Հրապարակումներ Archives - Page 14 of 47

Creative Commons. համացանցում հեղինակային իրավունքները պաշտպանելու անվճար և այլընտրանքային մեթոդ

24/04/201114/02/2022

Արդյոք պե՞տք է, որ տեղեկատվությունն ազատ լինի, թե՞ հեղինակը պետք է աչալրջորեն վերահսկի իր ստեղծագործության օգտագործումը: Այս խնդիրը սրվեց հատկապես համացանցի զարգացման հետ, որտեղ տեղեկատվությունը տարածվում է կայծակնային արագությամբ, ընդ որում, ճանապարհին կորցնելով ստեղծագործության իրական հեղնակին:

2001 թվականին ստեղծվեց «Creative Commons» կազմակերպությունը, որը գործող օրենքի շրջանակներում կոչված էր բարեփոխելու հեղինակային իրավունքները` ստեղծագործությունների օրինական օգտագործումն ընդլայնելու համար:

Կազմակերպությունը մշակեց լիցենզիա, որի շնորհիվ հեղինակներն անձամբ կարող են ընտրել, թե իրենց իրավունքների որ մասով են պատրաստ կիսվել:

«Creative Commons» կամ «CC» լիցենզիան հեղինակներին հնարավորություն տվեց թույլատրելու օգտագործել իրենց ստեղծագործությունները` նշելով հեղինակին (թույլատրել կամ արգելել օգտագործումը կոմերցիոն նպատակներով, թույլատրել կամ արգելել փոփոխել տեսանյութի բնօրինակը և այլն):

Այսպիսով, «© All rights reserved» (Բոլոր իրավունքները պաշտպանված են) լիցենզիայի համար հայտնվել է այլընտրանքային` «CC Some rights reserved» (Որոշ իրավունքներ պաշտպանված են) լիցենզիան: 2002-2009թթ-ին ամբողջ աշխարհում տրամադրվել է 350 միլիոն «CC» լիցենզիա:

Անկեղծ կեղծում. հեղինակի իրավունքը խախտում են, բայց «դա էլ մեր գործն է»

23/04/201114/02/2022

Հեռուստատեսությամբ, ռադիոյով կամ տեղեկատվության տարածման այլ միջոցներով որևէ ձայնասկավառակի, խտասկավառակի գովազդի ժամանակ պարտադիր տրվում է հետևյալ հավելումը` «գնեք միայն արտոնագրված, հոլոգրաֆիկ նշանով սկավառակները»:

Սա խոսում է այն մասին, որ շուկան լիքն է ոչ արտոնագրված, կամ ինչպես ընդունված է ասել «պիրատական» արտադրանքով, որտեղ հեղինակային իրավունք ասվածն ընդհանրապես չի հիշատակվում:

Այսօր յուրաքանչյուր խանութում, գետնանցումում կարելի է գտնել կամայական սկավառակ`ինչպես տեղական, այնպես էլ արտասահմանյան արտադրության: Իհարկե, խոսքը դրանց ոչ արտոնագրված տարբերակի մասին է, ընդ որում, օրիգինալից մի քանի անգամ մատչելի գնով` 700-1000 դրամով: Դրանց հեղինակները` «պիրատները», իրենց արարքը արդարացնում են նրանով, որ արտադրանքի ոչ օրիգինալ տարբերակն ավելի մատչելի և հասանելի է քաղաքացու գրպանին, իսկ սկավառակի հեղինակի իրավունքներն իրենց քիչ են հուզում:

2011 թ-ի մարտի 1-ից ուժի մեջ է մտել «Հսկիչ նշանների (դրոշմապիտակների) միջոցով տեսաձայնային մագնիսական կրիչների պարտադիր դրոշմավորման մասին» ՀՀ օրենքը, որի լիարժեք կիրառման դեպքում «պիրատական» սարդոստայնը հօդս կցնդի և խանութներում կվաճառվեն միայն արտոնագրված, հոլոգրաֆիկ նշանով սկավառակներ, իսկ հեղինակների իրավունքները պաշտպանված կլինեն:

Օրինախախտության շղթա. ինպե՞ս կասեցնել հեղինակային իրավունքի խախտումները

23/04/201114/02/2022

ՅՈՒՆԵՍԿՕ-ի որոշմամբ ապրիլի 23-ը Գրքի և հեղինակային իրավունքի միջազգային օրն է: Արդեն երեք տարի է` Հայաստանի մշակույթի նախարարությունը ևս միացել է օրվա խորհրդին և պարբերաբար նախաձեռնում է այդ օրվան նվիրված միջոցառումների շարք, որոնք միտված են գրքի տարածմանը և հեղինակային իրավունքների իրազեկման բարձրացմանը: Այս տարի միջոցառումների շարքը սկսվել է ապրիլի 21-ից և շարունակվելու է մինչև ապրիլի 26-ը:

Թե ինչ ազդեցություն են ունեցել նման միջոցառումները հանրության շրջանում առայժմ ուսումնասիրված չէ, բայց համաձայն մասնագետների գնահատականի այսօր Հայաստանում հեղինակային իրավունքի ոտնահարման ցուցանիշը 90 տոկոսից ավելի է:

Ընդ որում`խախտումներն առկա են գրեթե բոլոր ասպարեզներում. չկա մի ոլորտ, որի մասին խոսելիս կարելի է բացառել «պիրատության» դեպքերը: Թերևս, այդ առումով «ամենամաքուրը» թատրոններն են, որտեղ եթե որևէ ժամանակակից գործ է բեմադրվում, վարձատրվում են ստեղծագործական խմբի բոլոր անդամները` սցենարի հեղինակը, ռեժիսորը, կոմպոզիտորը, օպերատորը, պրոդյուսերը (եթե հեղինակի մահից անցել է 70 տարի, հեղինակային իրավունքի մասին օրենքն իր ուժը կորցնում է):

Վաճառվել են թուրքական Milliyet և Vatan թերթերը

21/04/201114/02/2022

Թուրքական Sabah թերթի փոխանցմամբ, թուրքական Doğan մեդիա հոլդինգը վաճառել է Milliyet և Vatan թերթերը` դրանց ինտերնետային կայքերի հետ միասին: Թերթերի վաճառքից ընդհանուր առմամբ ստացվել է 73 միլիոն 960 հազար դոլար:

Ընդ որում, Milliyet-ը վաճառվել է Bağımsız Gazeteciler Yayıncılık (Անկախ լրագրողների հրատարակչություն) կազմակերպությանը, իսկ Vatan-ը` DK Gazetecilik ve Yayıncılık (ԴԿ լրագրություն և հրատարակչություն) կազմակերպությանը:

Milliyet-ի վաճառքից ստացվել է 47.960.000 դոլար, իսկ Vatan-ի վաճառքից` 26 միլիոն դոլար:

Հիշեցնենք, որ Milliyet օրաթերթը հիմնադրվել է 1950 թվականի մայիսի 3-ին: Ներկայիս դրությամբ, իր տպաքանակով (ավելի քան 172.000) Milliyet-ը թուրքական թերթերի շարքում զբաղեցնում է 9-րդ հորիզոնականը:

Ինչ վերաբերում է Vatan օրաթերթին, ապա այն ստեղծվել է 2002 թվականի սեպտեմբերի 2-ին և իր տպաքանակով (ավելի քան 109.000) զբաղեցնում է 14-րդ տեղը:

Աղբյուր: 1in.am

Ադրբեջանին քննադատում են շվեդ լրագրողներին արտաքսելու համար

21/04/201114/02/2022

Ադրբեջանը արտաքսել է երեք շվեդ լրագրողների, որոնք ձերբակալվել էին ընդդիմության ցույց կազմակերպելու վերջին փորձի ժամանակ: Նրանց ձերբակալումը դատապարտվել էր մի շարք միջազգային կազմակերպությունների կողմից, հայտնում է «Ազատություն» ռադիոկայանի ադրբեջանական ծառայությունը:

Լրագրողները ժամանել էին Բաքու մարդու իրավունքների վերաբերյալ վավերագրական ֆիլմ նկարելու նպատակով:

Նրանք ձերբակալվել էին ապրիլի 17-ին, երբ ոստիկանությունը ցրում էր ընդդիմության ցույցը քաղաքի կենտրոնական այգիներից մեկում:

Ներքին գործերի նախարարության ներկայացուցիչ Օրխան Մանսուրզադեն ասել է «Ազատություն» ռադիոկայանին, որ լրագրողները հավատարմագրված չեն եղել Արտաքին գործերի նախարարության կողմից և ապրիլի 18-ին օրենքի համաձայն արտաքսվել են երկրից:

Սակայն լրագրողներից մեկը հայտնել է, որ նա և իր գործընկերները չեն թաքցրել իրենց մասնագիտությունը, երբ դիմել են վիզաների համար: Նա ավելացրել է, որ պաշտոնյաներն Ադրբեջանի դեսպանատանը նրանց հավաստիացրել են, որ իրենց փաստաթղթերը կուղարկվեն Արտգործ նախարարություն:

Լրագրողների պաշտպանության կոմիտեն (CPJ) կոչ է անում Ադրբեջանի կառավարությանը չխոչընդոտել միջազգային մամուլի աշխատանքներին:

Աղբյուր: RFE/RL

Հասանելի տիեզերք. աստղաֆիզիկոսները կողմնակից են գործելու հրապարակավ

20/04/201114/02/2022

Հայ աստղաֆիզիկոսները սկսել են զբաղվել նոր ոլորտով՝ գիտության PR-ով: Միջոցառումների կազմակերպիչն է Հայկական աստղագիտական ընկերությունը ի դեմս կազմակերպության նախագահ Արեգ Միքայելյանի:

«Հայաստանի գիտական լրագրողներ» նորաստեղծ խմբին Facebook սոցիալական ցանցում, որտեղ արդեն տեղի են ունենում քննարկումներ և տեղեկատվության փոխանակում, արդեն միացել են 86 լրագրողներ և գիտաշխատողներ:

Ըստ Արեգ Միքայելյանի՝ ֆեյսբուքյան խմբի ստեղծումից հետո գիտական թեմաներով հրապարակումների և հաղորդումների թիվը ակնհայտորեն մեծացել է: Իսկ ապրիլի 16-ին խմբի մոտ 30 մասնակիցների համար Բյուրականի աստղադիտարանում կազմակերպվեց սեմինար Հայաստանում գիտական լրագրության խնդիրների վերաբերյալ, որտեղ լրագրողներին ներկայացվեց աստղադիտարանի պատմությունը, ժամանակակից աստղագիտության նվաճումները, այս ոլորտում միջազգային համագործակցությունը, աստղադիտարանի ծրագրերը և նրա խնդիրները: Հանդես եկան Արեգ Միքայելյանը և աստղադիտարանի տնօրեն Հայկ Հարությունյանը:

Աշխարհը փոխվել է, և եթե խորհրդային ժամանակաշրջանում գիտնականները հետազոտություններ էին անում վերևից եկած հստակ հրամաններով և չէին զբաղվում իրենց աշխատանքների հրապարակմամբ, ապա այսօր շատ բան կախված է գիտաշխատողի նյութի ներկայացումից:

«50 ֆաթուլաևներ» Լոնդոնում պահանջում են ազատ արձակել լրագրողին

20/04/201114/02/2022

Բանտում գտնվող լրագրող Էյնուլլա Ֆաթուլաևին նվիրված բողոքի ցույցի մասնակիցները լրագրողի դեմքը պատկերող դիմակներով այսօր՝ ապրիլի 20-ին, հավաքվելու են Լոնդոնում Ադրբեջանի դեսպանատան առջև: Լոնդոնում գտնվող մարդու իրավունքների պաշտպանության հինգ կազմակերպությունները նման կերպ կնշեն ադրբեջանցի լրագրողի ձերբակալման չորրորդ տարելիցը:

«Հիսուն ֆաթուլաևներ» դեսպանին կհանձնեն Ադրբեջանի իշխանություններին հասցեագրված նամակ, որում պահանջում են անմիջապես և առանց վերապահումների ազատել Ֆաթուլաևին և փոխհատուցել տույժը: Վերջին մեղադրանքը, որի համար նա գտնվում է բանտում, կապված է թմրադեղեր պահելու հետ, որը սակայն ենթադրաբար կեղծված է Ֆաթուլաևին բանտում պահելու համար՝ հակառակ 2010 թվականի ապրիլին Եվրոպական դատարանի կայացրած որոշման:

Աղբյուր: Article19.org

Իրանը ցանկանում է ստեղծել սեփական ինտերնետը

19/04/201114/02/2022

Ինտերնետային գրաքննությունը հեշտացնելու նպատակով Իրանը մտադիր է ստեղծել սեփական «մուսուլմանական» ինտերնետը: «Սա կօգնի պայքարել արևմտյան ազդեցության դեմ, ինչպես նաև կխթանի պարսկերենի տարածումը՝ որպես միջազգային լեզու»,- հայտարարել է Իրանի առևտրի նախարարության ներկայացուցիչը:

Wired UK-ը գրում է, սակայն, որ այս երկրում նման բոլոր փորձերը ձախողվել են, քանի որ օգտագործողները նախընտրել են ազատ ինտերնետը:

Աղբյուր: PCNews.am

Mega Мagazines. ամսագրերը ծաղկում են թերթերի մոխրագույն ֆոնին

19/04/201114/02/2022

Հայաստանում գնալով աճում է ժամանցային ամսագրերի թիվը, այն դեպքում, երբ օրաթերթերի խմբագիրները բողոքում են թերթերի ընթերցանության ցածր մակարդակից: Ըստ ՀՀ արդարադատության նախարարության տվյալների՝ վերջին երեք տարվա ընթացքում Հայաստանում ավելացել է 52 անուն ժամանցային թերթ ու ամսագիր: Եվ այս թիվը կազմում է պետռեգիստրում գրանցված ընդհանուր` 1159 անուն տպագիր լրատվամիջոցների ընդամենը 4%-ը: Սրանցից 759-ը թերթեր են, իսկ 364-ը ամսագրեր:

«Պսպղուն» ամսագրերի շուկան Հայաստանում սկսեց զարգանալ 2004 թվականից: Հենց այդ ժամանակ լույս տեսան այնպիսի ամսագրեր, ինչիպիսիք են «Աֆիշա»-ն, «Elite Life»-ը, «Երևան»-ը: Հետագայում դրանց թիվը կտրուկ կաճի և հիմնականում կքարոզեն շքեղ ապրելակերպ` թանկարժեք մեքենաներ, եվրոպական բրենդերի հագուստ և կարևորը, որ ամեն ինչ էքսկլյուզիվ` հատուկ ամսագրի ընթերցողի համար:

Մինչդեռ փոքր շուկայի հետևանքով, որը գործնականում սահմանափակվում է համահայկական մայրաքաղաքով, նմանատիպ ամսագրերից շատ քչերին է հաջողվում կայուն դիրք գրավել: «Design Delux» ամսագրի գլխավոր խմբագիր Հասմիկ Շամցյանի խոսքերով՝ ամսագրի բովանդակությունը չի սահմանափակվում անվանման թելադրած թեմայով: «Մենք փորձում ենք ընթերցողների մեծ լսարան հավաքել ինչպես դիզայնի մասնագետների, այնպես էլ ոչ մասնագետների շրջանում: Այդ պատճառով էլ գրում ենք ոչ միայն ճարտարապետության և դիզայնի մասին, այլ նաև մշակութային իրադարձությունների մասին առհասարակ», – ասում է Շամցյանը:

Սեր` առաջին օնլայն զրույցից. Գյումրիում սոց. ցանցերը` ամուսնության պատճառ

19/04/201114/02/2022

Երևանաբնակ Ստյոպայի և գյումրեցի Լուսինեի ծանոթության պատճառը համակարգիչն էր, իսկ ավելի ճիշտ` համացանցը, որտեղ բռնկվեց այս զույգի ջերմ օնլայն զրույցը: Այսօր նման ծանոթությունը գուցե այլևս զարմանալի չթվա Երևանում, բայց Գյումրիում աղջկա և տղայի միջև համակարգչային շփումները, մեղմ ասած, լուրջ չեն ընկալվում: Այնուամենայնիվ, զգացմունքներով լի 23-ամյա Ստյոպան պատրաստ էր ապացուցել, որ ավելի, քան երբևէ լուրջ էր տրամադրված այդ շփումները խորացնելուն:

«2010 թվականի նոյեմբերն էր: Լավ հիշում եմ` պարապ էի, գրեցի ուղղակի ժամանակ անցկացնելու համար: Հետո հասկացա, որ լուրջ աղջիկ է, խոսքերը ձևական չեն,» – խոստովանում է 23-ամյա Ստյոպան:

«Ես այդ ժամանակ խնդիրներ ունեի, սկսեցի Լուսինեի հետ կիսվել դարդ ու ցավերով: Այնքան հեշտ է խոսել անծանոթի հետ և այնպիսի անծանոթի, ով կարող է ժամերով լսել քեզ, փորձել խնդիրներիդ հարթեցման ուղիներ գտնել, անկախ հեռավորությունից` հոգեպես աջակցել քեզ ու զգացնել տալ իր ներկայությունը, իր այնքան ցանկալի ներկայությունը»:

Մի քանի ամիս ինտերնետով շփվելուց հետո երիտասարդները փոխանակվել են հեռախոսահամարներով: Ստյոպան ամեն անգամ Լուսինեի մասին խոսելիս անընդհատ պետք է շեշտի, որ իր սերը մնաց անպատասխան:

«Կյանքիս մեջ առաջին անգամ նրա համար եմ Գյումրի գնացել: Ամբողջ ճանապարհին մտածում էի` կարող է ստի, չգա, բայց եկավ: Երբ առաջին անգամ տեսա, հասկացա, որ նա է` միակս, կյանքիս իմաստը», – ասում է Ստյոպան:

« Previous
1
…
12
13
14
15
16
…
47
Next »