Հոկտեմբերի 11-ին Դուբլինում կայանալիք Իռլանդիա-Հայաստան խաղը վճռորոշ է ինչպես Հայաստանի հավաքականի, այնպես էլ Իռլանդիայի ազգային թիմի համար, քանի որ հանդիպման արդյունքից է կախված, թե որ երկիրը հնարավորություն կստանա մասնակցելու Եվրո 2012-ի եզրափակիչ փուլին:

Գրեթե բոլոր իռլանդական պարբերականներն իրենց պարտքն են համարում անդրադառնալ Դուբլինի «Ավիվա» մարզադաշտում կայանալիք վաղվա խաղին: Գլխավոր թեման իռլանդացիների առաջատար հարձակվող և ավագ Ռոբի Քինի հնարավոր բացակայությունն է, քանի որ նա ուրբաթ օրը` հոկտեմբերի 7-ին, Անդորրա-Իռլանդիա (0-2) հանդիպման ժամանակ վնասվածք է ստացել:

Մասնավորապես իռլանդական Rte.ie կայքը գրում է. «Եվրո 2012-ի ընտրական փուլի Հայաստանի հետ հանդիպմանը իռլանդացիների գլխավոր մարզիչ Ջովանի Տրապատոնին ստիպված է նախապատրաստվել առանց իր թիմի գլխավոր ռմբարկու Ռոբի Քինի: Անդորրայի նկատմամբ տարած հաղթանակից հետո «Լոս Անջելես Գելեքսիի» ֆուտբոլիստը գանգատվել է մկանային ցավերից, իսկ բուժզննման արդյունքում պարզվել է, որ նա վնասվածք ունի: Տրապատոնիի խոսքերով՝ Քինի մասնակցությունը Հայաստանի հետ հանդիպմանը կասկածի տակ է»:

Read More »Իռլանդական մամուլը Իռլանդիա-Հայաստան խաղի մասին

Հայաստան-Մակեդոնիա խաղի մեկնարկի հետհաշվարկը սկսված է: Այն տեղի կունենա ժամը 20:00-ին Երևանի Վ. Սարգսյանի անվան հանրապետական մարզադաշտում: Ըստ էության Հայաստանի ազգային հավաքականի պատմության մեջ Մակեդոնիայի հետ այս խաղը գուցե ամենակարևոր հանդիպումներից մեկն է, որը հաղթանակով պսակելու դեպքում Հայաստանի ազգային հավաքականին ևս մեկ քայլով կմոտեցնի Եվրո 2012-ի եզրափակիչ փուլին:

Մարզադաշտի տոմսերը վաղուց սպառված են: Խաղը ուղիղ եթերով կհեռարձակի Հայաստանի հանրային հեռուստաալիքը, իսկ ցրտից չվախեցող երկրպագուները կարող են հանդիպմանը հետևել Ֆրանսիայի հրապարակում տեղակայված մեծ էկրանի միջոցով:

Ի ուրախություն մոլի ինտերնետ օգտագործողների՝ խաղին առցանց հետևելու մի շարք հնարավորություններ կան համացանցում, որն ի տարբերություն մյուս ավանդական մեթոդների, հնարավորություն է տալիս նաև ակտիվ մասնակցել օնլայն քննարկումներին:

Հայաստան-Մակեդոնիա հանդիպումը օնլայն կհեռարձակեն արտասահմանյան մի շարք կայքեր` քանի որ այն մեծ նշանակություն ունի նաև Ռուսաստանի, Իռլանդիայի և Սլովակիայի հավաքականների համար:

Read More »Առցանց հասցեներ հետևելու Հայաստան-Մակեդոնիա խաղին. Twitter, Facebook, Livestream

Շիրակի մարզի ընդհանուր իրավասության դատարանում արդեն մեկ ամիս է ընթանում է դատական նիստ, որի հայցվոր կողմը հանդիսանում է գեղանկարիչ Մինաս Ավետիսյանի որդին` Արման Ավետիսյանը, ով դատի է տվել Գյումրու ժուռնալիստների «Ասպարեզ» ակումբի խորհրդի նախագահ Լևոն Բարսեղյանին:

Ավետիսյանը, ով նաև «Մինաս Ավետիսյան» մշակութային բարեգործական հիմնադրամի հոգաբարձուների խորհրդի նախագահն է, պահանջում է հերքել «Ասպարեզ» ակումբի կայքում հրապարակված հոդվածում առկա «պատիվն ու արժանապատվությունը արատավորող տեղեկությունները և պատասխանող կողմին պարտավորեցնել հրապարակայնորեն ներողություն խնդրել»:

Հայցվոր կողմը պահանջում է նաև պատճառված վնասի փոխհատուցում` 2 մլն 200 հազար դրամի չափով (500 000 դրամը` վիրավորանքի, 1 500 000 դրամը` զրպարտության և 200 000 դրամը` հայցվորի իրավունքների պաշտպանության ծախսերի համար):

Read More »Հայցվորի թիրախում. Մինասի որմնանկարները «Զվարթնոցում» են, իսկ վարպետի տղան դեռ դժգոհ

Լուսանկարների «Ֆոտովիզա» 3-րդ միջազգային  փառատոնի եզրափակչի մասնակիցների շարքում ընդգրկվել են հայ լուսանկարիչների չորս աշխատանքներ: Այս տարի փառատոնը կրում է «Ճանապարհ» խորագիրը:

Մրցույթի հայ մասնակիցներն են Անահիտ Հայրապետյանը («Քեթրինի կյանքի ուղին»), Նազիկ Արմենակյանը («Այլ ճանապարհ»), Հայկ Բիանջյանը («Անհետացող հիշողություններ») և Իննա Մխիթարյանը («Լավ կյանքի ճանապարհին»): Հայկ Բիանջյանը ներկայացված է նաև տեսանյութերի մրցույթում, որտեղ հեղինակել է «Կարմիր շենք» հոլովակը:

Փառատոնին մասնակցում են նաև լուսանկարիչներ Ռուսաստանի, Իտալիայի, Լեհաստանի տարբեր քաղաքներից: Եզրափակիչ անցած աշխատանքները հնարավոր է տեսնել այստեղ:

Եզրափակիչ փուլ անցած մասնակիցների աշխատանքների ցուցահանդեսը կբացվի Կրասնոդարում հոկտեմբերի 23-ին: Հենց այդ օրը հայտնի կդառնա հաղթողի անունը:

Բոլոր աշխատանքները կհրապարակվեն փառատոնի պաշտոնական կայքում՝ http://www.photovisa.ru:

Read More »Հայ լուսանկարիչների աշխատանքները միջազգային «Ֆոտովիզա» մրցույթում

Հոկտեմբերի 4-ին Թբիլիսիի խոշորագույն կինոթատրոնները՝ «Ամիրանի»-ն և «Ռուսթավելի»-ն դատական հայց են ներկայացրել 7 կայքերի դեմ:

Կինոթատրոնները պահանջում են արգելել կայքերին հրապարակել չլիցենզավորված ֆիլմեր և ուզում են ստանալ վնասների փոխհատուցում: Այս մասին հոկտեմբերի 4-ին հայտնել են «Ամիրանի» կինոթատրոնի ներկայացուցիչ Իրինա Կիլասոնիձեն և Վրաստանի Հեղինակների միության նախագահ Գիգա Կոբալաձեն: Նշված կայքերի թվում են gize.ge, allshares.ge, boom.ge-ն:

Ըստ Գիգա Կոբալաձեի՝ կինոթատրոնները դիմել են Վրաստանի հեղիանակային իրավունքի պաշտպանության ասոցիացիային, որի հետ համատեղ հայց է ներկայացվել դատարան:

«Վրացական կայքերում տեղադրված «Ռեմբո» և «Կյանքի ծառը» ֆիլմերը լիցենզավորված չեն և հրապարակվել են ապօրինաբար, ինչը վնաս է հասցնում կինոթատրոններին», – ասել է Կոբալաձեն: 

Իրինա Կիլասոնիձեն հրաժարվել է նշել պահանջվող փոխհատուցման չափը, սակայն շեշտել է, որ «վնասը մեծ է»:

Ինչպես նշում է Վրաստանի Հեղինակների միության նախագահը՝ նրանք արդեն համաձայնության են եկել որոշ կայքերի հետ, որոնք այլևս չեն տեղադրում կինոթատրոններին պատկանող ֆիլմեր:

«Որոշ կայքերի հետ էլ չհաջողվեց համաձայնության գալ, ինչն էլ հանգեցրեց դատական հայցի ներկայացմանը», – ասել է Կոբալաձեն:

Աղբյուր: Media.ge

Read More »Թբիլիսյան կինոթատրոնները որոշ կայքերի դատի են տվել

Երբ չես խոսում խնդիրների մասին, բոլորին թվում է, թե ամեն ինչ հարթ է, ու որ դրանք չկան: Հենց ընկնում ես ոստայնի մեջ ու փորձում դուրս պրծնել դրա մանր թելերից, սկսում են բացահայտումները, որ դառնում են օրվա թեմա, ազդում տրամադրությանդ վրա, խլում էներգիադ:

Չգիտես ինչի բոլորին թվում է՝ լուսանկարիչ ունենալն ավելորդ շռայլություն է խմբագրությունում. ինչի՞ է պետք, միևնույն է, անվճար էլ կարելի է ունենալ այն, ինչ անհրաժեշտ է:

Մի կողմից Հայաստանում ավելանում են ֆոտոխցիկներով քայլող մարդիկ, գրախանութներում հայտնվում են Արաքիի ու Նյուտոնի լուսանկարչական ալբոմները, ֆեյսբուք սոցիալական ցանցի օգնությամբ ծնվում են նոր լուսանկարիչներ, կազմակերպվում են ցուցահանդեսներ ու քննարկումներ, լուսանկարչությունը լայն մասսայականություն է վայելում, մյուս կողմից` մեդիա դաշտում նկատելի ոչինչ չի փոխվում, առավել ևս, ահռելի խառնաշփոթ է: Ավելի հաճախ շփվելով հայկական մամուլի հետ` հիասթափություն եմ ապրում` տեսնելով խզումը թերթի ու լուանկարչի միջև:

Հերթական «Պեչա-կուչա»-ի ժամանակ (տես այստեղ) ես փորձեցի խոսել «Ո՞ւր է ֆոտոլրագրողը» թեմայի շուրջ: Հետո երբ այդ միջոցառման տեսագրությունն էի նայում, հասկացա, թե ինչքան ջղային եմ ներկայացրել այն: Այո, ես շատ ջղայնորեն փորձում էի բարձրաձայնել, որ լուսանկար գողանալը ճիշտ չէ, միայն տեքստի հետ չի կապված մամուլի աշխատանքը ու լիքը այլ հարցեր:

Read More »Ֆոտո փախցնոցի. Հարգելի խմբագիրներ, ֆոտոն ունի հեղինակ

Հայերը թերթ կարդալու առանձնապես մեծ սիրահար չեն, հատկապես Հայաստանում և հատկապես հայկական թերթ, ու սա բոլորին է հայտնի: Պատճառը գուցե տեխնոլոգիական առաջընթա՞ցն է: Բա մինչ ա՞յդ: Հիմա է, որ համացանցի առկայության շնորհիվ ցանկացած պահի կարող ես կարդալ քեզ հետաքրքրող թեմաները, մինչդեռ թերթը գնելու պահին այնտեղ զետեղված նորությունները հաճախ արդեն իսկ կորցրած են լինում «նորություն» կոչվելու իրենց իրավունքը: Բայց, այնուամենայնիվ, Հայաստանում դեռ կան մարդիկ, ովքեր նախընտրում են թերթ կարդալ:

Թերթը, իհարկե, լավ է, բայց ըստ իս այն իրեն սպառել է: Չնայած իմ դասախոսների հորդորներին, թե լրագրողը պետք է թերթ կարդա, ես իմ լուրերը որսում եմ համացանցում կամ, ծայրահեղ դեպքում, հեռուստացույցով ու վստահ եմ, որ շատերն են այդպես վարվում: Իսկ շատերի համոզմունքը, թե «եթե լրագրող ես, ուրեմն պետք է թերթ կարդաս», ինտերնետը չհասկանալու ու հին ավանդույթներից ձերբազատվել չցանկանալու միտումն է: Դա ինձ հիշեցնում է դասախոսներիցս մեկին, ով արգելում էր տպագիր ռեֆերատ հանձնել իրեն:

Թերթն ուրիշ է այն մարդկանց համար, ովքեր տեխնոլոգիաներին լավ ծանոթ չեն, կամ ծայրահեղ դեպքում գտել են մի թերթ, որը հետաքրքիր է: Ես այդպիսին դեռ չեմ գտել:

Read More »Կա՞ մեկը, ով հաճույքով է թերթ կարդում Հայաստանում