Երկուշաբթի՝ հունիսի 13-ին, վրացական թերթերի մեծամասնությունը առաջին էջերին մեծ տառերով տպագրեցին «Միասնություն ՄեդիաՊալիտրայի հետ» նախադասությունը: Այս ակցիայով, որը կազմակերպել էր Լրատվամիջոցների շահերի պաշտպանության կոալիցիան, թերթերը պատասխանեցին ՄեդիաՊալիտրայում տեղի ունեցող հարկային ստուգումներին: Բողոքի ակցիային մասնակցեցին ինչպես մայրաքաղաքային և մարզային թերթերը, այնպես էլ մի շարք ամսագրեր:

Երկուշաբթի օրվա իր թողարկման առաջին էջին Կվիրիս Պալիտրա շաբաթաթերթը, որը պատկանում է ՄեդիաՊալիտրային, տպագրեց «Շնորհակալություն միասնության համար» տողը՝ բողոքի ակցիայի մասնակիցներին իր երախտիքը հայտնելու համար:

Կոալիցիան համոզված է, որ Հարկային ծառայությունների ստուգումները պայմանավորված են Պալիտրայի՝ մայիսի 26-ի ցույցի ցրման ժամանակ ոստիկանների բռնի գործողությունների քննադատական լուսաբանմամբ:

Աղբյուր: Media.ge

Read More »Վրացական թերթերն աջակցում են ՄեդիաՊալիտրային

Թուրքիայի կառավարության մամլո ծառայությունը հայտնում է, որ ոստիկանությունը ձերբակալել է 32 հաքերների, որոնք ենթադրաբար կապ ունեն միջազգային խմբավորման հետ, որը կոտրել է կառավարության կայքը՝ որպես համացանցը հսկելու Թուրքիայի ծրագրերի դեմ ուղղված բողոքի ակցիա:

«Անատոլիա» լրատվական գործակալությունը հայտնում է, որ կասկածյալները ձերբակալվել են երկրի տասնյակ քաղաքներում «Anonymous» («Անանուն») խմբավորման հետ կապեր ունենալու համար:

Այդ խումբն այս շաբաթ հարձակվել է հեռահաղորդակցության, վարչապետի աշխատակազմի և խորհրդարանի կայքերի վրա:

Կասկածյալները հարցաքննվում են:

Ուրբաթ օրը Իսպանիայում ձերբակալվել են տարբեր երկրների կառավարությունների կայքերի վրա հարձակումներ իրականացրած «Anonymous» խմբավորման ենթադրյալ անդամներից երեքը:

Աղբյուր: ABCNews

Read More »Թուրքիայում ձերբակալվել են 32 կասկածյալ հաքերներ

Հունիսի 13-ին «Open Society Georgia» կազմակերպությունը կներկայացնի Վրաստանի մարզային հեռարձակողների ասոցիացիայի համար պատրաստած ձեռնարկը, ինչպես նաև ասոցիացիայի կայքը և ընթացիկ ծրագրերը:

Ձեռնարկը, որը կրում է «Նոր մեդիան հին մեդիայի համար» անվանումը, նախատեսված է տեսական և գործնական (վիդեո) դասընթացների համար:

Ձեռնարկը պատրաստել է ասոցիացիայի աշխատակիցների թիմը, և այն նախատեսված է վրացական մարզային հեռուստատեսությունների համար, սակայն ձեռնարկը կարող է օգտակար լինել նաև այլ լրատվամիջոցների աշխատակիցների, ինչպես նաև սկսնակ լրագրողների համար:

Source: Media.ge

Read More »Նոր մեդիան հին մեդիայի համար. նոր ձեռնարկ լրագրողների համար

«Բելլա և Սեդրակ Քոչարյաններն ընդդեմ «Ժամանակ» օրաթերթի հիմնադիր «Սկիզբ Մեդիա Կենտրոն» ՍՊԸ» գործով դատավարությունը Կենտրոն և Նորք-Մարաշ վարչական շրջանների ընդհանուր իրավասության դատարանում ավարտված է, և արդեն առկա է դատարանի վճիռը:

Դատարանը` գործը վարող դատավոր Արայիկ Մելքումյանի նախագահությամբ, «ժամանակ» օրաթերթի հիմնադրին պարտավորեցնում է տպագրել հերքում` նույն օրաթերթի անցյալ տարվա երեք հոդվածներում տպագրված տեղեկությունների վերաբերյալ: Այս հոդվածները, արդեն նաև ըստ դատարանի, արատավորում են ՀՀ երկրորդ նախագահ Ռոբերտ Քոչարյանի ընտանիքի պատիվը, արժանապատվությունն ու գործարար համբավը:

Դատարանը որոշեց նաև, հօգուտ Քոչարյանների, օրաթերթի հիմնադրից բռնագանձել մեկ միլիոն դրամ (ավելի քան 2600 դոլար )` նրանց վիրավորելու և երկու միլիոն դրամ (ավելի քան 5300 դոլար)`զրպարտելու համար: Հայցվորի ներկայացրած մյուս` դատական ծախսերի համար պահանջած երեք միլիոն դրամի մասով հայցը մերժվեց` անհիմն լինելու պատճառաբանությամբ։

Քոչարյանների ներկայացուցչի ` դատարանում բերած բողոքի հիմքը և ողջ էությունը «Ժամանակ» օրաթերթի 3 հոդվածներից վերցված հետևյալ հատվածներն էին.

Ստորև բերվող բոլոր մեջբերումները վերցված են Datalex.am կայքում (դատական տեղեկատվական համակարգ) տեղադրված դատարանի վճռից: 

Read More »«Արյան» գինը. «Ժամանակ» օրաթերթը Քոչարյաններին պետք է վճարի 3 միլիոն դրամ

Մայիսի 31-ին Բանդար-է Անզալի քաղաքում ազգային անվտանգության գործակալները ձերբակալել են բլոգեր և կանանց իրավունքների պաշտպանության ակտիվիստ Ռահիլ Աշնագարին:

Ըստ HRANA լրատվական գործակալության՝ անվտանգության աշխատակիցները ներխուժել են Աշնագարի բնակարան և առգրավել նրա անձնական իրերը: Նրան թույլ են տվել երկու անգամ կապ հաստատել ընտանիքի հետ: Ռահիլ Աշնագարին մեղադրում են ազգային անվտանգության դեմ գործողություններում:

Ռահիլ Աշնագարին տեղափոխել են Անզալի բանտ, այնուհետև՝ Լական բանտ, որտեղ նրան պահում են բանտարկյալների ընդհանուր խցում:

Աղբյուր: HRANA News Agency

Read More »Իրանում ձերբակալել են կանանց իրավունքների պաշտպանության ակտիվիստին

Ընդդիամադիր առաջնորդ Նինո Բուրջանաձեն դատի է տվել «Ռուսթավի 2» և «Իմեդի» հեռուստաալիքներին, ինչպես նաև «Տաբուլա» ամսագրին: Նրա բողոքի հայտարարությունն ուղարկվել է նաև միջազգային լրագրողական կազմակերպություններին: 

Քաղաքական գործչին բարկացրել է «Ռուսթավի 2» և «Իմեդի» հեռուստաընկերությունների տարածած տեղեկությունը մայիսի 26-ի ցույցի ցրման ժամանակ սպանված ոստիկանի մասին: Ըստ հայտարարության՝ ոստիկանն ընկել է Նինո Բուրջանաձեին ուղեկցող մեքենայի տակ:

«Հեռուստաընկերությունները սուտ պատմություններ են տարածում և մեղադրում են ինձ հանցագործության մեջ: «Տաբուլա» ամսագիրն էլ տպագրել է իմ լուսանկարը շապիկի վրա և վերնագրել` «Դատե՛լ»:

Համաձայն ընդդիմադիր կայքում տեղադրված հաղորդագրության՝ Բուրջանաձեն պահանջում է փոխհատուցում իր կրած բարոյական և նյութական վնասների համար: 

Աղբյուր: Media.ge

Read More »Նինո Բուրջանաձեն դատի է տվել լրատվամիջոցներին

Այսօր աշխարհի շատ խմբագրություններում տեղի է ունենում բնույթով տարբեր լրատվամիջոցների միավորման գործընթաց (առցանց լրատվամիջոցներ, տպագիր մամուլ, ռադիո, հեռուստատեսություն). միավորվում են տվյալների բազաները, ինչը շուկայում ակտիվորեն մրցակցելու հնարավորություն է տալիս: Միավորված նյուզրումի են անցել այնպիսի առաջատար մեդիա հոլդինգներ, ինչպիսիք են «Daily Telegraph»-ը, «Bild»-ը, «Financial Times»-ը, «BBC»-ին և շատ ուրիշներ: Խմբագրության աշխատանքների նոր կազմակերպումը թույլ է տալիս օպտիմալացնել ծախսերը և պարզեցնել խմբագրության կառուցվածքը: Փոխակերպված խմբագրությունները ոչ միայն բիզնեսի հնարավորություն են ստեղծում, այլև փոքր հրատարակչություններին թույլ են տալիս գոյատևել ճգնաժամի և կոշտ մրցակցության պայմաններում: Հայաստանում, ցավոք, տպագիր լրատվամիջոցների մի փոքր մասն է միայն լիարժեք զարգացնում առցանց ուղղությունը:

Read More »Պավել Չերնիկով. «Փոխակերպված (կոնվերգենտ) խմբագրությունը գոյատևման ռազմավարություն է»

Հունիսի 2-ին թուրքական դատարանը 4-6 ամիս ժամկետով ազատազրկման է դատապարտել մի խումբ ոստիկանների 2007 թվականին հայ լրագրող Հրանտ Դինքի սպանության ժամանակ անգործություն դրսևորելու համար:

Մի գնդապետ և նրա հինգ ենթակաները, որոնք բարձր պաշտոններ էին զբաղեցնում Տրապիզոնում, որտեղ էլ երիտասարդների մի խումբ պլանավորել է լրագրողի սպանությունը, հայտնվել են ծովափնյա քաղաքի դատարանում:

Դատախազներն ասում են, որ ոստիկանությունը տեղեկություններ է ստացել Դինքի սպանության կազմակերպման մասին Տրապիզոնում: Հենց այս քաղաքից է 17-ամյա մարդասպանը, ով ընդունել է իր մեղքը:

Սեպտեմբերին Մարդու իրավունքների եվրոպական դատարանը հայտնել է, որ Թուրքիայի իշխանությունները անհրաժեշտ միջոցառումներ չեն ձեռնարկել Դինքին պաշտպանելու համար:

Աղբյուր: RFE/RL

Read More »Թուրք ոստիկանները դատապարտվել են Հրանտ Դինքի սպանության առիթով