Երբ փոքր ես, լի ես հույսերով, երազանքներով ու մտքերով… Մտքերով, որ մի օր կմեծանաս և ճիշտն ու սխալն ընտրելու իրավունք կունենաս …

Երբ ութ տարեկան էի, շատ զգացմունքային էի: Եթե միայն կարողանայիք տեսնել մտքերս, ապա կխելագարվեիք այն գեղեցիկ գույներից, որոնք ինքս էի ստեղծել… Ես մի սովորական աղջիկ էի, որը երաժշտություն էր սիրում:

Երաժշտությունն ինձ համար ամեն ինչ էր. յուրաքանչյուր տոնայնության մեջ ես գտնում էի ինձ, իմ ձայնը, ոգին ու շունչը: Երաժշտության  մեծերով` Շոպենով, Բեթհովենով, Լիստով ոգեշնչված` ես մայրիկիս խնդրեցի օգնել ինձ հայտնվելու երաժշտական դպրոցում: Այդ ժամանակ ես հույս ունեի, որ կնվագեմ բոլոր երկրների բեմերում` փոխանցելով զգացմունքներս մարդկանց և հույս ունենալով, որ երաժշտությունը նրանց հոգու ներդաշնակություն կբերի:

Read More »Երազանքս փշրվեց…

«Բազմազգ Վրաստան» հասարակական շարժումը, որը պաշտպանում է ազգային փոքրամասնությունների շահերը Վրաստանում, դիմել է Վրաստանի նախագահին և վարչապետին, որպեսզի նրանք հեռացնեն սպորտի և երիտասարդության հարցերի նախարար Լադո Վարձելաշվիլուն:

Ապրիլի 2-ին «Իմեդի» հեռուստաալիքով հեռարձակվող Ուրախների և հնարամիտների ակումբի շրջանակներում Պետական բժշկական համալսարանի «Կոզա Նոստրա» թիմը «ո՞րն է Հիտլերի ամենամեծ նվաճումը» հարցին պատասխանել է «անվճար գազ ամեն հրեական ընտանիքին»: Ժյուրին, որի անդամ էր նաև Լադո Վարձելաշվիլին, ամենաբարձր գնահատականն է տվել այս պատասխանին: Սակայն հետո հասարակայնորեն ներողություն է խնդրել:

Աղբյուր: Media.ge

Read More »«Բազմազգ Վրաստանը» նախագահից պահանջում է հեռացնել նախարարին

Էվին բանտում գտնվող «Շարղ» թերթի գրքերի տեսության խմբագիր Սամ Մահմուդի Սարային շատ ծանր ֆիզիկական և հոգեբանական վիճակում է:

Լրագրողը, որը տառապում է խրոնիկ գլխացավերից և ստամոքսի խոցի բարդություններից, բանտում անտանելի ճնշման է ենթարկվում, հայտնում է «Զամանեհ» ռադիոկայանը:

Մահմուդիին ձերբակալել են մարտի 1-ին: Նրա առողջությունը գնալով վատանում է, քանի որ նա պետք է հետևի խիստ դիետաների և մշտապես լինի բժիշկների հսկողության տակ: Իսկ նրան նույնիսկ զրկել են ընտանիքի հետ տեսակցության իրավունքից: Ընտանիքի անդամների հետ լրագրողը շփվում է միայն հեռախոսով:

Նա մեղադրվոմ է ռեժիմի դեմ քարոզչության, առաջնորդին վիրավորանք հասցնելու, ինչպես նաև «Ես խոստովանում եմ…» երգը ստեղծագործելու և Սալման Ռուշդիի «Սատանայական բանաստեղծություններ»-ի օրինակները պահելու մեջ:

Աղբյոր: Iranian.com

Read More »Իրան. բանտարկված լրագրողի առողջությունը մտահոգիչ է

Եվրոպական միության վերջին զեկույցը Ադրբեջանի քաղաքական իրավիճակի վերաբերյալ փաստերով հիմնավորված չէ, ասել է «Նոր Ադրբեջան» կուսակցության գործադիր քարտուղարի տեղակալ, պատգամավոր Մուբարիզ Գուրբանլին կուսակցության պաշտոնական կայքին: ԵՄ-ի դիրքորոշումը հեռու է օբյեկտիվ լինելուց, ավելացրել է նա:

Ընդդիմադիր որոշ կուսակցություններ հրաժարվեցին ցույցեր անցկացնել Բաքվի քաղաքապետարանի կողմից հատկացված վայրերում և ապրիլի 2-ին ապօրինի հավաքներ կազմակերպեցին, ասել է պատգամավորը: Որոշ օրինապահ ծառայություններ այդ առիթով քայլեր ձեռնարկեցին:

Նման ակցիաները խափանվում են նաև եվրոպական երկրների իշխանությունների կողմից, ասել է նա: Հետևաբար նման ենթադրություններ անելը անարդար է, ավելացրել է Գուրբանլին:

«Հայտարարության մեջ նշվում է, որ ԶԼՄ-ների ներկայացուցիչների նկատմամբ ճնշում է գործադրվել ցույցի ընթացքում և նրանք ձերբակալվել են: Բայց սա չի համապատասխանում փաստերին: Ադրբեջանում խոսքի և մամուլի ազատությունը լիովին երաշխավորված են: Գուցե լրագրողը որպես քաղաքական կուսակցության անդամ է եկել ցույցին: Եթե այդպես է, ապա լրագրողը ոչ մի կերպ չի տարբերվում մնացած մասնակիցներից: Լրագրողների համար այդ միջոցառումները լուսաբանելու բոլոր պայմաններն ստեղծված էին, և նրանք հատուկ համազգեստ էին կրում: Նրանք ազատ կարող էին լուսաբանել», – ասում է Գուրբանլին:

Աղբյուր: Trend.az

Read More »Ադրբեջանի իշխող կուսակցությունը քննադատել է ԵՄ զեկույցը

«Տիգրան Արզաքանցյանն ընդդեմ «Երկիր» օրաթերթի» դատական գործը կշարունակվի ապրիլի 21-ին: Նման որոշում կայացրեց Կենտրոն և Նորք-Մարաշ համայնքների ընդհանուր իրավասության դատարանի դատավոր Ռուբեն Ափինյանը ապրիլի 11-ին նշանակված դատական նիստի ժամանակ` պատասխանող կողմի բացակայության պատճառով:

Պատասխանող կողմը դատարան եկավ 7 րոպե ուշացումով, բայց դատավորի որոշումը մնաց անփոփոխ:

Ազգային ժողովի պատգամավոր Տիգրան Արզաքանցյանը դատի է տվել «Երկիր» օրաթերթին` իր պատիվն ու արժանապատվությունն արատավորող տեղեկություններ հրապարակելու համար: «Երկիր»-ի «131 դեմք ու դիմակ» խորագիրը ներկայացնում է ԱԺ 131 պատգամավորներին. այս տարվա հունվարի 13-ի համարի հերթական հոդվածը ԱԺ պատգամավոր Տիգրան Արզաքանցյանի մասին էր:

Պատգամավորի կարծիքով` օրաթերթը վիրավորական արտահայտություններ է թույլ տվել իր հասցեին` անվանելով իրեն «ստիլյագա», «Քյավառա բարբառով խոսող», նաև մեջբերել է նախկին վարչապետ, Երևանի կոնյակի գործարանի նախկին փոխտնօրեն Հրանտ Բագրատյանի խոսքերը, թե «այդ լակոտը իր արտադրած կոնյակով խայտառակում է Հայաստանը Ռուսաստանում»:

Read More »Սեղմել «Երկրի» զարկերակը. պատգամավորները պատժում են իրենց ընդունած օրենքներով

Ամեն առավոտ գյումրեցի գրավաճառ Վաղինակ Հակոբյանը պայուսակում տեղավորում է մի քանի տասնյակ գրքեր, ապա մտամոլոր քայլերն ուղղում դեպի Գյումրիի կենտրոնական հրապարակ տանող բանուկ փողոցը: Նստարաններից մեկի վրա դասավորում է գրքերն ու գործի անցնում: Բացի 43-ամյա Վաղինակից այստեղ փողոցային գրավաճառությամբ զբաղվում են ևս մի քանի հոգի:

Երկու տարի առաջ, երբ առաջին անգամ Վաղինակը դուրս եկավ գիրք վաճառելու, նեղվում էր: «Հոգեպես կոտրված ու ինձ դավաճան էի համարում. վաճառելու էի հարազատ ընկերներիս», – ասում է գրավաճառը:

«Երկար տարիներ ֆուտբոլով եմ զբաղվել: Միշտ երազում էի` օրերից մի օր Հայաստանում այդ խաղաձևը կզարգանա, ես էլ պահանջված մարզիկ կդառնամ… Տարիների ընթացքում հասկացա, որ զուր հույսեր եմ փափագում, ավելին` մեզ մոտ սպորտով տուն չես պահի: Տարբեր գործեր եմ արել, մի օր պարապ չեմ մնացել ու երբ 2 կոպեկ ավել եմ աշխատել, գիրք եմ գնել»,- պատմում է Վաղինակը ու ձեռքի հետ գրքերը տեսակավորում:

«Ես քաղաքի բոլոր գրախանութներում գրանցված էի` հենց նորություն լիներ, անպայման պիտի ունենայի, անգամ ծանոթ էի մեջ գցում դեֆիցիտ գրքերի համար»:

Դեֆիցիտ գրքերից շատերին Վաղինակն արդեն հրաժեշտ է տվել, բայց այսօր էլ նրա նստարանը լի է գրքերով: Ժանրերը տարբեր են` հայ և արտասահմանյան դասականներից մինչև ժամանակակից:

Read More »Փրկության գրքեր. Թումանյանի և Հյուգոյի հատորները զիջում են ժամանցային ամսագրերին

«Առավոտ» օրաթերթի լրագրող Աննա Իսրաելյանը պարբերաբար հոդվածաշար է տպագրում նախորդ տարեվերջին հեռուստատեսային կապուղիների համար մրցույթի հաղթող ճանաչված հեռուստաընկերությունների փաթեթներում տեղ գտած խախտումների վերաբերյալ:

Դրանք, ըստ լրագրողի, անտեսվել են կապուղու համար լիցենզիա տրամադրող Հեռուստատեսության և Ռադիոյի ազգային հանձնաժողովի (ՀՌԱՀ) կողմից:

Մինչդեռ, ըստ լրագրողի, մրցույթին մասնակցող «Ա1+» հեռուստաընկերության նկատմամբ ՀՌԱՀ-ի մոտեցումը կողմնակալ էր: Երբ 2010թ-ի դեկտեմբերի 16-ին ՀՌԱՀ-ը բացեց մրցութային փաթեթները և պարզ դարձավ, որ «Ա1+»-ը հերթական` 13-րդ անգամ զրկվեց կապուղու իրավունքից, Աննա Իսրաելյանը որոշեց, որ անպայման ուսումնասիրելու է բոլոր մրցութային առաջարկները:

«Նախորդ տարիների մրցութային գործընթացը ցույց տվեց, որ այլ հեռուստաընկերությունների մրցութային առաջարկներում էլ անպայման կլինեն կեղծ փաստաթղթեր, որոնք ՀՌԱՀ-ը հայտնաբերել էր «Ա1+»-ի փաթեթում»,- ասում է Իսրաելյանը:

Լրագրողն իր ուսումնասիրություններով ապացուցեց դա:

«Այսպիսին են հաղթողների առաջարկները» խորագրով հոդվածաշարը, ինչպես նաև խախտումների մասին հավաստող փաստաթղթերի լուսանկարները Իսրաելյանը սկսեց պարբերաբար տպագրել «Առավոտ» օրաթերթում, ինչպես նաև տեղադրել իր վերջերս բացված անհատական բլոգում:

Read More »Ստուգել ստուգողին. լրագրողը բազմաթիվ խախտումներ է գրանցել մրցույթի հաղթող ճանաչված ՀԸ-ների փաթեթներում