2012 թ.-ին «Լրագրողներ հանուն ապագայի» (ԼՀԱ) մասնագետների կողմից ստեղծվեց «Առցանց լրագրողի վարքականոնը»` միջազգային համանման վարքականոնների ուսումնասիրությունից հետո: Վարքականոնը բաղկացած է 10 կետից’ «մի´ վնասիր» սկզբունքի հիման վրա: Վարքականոնի ստեղծմամբ ԼՀԱ-ն… Read More »Առցանց լրագրողի վարքականոն. մշակվել է «Լրագրողներ հանուն ապագայի» կողմից
«Գրական Հայաստան»-ը` մեր երկրում ամենահին ռուսալեզու ամսագրերից մեկը, այսօր ցավալի վիճակում է: Տաս հազար տպաքանակով երբեմնի ամսագիրն այժմ թողարկվում է եռամսյակը մեկ` 500 տպաքանակով:
«Գրական Հայաստան»-ը հիմնադրվել է 1958 թ-ին և մինչ օրս անընդմեջ թողարկվել: Տարբեր ժամանակներում ամսագրի խմբագիր են եղել գրող և դրամատուրգ Գուրգեն Բորյանը, Կիլիկիայի պատմության մասին գրված «Արծաթե դարաշրջան» երկհատոր գրքի հեղինակ Միքայել Շատիրյանը, Գևորգ Էմինը և այլք:
1973թ-ից մինչ օրս ամսագիրը ղեկավարում է գրող, թարգմանիչ Ալբերտ Նալբանդյանը (նրա հետ` գլխավոր խմբագրի տեղակալ Սերգեյ Մուրադյանը. սա, ի դեպ, ամսագրի ողջ խմբագրակազմն է, լրացուցիչ աշխատակիցների համար միջոցները չեն բավարարում):
ԽՍՀՄ գլխավոր գրական ամսագրերից մեկը տպագրում էր ստեղծագործություններ, որոնք ընթերցելու համար կարող էին հեռացնել աշխատանքից կամ պարզապես բանտարկել: Ամսագիրն առաջիններից է եղել Խորհրդային Միությունում, որում տպագրվել է Յուրի Կարաբչիևսկին, համարը, որում տպագրվել են Մանդելշտամի բանաստեղծություններն ու էսսեները, ընդհատակյա տեղափոխվել է Խորհրդային հանրապետություններ, հետագայում հրատարակվել են նաև Մարինա Ցվետաևա, Անդրեյ Բելին, Վասիլի Գրոսման` հեղինակներ, որոնց գործերը հրատարակելը հավասարազոր էր պայթուցիկով լի տակառի վրա նստելուն: Եվ այդուամենայնիվ, «ԳՀ»-ն ոչ միայն գոյատևեց, այլև դարձավ նշանակալի դրվագ հայկական պարբերականների շարքում:
Read More »«Литературная Армения» ամսագիրը վերապրեց կոմունիզմը, բայց անզոր է կապիտալիզմի դեմ
Հետխորհրդային երկրների շարքում «Microsoft» ծրագրային ապահովման կեղծարարության մեջ Հայաստանը զբաղեցնում է երկրորդ տեղը Վրաստանից հետո: Այսպիսին են «Business Software Alliance» ոչ առևտրային կազմակերպության տվյալները:
Ընկերության հայաստանյան ներկայացուցիչները վստահեցնում են, որ կառավարությունում արտոնագրված ծրագրերից օգտվում են միայն Արդարադատության և Կրթության ու գիտության նախարարությունները, էլ ուր մնաց լրատվամիջոցների խմբագրությունները:
Խմբագրությունների համակարգիչներն արտոնագրված ծրագրերով ապահովելու համար բավականաչափ գումար է անհրաժեշտ:
«10 համակարգիչներում արտոնագրված MS Office տեղադրելու համար խմբագրության սեփականատերը պետք է վճարի շուրջ 670 000 դրամ, իսկ դիզայներական Adobe Creative Suite (Adobe Photoshope, Adobe Indesign, Dreamweaver, Adobe Illustrator և այլն) հավաքածուի համար` լրացուցիչ 2 000 դոլար»,- ասում է հայաստանյան «Ինտերնյուզ» ՀԿ տեխնիկական տնօրեն Կոնստանտին Գեոդակյանը:
Բաց կոդով ծրագրերը մարտահրավեր են ծրագրային ապահովման այնպիսի հսկա արտադրող ընկերությունների համար, ինչպիսիք են Windows-ը, Apple Macintosh-ը, Adobe-ը և այլն:
Read More »Բաց կոդով ծրագրեր. ազատություն խմբագրությունների համար
Ղրղզստանի ոստիկանությունը ձերբակալել է թուրք լրագրողի, որին կասկածում են իսլամիստական ահաբեկչական խմբավորումների հետ կապի մեջ, հայտնում է Wednesday News-ը:
Ըստ Interfax լրատվական գործակալության՝ Ղրղզստանի ազգային անվտանգության գործակալները մայիսի 2-ին ձերբակալել են ազգությամբ թուրք Ալի Օսման Զոռին Թուրքիայի կառավարության խնդրանքով:
43-ամյա Զոռը 2010 թվականի ապրիլին ժամանել էր Ղրղզստան և դիմել երկրի կառավարությանը իրեն քաղաքական ապաստարան հատկացնելու խնդրանքով՝ պնդելով, որ նա հալածվում է թուրքական իշխանությունների կողմից:
Բիշքեքյան www.24.kg անկախ կայքը ենթադրում է, որ հալածանքների պատճառ կարող էին հանդիսանալ Զոռի բլոգերում և լրատվական հոդվածներում հրապարակված՝ երկրում հեղաշրջում կատարելու բազմաթիվ կոչերը:
Ղրղզական օրենքով նրան չեն կարող հանձնել Թուրքիային, քանի դեռ քննարկվում է քաղաքական ապաստարան հատկացնելու Զոռի խնդրանքը: Այս մասին հայտնել է մարդու իրավունքների պաշտպանության ղրղզական կազմակերպության ղեկավար Չոլպոն Ջակուպովան:
Աղբյուր: http://www.monstersandcritics.com/
ԵԱՀԿ-ի մամուլի ազատության ներկայացուցիչ Դունյա Միյատովիչը հանդիպել է ադրբեջանցի լրագրող Էյնուլլա Ֆաթուլաևի հետ, որը գտնվում է բանտում ապօրինի թմրամիջոցներ պահելու համար, հայտնում է ադրբեջանական “Ազատություն” ռադիոկայանը:
Դունյա Միյատովիչի այցը տեղի է ունեցել մայիսի 10-ին՝ զրպարտանքի ապաքրեականացման վերաբերյալ կոնֆերանսից մեկ օր առաջ:
Ադրբեջանը Հարավային Կովկասի միակ երկիրն է, որտեղ զրպարտանքը քրեորեն պատժելի հանցագործություն է: Մամուլի և մարդու իրավապաշտպանները բազմիցս կոչ են արել հանելու զրպարտանքի մասին հոդվածը քրեական օրենսգրքից:
Աղբյուր: RFE/RL
Read More »ԵԱՀԿ պաշտոնյան հանդիպել է ազատազրկված ադրբեջանցի լրագրողի հետ
Ադրբեջանում մաիսի 6-ին ավարտվել է երիտասարդ ակտիվիստ և բլոգեր Բախտիար Հաջիևի դատական հետաքննությունը: Հաջիևին մեղադրում են պարտադիր զինվորական ծառայությունից խուսափելու մեջ: Մայիսի 10-ին նշանակված է գլխավոր դատախազի ելույթը:
Դատական գործընթացի ժամանակ դատավորը մերժել է դատապաշտպանությունը նկարահանելու կամ ձայնագրելու խնդրանքը:
Փաստաբանի խոսքերով՝ Հաջիևն արդեն պատրաստ է լսել մեղադրական որոշումը, քանի որ օբյեկտիվ դատական հետաքննություն չի անցկացվում: «Ես չեմ հավատում Ադրբեջանի դատական համակարգի արդարադատությանը, քանի որ այն իրականացնում է գործադիր իշխանության պատվերները», – ասել է Հաջիևը:
Դատի ժամանակ հարցաքննվել են այն ոստիկանները, որոնք մարտի 4-ին ձերբակալել էին Հաջիևին: Նրանք հերքել են Հաջիևի և պաշտանության հայտարարությունն այն մասին, որ լրագրողի հանդեպ ֆիզիկական ճնշում են գործադրել:
Հաջիևի համախոհներից և ընկերներից շատերին, ինչպես նաև լրագրողներին, թույլ չեն տվել ներկա գտնվելու դահլիճում, չնայած՝ ըստ փաստաբանի, ազատ տեղեր շատ են եղել:
Ադրբեջանի դեմոկրատական հանրությունը համոզված է, որ Հաջիևին ձերբակալել են որպես Facebook-յան խմբի անդամ, որը մարտի 11-ին հայտարարել էր Ադրբեջանում «Ազգային մեծ օր» հակակառավարական ակցիա անցկացնելու մասին:
Աղբյուր: http://www.kavkaz-uzel.ru/
Read More »Բլոգերների դատավարություններն Ադրբեջանում շարունակվում են
80-ամյա Մնացական Ջանոյանը ամեն առավոտ ձեռքն է առնում օրաթերթերի և շաբաթաթերթերի կապոցն ու շրջում Գյումրու փողոցներով:
Գյումրեցի շրջիկ լրագրավաճառն ասում է` լավ գիտի իր գործի նրբությունները և անգամ այս տարիքում չի նեղվում աշխատելուց:
«Սարի պես էրեխեք ունեմ, բայց քանի դեռ ուժս տեղնա, ինքս էլ պետք ա աշխատեմ: Համ էլ սիրում եմ գործս` ամեն ինչ գիտեմ»,- ասում է Մնացական պապը:
Երկրորդ համաշխարհային պատերազմի մասնակից Մնացականը ցավով է հիշում այդ տարիները: Ասում է` հայրենական պատերազմը պատճառ դարձավ, որ նա դեռ անչափահաս տարիքում զենք վերցնի ձեռքը հայրենիքը պաշտպանելու համար:
«Դաժան էր` կրակ, բոց, ծուխ, արուն, դիակներ և գարշահոտ: Հարազատ ընկերդ աչքիդ առաջ մեռնում ա, իսկ դու թշնամու հետ մահու կռիվ ես տալիս: Չեմ կարող պատմել. իսկականից ահավոր էր»,- հուզվում է նա:
«Եթե ապրել ես ուզում, ապա պետք է պայքարես: Պայքարը տարբեր տարիքում տարբեր կերպ է լինում: Ջահել ժամանակ զենք էի լավ բանեցնում: Զենքովս պայքարեցի ու պատերազմից հաղթանակած դուրս եկա: Հետո էլ ամեն ինչ արեցի, որ երեխեքս ծուռ վիզ չմնան: Հիմա էլ ամեն ինչ անում եմ, որ ես ծուռ վիզ չմնամ ու ոչ մեկի ձեռքին չնայեմ»:
Վերջին 15 տարիներին նրա զենքը թերթն է դարձել, բայց ասում է, որ այսօրվա թերթն ուժը կորցրել է: Նախկինում մշտական գնորդներ ուներ, ապրանքն էլ միշտ լավ էր սպառվում:
«էլ հավատ չկա: Հիմա մարդիկ չեն հավատում թերթերին»:
Read More »Փա’ռք մարտիկներին. Հայրենական մեծ պատերազմի մասնակիցը շարունակում է պայքարը
«Ժամանակ» թերթի խմբագիր, 1in.am կայքի հիմնադիր խմբագիր Արման Բաբաջանյանը Հայաստանում տպագիր մամուլի (մասնավորապես թերթերի) համար լուսավոր ապագա չի տեսնում, եթե ըստ նրա, կառավարությունը կամք չդրսևորի և տարբեր ճանապարհներով` մրցույթներով, դրամաշնորհային ծրագրերով, թերթերի աջակցության ծրագրեր չմշակի:
Խմբագրի խոսքով` հայաստանյան թերթերը վերջին ամիսներին ավելի ծանր դրության մեջ են հայտվել հատկապես «Զրպարտության և վիրավորանքի մասին» օրենքի ապաքրեականացումից հետո:
«Մի կողմից թերթերի տպաքանակը չափազանց սահմանափակ է, և թերթերը չեն կարողանում իրենց ծախսերը գոնե ինքնաբավության հասցնել, մյուս կողմից իշխանության ներկայացուցիչները հետևողականորեն ֆինանսական դժվարություների առաջ են ցանկանում կանգնեցնել թերթերին՝ դատական կարգով վիճարկելով այս կամ այն հարցը և օրենքով նախատեսված ֆինանսական ամենաբարձր փոխհատուցումն են պահանջում թերթերից, ինչն ավելի է խոչընդոտում Հայաստանում ազատ մամուլի կայացմանը»,-ասում է Բաբաջանյանը:
«Ազգ» օրաթերթի խմբագիր Հակոբ Ավետիքյանը ևս այն կարծիքին է, որ թերթը ապագայում, ինչպես և ներկայումս ոչ թե զուտ լուրեր հաղորդող լրագիր` լուր տվող պետք է լինի, այլ` ավելի մեկնաբանական և վերլուծական:
Read More »Երկու սերունդ` մեկ կարծիք. oրաթերթերի համար ապագան հուսադրող չէ
The verdict of the case brought against the “Zhamanak” daily by Bella and Sedrak Kocharyans, the wife and the son of the second president of Armenia Robert Kocharyan, was not published, though it was previously announced that the last court session would be held today.
Meanwhile, Arayik Melkumyan, judge of general jurisdiction court of Kentron and Nor Nork districts, who has been presiding over this session, decided to resume the trial to examine some evidences again.
The Kocharyans have sued the “Zhamanak” daily for the three articles published last autumn. The plaintiff argues that information disseminated through those articles has been false. In particular, the daily has noted that Robert Kocharyan’s wife, Bella Kocharyan is involved in the drug business and that the “911” drugstores’ network belongs to their family. In another article of the “Zhamanak” it was written that the freights of “Spayka” company are realized under the auspices of Robert Kocharyan’s son, Sedrak Kocharyan.
The Kocharyans family demands the “Zhamanak” to pay 6 million drams (about $16,200) as compensation for the damage caused through insult and libel.
Although the parties could reconcile with each other in the trial, but the plaintiff had not accepted the newspaper’s lawyer Nikolay Baghdasaryan’s peace proposal.
Read More »Try Again: The Kocharyans Suit Against “Zhamanak” Daily Continues
Հայաստանում Մեծ Բրիտանիայի դեսպան Չարլզ Լոնսդեյլն իր անձնական բլոգում մայիսի 3-ին արված գրառման մեջ նշում է, որ իր հանգստյան օրերի մի մասն անց է կացրել Հայաստանի մարդու իրավունքների պաշտպանի կողմից ԶԼՄ և քաղաքացիական ներկայացուցիչների հետ կազմակերպած հանդիպմանը` նշելու Մամուլի համաշխարհային օրը և քննարկելու Հայաստանում մամուլի ազատությանը առնչվող ամենահրատապ խնդիրներից մի քանիսը:
Դեսպանը նշում է, որ հանդիպման մասնակիցները ողջունել են անցյալ տարի աշխատանքային խումբ ստեղծելու մասին ընդունած որոշումը, ըստ որի, խումբը կընդգրկի քաղաքացիական հասարակության անդամներ, ովքեր կհետևեն հեռարձակման օրենքում արվող առանցքային բարեփոխումներին: Բազմաթիվ խորհուրդներ են տրվել նաև ԵԱՀԿ և Եվրախորհրդի փորձագետների կողմից (ի դեմս բրիտանացի կոնսուլտանտ Եվա Սալոմոնի): Իսկ նպատակն, ըստ նրա, շատ պարզ է` Հայաստանում ունենալ իսկապես բազմաբնույթ և տարբեր կարծիքներ ներկայացնող լրատվություն:
Read More »ԶԼՄ ազատություն և սատիրա. Բրիտանիայի դեսպանը հայկական ԶԼՄ-ների մասին