Uncategorized @hy Archives - Page 10 of 34

Ինչպես լուսաբանել ընտրական և հետընտրական գործընթացները

16/02/2013

Ընտրությունների լուսաբանումը շատ խնդիրներ է ստեղծում: Մեկ սխալ քայլ` և կարող է վտանգվել թե ձեր, թե ձեր լրատվամիջոցի համբավը:

Ահա մի քանի եղանակ, որոնց միջոցով կարող եք «փրկվել».

Հաղորդե՛ք փաստեր, ոչ թե երևակայություն,

Հաղորդե՛ք իրադարձություններն այնպես, ինչպես դրանք տեղի են ունեցել և ոչ թե այնպես, ինչպես դուք կցանկանայիք: Այսինքն` ամեն հարցում եղեք անկողմնակալ:

Հավասարապես ներկայացրե՛ք բոլոր թեկնածուներին: Այսինքն` մասնակցեք բոլոր թեկնածուների հանրահավաքներին: Մի՛ երանգավորեք ձեր հոդվածը գրգռիչ արտահայտություններով: Հաղորդե՛ք այն, ինչ թեկնածուներն են ասում և ոչ թե այն, ինչ շահագրգիռ կողմերն են ասում:

Քաղաքական բանավեճերի ժամանակ մի՛ անցեք որևէ թեկնածուի կողմը:Ոչ մի դեպքում ոչինչ մի՛ ընդունեք թեկնածուներից կամ նրանց աջակիցներից, նույնիսկ մի՛ երթևեկեք քաղաքական գործչի մեքենայով: Ոչ մի քաղաքական գործչի կամ այդ հարցում ներգրավված մարդկանց մի՛ խոստացեք, որ հոդվածը կամ պատմությունը կհրապարակվի:

Լուսաբանե՛ք այն, ինչ տեսնում եք’ առանց չափազանցությունների: Մի՛ օգտագործեք շռայլ լեզու մասսայական տեսարանները նկարագրելիս: Իրականացրե՛ք արդար խաղ: Եթե թեկնածուն մեղադրանք է ներկայացնում իր հակառակորդին, թույլ տվեք, որ հակառակորդն էլ իր խոսքն ասի:

Հետևե՛ք`

1. Խոստումներին

Խոստումներն այս ամենի մի մասն են կազմում. ճանապարհների կառուցում, հարկերի նվազեցում և նման բազմաթիվ խոստումներ:

Obama World Blog. Վեց խորհուրդ հաջողված բլոգ ունենալու համար

13/02/2013

Շատ լրագրողներ ցանկանում են ունենալ սեփական բլոգ, բայց կա երկու մտահոգող պատճառ. նախ, դա կարող է ժամանակատար լինել, երկրորդ, արդյո՞ք այդ ողջ աշխատանքի արդյունքը գոհացուցիչ կլինի:

Լրագրող Ջորդի Պերես Կոլոմեն թվային լրագրության ասպարեզում ունեցած իր ծառայությունների համար պարգևատրվել է «Խոսե Մանուել Պորկետի» անվան մրցանակով: Ժյուրին որոշել է, որ նրա բլոգը՝ «Օբամայի աշխարհը» (“Obama World”), միջազգային քաղաքականության վերլուծության համար դարձել է «կարևորագույն տեղեկատու»:

Ահա Պերես Կելեմեի մի քանի խորհուրդները՝ բլոգ բացելու վերաբերյալ.

Փորձ ձեռք բերե՛ք: Պերես Կոլոմեն ասում է, որ նա իր բլոգը բացել է «անհրաժեշտությունից դրդված», երբ կորցրել է իր աշխատանքը: «Աշխատանքդ կորցնելը օգնում է քեզ փնտրել այլընտրանքային ձևեր: Քո աշխատանքները հրապարակելու համար կարիք չկա թույլտվություն հարցնել կամ ունենալ սեփական լրատվական կազմակերպությունը: Այնուամենայնիվ, այս ասպարեզում ինչ որ չափով փորձ ունենալը օգտակար է»:

5 խորհուրդ լրատվական կայք ստեղծելու համար

12/02/2013

Լրատվական կայք ստեղծելը թույլ սիրտ ունեցողների համար չէ:

Լրագրող Գլեն Բուրկինսից պահանջվեց անձնական ներդրում, լուրերի շուրջօրյա ստեղծում, գովազդատուների ապահովում և այլն: Իր կայքը` Qcitymetro.com-ը, ծառայում է Հյուսիսային Կարոլինայի Շառլոթ քաղաքի աֆրոամերիկյան համայնքին: Կայքն ունի մոտ 10 անկախ գրող: Կայքը գործի է դրվել 2008 թվականին և 3 տարվա ընթացքում մշտական այցելուների թիվը գերազանցել է 200.000:

Poynter chat-ին տված հարցազրույցում` Բուրկինսը, որն աշխատել է հեղինակավոր թերթերում ավելի քան 2 տասնամյակ, պատմել է թե ինչու և ինչպես է ստեղծել Qcitymetro.com կայքը և ինչ է սովորել այդ տարիներից ի վեր: Բուրկինսի փորձը կարող է օգտակար լինել նրանց համար, ովքեր ցանկանում են ստեղծել իրենց սեփական լրատվական կայքը:

Ահա նրա խորհուրդներից մի քանիսը.

1. Ձեռնամուխ եղի՛ր հաջող մեկնարկին

Եթե կայքի մեկնարկը հաջող չէ, ինչու՞ մարդիկ պետք է կրկին այցելեն այդ կայք: Շուրջ մեկ տարի պահանջվեց մինչև Qcitymetro.com կայքը գործի դրվեց: Այն ներառում էր կայքի ստեղծումը, բիզնես նախագշի պլանավորումը և այլն: Եվ դրա մեծ մասը ինքնաֆինասավորման հաշվին. Բուրկինսը ծախսեց 20.000 դոլար, այնուհետև վերջին 4 տարվա ընթացքում նա ծախսեց ևս 10.000 դոլար և չի բացառվում որ առաջիկայում կրկին գումար է պահանջվելու:

Հայտարարություն. ԶԼՄ-ների վրա ճնշումներն ակտիվացել են

11/02/2013

Հայաստանի մի շարք հասարակական կազմակերպություններ տարածել են հայտարարություն, որով իրենց մտահոգությունն են հայտնում վերջին շրջանում Հայաստանում ԶԼՄ-ների նկատմամբ քաղաքական շրջանակների եւ խոշոր բիզնեսի ներկայացուցիչների կողմից կրկին ակտիվացած ճնշումների վերաբերյալ: Ստորև ներկայացված է հայտարարության տեքստն ամբողջությամբ:

«Այս տարեսկզբին հայաստանյան լրագրողական կազմակերպություններն արձանագրեցին, որ 2012 թվականին ԶԼՄ-ների դեմ դատական հայցերի քանակը զգալիորեն նվազել է։ Դա նկատեց նաեւ «Human rights watch» միջազգային կազմակերպությունը, որը օրեր առաջ հրապարակած զեկույցում նշել է, որ Հայաստանում լրատվամիջոցների դեմ քաղաքական շարժառիթներով նախաձեռնած’վիրավորանքի և զրպարտության հիմքերով դատական գործերը դադարել են էական խնդիր լինելուց։

Մինչդեռ վերջերս քաղաքական շրջանակների եւ խոշոր բիզնեսի ներկայացուցիչները կրկին ԶԼՄ-ների վրա ճնշում գործադրելու ակտիվություն են ցուցաբերում՝ դրանց դեմ դատական հայցեր ներկայացնելով։ Եվ կրկին դրամական պահանջներն առավելագույն չափով են։ Միաժամանակ՝ լրատվամիջոցների գույքի ու դրամական միջոցների վրա արգելանք դնելու միջնորդություններ են ներկայացվում։ Ասվածի վառ օրինակներն են՝ ՀՀ երկրորդ նախագահ Ռ. Քոչարյանի եւ նրա որդու հայցն ընդդեմ «1in.am»-ի, ինչպես նաեւ՝ գործարար Խաչիկ Խաչատրյանի երկու հայցն ընդդեմ «Ժողովուրդ» օրաթերթի։

Պարսկական արահետով – 3. Իրանում լրագրությունը պահանջված չէ

10/02/2013

Իրանի Իսլամական Հանրապետությունում գործող հայկական լրատվամիջոցների աշխատողներից շատերը լրագրողական կրթություն չունեն: Ընդհանրապես լրագրողի մասնագիտությունը այս երկրում այդքան էլ պահանջված չէ, իսկ հայ համայնքում` մասնավորապես: Բայց Թեհրանի Ազադ համալսարանի Հեռահաղորդակցության ֆակուլտետում լրագրություն է դասավանդում հայուհի Անի Միրզախանյանը, ով համարում է, որ լրագրության մասնագիտության նկատմամբ առկա պասիվությունը պայմանավորված է ցածր աշխատավարձով ու ոչ կայուն աշխատանք ունենալով:

Անին դասավանդում է բակալավրիատի եւ մագիստրատուրայի ուսանողներին, կրթություն ստացել է հենց նույն համալսարանում: Անիի խոսքով, 1979 թ-ի իսլամական հեղափոխությունից հետո լրագրությունը մեծ պահանջարկ ուներ, եւ լրագրություն սովորելու համար դիմորդների թիվը անհամեմատ մեծ էր: Սակայն վերջին 2-3 տարիների ընթացքում նրանց թիվը նվազել է:

«Երկրի պայմաններն ու աշխատատեղերն են պատճառը: Նրանք, ովքեր լրագրություն են սովորում, մտածում են, թե վաղն ինչ պետք է աշխատեն: Պայմաններն այնպես չեն, որ հնարավոր լինի հանգիստ մի թերթում աշխատել, եւ այդ թերթը չփակվի»,- ասում է նա` նշելով, որ լրագրությամբ զբաղվում են միայն նրանք, ովքեր շատ են սիրում այդ մասնագիտությունը:

Տեսողական խնդիրներ ունեցողները բավարար կրթություն չեն ստանում

22/01/2013

Երեւանի Նիկողայոս Տիգրանյանի անվան թիվ 14 հատուկ դպրոցում տեսողական խնդիրներ ունեցող երեխաները կարող են հանրակրթական դասերից բացի նաեւ նկարչության, պարի, դաշնամուրի, երգի, ասմունքի դասերի մասնակցել։ Այս դպրոցում է սովորում նաև 7-ամյա Հռիփսիմեն, ով նկարչության դասին որոշել էր գրատախտակին երգ նկարել, բայց ինչպե՞ս է նկարելու այն, դեռ չգիտի։ Մի քանի վայրկյան մտածելուց հետո հարցի պատասխանը գտավ։

«Հեսա արեւը կնկարեմ, ինքն ա երգում»,– ասում է նա։

Քանի որ փոքրիկը շատ լավ է երգում, մայրիկը որոշել է նրան նաեւ երգի խմբակ տանել։

Դպրոցը, որտեղ սովորում է Հռիփսիմեն, Հայաստանում միակն է, որտեղ կրթություն են ստանում տեսողական խնդիրներ ունեցող երեխաները։

«Մեկ այլ դպրոց էլ գործում է մեծահասակների համար, որը երեկոյան է: Ավելի դժվար է մարզերում բնակվողների համար»,– ասում է Հայաստանի կույրերի միավորման փոխնախագահ Մարտին Սարգսյանը և ավելացնում, որ կույրերի միավորմանը անդամակցում են 18 տարին լրացած քաղաքացիներ, ովքեր ունեն տեսողության խնդիր և կրթության ոչ բավարար մակարդակ:

Միակ դպրոցի մասին ծնողներն իրենք պետք է տեղեկանան եւ երեխաներին այստեղ բերեն։ Նրանք նշում են, որ շատերի համար դպրոցն իրենց բնակավայրերից հեռու է, բայց այլընտրանք չկա:

Թիվ 14 դպրոցը նաեւ գիշերօթիկ է, որը հնարավորություն է տալիս մարզերի երեխաներին այստեղ ապրել եւ տուն գնալ հանգստյան կամ տոն օրերին։

«Ինտերնետի հայկական տիրույթում բովանդակության զարգացման մասին» ուսումնասիրություն

14/10/2012

«Ինտերնետի հայկական տիրույթում բովանդակության զարգացման մասին» ուսումնասիրությունը կատարվել է «Լրագրողներ հանուն ապագայի» ՀԿ աշխատանքային խմբի կողմից մեկ տարվա ընթացքում` 2011 թ. հոկտեմբերից մինչև 2012 թ. հոկտեմբեր: Ուսումնասիրության ընթացքում քննարկվել են ինտերնետի հայկական տիրույթում էլեկտրոնային բովանդակության զարգացման վրա անմիջական ազդեցություն ունեցող ոլորտները և դրա հետագա ազդեցությունը ներքին թրաֆիկի մասնաբաժնի ավելացման վրա: Ուսումնասիրության ողջ ընթացքում զեկույցում օգտագործվող տվյալները նորացվել են, իսկ բովանդակությունը խմբագրվել ըստ զարգացումների:

Տեղեկատվության այլընտրանքային աղբյուրից էլեկտրոնային բովանդակության զարգացման խնդիրը տարեցտարի դառնում է կարևորագույն հարցերից մեկը ցանկացած երկրի համար: Հայաստանի բնակչության մեկ երրորդից ավելին արդեն օգտվում է համացանցից, իսկ դա կնշանակի` համացանցում առկա հայերեն բովանդակությունը, որն իր ազդեցությունն է ունենալու երկրի քաղաքացու կարծիքի և դիրքորոշման ձևավորման վրա, ժամանակի ընթացքում միայն առավել մեծ նշանակություն կունենա: Տեղական քոնթենթ (կամ բովանդակություն) եզրի տակ մենք հասկանում ենք մայրենի կամ օտար լեզուներով ինտերնետում հասանելի տեղեկատվություն, որն անմիջական առնչություն ունի Հայաստանի և հայ ժողովրդի հետ:

Տարվա լավագույն հասարակական կազմակերպությունը

30/09/2012

«Ոսկե բանալի և ժանգոտ կողպեք» մրցանակաբաշխության ժամանակ տեղեկություն ստանալու իրավունքը լավագույնս օգտագործած հասարակական կազմակերպություն ճանաչվեց «Լրագրողներ հանուն ապագայի» ՀԿ-ն, և որպես բաց և լավ աշխատանքի խորհրդանիշ, կազմակերպության ղեկավար Սուրեն Դեհերյանին շնորհվեց «Ոսկե բանալի» և վկայական:

Ամենամյա մրցանակաբաշխությունը, որը կազմակերպում է Ինֆորմացիայի ազատության կենտրոնը (ԻԱԿ), անց է կացվում սեպտեմբերի 28-ին’ տեղեկատվության ազատության միջազգային օրը: Այս տարվանը հոբելյանական 10-րդ մրցանակաբաշխությունն էր: Ամեն տարի անկախ ժյուրին ընտրում է պետական, հասարակական և լրտվական կամակերպությունների, որոնք գործունեության ընթացքում լավագույնս օգտագործում են «Տեղեկատվության ազատության մասին» ՀՀ օրենքը:

««Լրագրողներ հանուն ապագայի» կազմակերպությունը բավականին մեծ դեր ունի մարդկանց տեղեկացվածության բարձրացման, յուրաքանչյուր քաղաքացու՝ տեղեկատվություն ստանալու իր իրավունքի իրազեկման գործում: ՀԿ-ն շատ լուրջ աշխատանք է տարել նաեւ հաշմանդամների՝ մասնավորապես լսողության խնդիր ունեցողների շրջանում, իրազեկելով նրանց տեղեկացված լինելու, տեղեկատվություն ստանալու իրենց իրավունքի մասին»,- ասում է ԻԱԿ-ի տնօրեն Շուշան Դոյդոյանը:

Հայտարարություն Գյումրիում կազմակերպված ճեպազրույցի կապակցությամբ

10/09/2012

Սեպտեմբերի 4-ին ՀՀ նախագահի` Գյումրի կատարած այցի ժամանակ երկրի ղեկավարի աշխատակազմի ներկայացուցիչները տեղական ԶԼՄ-ների լրագրողներին հնարավորություն չտվեցին մասնակցելու Գյումրու Մոր եւ մանկան հիվանդանոցի շենքում կազմակերպված ճեպազրույցին։

Տեղի ունեցածի վերաբերյալ ՀՀ նախագահի աշխատակազմի հասարակայնության եւ տեղեկատվության միջոցների հետ կապերի վարչության պարզաբանումները համոզիչ չեն։ Դրանից կարելի է եզրակացնել, որ վարչությունն առանձնացնում է լրատվամիջոցների մի դաս, որի եթերում կամ էջերում ՀՀ նախագահի գործունեության լուսաբանումն ավելի ցանկալի է, քան մյուսների։ Այդ մոտեցումն առավել ցայտուն դրսեւորվեց հենց Գյումրիում, որտեղ գործում են բավական մեծ լսարան ունեցող տեղական ԶԼՄ-ներ։ Եվ դա այն դեպքում, որ Գյումրի այցելելիս նախագահը պետք է որ շահագրգռված լիներ հատկապես գյումրեցիների հետ հաղորդակցվելու։

Ակտիվ օգտատերերը հայ-թուրքական հարաբերությունների լուսաբանման թեմայով սեմինարին

06/07/2012

Հայ-թուրքական եւ հայ-ադրբեջանական հարաբերությունները դեռեւս Հայաստանի եւ հայերի առաջնային խնդիրներից են եւ կմնան այդպիսին, մինչեւ որ չլուծվեն: Թե երբ կգա այդ օրը, կամ արդյոք կգա ընդհանրապես, ոչ ոք չգիտի, սակայն մեզնից յուրաքանչյուրը կարող է իրական եւ մոտ դարձնել այն: Դրան էլ ավելի նպաստում է չորրորդ, թվային, հեղափոխությունը: Այն հեշտացրեց ամեն մարդու
ներգրավվածությունն այս կամ այն խնդրի լուծման գործում, պարզեցրեց լոկալ եւ միջպետական կոմունիկացիան:

Այս տեսակետից շատ կարեւոր է այն ամենն, ինչ կատարվում է համացանցում եւ այն մարդիկ, որոնք ներգրավված են այդ գործընթացներում: Այդ ամենն հաշվի առնելով, Մարդկային Զարգացման Միջազգային Կենտրոնը կազմակերպել էր «Նոր մեդիաներում հայ-թուրքական հարաբերությունների լուսաբանումը. ստերեոտիպների մեղմացում» թեմայով չորսօրյա սեմինար, կցելով թրեյնինգին համացանցում քիչ թե շատ ակտիվ մասնակիցների: Սեմինարն անցկացվում էր միաժամանակ Հայաստանում եւ Թուրքիայում:

«Հանրությանը կրթելը երկար եւ դժվար գործընթաց է: Այնինչ այդ գործընթացը կարելի է զգալիորեն հեշտացնել ավանդական լրատվամիջոցների եւ մասնավորապես բլոգերների եւ սոգիալական մեդիայի այլ ակտիվ օգտատերերի միջոցով», – նշված է կազմակերպության պաշտոնական կայքում:

« Previous
1
…
8
9
10
11
12
…
34
Next »