ԵԱՀԿ մամուլի ազատության ներկայացուցիչ Դունյա Միյատովիչը դատապարտել է վերջերս տեղի ունեցած հարձակումը ադրբեջանցի լրագրողի վրա և կոչ արել կառավարությանը շտապ միջոցներ ձեռնարկել՝ կանխելու բռնության դեպքերը լրագրողների նկատմամբ:

«Ադրբեջանի իշխանությունները պետք է ակտիվ միջոցների դիմեն կանխելու մամուլի նկատմամբ բռնությունները», – ասել է Միյատովիչը: «Լրագրողների համար անվտանգ և ազատ աշխատանքային միջավայր ստեղծելը ԵԱՀԿ-ին ինտեգրվելու հիմնական պահանջներից է, և ես պետք է ցավով նշեմ, որ Ադրբեջանի կառավարությանը դեռևս չի հաջողվել կատարել այդ պայմանը»:

Մարտի 26-ի գիշերը վեց դիմակավոր անձ առևանգել են «Ազադլիք» անկախ թերթի լրագրող Սեյմուր Հազիևին Բաքվի մոտակա գյուղերից մեկից: Ինչպես հայտարարվում է՝ նրա գլխին պարկ են հաքցրել, ծեծել նրան և սպառնացել ավելի վատ բռնություններով, եթե նա շարունակի քննադատական հոդվածներ գրել կառավարության վարած քաղաքականության վերաբերյալ:

Ադրբեջանի ամենից շատ տպագրվող պարբերականներից մեկը՝ «Ազադլիքը», շարունակաբար ենթարկվել է հարձակումների և այլ տիպի միջամտությունների՝ ներառյալ աշխատակազմի և հովանավորների ձերբակալման: Հազիևն ինքը վերջին տարիներին մի քանի անգամ ենթարկվել է սպառնալիքների և ծեծի: 

Աղբյուր: http://www.osce.org/fom/76228

Read More »ԵԱՀԿ մամուլի ազատության ներկայացուցիչը դատապարտում է հարձակումը ադրբեջանցի լրագրողի վրա

Գլխավոր մալուխի վնասման պատճառով Վրաստանի առաջատար ինտերնետային ծառայության՝ Caucasus Online ընկերության բաժանորդներին ինտերնետը հասնում է ուշացումով:

Ներկա դրությամբ օգտվողներին հասանելի են միայն այն կայքերը, որոնք տեղակայված են տեղական պրովայդերների սերվերներին:

Հայտարարվում է, որ համաշխարհային ցանցը Վրաստանում կվերականգնվի  Թբիլիսիի ժամանակով մինչև ժամը 21:00:

Caucasus Online-ը ներողություն է խնդրել իր բաժանորդներից անհարամարություններ պատճառելու համար:

Աղբյուր: Media.ge

Read More »Ինտերնետը վրացիներին ուշացումով է հասնում

Վրաստանում սկսել է գործել GiveMeInfo անունը կրող նոր կայքը, որի նպատակը հասարակական տեղեկատվության հոսքը ավելի բաց դարձնելն է:

Կայքի ստեղծման մտահաղացումը վրացի լրագրող Դավիթ Չագանավաինն է: Անցյալ տարի Թբիլիսիում այս նախագծով նա Կովկասի սոցիալական նորամուծությունների ճամբարի հաղթող ճանաչվեց: Շահած գումարի և Վրաստանի բաց հասարակություն հիմնադրամի ֆինանսական աջակցության շնորհիվ http://givemeinfo.ge կայքը դարձավ իրականություն:

Կայքի բովանդակությունը լրացնում են հենց օգտվողները՝ նրանք, ովքեր առավել հաճախ հասարակական տեղեկատվության կարիք ունեն, մասնավորապես, լրագրողները և ՀԿ-ների ներկայացուցիչները: Մուտքագրվող տեղեկությունները գաղտնի են: Տեղեկություն ստանալու համար պահանջվում է պատասխանել հայցադիմումի մի քանի հարցի:

«Կայքը ցույց կտա, թե ինչպես են տարբեր գործակալություններ և նախարարություններ զբաղվում հասարակական տեղեկատվության հոսքով: Այն տեղեկատվության հոսքը պատկերող քարտեզի կնմանվի: Դեռ ոչ բոլորը գիտեն կայքի մասին, այդ պատճառով տեղեկատվությունը դեռ շատ չէ: Չգիտես՝ ինչու, շատերը մտածում են, որ գործընթացը ժամանակատար է, մինչդեռ այն մի քանի րոպե է տևում», – ասել է Դավիթ Չագանավան Media.ge կայքին:

Read More »Վրաստանում գործում է հասարակական տեղեկատվության վիճակագրական կայք

Արդեն երրորդ անգամ Ժուռնալիստների «Ասպարեզ» ակումբի նախաձեռնությամբ մարտի 25-ին Գյումրիում նշվում է Խոսքի ազատության օրը: Դեռ 2008 թ-ին այս օրը հեռուստամարաթոնի արդյունքում հաջողվեց հավաքել մոտ 26 միլիոն դրամ հօգուտ Գյումրիի «ԳԱԼԱ» հեռուստաընկերության:

Նման հեռուստամարաթոնի անհրաժեշտություն առաջացավ այն բանից հետո, երբ «ԳԱԼԱ»-ն ընդդիմության հանրահավաքները լուսաբանելուց հետո հայտնվեց իշխանությունների աննախադեպ ճնշման տակ` հարկային մարմինների սահմանած տույժերի ու տուգանքների ձևով: «Ասպարեզ» ակումբի և «ԳԱԼԱ»-ի համատեղ ջանքերով անցկացված հնգօրյա համաժողովրդական հանգանակության շնորհիվ հեռուստաընկերությունը կարողացավ վճարել տուգանքները` փրկվելով եթերազրկման սպառնալիքից:

Այս տարվա հանդիսության ընթացքում պարգևատրվեցին իրենց աշխատանքով աչքի ընկած 4 լրագրողներ.

Read More »Video. մարտի 25` խոսքի ազատության օրը Գյումրիում

Այսօր Հայ Ազգային Կոնգրեսը հայտարարություն է տարածել, որը նվիրված է «Հայկական ժամանակ» օրաթերթի գլխավոր խմբագիր, քաղբանտարկյալ Նիկոլ Փաշինյանի նամակագրական իրավունքներին:

«Վերջին շրջանում վարչախումբը Նիկոլ Փաշինյանի նկատմամբ իրականացնում է մի գործողություն, որով հենց ինքը փայլուն կերպով ապացուցում է, որ նրան պահում է որպես քաղբանտարկյալ։ Չնայած ամենաբարձր մակարդակով հրապարակայնորեն տրված խոստումներին, նրան լիակատար զրկել են նամակագրության իրավունքից, անգամ զրկում են գրենական պիտույքներ ունենալու հնարավորությունից։ Այս ամենը ոչ միայն մարդու՝ Սահմանադրությամբ ամրագրված տարրական իրավունքների, այլեւ քրեակատարողական հիմնարկների գործունեությունը կարգավորող օրենսդրության կոպտագույն խախտում է:

Դրանով վարչախումբը նաեւ ապացուցում է, որ աղմկահարույց այն դեպքերը, որոնք տեղի ունեցան Նիկոլ Փաշինյանի հետ մինչեւ «Արթիկ» քրեակատարողական հիմնարկ տեղափոխելը, ուղղված էին եղել նույն՝ նրան լռեցնելու նպատակին։ Երբ ոչինչ չստացվեց, այժմ արդեն բացահայտորեն փոստ չեն հասցվում նրա նամակները կամ նրան զրկում թուղթ ու գրիչ ունենալու հնարավորությունից»,-ասված է հայտարարության մեջ:

Read More »ePress.am. ՀԱԿ-ը պահանջում է վերականգնել Փաշինյանի նամակագրական իրավունքները

Ազգային ժողովի պատգամավոր, գինի եւ կոնյակ արտադրող «Գրեյթ վելլի» ընկերության սեփականատեր Տիգրան Արզաքանցյանը դատի է տվել «Երկիր» թերթին: Պատգամավորը թերթից 3 միլիոն դրամ է պահանջում իր պատիվն ու արժանապատվությունը արատավորող տեղեկություններ հրապարակելու համար:

Արզաքանցյանը գտնում է, որ թերթը այս տարվա հունվարի 13-ի համարում «131 դեմք ու դիմակ» խորագրով հոդվածում վիրավորական արտահայտություններ է թույլ տվել իր նկատմամբ` անվանելով իրեն «ստիլյագա», «Քյավառա բարբառով խոսող», ինչպես նաեւ մեջբերել է նախկին վարչապետ, Երեւանի կոնյակի գործարանի նախկին փոխտնօրեն Հրանտ Բագրատյանի խոսքերը, թե «այդ լակոտը իր արտադրած կոնյակով խայտառակում է Հայաստանը Ռուսաստանում»:

Տիգրան Արզաքանցյանը «զրպարտություն» է որակել «Երկիր»-ի հոդվածում արված պնդումները, թե նա «ռուս գեղեցկուհիներ է Հայաստան տանում-բերում», «կազինոների մշտական հաճախորդ է», «ծեծ ուտելու սովորություն ունի» եւ «անցնող նստաշրջանի ընթացքում ընդամենը մեկ անգամ է երեւացել Ազգային ժողովի միջանցքներում»:
Read More »Պատգամավոր Տիգրան Արզաքանցյանը դատի է տվել «Երկիր»-ին

Երեկ ուշ երեկոյան Ստամբուլի ոստիկանության աշխատակիցները մոտ 7 ժամ խուզարկություն են անցկացրել «Իթհաքի» հրատարակչատանը։ Այս մասին է գրում թուրքական «Միլլիյեթ» օրաթերթը։

Ըստ պարբերականի՝ այն բանից հետո, երբ Ստամբուլի ոստիկանությանն իրազեկում են, թե «Իթհաքի» հրատարակչատունը պատրաստվում է հարատարակել օրեր առաջ «Էրգենեքոն» կազմակերպության դեմ իրականացվող հետաքննության շրջանակում կալանավորված լրագրող Ահմեթ Շըքի «Իմամի բանակը» խորագրով գիրքը, իրավապահներն անմիջապես մեկնում են «Իթհաքի» և սկսում խուզարկությունը։

Մոտ 7 ժամ տևած խուզարկությունից հետո ոստիկանները ոչինչ չգտնելով հեռացել են։

Դեպքի առնչությամբ իր զարմանքն է հայտնել հարատարակչատան տնօրեն Ունալ Քոչանը։

«Առայժմ հայտնի չէ, թե արդյոք մենք այդ գիրքը կհրատարակենք, թե ոչ։ Իսկ իրավապահները փնտրում էին հենց Ահմեդ Շըքի գիրքը»,– ասել է Քոչանը։

Հիշեցնենք, որ մարտի 3-ին Ստամբուլում և Անկարայում «Էրգենեքոն» ահաբեկչական կազմակերպության դեմ իրականացվող հետաքննության շրջանակում թուրք իրավապահները ձերբակալել էին 10 անձանց, որոնց մեծ մասը լրագրողներ և ԶԼՄ–ների աշխատակիցներ են։

Read More »Թուրքիայում խոչընդոտում են ձերբակալված լրագրողի գրքի հրատարակությանը

Գերմանիայում բնակվող իշխանամետ ադրբեջանցիները մարտի 18-ին սաստիկ ծեծի են ենթարկել ադրբեջանցի լրագրող Ֆահրադդին Հաջիբեյլիին: «Ազադլիգ» թերթը գրում է, որ ներկայումս հիվանդանոցում գտնվող երկու կողերը ջարդված լրագրողը հայտնել է, որ դեպքը տեղի է ունեցել Նովրուզ բայրամի տոնակատարության ժամանակ, ինչի պատճառն էլ մեկ տարի առաջ Բեռլինում Հայաստանի դեսպանատան առջև ադրբեջանցիների կողմից անցկացված բողոքի ակցիայի մասին «Ազադլիգ» թերթում իր հրապարակումն էր:

«Ադրբեջանցիները Հայաստանի դեսպանատան առաջ միտինգ էին նշանակել: 4 կազմակերպություններից ընդամենը 16-17 մարդ էր մասնակցում: Ես քննադատորեն գրեցի, թե 17-ը 4-ի բաժանելիս ամեն կազմակերպությանը քանի մարդ է բաժին հասնում և հարց տվեցի` 100-200 մարդ հավաքելու համար քանի՞ՙ կազմակերպություն պետք է ստեղծել: Սա ընդամենը փոքրիկ սարկազմ էր, վիրավորանք չկար: Սփյուռքի հարցերով զբաղվող կազմակերպությունները Բաքվին հաղորդած իրենց տեղեկություններում հայտնեցին, թե իբր հզոր, փառահեղ միտինգ են անցկացրել և հայերին խայտառակել Եվրոպայում»,- հայտնել է Հաջիբեյլին:

Իրեն ծեծելու մեջ նա մեղադրել է Գերմանիայում Ադրբեջանի տան նախագահ Թոֆիգ Գարաևին: «Նովրուզի տոնակատարության օրը նա ինձ հրեց: Նրա կողքին կանգնած մարդիկ հարձակվեցին ինձ վրա և սկսեցին աքացիներով ու բռունցքներով հարվածել ինձ»,- պատմել է լրագրողը և հավելել, որ դատի է տվել Ադրբեջանի տան նախագահին: 

Read More »Գերմանիայում ապրող ադրբեջանցի լրագրողը դատի է տվել Ադրբեջանի տան նախագահին