Հունիսի 1-ին` երեխաների պաշտպանության միջազգային օրը, «Մուղդուսյան» արվեստի կենտրոնը Թումանյանի այգում կներկայացնի կենտրոնի սաների նկարչական աշխատանքները: Բացօդյա ցուցահանդեսը «Մուղդուսյան» արվեստի կենտրոնի համար առաջինն է, որի ընթացքում կներկայացվեն սաների նկարչական աշխատանքները: Թեման` կենդանական աշխարհը:

Սոցիալական ուղղվածություն ունեցող «Մուղդուսյան» արվեստի կենտրոնը գործում է Երևանում 2014 թվականից: Այստեղ տարբեր տարիքային խմբերի շուրջ 25 երեխա սովորում են ակադեմիական գեղանկարչության հիմունքներ: Հաճախող երեխաների հիմնական մասը անապահով ընտանիքներից է, և դասերը նրանց համար կազմակերպվում է անվճար հիմունքներով:

Կենտրոնի հիմնադիր Մարիամ Մուղդուսյանը ասում է, որ արվեստի կենտրոն բացելու գաղափարը ծնվել է մեկ այլ արվեստի կենտրոնում անապահով երեխաների հետ աշխատելու ընթացքում: Երեխաների հետ աշխատանքը Մարիամի համար ելակետային է դառնում, և ծնվում է սեփական արվեստի կենտրոնն ունենալու երազանքը: Սկզբնական շրջանում Մարիամը իր երազանքին հավատացող մի քանի ընկերների օգնությամբ վարձակալում է տարածք, որի վերանորոգման աշխատանքները կատարվում են մոտ 25 կամավորների մասնակցությամբ:

Read More »Նյութականությունից՝ ոգեղենություն. Այստեղ չնկարել չես կարող

Նախքան Արցախ մեկնելը տագնապ կար, որ կուտակվել էր վերջին մեկ-մեկուկես ամսվա ընթացքում: Տեսնես իրականում ի՞նչ է կատարվում այնտեղ, արդյո՞ք ժողովուրդը տագնապած է, ի՞նչ է մտածում պատերազմի մասին… Եվ այս բոլոր հարցերը ես ըստ էության տանում էի Արցախ՝ պատասխանները Երեւան բերելու ակնկալիքով:

Սակայն պարզվեց, որ Արցախում ոչ միայն տագնապներ չկան, այլեւ՝ ցանկացած տիպի տագնապ այնտեղ բուժվում է: Արցախը գոտեպնդում է, զինվորի, ռազմիկի կամք տալիս:

Ֆրանսիայի Նիցցա քաղաքի հայ համայնքի կողմից Ստեփանակերտի զինվորական հոսպիտալին ժգուտներ եւ զոհված զինծառայողների մի քանի ընտանիքներին ֆինանսական օժանդակություն հատկացնելու նախաձեռնությունը առիթ էր՝ մայիսի սկզբին առաջին անգամ լինել Արցախում:

Այն, որ ազատամարտիկներն ու երիտասարդ տղաները վերքերը դեռ չապաքինված, ընտանիքի սոցիալական խնդիրները չլուծած՝ շտապում են ետ, սահման, դա ամենեւին էլ ադրենալինի պակասը լրացնելու համար չէ, ինչպես թվում է շատերին: Ասածս, թե Արցախը յուրահատուկ է, ապացուցելու համար նշեմ, որ երբեւէ չեմ տեսել, որ Երասխում, Իջեւանում, Նոյեմբերյանում կամ այլ տեղ ռազմական ուղի անցած որեւէ մեկը խոսի այնտեղ վերադառնալու, կարոտի մասին: Իսկ ահա Արցախին չսիրահարվել հնարավոր չէ:

Read More »Արցախն՝ ինչպես տեսա. Լրագրողի նոթեր

«Հետաքննող լրագրողներ» հասարակական կազմակերպությունը թարգմանել, տեղայնացրել եւ հրատարակել է «Ինչպես տեղեկատվություն ստանալ կառավարությունից» գիրքը (անգլերեն` Legal Leaks toolkit), որը ուղեցույց է՝ նախատեսված լրագրողների համար:

Մայիսի 3-ին՝ Մամուլի ազատության համաշխարհային օրը, Երեւանի պետական համալսարանի ժուռնալիստիկայի ֆակուլտետում տեղի ունեցավ գրքի շնորհանդեսը:

Ուղեցույցի բնօրինակը պատրաստել են Access Info Europe եւ գերմանական n-ost կազմակերպությունները: Այն հրատարակվել է Եվրամիության անդամ 40-ից ավել երկրներում: Հայերենի խմբագիրը «Հետք»-ի գլխավոր խմբագրի տեղակալ, ԵՊՀ դասախոս Լիանա Սայադյանն է: Թարգմանությունը կատարել է Քրիստինե Սողիկյանը, իսկ օրենսդրության տեղայնացումը՝ իրավաբան Արա Ղազարյանը: Ուղեցույցի տեղայնացման աշխատանքներին մասնակցել է նաեւ «Հետք»-ի թղթակից, «Պանամյան փաստաթղթեր» միջազգային հետաքննական նախագծի մասնակից Քրիստինե Աղալարյանը:

Ըստ Լիանա Սայադյանի, ուղեցույցի հայկական տարբերակը ներառում է բնօրինակի այն բաժինը, որը խորհուրդներ է պարունակում Եվրոպական միությունից եւ միջազգային այլ կառույցներից տեղեկություն ստանալու մասին:

«Նաեւ զետեղել ենք ՀՀ կառավարությունից տեղեկություն ստանալու ընթացակարգի մասին ծավալուն բաժիններ, որոնք լրագրողներին կօգնեն իրենց աշխատանքն իրականացնելիս մշակել հարցումներ, ստանալ տեղեկություններ, իսկ մերժման պարագայում բողոքարկել դատական եւ արտադատական ատյաններում»,-շնորհանդեսի ժամանակ նշեց Լիանա Սայադյանը:

Read More »Legal Leaks. Կառավարական կառույցներից տեղեկություն ստանալու ուղեցույց լրագրողների համար

Լրագրող Մհեր Արշակյանի ապրիլյան հրապարակախոսությունը պատերազմի թեմայով է: Եթե քառօրյա պատերազմի օրերին լրագրողների մի մասը օպերատիվ լրատվություն էր իրականացնում արցախյան ճակատից, ապա նույն շրջանում Մհեր Արշակյանի հրապարակախոսության մեջ խտացվում էին Հայաստանում տիրող հասարակական հուզումներն ու տրամադրությունները: Մեծ թվով զոհերի համար իշխանություններին ուղղված քննադատությունները, ցավը, ցասումը, պահանջների ամենադիպուկ ձեւակերպումները տեղ գտան հենց Մհեր Արշակյանի հրապարակախոսության մեջ:

Մամուլի ազատության համաշխարհային օրվա առթիվ JNews-ը ներկայացնում է Մհեր Արշակյանի հետ ունեցած զրույցը լրագրության, քաղաքականության, կեղծ քարոզչության եւ այն ամենի մասին, ինչն ամենից շատ է մտահոգում մեր հանրությանը ապրիլյան հայտնի իրադարձություններից հետո: 

– Մհեր, լրագրողներից շատերը՝ սկսնակ ու փորձառու, եղան առաջնագծում, տեսան, պատմեցին: Գայթակղություն չառաջացա՞վ՝ մեկնել առաջնագիծ եւ այնտեղից լրագրություն կամ հրապարակագրություն անել:

Read More »Մհեր Արշակյան. «Լրագրողի գործը պատերազմը հասկանալն է, ոչ թե՝ պատերազմը տանելը»

Բնության համաշխարհային հիմնադրամ-Ռուսաստանը (WWF-Ռուսաստան) «Ռուսական Կովկաս» մասնաճյուղի հետ համատեղ իրականացնում են Կովկասյան (Առաջավորասիական) ընձառյուծի պոպուլյացիան Կովկասում վերականգնելու խոշոր ծրագիր, եւ արդեն առաջիկա ամիսներին նախատեսում են վայրի բնություն բաց թողնել ընձառյուծի մի քանի առանձնյակներ:

Սա հայտնի դարձավ ՌԴ Կրասնոդար քաղաքում կազմակերպած, «WWF-Ռուսական Կովկաս» մասնաճյուղի ջանքերով ստեղծված մամուլի ակումբի հերթական նիստում, որին մասնակցում էին Հայաստանի, Ադրբեջանի, Ռուսաստանի, Ադիգեայի Հանրապետության էկոլոգիական լրագրողներ:

Ակումբի նպատակը ընձառյուծի պահպանության հարցերում կովկասյան տարածաշրջանի երկրների լրագրողների ջանքերը մեկտեղելն է` ներառյալ հակամարտող երկրների լրագրողների համատեղ աշխատանքը:

[[wysiwyg_imageupload:194:]]

«WWF-Ռուսական Կովկաս» մասնաճյուղի ղեկավար Վալերի Շմունկի խոսքով՝ հակամարտող երկրների լրագրողները էկոլոգիական թեմաները պետք է զատեն ազգային հարցերից:

«Մի օր հակամարտությունները կլուծվեն, եւ մենք չպետք է հետ նայելով տեսնենք, որ այդ ընթացքում ոչնչացվել են էկոհամակարգի համար կարեւոր տեսակներ: Շատ անգամ հենց առողջ շրջակա միջավայր ունենալու գաղափարն է միավորում հակամարտության մեջ գտնվող բնակչությանը, քաղաքական գործիչներին ստիպում բանակցությունների եւ հաշտեցման գնալ»,-ասում է Շմունկը:

Read More »Հանուն ընձառյուծի փրկության միավորվել են բնապահպաններն ու լրագրողները

Հայաստանի մեդիակազմակերպությունները դատապարտել են վերջին օրերին ոստիկանության ներկայացուցիչների կողմից լրագրողների նկատմամբ կիրառված բռնությունն ու ոչ կոռեկտ պահվածքը:

Ութ կազմակերպություններ անդրադարձել են ապրիլի 22-ին Երեւանի Բաղրամյան պողոտայում ոստիկանների կողմից լրագրողների մասնագիտական գործունեությունը խոչընդոտելու եւ ոստիկանապետի կողմից լրագրող Սիրանույշ Պապյանին վիրավորելու դեպքերին։

Ապրիլի 22-ին, ըստ կազմակերպությունենրի տարածած համատեղ հայտարարության, ոստիկանների համար թիրախ են դարձել «1in.am» լրատվական կայքի օպերատորներ Նարեկ Բարսեղյանը եւ Սեւակ Սողոմոնյանը, որոնք  լուսաբանում էին «Մենք ենք տերը մեր երկրի» քաղաքացիական նախաձեռնության երթը դեպի նախագահական նստավայր։

Հարձակման հետեւանքով վնասվել են «1in.am»-ի նկարահանող տեսախցիկը, ուղիղ եթեր ապահովող սարքը, ինչպես նաեւ խմբագրությանը պատկանող հեռախոսը: Իսկ օպերատորներին բիրտ ուժի գործադրմամբ նստեցրել են ոստիկանական մեքենա՝ սահմանափակելով տեղաշարժը եւ խոչընդոտելով նրանց գործունեությունը։ Այս ամենից «1in.am»-ի աշխատակիցներին չի պաշտպանել նույնիսկ ներկայանալն ու խմբագրության վկայական ցույց տալը։ 

Read More »Ոստիկանությունից պահանջում են փոխհատուցել վնասը եւ ներողություն խնդրել լրագրողից

Ապրիլի 17-ին լրատվամիջոցների ուշադրության կենտրոնում Կոտայքի մարզի Հրազդան քաղաքն էր, որտեղ անցկացվում էին քաղաքապետի ընտրություններ: Իսկ ընտրությունների արդյունքում վերընտրվեց քաղաքը 14 տարի ղեկավարող Արամ Դանիելյանը:

Ընտրության օրը քվեարկության ընթացքից օպերատիվ տեղեկություն էին հաղորդում մի քանի լրատվամիջոցներ, որոնց թվում՝ «Ազատություն» ռադիոկայանը, «Սիվիլնեթ»-ը, «Ա1+»-ը, Armtimes.com, «Ասպարեզ», «Հրապարակ» պարբերականները և այլ: Հանրապետական հեռուստաընկերություններից աշխուժություն նկատվեց միայն Հ3 ՀԸ կողմից: Դա էլ թերեւս պայմանավորված էր այն բանով, որ քաղաքապետի երեք թեկնածուներից մեկը՝ Արթուր Միսակյանը, առաջադրված էր «Հայկական վերածնունդ» կուսակցության կողմից, որի առաջնորդ Արթուր Բաղդասարյանը տվյալ հեռուստաընկերությունը տնօրինող ընկերության բաժնետերերից է: Հիշեցնենք, որ մյուս երկու թեկնածուները՝ Սասուն Միքայելյանը եւ Արամ Դանիելյանը, առաջադրվել էին համապատասխանաբար «Քաղաքացիական պայմանագիր» կուսակցության եւ ՀՀԿ-ի կողմից:

Read More »Հրազդանի ընտրությունները՝ լրագրողների դիտակետից

Հայաստանի մեդիակազմակերպություններն արձագանքել են Երեւանի Շենգավիթ վարչական շրջանի ընդհանուր իրավասության դատարանում «Aravot.am» կայքի թղթակից Ամի Չիչակյանի օրինական մասնագիտական աշխատանքը խոչընդոտելու փորձին: Կազմակերպությունները հանդես են եկել հայտարարությամբ, դատապարտելով դատավոր Նելլի Բաղդասարյանի կողմից լրագրողի նկատմամբ սահմանափակումներ կիրառելու, ինչպես նաեւ փաստաբան Արմինե Ֆանյանի կողմից սպառնալիքներ հնչեցնելու դեպքերը:

Նախապատմություն. Ապրիլի 13-ին, Շենգավիթ վարչական շրջանի ընդհանուր իրավասության դատարանում փորձ է արվել անհիմն սահմանափակել Չիչակյանի օրինական մասնագիտական աշխատանքը։ Լրագրողը դատարանում էր՝ լուսաբանելու սահմանադրական փոփոխությունների հանրաքվեի օրը այլ անձանց փոխարեն քվեարկելու մեջ մեղադրվող, տեղական ընտրական հանձնաժողովի նախագահ Վեներա Թորոսյանի գործով դռնբաց դատական նիստը:

Մինչ նիստի սկսելը դատավոր Նելլի Բաղդասարյանը «Aravot.am»-ի  լրագրողին տեղեկացրել է, որ Վեներա Թորոսյանը չի ցանկանում, որպեսզի դատական նիստը տեսանկարահանվի: Այնուհետեւ Վեներա Թորոսյանը հայտարարել է, թե չի ցանկանում, որ դատական նիստն ընդհանրապես լուսաբանվի:

Read More »Պահանջում են դատարաններում չսահմանափակել լրագրողների աշխատանքը

JNews-ի զրուցակիցը «Սիվիլնեթի» լրագրող Թաթուլ Հակոբյանն է, ով ապրիլի 2-ին Արցախում բռնկված չորսօրյա պատերազմի մարտաբեմ է հասել ամենաառաջիններից մեկը:

«Սիվիլնեթի» նկարահանող խումբը, որի կազմում էին Թաթուլ Հակոբյանը եւ ռեժիսոր-օպերատոր Հակոբ Մանուկյանը, մի քանի օր շարունակ հանրությանը ներկայացրեց ռեպորտաժներ մարտական դիրքերից, հակառակորդի կողմից խոցված գյուղերից, անդրադարձավ մարդկային պատմությունների: Թաթուլ Հակոբյանը լուսաբանել է նաեւ չորսօրյա պատերազմի առաջին զոհերից մեկի՝ 12-ամյա Վաղինակ Գրիգորյանի հուղարկավորությունը: Լրագրողը նաեւ Աղդամի մզկիթի մինարեթից պատրաստել էր ռեպորտաժ առաջնագծում իրավիճակի մասին: Այդ օրերին նա ստեղծեց իր լրագրությունը, որը միանշանակ տարբերվում էր հայկական բազմաթիվ ԶԼՄ-ների աշխատանքից: Նկարահանող խումբն Արցախում աշխատել է մոտ մեկ շաբաթ: Վերադարձից երկու օր անց Թաթուլ Հակոբյանի հետ զրուցեցինք «Սիվիլնեթի» խմբագրությունում:

– Թաթուլ, ի՞նչ տպավորություններով ես վերադարձել առաջնագծից:

Read More »Թաթուլ Հակոբյան. «Պատերազմի առաջին զոհը ճշմարտությունն է, եւ լրագրողներս պետք է այն հասցնենք հանրությանը»