According to the research conducted by the Committee to Protect Freedom of Expression,  after the Law on Libel was decriminalized last year, 29 legal suits were brought against journalists and media outlets (mainly against the dailies) on charges insult and libel.

The 30th suit was registered this month. This, however, unlike the previous ones, is considered as an unprecedented case by the experts, since the first time the case against the news outlet has been filed because of the readers’ comments posted on the periodical’s website and not because of the article’s content itself.

Suit against the “Hraparak” daily has been filed by lawyer Arthur Grigoryan, member of the Chamber of Advocates of RA. He is convinced that the newspaper must bear also the responsibility for the readers’ comments on the website.

Moral damage caused by the six comments was estimated 18 million drams (about $47,000) by lawyer Grigoryan. He demands just this much from the “Hraparak” to compensate the moral damage caused to him. Comments, which angered Grigoryan, concerned the article entitled “Are Citizens Victims of Dishonest Lawyers?” published in the electronic version of the “Hraparak” on August 10.

Read More »The Comments’ Victim: Another suit against the “Hraparak” to be a topic of discussion

Խոսքի ազատության պաշտպանության կոմիտեի ուսումնասիրության համաձայն` նախորդ տարի «Զրպարտության մասին» օրենքի ապաքրեականացումից հետո լրագրողների և լրատվամիջոցների (հիմնականում օրաթերթերի) դեմ 29 դատական հայց է ներկայացվել դատարան՝ վիրավորանքի և զրպարտության մեղադրանքով:

Այս ամիս գրանցվեց նաև 30-րդ հայցը: Սակայն սա, ի տարբերություն նախորդների, փորձագետները համարեցին աննախադեպ, քանի որ առաջին անգամ լրատվական ընկերության դեմ ներկայացված հայցի պատճառ է դարձել ոչ թե հոդվածի բովանդակությունը, այլ հոդվածի տակ ընթերցողների կողմից արված մեկնաբանությունները:

Հայցը ներկայացվել է «Հրապարակ» օրաթերթի դեմ ՀՀ փաստաբանների պալատի անդամ, փաստաբան Արթուր Գրիգորյանի կողմից: Վերջինս համոզված է, որ հոդվածում ընթերցողների կողմից արված մեկնաբանությունների համար ևս պատասխանատվություն պետք է կրի թերթի խմբագրությունը:

Հայցադիմումի պատճառ դարձած վեց մեկնաբանություններից հասցված բարոյական վնասը փաստաբան Գրիգորյանը գնահատել է 18 մլն դրամ: Հենց այսքան էլ նա պահանջում է «Հրապարակ»-ից իր բարոյական վնասը փոխհատուցելու համար: Մեկնաբանությունները, որոնք զայրացրել են Գրիգորյանին, եղել են օգոստոսի 10-ին «Հրապարակ»-ի էլեկտրոնային տարբերակում հրապարակված «Քաղաքացիներն անբարեխիղճ փաստաբանների զո՞հ» հոդվածի տակ:

Read More »Մեկնաբանության զոհը. «Հրապարակ» թերթի դեմ հերթական հայցը քննարկման արտահերթ թեմա

«Ժողովուրդ» օրաթերթը հոկտեմբերի 17-ին ստացավ այս ամսվա մեջ դատական հայցի վերաբերյալ թվով արդեն 3-րդ ծանուցումը: Դատական երեք գործերն էլ բացվել են վիրավորանքի և զրպարտության հետևանքով պատվին ու արժանապատվությանը պատճառված վնասի փոխհատուցման պահանջով: «Ժողովուրդ»-ից պահանջվող ընդհանուր գումարը այս երեք հայցերից կազմում է 5 միլիոն 248 հազար ՀՀ դրամ:

«Ժողովուրդ» օրաթերթը, որի տպաքանակը կազմում է 3500 օրինակ, լույս է տեսնում 2011 թ. փետրվարի 1-ից: Իսկ հունիսից նաև գործում է օրաթերթի առցանց տարբերակը` Armlur.am հասցեով:

Առաջին դատական հայցը ներկայացրել է Գեղարքունիքի մարզի ԲՀԿ-ական մարզպետ Նվեր Պողոսյանը` օրաթերթից պահանջելով  2,2 մլն դրամ:

Մարզպետը դատարան է դիմել «Ժողովուրդ» օրաթերթի հոկտեմբերի 7-ի համարում տպագրված «Մարզպետը կաշառք է վերցրել» վերնագրով նյութում Գեղարքունիքի  մարզի Թթուջուր գյուղի բնակիչ Աննա Թորոսյանի պնդումը հրապարակելու համար:

Ըստ Թորոսյանի` մարզպետը իր վարորդի միջոցով 3000 դոլար կաշառք է վերցրել` նույն գյուղի դպրոցում պատմության ուսուցչի թափուր տեղի մրցույթում մյուս թեկնածուի հաղթանակն ապահովելու համար:

Ինչպես «ՋեյՆյուզին» հայտնեց օրաթերթի գլխավոր խմբագիր Թագուհի Թովմասյանը, այս դատական գործով նախնական դատալսումը դեռ նշանակված չէ, սակայն դատարանը ոստիկանությանը հրահանգ է տվել, որի արդյունքում Նվեր Պողոսյանի գործը քննվում է ոստիկանության կողմից:

Read More »Ամիսը չբոլորած` 3 դատական հայց «Ժողովուրդ»-ի դեմ

Լրագրողի համար Համբուրգում հայտվելը նույնն է, ինչ մոդելավորողի համար` Փարիզում. չէ որ Համբուրգը եվրոպական մամուլի կարևորագույն քաղաքներից մեկն է: Հենց այստեղ են գտնվում «Շպիգել» ամսագրի խմբագրությունը, «Gruner+Jahr» հրատարակչատան գլխավոր գրասենյակը, որը աշխարհի 30 երկրներում հրատարակում է ավելի քան 500 ամսագրեր ու թերթեր, այդ թվում «Stern», «GEO», «National Geographic», «NG Traveller», «Elle» և «Cosmopolitаn»:

Մինչ 2009 թ-ին վրա հասած ֆինանսական ճգնաժամը Գերմանիայի մեդիա շուկայում լուրջ աճ էր նկատվում: Մինչդեռ այսօր ակնհայտորեն «խաղադրույք» է արվում առցանց մեդիայի վրա: Հույսը, որ տպագիր մամուլը կվերադառնա իր նախկին մակարդակին, գնալով մարում է:

Յուրաքանչյուր իրեն հարգող խմբագրություն զարգացնում է իր պարբերականի առցանց տարբերակը, մշակում են բջջային լրատվություն հեռախոսների և պլանշետային համակարգիչների համար` համարելով, որ այն մոտ ապագայում ավելի շատ եկամուտ է բերելու, քան տպագիր տարբերակը:

Այնուամենայնիվ, գերմանական առցանց տարբերակների հանրաճանաչությանը նպաստեց դրանց ավանդական տարբերակների հեղինակությունը, որը վաստակել էին թվային դարաշրջանից առաջ:

Եվ մինչ օրս էլ Գերմանիայում լրագրողների համար ավելի լուրջ և պատկառելի է համարվում հանդիսանալ տպագիր մամուլի աշխատակից, քան առցանց մամուլի: Միևնույն ժամանակ գերմանացի խմբագիրները համարում են, որ առցանց մամուլը նույնպես պետք է բարձր պրոֆեսիոնալիզմ դրսևորի:

Read More »«Հեռու մնացե’ք Թվիթերից». հայ լրագրողի բացահայտումները գերմանական հեղինակավոր խմբագրություններում /ֆոտոսլայդ/

Սեպտեմբերի 20-ին Կենտրոն և Նորք-Մարաշ վարչական շրջանների ընդհանուր իրավասության դատարանում ավարտվեց Թաթուլ Մանասերյանն ընդդեմ «Ժամանակ» օրաթերթի գործով վճիռը:

Դատարանը մասնակի բավարարեց հայցվորի պահանջը` պարտադրելով «Ժամանակ» օրաթերթի հիմնադիր «Սկիզբ Մեդիա» ՍՊԸ-ին վճարել 510 հազար դրամ` 300 հազարը զրպարտության համար, 200 հազարը` փաստաբանական ծախսերի, իսկ 10 հազարը, որպես պետական տուրք:

Տնտեսագետ Թաթուլ Մանասերյանը 2.5 միլիոն փոխհատուցում էր պահանջել «Ժամանակ» օրաթերթի հիմնադիր «Սկիզբ Մեդիա» ՍՊԸ-ից` պատիվը, արժանապատվությունը, գործարար համբավը արատավորելու համար: Բացի այդ Մանասերյանը պահանջել էր հերքել «Ժամանակ» օրաթերթի 2010թ-ի սեպտեմբերին թերթում տպագրված «Քրգործ` ԱԺ նախագահի խորհրդականի դե՞մ» հոդվածում առկա տեղեկությունները: Հոդվածում գրված էր, որ ՀՀ ԱԺ նախագահ Հովիկ Աբրահամյանի նախկին խորհրդական Թաթուլ Մանասերյանի դեմ քրեական գործ է հարուցվել` վաշխառությամբ զբաղվելու կասկածանքով, ինչպես նաև, որ մեկ այլ քրեական գործի շրջանակներում վկաներից մեկը հայտնել էր, որ Թաթուլ Մանասերյանն իրեն տոկոսով փող է տվել:

«Ժամանակ» օրաթերթը պատրաստվում է բողոքարկել վճիռը: 

/Լրաքաղ/

JNews.am

Read More »Հայցվորի պահանջը բավարարվեց. «Ժամանակ»-ը պետք է վճարի Մանասերյանին զրպարտության համար

«Հրապարակ» օրաթերթի դեմ նոր հայց է ներկայացվել, այս անգամ Հայաստանի դատական դեպարտամենտի ղեկավար Միսակ Մարտիրոսյանի կողմից: Այդ հայցի հիման վրա էլ Կենտրոն և Նորք-Մարաշ վարչական շրջանների ընդհանուր իրավասության դատարանը «Հրապարակ» օրաթերթի գույքի վրա 3 միլիոն դրամի չափով արգելանք է դրել` պարտադրելով մինչ դատական գործի ավարտը դատական վեճի մասին հրապարակավ որևէ տեղեկություն չտարածել:

Թերթի գլխավոր խմբագիր Արմինե Օհանյանը այս որոշման մասին իմացել է միայն Դատական ակտերի հարկադիր կատարման ծառայության (ԴԱՀԿ) որոշումից:

«Ազատություն» ռադիոկայանին տված հարցազրույցում «Հրապարակ»-ի խմբագիրն ասել է, որ թերթի լույս տեսնելուց ժամեր անց զանգ է ստացվել ԴԱՀԿ-ից, որտեղից զգուշացրել են, որ որոշումը խախտելու համար քրեական գործ կարող է հարուցվել: Օհանյանի համոզմամբ այսպիսով խախտվել է Սահմանադրությամբ ամրագրված տեղեկություններ տարածելու իրենց իրավունքը:

Read More »Եվս մեկ հայց «Հրապարակ» օրաթերթի դեմ. գույքը կալանքի տակ է

Վերջերս Երևանում խոսքի ազատությանը նվիրված սեմինար-քննարկման ժամանակ, որին մասնակցում էր նաև լոնդոնյան հռչակավոր «ARTICLE 19» կազմակերպության ավագ իրավախորհրդատու Բոյկո Բոևը, փաստարկվեց, որ  քաղաքական գործիչներն իրենց հասցեին հնչող քննադատություններին պետք է առավել հանգիստ ու հանդուրժողաբար վերաբերվեն, քան «հասարակ մահկանացուները»: Քանի որ նրանք, ինչպես և մյուս` հանրային գործունեությամբ զբաղվող անձինք, իրենք են ընտրել իրենց գործունեության հրապարակային բնույթը, ինչը անխուսափելիորեն նրանց վրա էր սևեռելու առավել մեծաքանակ մարդկանց, այդ թվում` լրագրողների ուշադրությունը:

Իսկ ի՞նչ պատկեր է այս առումով Հայաստանում: Իրենց քաղաքական գործիչ համարող անձինք, մեկը մյուսի ետևից, «վիրավորված ու զրպարտված» բախում են դատարանների դռները` չգիտակցելով, որ արդյունքում առավել վարկաբեկված կարող են լքել դատական դահլիճները:

Ի՞նչն է մղում նրանց այդպես վարվելու` դժվար է ասել, բայց որ նրանցից շատերը խնդիր ունեն հրապարակային գործունեության արդյունքում դույզն-ինչ քննադատություն լսելու, փաստ է: Ավելին` հաճախ առանց վիրավորական բառի իմաստն ըմբռնելու` նրանք շտապում են դատի տալ լրատվամիջոցին` ակնհայտորեն անշահեկան և անհարմար վիճակի մեջ դնելով սեփական անձը, եթե կուզեք` պատիվն ու համբավը:

Read More »Հրապարակային գործունեության պերճանքն ու թշվառությունը կամ Արզաքանցյանն ընդդեմ «Երկրի»

ՀՀ խորհրդարանում աշխատելը գնալով վտանգավոր է դառնում լրագրողների համար որոշ պատգամավորների վարքի պատճառով: Այսօր ԱԺ պատգամավոր Սաշիկ Սարգսյանը, ով որպես Սերժ Սարգսյանի եղբայր իրեն անպատժելի է համարում, հարձակվել է մեր թղթակցի` Մարինե Խառատյանի վրա: Պատգամավոր Սաշիկ Սարգսյանին մեր թղթակիցը ԱԺ միջանցքում հանդիպելով մոտեցել է ու հարց ուղղել, թե պատրաստվո՞ւմ է արդյոք առաջադրվել առաջիկա խորհրդարանական ընտրություններում: Սաշիկ Սարգսյանը կատաղած խլել է ձայնագրիչը, բոլոր հնարավոր կոճակները սեղմելով անջատել այն` թե ի՞նչ իրավունք ունես ինձ հարց տաս:

Լրագրողը փորձել է բացատրել, որ ԱԺ պատգամավորին ԱԺ-ում հնարավոր է եւ հարցեր ուղղվեն: Սաշիկ Սարգսյանն անցել է վիրավորանքների ու հայհոյանքների: Երբ լրագրողը նրան կարգի է հրավիրել`ասելով, թե ձեզ կոռեկտ պահեք լրագրողի հետ զրուցում, Սաշիկ Սարգսյանը փորձել է հարձակվել լրագրողի վրա ԱԺ գրադարանի մերձակա միջանցքում:

Դեպքին ականատես ԱԺ աշխատակիցներից մեկը կարողացել է հետ պահել Սաշիկ Սարգսյանին ու այդ պատճառով հարձակումը կանխվել է: Սաշիկ Սարգսյանի հայհոյանքներին ականատես ՀՀԿ խմբակցության ղեկավար Գալուստ Սահակյանը անգամ չի փորձել սաստել լրագրողի վրա հարձակված իր խմբակցության անդամին` թերեւս վախենալով թթու խոսք ասել Սերժ Սարգսյանի եղբորը:

Read More »Հրապարակ օրաթերթ. «Սաշիկ Սարգսյանը հարձակվել է մեր լրագրողի վրա»