին պայմանավորված է համընդհանուր բարեփոխմանը ճշգրտորեն և հավասարակշռված մոտենալու անհրաժեշտությամբ: Մենք չենք ուզում արհեստականորեն արագացնել գործընթացը, որպեսզի ասենք, թե արդեն անցել ենք», – ասում է Վաշակիձեն: «Սա ինքնանպատակ չէ: Թվային հեռարձկմանը պետք է անցնել պետության, հեռարձակողների, ներդրողների և հասարակության համար առավելագույն շահույթով»:

Georgia Has Not Yet Developed a Strategic Document on Digital Broadcasting

21/11/2011

From January, 2015 Georgia like other countries in the region must pass from analog to digital broadcasting. It was established in 2006 by the International Telecommunications Union Agreement.

However, the national strategy document on introduction of digital broadcasting is still under preparation, and the implementation details of digitization process and the amount of necessary financial resources are not yet specified.

Jemal Vashakidze, Deputy Head of the Department of Communication, Information Technologies and Innovations of the Ministry of Economics and Sustainable Development, says that the reasons are quite diverse – from technical to organizational.

“This, first of all, is conditioned by the necessity of a precise and balanced approach to the comprehensive reform. We do not want to artificially fasten the process, to say that we already have done it,” says Vashakidze. “This is not an end in itself. Digital broadcasting should provide maximum profit for broadcasters, investors and the society.”

Քննարկման արժանի. Հանրային հեռուստաալիքն այլևս դեր չունի

11/10/2011

Այս թեզն հնչեցրեց լատվիացի մեդիա փորձագետ Յանիս Յուզեֆովիչը (Jānis Juzefovičs), ով հոկտեմբերի 6-8-ը մասնակցում էր Երևանում անց կացվող «Ի՞նչ ապագա ունի ժողովրդավարությունը և քաղաքացիական հասարակությունը» խորագրով եռօրյա համաժողովին, որը կազմակերպել էր Բաց հասարակության հիմնադրամներ-Հայաստանը:

Յանիսի «Նվազող լսարաններ. հետկոմունիստական հանրային հեռարձակման հեռանկարները թվայնացման պայմաններում» խորագրով զեկույցի մեխը կայանում էր նրանում, որ Կենտրոնական և Արևելյան Եվրոպայի երկրներում կոմունիստական ռեժիմի փլուզմանը հաջորդած քսան տարիների ընթացքում հանրային ռադիոյի և հեռուստատեսության ինստիտուտներն այդպես էլ չհարմարվեցին պետականից հանրային հեռարձակողի գաղափարին, և հաճախ հասարակության լայն շերտերը շարունակում են հանրային ռադիոն և հեռուստատեսությունն ընկալել որպես պետական ապարատի բաղադրիչ, ինչպես կոմունիստական իշխանության օրոք էր:

Բացի այդ, հանրային հեռարձակողներին նոր մարտահրավերներ են սպասվում հեռուստատեսության թվայնացման արդյունքում, և այլևս անհիմն են դառնում պետբյուջեից հանրային հեռուստառադիո ինստիտուտին հատկացված միջոցները:

Մինչև 2012 թ-ը Ադրբեջանի բնակչության 85%-ը կունենա թվային հեռուստատեսություն

26/08/2011

Մինչև 2012 թվականի հունվար ամիսը Ադրբեջանի բնակչության 85 տոկոսը հնարավորություն կունենա դիտելու թվային հեռուստատեսություն: Այս մասին հայտնել է Կապի և տեղեկատվական տեխնոլոգիաների նախարարի տեղակալ Էլմիր Վելիզադեն իշխող «Նոր Ադրբեջան» կուսակցության պաշտոնական կայքին տված հարցազրույցում:

Նրա խոսքերով՝ բնակչությունը հնարավորություն կստանա դիտել 10 հեռուստաալիքից բաղկացած հանրային հեռուստատեսության փաթեթ և ապագայում նաև՝ կոմերցիոն փաթեթ, որը կպարունակի 50-60 հեռուստաալիք:

Ներկայումս թվային հեռուստատեսությունը սփռվում է Բաքվում, Գյանջայում, Շիրվանում, Լերիկում, Լանքարանում և դրանց շրջակա տարածքներում: Անալոգային հեռարձակումը կդադարի, երբ թվային հեռուստատեսության ազդանշանը հասանելի լինի հանրապետության ամբողջ տարածքում:

Աղբյուր: Trend.az

Գնե՞լ, թե՞ չգնել նոր հեռուստացույց. Հայաստանում հեռուստադիտողն անմասն չի մնա թվայնացմանն անցնելու գործընթացից

22/06/2011

Համաձայն 2006թ-ին հաստատված Միջազգային հեռահաղորդակցության միության համաձայնագրի, Հայաստանը 2015 թ-ի հունվարից ռադիոհաղորդումների և հեռուստահաղորդումների անալոգային հեռարձակման տարբերակից պետք է անցնի թվային տարբերակի:

Թվային հեռարձակման առավելությունը ոչ միայն առավել անարգել հեռարձակման ու պատկերի և ձայնի բարձր որակի մեջ է, այլև միևնույն հաճախականությամբ մի քանի հեռուստածրագրերի հեռարձակման հնարավորության, ինչպես նաև թե հեռարձակողների և թե հեռուստադիտողների համար ստեղծվող մի շարք նոր տեխնիկական հնարավորությունների: Այսօր արդեն թվային հեռարձակման առավելությունը Երևանում կարող են գնահատել մալուխային և IP-հեռուստատեսության 3 օպերատորների բաժանորդները:

Ըստ պաշտոնական տվյալների` Հայաստանում հեռարձակման նոր ձևաչափին ամբողջական անցումը կարժենա շուրջ 30 միլիոն դոլար: Ինչպես նշում է Հայաստանում ռադիո և հեռուստահաղորդումների հեռարձակման թվային համակարգի ներդրման միջգերատեսչական հանձնաժողովի տեխնիկական հարցերով աշխատանքային խմբի ղեկավար Սիմոն Աղաջանյանը` այս գումարը կտրամադրվի փուլ առ փուլ, սակայն ավելացնում է, որ ֆինանսավորման աղբյուրներն առայժմ հայտնի չեն և հաստատված չեն:

Ստուգել ստուգողին. լրագրողը բազմաթիվ խախտումներ է գրանցել մրցույթի հաղթող ճանաչված ՀԸ-ների փաթեթներում

12/04/201114/02/2022

«Առավոտ» օրաթերթի լրագրող Աննա Իսրաելյանը պարբերաբար հոդվածաշար է տպագրում նախորդ տարեվերջին հեռուստատեսային կապուղիների համար մրցույթի հաղթող ճանաչված հեռուստաընկերությունների փաթեթներում տեղ գտած խախտումների վերաբերյալ:

Դրանք, ըստ լրագրողի, անտեսվել են կապուղու համար լիցենզիա տրամադրող Հեռուստատեսության և Ռադիոյի ազգային հանձնաժողովի (ՀՌԱՀ) կողմից:

Մինչդեռ, ըստ լրագրողի, մրցույթին մասնակցող «Ա1+» հեռուստաընկերության նկատմամբ ՀՌԱՀ-ի մոտեցումը կողմնակալ էր: Երբ 2010թ-ի դեկտեմբերի 16-ին ՀՌԱՀ-ը բացեց մրցութային փաթեթները և պարզ դարձավ, որ «Ա1+»-ը հերթական` 13-րդ անգամ զրկվեց կապուղու իրավունքից, Աննա Իսրաելյանը որոշեց, որ անպայման ուսումնասիրելու է բոլոր մրցութային առաջարկները:

«Նախորդ տարիների մրցութային գործընթացը ցույց տվեց, որ այլ հեռուստաընկերությունների մրցութային առաջարկներում էլ անպայման կլինեն կեղծ փաստաթղթեր, որոնք ՀՌԱՀ-ը հայտնաբերել էր «Ա1+»-ի փաթեթում»,- ասում է Իսրաելյանը:

Լրագրողն իր ուսումնասիրություններով ապացուցեց դա:

«Այսպիսին են հաղթողների առաջարկները» խորագրով հոդվածաշարը, ինչպես նաև խախտումների մասին հավաստող փաստաթղթերի լուսանկարները Իսրաելյանը սկսեց պարբերաբար տպագրել «Առավոտ» օրաթերթում, ինչպես նաև տեղադրել իր վերջերս բացված անհատական բլոգում: