ՀՀ ԱԺ պատգամավոր Տիգրան Արզաքանցյանի՝ «Երկիր» օրաթերթի դեմ ներկայացրած հայցապահանջի հետևանքով ԴԱՀԿ ծառայությունը որոշել է օրաթերթի գույքի վրա արգելանք դնել և դրա նկատմամբ հետախուզում հայտարարել:Հիշեցնենք՝ պատգամավորին դուր չի եկել «Երկրի»` «131 դեմք ու դիմակ» խորագրի ներքո իր մասին տպագրած հոդվածը: Եվ փետրվարին դիմելով դատարան` նա պահանջել է վիրավորելու և զրպարտելու համար իրեն տրամադրել 3 մլ 568 հազար դրամի չափով փոխհատուցում, որից 500 հազարը հաշվարկել է իբրև փաստաբանական, իսկ 68-ը` դատական ծախսեր:

Մարտի 14-ին Կենտրոնի դատարանը կատարողական թերթիկ է ուղարկել ԴԱՀԿ, որպեսզի հայցագնի չափով արգելանք դրվի պատասխանողին՝ «Երկիր խմբագրություն» ՍՊԸ-ին պատկանող գույքի վրա՝ բացառությամբ դրամական միջոցների: Սրա հիման վրա էլ ԴԱՀԿ ծառայության Երևան քաղաքի Կենտրոն և Նորք-Մարաշ բաժինը մարտի 28-ին որոշել է հարուցել կատարողական վարույթ և պարտապանի գույքի նկատմամբ հայտարարել հետախուզում:

Իսկ արդեն մարտի 31-ի որոշմամբ ԴԱՀԿ-ն արգելանք է դրել «Երկիր խմբագրություն» ՍՊԸ-ին սեփականության իրավունքով պատկանող գույքի վրա և արգելել է այն տնօրինել և օտարել:

«Երկիրը» ԴԱՀԿ նշյալ որոշումները ստացել է այսօր փոստով: Օրաթերթը շարունակելու է տպագրվել, քանի որ նրա դրամական միջոցներն արգելանքի տակ չեն:

Հիշեցնենք, որ օրերս Ռոբերտ Քոչարյանի հայցադիմումի հիման վրա արգելանքի տակ դրվեց «Հրապարակ» օրաթերթի գույքը: 

Read More »«Երկիրը» նույնպես արգելանքի տակ է

Երևանի Ավան և Նոր-Նորք համայնքների ընդհանուր իրավասության դատարանում այսօր մեկնարկեց Ազգային ժողովի Հանրապետական պատգամավոր Ռուբեն Հայրապետյանի դեմ «Հետք» պարբերականի լրագրող Գրիշա Բալասանյանի հայցով դատավարությունը:

Լրագրողը դատարանից պահանջում է պարտավորեցնել Ռուբեն Հայրապետյանին իրենից ներողություն խնդրել և գումարային փոխհատուցում վճարել` իր պատիվն ու արժանապատվությունը վիրավորելու համար:

«Պատասխանողը վիրավորել է վստահորդիս: Դրսևորել է վստահորդի անձնական և ընտանեկան կյանքի նկատմամբ անթույլատրելի միջամտություն», – դատարանում հայտարարեց Բալասանյանի փաստաբան Վահե Գրիգորյանը:

Փետրվարի 2-ին, երբ լրագրողը զանգահարել է Ռուբեն Հայրապետյանի բջջային հեռախոսին հարցազրույցի մասին պայմանավորվածություն ձեռք բերելու նպատակով, պատգամավորը նրան նախ անվանել է տգետ, հետո` հայհոյել, հետո ավելացրել` «լավ արեցի»:

Հայցվոր կողմը դատարանին ներկայացրել է ապացույցներ, այդ թվում` լրագրողի հարցին ի պատասխան Ռուբեն Հայրապետյանի հայհոյանքների ձայնագրությունը:

Read More »Լրագրողը դատարանով Ռուբեն Հայրապետյանից պահանջում է ներողություն խնդրել

Ինչպես հայտնում է www.rferl.org կայքը՝ ընդդիամադիր «Ազադլիգ» թերթի թղթակից Ռամին Դեկոյին առևանգել և ծեծի են ենթարկել ապրիլի 2-ի հակակառավարական ցույցին ներկա գտնվելու համար:

Դեկոն ասում է, որ ապրիլի 3-ին նրան առևանգել են քաղաքացիական հագուստով անձիք, տարել մի անծանոթ վայր և խորհուրդ տվել վերջ տալ իր գործունեությանը ընդդիմության ճամբարում: Ապրիլի 4-ի երեկոյան նրա վրա հարձակում են գործել, երբ նա դուրս է եկել աշխատանքից:

Մինչ այդ՝ մարտի 26-ին, «Ազադլիգի» սյունյակագիր Սեյմուր Հազիևին նույնպես առևանգել և ծեծի էին ենթարկել:

Ներքին գործերի նախարար Ռամիլ Ուսուբովը հանդիպել է «Ազադլիգի» խմագիրների հետ և ասել, որ անձամբ կհետևի լրագրողների վրա կատարված հարձակումների մասով գործերի հետաքննությանը:

Read More »Ադրբեջանում «Ազադլիգ» թերթի ևս մեկ լրագրողի ծեծի են ենթարկել

ԵԱՀԿ մամուլի ազատության ներկայացուցիչ Դունյա Միյատովիչը դիմել է Թուրքիայի իշխանություններին՝ պահանջելով համապատասխանեցնել երկրի օրենսդրությունը ԵԱՀԿ պայմաններին: Ըստ Միյատովիչի գրասենյակի տվյալների՝ Թուրքիայում 57 լրագրող ազատազրկված են:

«Ներկա պահին Թուրքիայի բանտերում 57 լրագրողներ կան, իսկ ընթացիկ դատական գործընթացների թիվը, որոնք կարող են հանգեցնել լրագրողների ազատազրկման, 700-ից 1000 է», – հայտնել է Միյատովիչը, ով հանձնարարել է ուսումնասիրություն կատարել ձերբակալված լրագրողների մասին մի շարք զեկույցներ ստանալուց հետո:

Արտաքին գործերի նախարար Ահմեթ Դավութօղլուին ուղղված նամակում նա հայտնել է, որ հետազոտությունը նպատակ ունի ցույց տալ, որ Թուրքիան օրենսդրական բարեփոխումների կարիք ունի: Նա նաև առաջարկել է իր աջակցությունը նման բարեփոխումներ կատարելու հարցում:

Բանտարկված լրագրողների ամբողջական ցուցակը կարող եք գտնել այստեղ. http://www.osce.org/fom/76373

Աղբյուր: http://www.osce.org

Read More »Թուրքիայում ավելի քան 50 լրագրող անազատության մեջ է

ԵԱՀԿ մամուլի ազատության ներկայացուցիչ Դունյա Միյատովիչը դիմել է Թուրքիայի իշխանություններին՝ պահանջելով համապատասխանեցնել երկրի օրենսդրությունը ԵԱՀԿ պայմաններին: Ըստ Միյատովիչի գրասենյակի տվյալների՝ Թուրքիայում 57 լրագրող ազատազրկված են:

«Ներկա պահին Թուրքիայի բանտերում 57 լրագրողներ կան, իսկ ընթացիկ դատական գործընթացների թիվը, որոնք կարող են հանգեցնել լրագրողների ազատազրկման, 700-ից 1000 է», – հայտնել է Միյատովիչը, ով հանձնարարել է ուսումնասիրություն կատարել ձերբակալված լրագրողների մասին մի շարք զեկույցներ ստանալուց հետո:

Արտաքին գործերի նախարար Ահմեթ Դավութօղլուին ուղղված նամակում նա հայտնել է, որ հետազոտությունը նպատակ ունի ցույց տալ, որ Թուրքիան օրենսդրական բարեփոխումների կարիք ունի: Նա նաև առաջարկել է իր աջակցությունը նման բարեփոխումներ կատարելու հարցում:

Բանտարկված լրագրողների ամբողջական ցուցակը կարող եք գտնել այստեղ. http://www.osce.org/fom/76373

Աղբյուր: http://www.osce.org

Read More »Թուրքիայում ավելի քան 50 լրագրող անազատության մեջ է

Հայաստանի երկրորդ նախագահ Ռոբերտ Քոչարյանը դատի է տվել «Հրապարակ» թերթին։ Ինչպես Tert.am-ին տեղեկացրեց թերթի գլխավոր խմբագիր Արմինե Օհանյանը, խմբագրությունն այսօր ստացել է դատական ծանուցագիր։ Կենտրոն և Նորք Մարաշ համայնքների ընդհանուր իրավասության դատարան ներկայացրած հայցը բաղկացած է երեք կետից։

Հայցով Քոչարյանը պահանջում է հերքել թերթի՝ այս տարվա փետրվարի 12-ի համարում հրապարակված «Քոչարյանին ոչնչացնում են, Ծառուկյանին՝ բացատրո՞ւմ» խորագրով հոդվածը, որպես փոխհատուցում՝ իրեն վճարել 6 մլն դրամ և արգելանք դնել թերթի հաշիվների վրա։ Հայցը դատարան է ներկայացվել մարտի 28-ին, և հենց նույն օրն էլ դատարանը բավարարել է արգելանքի մասին պահանջը։ «Հրապարակ» օրաթերթը մարտի 28-ից չի կարողանում տնօրինել բանկում գտնվող սեփական հաշիվները։

Արմինե Օհանյանը նշեց, որ Ռոբերտ Քոչարյանը ոչ թե օրենքով նախատեսված մեկամսյա ժամկետում է հայցը դատարան ներկայացրել, այլ ուշացրել է։ Սակայն դա խոչընդոտ չի հանդիսացել, և դատարանը որոշել է թերթի հաշիվների վրա արգելանք դնել։

Արմինե Օհանյանը նշեց, որ առաջիկայում թերթը կշարունակի լույս տեսնել։ Սակայն, ըստ նրա, մինչև այս գործով նախնական դատական նիստը, որը նշանակված է մայիսի 10-ին, պետք է աշխատանքներ տարվեն թերթի հաշիվների վրայից արգելանքը հանելու ուղղությամբ։ Հակառակ դեպքում, որոշ ժամանակ անց հնարավոր չի լինի թերթը լույս ընծայել։

Read More »Ռոբերտ Քոչարյանը դատի է տվել «Հրապարակ»-ին. թերթի հաշիվների վրա արգելանք է դրվել

«Ես թերթ եմ» խորագրով հավաքը, որը կազմակերպվեց ապրիլի 2-ին «Ակումբ» համալիրում, աննախադեպ լեփլեցուն էր: Սա ՊեչաԿուչա տիպի հավաքների շարքից էր, որը ճապոներենից թարգմանաբար նշանակում է ասել-խոսել:

Այս անգամ ՊեչաԿուչայի ընթացքում առաջարկվում էր ասել-խոսել լրատվամիջոցներին վերաբերող խնդիրների ու նոր մեդիայի մասին:

Միջոցառման ժամանակ, որը կազմակերպվել էր «Ինտերնյուս» մամուլի աջակցության ՀԿ-ի հետ համատեղ, ներկայացվեց տասը թեմատիկ շնորհանդես: ՊեչաԿուչա ձևաչափի համաձայն, յուրաքանչյուր ելույթ ունեցող հնարավորություն ուներ արագ, բովանդակալից և զվարճալի ներկայացնելու իր ասելիքը ընդամենը 20 պատկերի միջոցով:

Ոչ պաշտոնական և զվարճալի այս երեկոյի ընթացքում ստեղծագործող մարդիկ կիսվեցին իրենց մտահաղացումներով, ծրագրերով ու կարծիքներով:

Տեղեկատվական տեխնոլոգիաների մասնագետները համոզմունք հայտնեցին, թե Հայաստանում շարունակում են զարգանալ սոցիալական ցանցերն ու գերիշխող դիրք ունենալ լրատվության ավանդական միջոցների նկատմամբ: Ըստ տեղեկատվական անվտանգության փորձագետ Սամվել Մարտիրոսյանի, սա այն դեպքում, երբ «հեռուստատեսությունն այսօր սերիալներից բացի այլ բան չունի առաջարկելու հեռուստադիտողին»:

Ըստ ելույթ ունեցողների, ավանդական ԶԼՄ-ների լսարանը տրոհվում է, իսկ համացանցի միջոցով նոր միավորումներ ու հասարակական շարժումներ են առաջանում:

Read More »ՊեչաԿուչան անդրադարձավ հայկական ԶԼՄ-ներում առկա խնդիրներին

Թուրքիայում «Էրգենեկոն»-ի գործի շրջանակներում ձերբակալված լրագրող Ահմեդ Շըքի հեղինակած եւ դեռեւս չհրատարակված «Իմամի բանակը» գիրքը հայտնվել է ինտերնետում։

Թուրքական Milliyet-ի փոխանցմամբ՝ թուրքական ոստիկանության կողմից արգելված եւ դեռեւս չհրատարակված «Իմամի բանակը» գիրքը հայտնվել է Twitter-ում։

Նշենք, որ ավելի վաղ հայտնի էր դարձել, որ հիշյալ գրքում ներկայացվել է ոստիկանության համակարգում Ֆեթհուլլահ Գյուլենի կրոնական միության գոյության մասին, որից հետո ոստիկանությունը սկսել էր հավաքել գրքի չհրատարակված բնօրինակը։

Հիշյալ գործողության առնչությամբ իր անհանգստությունն էր հայտնել նաեւ Թուրքիայի նախագահ Աբդուլլահ Գյուլը՝ նշելով, որ եթե գիրքը չարգելվեր, կվաճառվեր մի 10 հազար օրինակ, իսկ այս պարագայում այն կվաճառվի 100 հազար օրինակով։ 

Աղբյուր: News.am

Read More »Թուրքիայում չհրատարակված սկանդալային գիրքն արդեն հայտնվել է ինտերնետում