Skip to content

The Comments’ Victim: Another suit against the “Hraparak” to be a topic of discussion

According to the research conducted by the Committee to Protect Freedom of Expression,  after the Law on Libel was decriminalized last year, 29 legal suits were brought against journalists and media outlets (mainly against the dailies) on charges insult and libel.

The 30th suit was registered this month. This, however, unlike the previous ones, is considered as an unprecedented case by the experts, since the first time the case against the news outlet has been filed because of the readers’ comments posted on the periodical’s website and not because of the article’s content itself.

Suit against the “Hraparak” daily has been filed by lawyer Arthur Grigoryan, member of the Chamber of Advocates of RA. He is convinced that the newspaper must bear also the responsibility for the readers’ comments on the website.

Moral damage caused by the six comments was estimated 18 million drams (about $47,000) by lawyer Grigoryan. He demands just this much from the “Hraparak” to compensate the moral damage caused to him. Comments, which angered Grigoryan, concerned the article entitled “Are Citizens Victims of Dishonest Lawyers?” published in the electronic version of the “Hraparak” on August 10.

Read More »The Comments’ Victim: Another suit against the “Hraparak” to be a topic of discussion

Մեկնաբանության զոհը. «Հրապարակ» թերթի դեմ հերթական հայցը քննարկման արտահերթ թեմա

Խոսքի ազատության պաշտպանության կոմիտեի ուսումնասիրության համաձայն` նախորդ տարի «Զրպարտության մասին» օրենքի ապաքրեականացումից հետո լրագրողների և լրատվամիջոցների (հիմնականում օրաթերթերի) դեմ 29 դատական հայց է ներկայացվել դատարան՝ վիրավորանքի և զրպարտության մեղադրանքով:

Այս ամիս գրանցվեց նաև 30-րդ հայցը: Սակայն սա, ի տարբերություն նախորդների, փորձագետները համարեցին աննախադեպ, քանի որ առաջին անգամ լրատվական ընկերության դեմ ներկայացված հայցի պատճառ է դարձել ոչ թե հոդվածի բովանդակությունը, այլ հոդվածի տակ ընթերցողների կողմից արված մեկնաբանությունները:

Հայցը ներկայացվել է «Հրապարակ» օրաթերթի դեմ ՀՀ փաստաբանների պալատի անդամ, փաստաբան Արթուր Գրիգորյանի կողմից: Վերջինս համոզված է, որ հոդվածում ընթերցողների կողմից արված մեկնաբանությունների համար ևս պատասխանատվություն պետք է կրի թերթի խմբագրությունը:

Հայցադիմումի պատճառ դարձած վեց մեկնաբանություններից հասցված բարոյական վնասը փաստաբան Գրիգորյանը գնահատել է 18 մլն դրամ: Հենց այսքան էլ նա պահանջում է «Հրապարակ»-ից իր բարոյական վնասը փոխհատուցելու համար: Մեկնաբանությունները, որոնք զայրացրել են Գրիգորյանին, եղել են օգոստոսի 10-ին «Հրապարակ»-ի էլեկտրոնային տարբերակում հրապարակված «Քաղաքացիներն անբարեխիղճ փաստաբանների զո՞հ» հոդվածի տակ:

Read More »Մեկնաբանության զոհը. «Հրապարակ» թերթի դեմ հերթական հայցը քննարկման արտահերթ թեմա

«Շամշյանը նկարել ա, զգույշ էղի…». Գագիկ Շամշյանի մոտ ոչ մի կադր չի ջնջվում (տեսանյութ)

Շատերին է հետաքրքրում, թե ինչպես է ֆոտոլրագրող Գագիկ Շամշյանը այդքան արագ հայտնվում հանրապետության այն հատվածում, որտեղ տեղի է ունեցել որևէ միջադեպ կամ արտակարգ պատահար: Ոմանք նույնիսկ կատակում են, թե քաղաքում մի քանի Շամշյան կա, մյուսները համոզված են, որ նա սերտ համագործակցում է ոստիկանության հետ: Ինքը` Գագիկը, պարզ պատասխան ունի այս ասեկոսներին. դեպքի վայրում նա հայտնվում է պատահաբար կամ քաղաքացիների օգնությամբ:

Երևանի պետական լեզվաբանական համալսարանի Միջազգային լրագրության բաժին նա պատահաբար չէր եկել, բայց ուսանողների համար այս հանդիպումը արտակարգ էր: Հայաստանի թիվ մեկ սկանդալային ֆոտոլրագրողին հրավիրել էին հանդիպելու ապագա լրագրողների հետ, ովքեր անթիվ հարցերով փորձում էին պարզել, թե ով է Շամշյանն իրականում:

«Մեծամասնությամբ իմ աղբյուրները սովորական քաղաքացիներն են, ովքեր արտառոց դեպքերի ժամանակ զանգահարում են և երբեմն չեն էլ ներկայանում: Իսկ շատ հաճախ տեսնում եմ շտապօգնության կամ ոստիկանության մեքենան և հետևից գնում, ինձ էլ հարցնում են, թե ինչպես իմացա, ով ասաց»,- ասում է Շամշյանը և նշում, որ լրագրողն իր աղբյուրները երբևէ չպետք է բացահայտի, նույնիսկ խմբագրին կարող է չասել:

Գագիկ Շամշյանը մեծացել է մանկատանը: Թղթակցել սկսել է 16 տարեկանից: Երիտասարդ տարիքում հանդես է եկել Սեփլր (սեփական լրագրություն) կեղծանվամբ, բայց երբ պարզվել է նրա անունը, որոշել է այն ալևս չթաքցնել:

Read More »«Շամշյանը նկարել ա, զգույշ էղի…». Գագիկ Շամշյանի մոտ ոչ մի կադր չի ջնջվում (տեսանյութ)

Հանգանակություն. «Հայկական ժամանակին» անհրաժեշտ է 6 միլիոն դրամ դատարանի որոշումը կատարելու համար

Օրերս Հայաստանի Վճռաբեկ դատարանը մերժեց «Հայկական ժամանակ» օրաթերթի հրատարակիչ «Դարեսկիզբ» ՍՊԸ հայցն ընդդեմ վերաքննիչ դատարանի որոշման, որով օրաթերթի հրատարակիչը Ազգային ժողովի երեք պատգամավորներին պետք է վճարի ավելի քան 6 միլիոն դրամ:

Նման որոշում Երեւանի Կենտրոն եւ Նորք-Մարաշ վարչական շրջանների ընդհանուր իրավասության դատարանի կողմից կայացվել էր այս տարվա փետրվարին` համարելով, որ թերթի 2010թ-ի հոկտեմբերի 14-ի համարում լույս տեսած «Ութից յոթը ցուցակում են» վերնագրով հոդվածում հրապարակված տեղեկությունները չեն համապատասխանում իրականությանը:

Վճռաբեկ դատարանի վճիռը բողոքարկելու նպատակով օրաթերթի խմբագրությունը պատրաստվում է դիմել Մարդու իրավունքների Եվրոպական դատարան: Զուգահեռաբար, խմբագրակազմը իր համակիրների օգնությամբ փորձում է կուտակել վճարման ենթակա անհրաժեշտ գումարը:

«Վիվասելի» եւ «Բիլայնի» բաժանորդները կարող են 1000 դրամ փոխանցել «Հայկական ժամանակ» օրաթերթի հաշվին, եթե հեռախոսի միջոցով «hzh» բառը ուղարկեն 4735 կարճ համարին: Նվիրատվություն արտերկրից հնարավոր է կատարել հետևյալ հաշվեհամարներին գումար ուղարկելով` «Հայէկոնոմբանկ», ԱՄՆ դոլար – 163008154896, եվրո-163008012698:

Read More »Հանգանակություն. «Հայկական ժամանակին» անհրաժեշտ է 6 միլիոն դրամ դատարանի որոշումը կատարելու համար

«Արյան» գինը. «Ժամանակ» օրաթերթը Քոչարյաններին պետք է վճարի 3 միլիոն դրամ

«Բելլա և Սեդրակ Քոչարյաններն ընդդեմ «Ժամանակ» օրաթերթի հիմնադիր «Սկիզբ Մեդիա Կենտրոն» ՍՊԸ» գործով դատավարությունը Կենտրոն և Նորք-Մարաշ վարչական շրջանների ընդհանուր իրավասության դատարանում ավարտված է, և արդեն առկա է դատարանի վճիռը:

Դատարանը` գործը վարող դատավոր Արայիկ Մելքումյանի նախագահությամբ, «ժամանակ» օրաթերթի հիմնադրին պարտավորեցնում է տպագրել հերքում` նույն օրաթերթի անցյալ տարվա երեք հոդվածներում տպագրված տեղեկությունների վերաբերյալ: Այս հոդվածները, արդեն նաև ըստ դատարանի, արատավորում են ՀՀ երկրորդ նախագահ Ռոբերտ Քոչարյանի ընտանիքի պատիվը, արժանապատվությունն ու գործարար համբավը:

Դատարանը որոշեց նաև, հօգուտ Քոչարյանների, օրաթերթի հիմնադրից բռնագանձել մեկ միլիոն դրամ (ավելի քան 2600 դոլար )` նրանց վիրավորելու և երկու միլիոն դրամ (ավելի քան 5300 դոլար)`զրպարտելու համար: Հայցվորի ներկայացրած մյուս` դատական ծախսերի համար պահանջած երեք միլիոն դրամի մասով հայցը մերժվեց` անհիմն լինելու պատճառաբանությամբ։

Քոչարյանների ներկայացուցչի ` դատարանում բերած բողոքի հիմքը և ողջ էությունը «Ժամանակ» օրաթերթի 3 հոդվածներից վերցված հետևյալ հատվածներն էին.

Ստորև բերվող բոլոր մեջբերումները վերցված են Datalex.am կայքում (դատական տեղեկատվական համակարգ) տեղադրված դատարանի վճռից: 

Read More »«Արյան» գինը. «Ժամանակ» օրաթերթը Քոչարյաններին պետք է վճարի 3 միլիոն դրամ

«Երկիրը» նույնպես արգելանքի տակ է

ՀՀ ԱԺ պատգամավոր Տիգրան Արզաքանցյանի՝ «Երկիր» օրաթերթի դեմ ներկայացրած հայցապահանջի հետևանքով ԴԱՀԿ ծառայությունը որոշել է օրաթերթի գույքի վրա արգելանք դնել և դրա նկատմամբ հետախուզում հայտարարել:Հիշեցնենք՝ պատգամավորին դուր չի եկել «Երկրի»` «131 դեմք ու դիմակ» խորագրի ներքո իր մասին տպագրած հոդվածը: Եվ փետրվարին դիմելով դատարան` նա պահանջել է վիրավորելու և զրպարտելու համար իրեն տրամադրել 3 մլ 568 հազար դրամի չափով փոխհատուցում, որից 500 հազարը հաշվարկել է իբրև փաստաբանական, իսկ 68-ը` դատական ծախսեր:

Մարտի 14-ին Կենտրոնի դատարանը կատարողական թերթիկ է ուղարկել ԴԱՀԿ, որպեսզի հայցագնի չափով արգելանք դրվի պատասխանողին՝ «Երկիր խմբագրություն» ՍՊԸ-ին պատկանող գույքի վրա՝ բացառությամբ դրամական միջոցների: Սրա հիման վրա էլ ԴԱՀԿ ծառայության Երևան քաղաքի Կենտրոն և Նորք-Մարաշ բաժինը մարտի 28-ին որոշել է հարուցել կատարողական վարույթ և պարտապանի գույքի նկատմամբ հայտարարել հետախուզում:

Իսկ արդեն մարտի 31-ի որոշմամբ ԴԱՀԿ-ն արգելանք է դրել «Երկիր խմբագրություն» ՍՊԸ-ին սեփականության իրավունքով պատկանող գույքի վրա և արգելել է այն տնօրինել և օտարել:

«Երկիրը» ԴԱՀԿ նշյալ որոշումները ստացել է այսօր փոստով: Օրաթերթը շարունակելու է տպագրվել, քանի որ նրա դրամական միջոցներն արգելանքի տակ չեն:

Հիշեցնենք, որ օրերս Ռոբերտ Քոչարյանի հայցադիմումի հիման վրա արգելանքի տակ դրվեց «Հրապարակ» օրաթերթի գույքը: 

Read More »«Երկիրը» նույնպես արգելանքի տակ է

Լրագրողը դատարանով Ռուբեն Հայրապետյանից պահանջում է ներողություն խնդրել

Երևանի Ավան և Նոր-Նորք համայնքների ընդհանուր իրավասության դատարանում այսօր մեկնարկեց Ազգային ժողովի Հանրապետական պատգամավոր Ռուբեն Հայրապետյանի դեմ «Հետք» պարբերականի լրագրող Գրիշա Բալասանյանի հայցով դատավարությունը:

Լրագրողը դատարանից պահանջում է պարտավորեցնել Ռուբեն Հայրապետյանին իրենից ներողություն խնդրել և գումարային փոխհատուցում վճարել` իր պատիվն ու արժանապատվությունը վիրավորելու համար:

«Պատասխանողը վիրավորել է վստահորդիս: Դրսևորել է վստահորդի անձնական և ընտանեկան կյանքի նկատմամբ անթույլատրելի միջամտություն», – դատարանում հայտարարեց Բալասանյանի փաստաբան Վահե Գրիգորյանը:

Փետրվարի 2-ին, երբ լրագրողը զանգահարել է Ռուբեն Հայրապետյանի բջջային հեռախոսին հարցազրույցի մասին պայմանավորվածություն ձեռք բերելու նպատակով, պատգամավորը նրան նախ անվանել է տգետ, հետո` հայհոյել, հետո ավելացրել` «լավ արեցի»:

Հայցվոր կողմը դատարանին ներկայացրել է ապացույցներ, այդ թվում` լրագրողի հարցին ի պատասխան Ռուբեն Հայրապետյանի հայհոյանքների ձայնագրությունը:

Read More »Լրագրողը դատարանով Ռուբեն Հայրապետյանից պահանջում է ներողություն խնդրել

Պատգամավոր Տիգրան Արզաքանցյանը դատի է տվել «Երկիր»-ին

Ազգային ժողովի պատգամավոր, գինի եւ կոնյակ արտադրող «Գրեյթ վելլի» ընկերության սեփականատեր Տիգրան Արզաքանցյանը դատի է տվել «Երկիր» թերթին: Պատգամավորը թերթից 3 միլիոն դրամ է պահանջում իր պատիվն ու արժանապատվությունը արատավորող տեղեկություններ հրապարակելու համար:

Արզաքանցյանը գտնում է, որ թերթը այս տարվա հունվարի 13-ի համարում «131 դեմք ու դիմակ» խորագրով հոդվածում վիրավորական արտահայտություններ է թույլ տվել իր նկատմամբ` անվանելով իրեն «ստիլյագա», «Քյավառա բարբառով խոսող», ինչպես նաեւ մեջբերել է նախկին վարչապետ, Երեւանի կոնյակի գործարանի նախկին փոխտնօրեն Հրանտ Բագրատյանի խոսքերը, թե «այդ լակոտը իր արտադրած կոնյակով խայտառակում է Հայաստանը Ռուսաստանում»:

Տիգրան Արզաքանցյանը «զրպարտություն» է որակել «Երկիր»-ի հոդվածում արված պնդումները, թե նա «ռուս գեղեցկուհիներ է Հայաստան տանում-բերում», «կազինոների մշտական հաճախորդ է», «ծեծ ուտելու սովորություն ունի» եւ «անցնող նստաշրջանի ընթացքում ընդամենը մեկ անգամ է երեւացել Ազգային ժողովի միջանցքներում»:
Read More »Պատգամավոր Տիգրան Արզաքանցյանը դատի է տվել «Երկիր»-ին

Ա1+. Հետո ինչ, որ հայհոյել է

Երեկ «Հետքի» լրագրող Գրիշա Բալասանյանը Հատուկ քննչական ծառայությունից ստացել է Ռուբեն Հայրապետյանի նկատմամբ քրեական գործի հարուցումը մերժելու մասին որոշումը: Այն ներկայացնում ենք ամբողջությամբ.

ՊԱՐԶԵՑԻ

2011 թ. փետրվարի 9-ին ՀՀ գլխավոր դատախազությունից ստացվել է «Հետք» թերթի լրագրող Գրիշա Բալասանյանի, նույն թերթի խմբագիր Էդիկ Բաղդասարյանի` ՀՀ ԱԺ պատգամավոր Ռուբեն Հայրապետյանի կողմից Գրիշա Բալասանյանի մասնագիտական օրինական գործունեությանը խոչընդոտելու վերաբերյալ հաղորդումը, եւ դրան կից ներկայացվել է նաեւ վերջինիս ու Ռուբեն Հայրապետյանի հեռախոսազրույցի ձայնագրությունը պարունակող լազերային սկավառակը:

Նյութերի նախապատրաստման ընթացքում «Հետք» թերթի լրագրող Գրիշա Բալասանյանն իր բացատրություններով հայտնել է, որ ՀՀ Ազգային ժողովում չի կարողացել հանդիպել Ռուբեն Հայրապետյանին եւ նրան հարցեր ուղղել, քանի որ վերջինս եւ նրա օգնականը բացակայել են:

Ռուբեն Հայրապետյանին հարցեր տալու նպատակով 2011 թ. փետրվարի 2-ին զանգահարել է նրա բջջային հեռախոսահամարին եւ ներկայացել է որպես «Հետք» թերթի լրագրող: Այդ լսելուց հետո նա իրեն անվանել է տգետ ու ասել, որ իր հետ կապվեն միայն մամուլի ծառայության միջոցով, ու անջատել է հեռախոսը:

Նորից զանգահարել է նրան, հարցրել, թե ինչու է իրեն վիրավորում, սակայն Ռուբեն Հայրապետյանն իր հասցեին հայհոյանքներ է տվել եւ անջատել հեռախոսը` դրանով խոչընդոտելով իր մասնագիտական գործունեության իրականացմանը:

Read More »Ա1+. Հետո ինչ, որ հայհոյել է