Երկու լուր. ԱՄՆ պետդեպարտամենտի տարեկան զեկույցը և Հայաստանում ԱՄՆ դեսպանատան հայտարարությունը
Ներկայացնում ենք վերջերս ԱՄՆ կառավարության կողմից պատրաստված երկու փաստաթուղթ, որոնց մեջ անդրադարձ է կատարվել նաև հայկական ԶԼՄ-ներին`մայիսին հրատարկված ԱՄՆ պետդեպարտամենտի համաշխարհային ժողովրդավարական գործընթացների վերաբերյալ ամենամյա զեկույցը և նախորդ շաբաթ ՀՀ-ում ԱՄՆ դեսպանատան կայքում տեղադրված հայտարարությունը մայիսի 31-ին տեղի ունեցած Երեւանի ավագանու ընտրությունների վերաբերյալ:
ԱՄՆ դեսպանատան հայտարարության մեջ մասնավորապես ԶԼՄ-ների մասով ասվում է. «Գովելի է Հայաստանի Իշխանությունների կողմից ԶԼՄ միջավայրի բարելավումը, որը հնարավորություն տվեց բոլոր կուսակցություններին ու թեկնածուներին էլեկտրոնային լրատվամիջոցներով ներկայանալու իրենց ընտրողներին»:
Նույն հայտարարության մեջ նշվում է, որ չնայած որոշ ընդդիմադիր
կուսակցությունների վերաբերյալ լուսաբանումներին ավելի քիչ ժամանակ է հատկացվել,
քան իշխանական կոալիցիայի կուսակցություններին, սակայն, ի տարբերություն 2008թ.
նախագահական ընտրությունների, բովանդակային առումով ընդդիմության
լուսաբանումը ընդհանուր առմամբ չեզոք էր:
«Ընդդիմադիր թեկնածուներն ու նրանց կողմնակիցները հնարավորություն են ունեցել տարբեր հեռուստաընկերությունների, այդ թվում և հանրային հեռուստատեսության եթերում, հարցազրույցների միջոցով ներկայացնելու իրենց դիրքորոշումը, և այս հնարավորություններից շատերն օգտագործվել են նրանց կողմից», ասվում է հայտարարության մեջ: