հետազոտություն Archives

ԱՄՓՈՓԻՉ ԶԵԿՈՒՅՑ 2012. Առցանց ԶԼՄ-ների դիտարկումը ԱԺ ընտրությունների վերաբերյալ

29/06/2012

«Լրագրողներ հանուն ապագայի» կողմից պատրաստված «Առցանց ԶԼՄ-ների դիտարկումը 2012թ. մայիսի 6-ի ԱԺ ընտրությունների վերաբերյալ» ամփոփիչ զեկույցը կարող եք ներբեռնել այստեղ:

Այս մշտադիտարկումն իրականացրել է «Լրագրողներ հանուն ապագայի» /ԼՀԱ/ հասարակական կազմակերպությունը` «Բաց հասարակության հիմնադրամներ-Հայաստան» /ԲՀՀ-Հայաստան/ կազմակերպության ֆինանսական աջակցությամբ:

Մշտադիտարկման նպատակն է արձանագրել հայաստանյան առցանց ԶԼՄների աշխատանքային գործընթացը ընտրություններին վերաբերող լուսաբանումների տեսանկյունից` նախընտրական 3 ամիսների և հետընտրական 2 շաբաթների ընթացքում` փետրվարի 6 ից մայիսի 20ը ընկած ժամանակահատվածը (ընդհանուր 105 oր):

Հանրայինն առանց գովազդի. «Ասպարեզ» ակումբը նոր խախտումներ է գրանցում Հ1-ի եթերում

06/11/2011

Գյումրու Ժուռնալիստների «Ասպարեզ» ակումբը 10 ամիս շարունակ իրականացնում է «Հ1» հեռուստաալիքի եթերի ուսումնասիրություն` պարզելու, թե որքանով է Հանրային հեռուստաընկերությունը պահպանում օրենքով սահմանված դրույթները` կապված հեռուստաալիքի հաղորդումներում առևտրային գովազդի ծավալի և տեղաբաշխման հետ:

Հաղորդումների մոնիտորինգն իրականացվում է Գյումրիում, որտեղ «Հ1» հեռուստաալիքը եթեր է հեռարձակվում օրական ընդամենը 17-ից 21 ժամ:

Մոնիտորինգից ստացված տվյալները ներկայացվում են փուլ առ փուլ, և օրերս Ժուռնալիստների «Ասպարեզ» ակումբի խորհրդի նախագահ Լևոն Բարսեղյանը և մեդիա փորձագետ Մեսրոպ Հարությունյանը ներկայացրին այս տարվա մայիս-հունիս ամիսների մոնիտորինգի արդյունքներն ու կատարված եզրակացությունները: Հաշվետվության ներկայացմանը հրավիրված էին նաև «Հ1»-ի ներկայացուցիչներ, ովքեր, սակայն, ներկա չգտնվեցին:

Մոնիտորինգի հեղինակները նշեցին, որ մայիս ամսվա 27 ուսումնասիրված օրերի ընթացքում «Հ1»-ը հեռարձակել է մոտ 171 րոպե քողարկված գովազդ, իսկ հունիս ամսվա 29 ուսումնասիրված օրերին` մոտ 282 րոպե: Հետազոտության համաձայն «Հ1»-ի եթերում գովազդի նախատեսված 7%-ի փոխարեն հեռարձակվել է ավելի քան 10%:

Ծրագրի ղեկավար Լևոն Բարսեղյանը կարծում է, որ Հանրայինն այլևս ոչնչով չի տարբերվում մասնավոր հեռուստաընկերությունից:

No Advertising on Public TV: “Asparez” Club Registering New Violations on “H1”

05/11/2011

For already 10 months the Journalists’ Club “Asparez” in Gyumri has been implementing an investigation of the TV channel “H1” to find out how the Public Television Company follow provisions of the law related to the volume and distribution of commercial advertising during the TV programs.

Monitoring of the TV channel programs is being realized in Gyumri, where the channel “H1” is broadcasted 17-21 hours per day.

The monitoring results are represented phase by phase, and a few days ago the president of Journalists’ Club “Asparez” Levon Barseghyan and media expert Mesrop Harutyunyan presented the results of months May and June of this year and the conclusions drawn. Representatives of “H1” were also invited to the presentation of the report, but they were absent.

Authors of the monitoring noted that “H1” broadcasted 171-minute disguised advertisement during the studied 27 days in May and 282-minute hidden advertising in the course of 29 days in June. According to the study more than 10 percent of advertising has been broadcasted on “H1” instead of the intended 7 percent.

The project director Levon Barseghyan believes that the Public TV no longer differs from the private television companies.

Զեկույց 2010. ԶԼՄ-ների իրավունքների խախտման դեպքերն ավելացան

10/02/201114/02/2022

Հայաստանի խոսքի ազատության պաշտպանության կոմիտեն 2010 թվականին արձանագրել է ԶԼՄ-ների իրավունքների խախտման 46 դեպք, ինչը նախորդ տարվա համեմատ 8-ով աճել է:

Փետրվարի 9-ին կոմիտեի նախագահ Աշոտ Մելիքյանը լրագրողներին ներկայացրեց 2010 թվականի տարեկան զեկույցը, որտեղ ներառվել են դատական, տնտեսական և քաղաքական միջավայրների ազդեցությունները ԶԼՄ-ների գործունեության վրա, ինչպես նաև լրատվամիջոցների եւ լրագրողների իրավունքների խախտման դեպքերը:

Ըստ զեկույցի, լրագրողների նկատմամբ ֆիզիկական բռնությունների դեպքերը 2-ով նվազել է, սակայն ԶԼՄ-երի եւ դրանց աշխատակիցների նկատմամբ ճնշումներն, ընդհակառակն, աճել են 5-ով: Վիճակը վատացել է նաեւ տեղեկություններ ստանալու եւ տարածելու իրավունքի առումով:

Ahead to Back: Concerns Increasing, Pluralism Decreasing

31/01/201114/02/2022

“The mass media in Armenia is on a dangerous margin of passing from a ‘partially free’ assessment to a ‘not free’ one,” says the report on the research conducted by the Committee to Protect Freedom of Expression in August-September, 2010.

According to the research implemented by the methodology of an authoritative international organization Freedom House, the level of freedom of the Armenian mass media has been assessed 58, 6 points. According to the sample methodology the country is assessed free in case of 0-30 points, partially free in case of 31-60 points and not free when the points are 61-100.

The survey has been conducted among the representatives of the most well-known medium and media organizations. Only 6 percent of them have assessed the media as free, 46 percent – as partially free and 48 percent – as not free.

The research authors represented these data during the “Media in Armenia: References of 2010 and Tendencies of 2011” conference on January 27. The conference consisted of two main parts. The first part was devoted to last year’s legislative processes and their consequences, particularly to the amendments to the Law ‘on Television and Radio’, and the second part to the current state and tendencies of the media and freedom of expression.

Առաջ դեպի հետ. մտահոգություններն ավելանում են, բազմակարծությունը` նվազում

30/01/201114/02/2022

«Հայաստանում զանգվածային լրատվամիջոցները (ԶԼՄ) գտնվում են «մասնակի ազատ» գնահատականից «անազատ» համարվելու վտանգավոր սահմանագծում»,- նշված է Հայաստանի խոսքի ազատության պաշտպանության կոմիտեի 2010 թվականի օգոստոս-սեպտեմբեր ամիսներին անցկացրած հետազոտության մասին զեկույցում:

Ըստ հետազոտության, որն իրականացվել է «Ֆրիդոմ Հաուզ» (Freedom House) միջազգային հեղինակավոր կազմակերպության մեթոդիկայով, Հայաստանի ԶԼՄ-ների ազատության մակարդակը գնահատվել է 58,6 միավոր: Ընտրված մեթոդիկայի համաձայն, 0-30 միավորի դեպքում երկիրը գնահատվում է ազատ, 31-60-ի դեպքում ` մասամբ ազատ, 61-100-դեպքում` անազատ:

Հարցմանը մասնակցել են Հայաստանի առավել հայտնի ԶԼՄ-ների և լրագրողական կազմակերպությունների ներկայացուցիչներ, որոնց ընդամենը 6 տոկոսն է ԶԼՄ-երը գնահատել ազատ, 46 տոկոսը` մասամբ ազատ, իսկ 48 տոկոսը` անազատ:

Հետազոտության հեղինակները այս տվյալները ներկայացրեցին հունվարի 27-ին տեղի ունեցած «ԶԼՄ-ները Հայաստանում. 2010 թ.-ի անդրադարձները և 2011-ի միտումները» կոնֆերանսի ժամանակ: Կոնֆերանսը բաղկացած էր երկու հիմնական մասից. առաջին մասը նվիրված էր նախորդ տարվա օրենսդրական գործընթացներին և դրանց հետևանքներին, մասնավորապես` «Հեռուստատեսության և ռադիոյի մասին» օրենքի փոփոխությանը, իսկ երկրորդը` լրատվամիջոցների և խոսքի ազատության ներկա վիճակին և միտումներին: