Եվրոպական միության վերջին զեկույցը Ադրբեջանի քաղաքական իրավիճակի վերաբերյալ փաստերով հիմնավորված չէ, ասել է «Նոր Ադրբեջան» կուսակցության գործադիր քարտուղարի տեղակալ, պատգամավոր Մուբարիզ Գուրբանլին կուսակցության պաշտոնական կայքին: ԵՄ-ի դիրքորոշումը հեռու է օբյեկտիվ լինելուց, ավելացրել է նա:

Ընդդիմադիր որոշ կուսակցություններ հրաժարվեցին ցույցեր անցկացնել Բաքվի քաղաքապետարանի կողմից հատկացված վայրերում և ապրիլի 2-ին ապօրինի հավաքներ կազմակերպեցին, ասել է պատգամավորը: Որոշ օրինապահ ծառայություններ այդ առիթով քայլեր ձեռնարկեցին:

Նման ակցիաները խափանվում են նաև եվրոպական երկրների իշխանությունների կողմից, ասել է նա: Հետևաբար նման ենթադրություններ անելը անարդար է, ավելացրել է Գուրբանլին:

«Հայտարարության մեջ նշվում է, որ ԶԼՄ-ների ներկայացուցիչների նկատմամբ ճնշում է գործադրվել ցույցի ընթացքում և նրանք ձերբակալվել են: Բայց սա չի համապատասխանում փաստերին: Ադրբեջանում խոսքի և մամուլի ազատությունը լիովին երաշխավորված են: Գուցե լրագրողը որպես քաղաքական կուսակցության անդամ է եկել ցույցին: Եթե այդպես է, ապա լրագրողը ոչ մի կերպ չի տարբերվում մնացած մասնակիցներից: Լրագրողների համար այդ միջոցառումները լուսաբանելու բոլոր պայմաններն ստեղծված էին, և նրանք հատուկ համազգեստ էին կրում: Նրանք ազատ կարող էին լուսաբանել», – ասում է Գուրբանլին:

Աղբյուր: Trend.az

Read More »Ադրբեջանի իշխող կուսակցությունը քննադատել է ԵՄ զեկույցը

«Տիգրան Արզաքանցյանն ընդդեմ «Երկիր» օրաթերթի» դատական գործը կշարունակվի ապրիլի 21-ին: Նման որոշում կայացրեց Կենտրոն և Նորք-Մարաշ համայնքների ընդհանուր իրավասության դատարանի դատավոր Ռուբեն Ափինյանը ապրիլի 11-ին նշանակված դատական նիստի ժամանակ` պատասխանող կողմի բացակայության պատճառով:

Պատասխանող կողմը դատարան եկավ 7 րոպե ուշացումով, բայց դատավորի որոշումը մնաց անփոփոխ:

Ազգային ժողովի պատգամավոր Տիգրան Արզաքանցյանը դատի է տվել «Երկիր» օրաթերթին` իր պատիվն ու արժանապատվությունն արատավորող տեղեկություններ հրապարակելու համար: «Երկիր»-ի «131 դեմք ու դիմակ» խորագիրը ներկայացնում է ԱԺ 131 պատգամավորներին. այս տարվա հունվարի 13-ի համարի հերթական հոդվածը ԱԺ պատգամավոր Տիգրան Արզաքանցյանի մասին էր:

Պատգամավորի կարծիքով` օրաթերթը վիրավորական արտահայտություններ է թույլ տվել իր հասցեին` անվանելով իրեն «ստիլյագա», «Քյավառա բարբառով խոսող», նաև մեջբերել է նախկին վարչապետ, Երևանի կոնյակի գործարանի նախկին փոխտնօրեն Հրանտ Բագրատյանի խոսքերը, թե «այդ լակոտը իր արտադրած կոնյակով խայտառակում է Հայաստանը Ռուսաստանում»:

Read More »Սեղմել «Երկրի» զարկերակը. պատգամավորները պատժում են իրենց ընդունած օրենքներով

Ամեն առավոտ գյումրեցի գրավաճառ Վաղինակ Հակոբյանը պայուսակում տեղավորում է մի քանի տասնյակ գրքեր, ապա մտամոլոր քայլերն ուղղում դեպի Գյումրիի կենտրոնական հրապարակ տանող բանուկ փողոցը: Նստարաններից մեկի վրա դասավորում է գրքերն ու գործի անցնում: Բացի 43-ամյա Վաղինակից այստեղ փողոցային գրավաճառությամբ զբաղվում են ևս մի քանի հոգի:

Երկու տարի առաջ, երբ առաջին անգամ Վաղինակը դուրս եկավ գիրք վաճառելու, նեղվում էր: «Հոգեպես կոտրված ու ինձ դավաճան էի համարում. վաճառելու էի հարազատ ընկերներիս», – ասում է գրավաճառը:

«Երկար տարիներ ֆուտբոլով եմ զբաղվել: Միշտ երազում էի` օրերից մի օր Հայաստանում այդ խաղաձևը կզարգանա, ես էլ պահանջված մարզիկ կդառնամ… Տարիների ընթացքում հասկացա, որ զուր հույսեր եմ փափագում, ավելին` մեզ մոտ սպորտով տուն չես պահի: Տարբեր գործեր եմ արել, մի օր պարապ չեմ մնացել ու երբ 2 կոպեկ ավել եմ աշխատել, գիրք եմ գնել»,- պատմում է Վաղինակը ու ձեռքի հետ գրքերը տեսակավորում:

«Ես քաղաքի բոլոր գրախանութներում գրանցված էի` հենց նորություն լիներ, անպայման պիտի ունենայի, անգամ ծանոթ էի մեջ գցում դեֆիցիտ գրքերի համար»:

Դեֆիցիտ գրքերից շատերին Վաղինակն արդեն հրաժեշտ է տվել, բայց այսօր էլ նրա նստարանը լի է գրքերով: Ժանրերը տարբեր են` հայ և արտասահմանյան դասականներից մինչև ժամանակակից:

Read More »Փրկության գրքեր. Թումանյանի և Հյուգոյի հատորները զիջում են ժամանցային ամսագրերին

«Առավոտ» օրաթերթի լրագրող Աննա Իսրաելյանը պարբերաբար հոդվածաշար է տպագրում նախորդ տարեվերջին հեռուստատեսային կապուղիների համար մրցույթի հաղթող ճանաչված հեռուստաընկերությունների փաթեթներում տեղ գտած խախտումների վերաբերյալ:

Դրանք, ըստ լրագրողի, անտեսվել են կապուղու համար լիցենզիա տրամադրող Հեռուստատեսության և Ռադիոյի ազգային հանձնաժողովի (ՀՌԱՀ) կողմից:

Մինչդեռ, ըստ լրագրողի, մրցույթին մասնակցող «Ա1+» հեռուստաընկերության նկատմամբ ՀՌԱՀ-ի մոտեցումը կողմնակալ էր: Երբ 2010թ-ի դեկտեմբերի 16-ին ՀՌԱՀ-ը բացեց մրցութային փաթեթները և պարզ դարձավ, որ «Ա1+»-ը հերթական` 13-րդ անգամ զրկվեց կապուղու իրավունքից, Աննա Իսրաելյանը որոշեց, որ անպայման ուսումնասիրելու է բոլոր մրցութային առաջարկները:

«Նախորդ տարիների մրցութային գործընթացը ցույց տվեց, որ այլ հեռուստաընկերությունների մրցութային առաջարկներում էլ անպայման կլինեն կեղծ փաստաթղթեր, որոնք ՀՌԱՀ-ը հայտնաբերել էր «Ա1+»-ի փաթեթում»,- ասում է Իսրաելյանը:

Լրագրողն իր ուսումնասիրություններով ապացուցեց դա:

«Այսպիսին են հաղթողների առաջարկները» խորագրով հոդվածաշարը, ինչպես նաև խախտումների մասին հավաստող փաստաթղթերի լուսանկարները Իսրաելյանը սկսեց պարբերաբար տպագրել «Առավոտ» օրաթերթում, ինչպես նաև տեղադրել իր վերջերս բացված անհատական բլոգում:

Read More »Ստուգել ստուգողին. լրագրողը բազմաթիվ խախտումներ է գրանցել մրցույթի հաղթող ճանաչված ՀԸ-ների փաթեթներում

ՀՀ ԱԺ պատգամավոր Տիգրան Արզաքանցյանի՝ «Երկիր» օրաթերթի դեմ ներկայացրած հայցապահանջի հետևանքով ԴԱՀԿ ծառայությունը որոշել է օրաթերթի գույքի վրա արգելանք դնել և դրա նկատմամբ հետախուզում հայտարարել:Հիշեցնենք՝ պատգամավորին դուր չի եկել «Երկրի»` «131 դեմք ու դիմակ» խորագրի ներքո իր մասին տպագրած հոդվածը: Եվ փետրվարին դիմելով դատարան` նա պահանջել է վիրավորելու և զրպարտելու համար իրեն տրամադրել 3 մլ 568 հազար դրամի չափով փոխհատուցում, որից 500 հազարը հաշվարկել է իբրև փաստաբանական, իսկ 68-ը` դատական ծախսեր:

Մարտի 14-ին Կենտրոնի դատարանը կատարողական թերթիկ է ուղարկել ԴԱՀԿ, որպեսզի հայցագնի չափով արգելանք դրվի պատասխանողին՝ «Երկիր խմբագրություն» ՍՊԸ-ին պատկանող գույքի վրա՝ բացառությամբ դրամական միջոցների: Սրա հիման վրա էլ ԴԱՀԿ ծառայության Երևան քաղաքի Կենտրոն և Նորք-Մարաշ բաժինը մարտի 28-ին որոշել է հարուցել կատարողական վարույթ և պարտապանի գույքի նկատմամբ հայտարարել հետախուզում:

Իսկ արդեն մարտի 31-ի որոշմամբ ԴԱՀԿ-ն արգելանք է դրել «Երկիր խմբագրություն» ՍՊԸ-ին սեփականության իրավունքով պատկանող գույքի վրա և արգելել է այն տնօրինել և օտարել:

«Երկիրը» ԴԱՀԿ նշյալ որոշումները ստացել է այսօր փոստով: Օրաթերթը շարունակելու է տպագրվել, քանի որ նրա դրամական միջոցներն արգելանքի տակ չեն:

Հիշեցնենք, որ օրերս Ռոբերտ Քոչարյանի հայցադիմումի հիման վրա արգելանքի տակ դրվեց «Հրապարակ» օրաթերթի գույքը: 

Read More »«Երկիրը» նույնպես արգելանքի տակ է

Երևանի Ավան և Նոր-Նորք համայնքների ընդհանուր իրավասության դատարանում այսօր մեկնարկեց Ազգային ժողովի Հանրապետական պատգամավոր Ռուբեն Հայրապետյանի դեմ «Հետք» պարբերականի լրագրող Գրիշա Բալասանյանի հայցով դատավարությունը:

Լրագրողը դատարանից պահանջում է պարտավորեցնել Ռուբեն Հայրապետյանին իրենից ներողություն խնդրել և գումարային փոխհատուցում վճարել` իր պատիվն ու արժանապատվությունը վիրավորելու համար:

«Պատասխանողը վիրավորել է վստահորդիս: Դրսևորել է վստահորդի անձնական և ընտանեկան կյանքի նկատմամբ անթույլատրելի միջամտություն», – դատարանում հայտարարեց Բալասանյանի փաստաբան Վահե Գրիգորյանը:

Փետրվարի 2-ին, երբ լրագրողը զանգահարել է Ռուբեն Հայրապետյանի բջջային հեռախոսին հարցազրույցի մասին պայմանավորվածություն ձեռք բերելու նպատակով, պատգամավորը նրան նախ անվանել է տգետ, հետո` հայհոյել, հետո ավելացրել` «լավ արեցի»:

Հայցվոր կողմը դատարանին ներկայացրել է ապացույցներ, այդ թվում` լրագրողի հարցին ի պատասխան Ռուբեն Հայրապետյանի հայհոյանքների ձայնագրությունը:

Read More »Լրագրողը դատարանով Ռուբեն Հայրապետյանից պահանջում է ներողություն խնդրել

Ինչպես հայտնում է www.rferl.org կայքը՝ ընդդիամադիր «Ազադլիգ» թերթի թղթակից Ռամին Դեկոյին առևանգել և ծեծի են ենթարկել ապրիլի 2-ի հակակառավարական ցույցին ներկա գտնվելու համար:

Դեկոն ասում է, որ ապրիլի 3-ին նրան առևանգել են քաղաքացիական հագուստով անձիք, տարել մի անծանոթ վայր և խորհուրդ տվել վերջ տալ իր գործունեությանը ընդդիմության ճամբարում: Ապրիլի 4-ի երեկոյան նրա վրա հարձակում են գործել, երբ նա դուրս է եկել աշխատանքից:

Մինչ այդ՝ մարտի 26-ին, «Ազադլիգի» սյունյակագիր Սեյմուր Հազիևին նույնպես առևանգել և ծեծի էին ենթարկել:

Ներքին գործերի նախարար Ռամիլ Ուսուբովը հանդիպել է «Ազադլիգի» խմագիրների հետ և ասել, որ անձամբ կհետևի լրագրողների վրա կատարված հարձակումների մասով գործերի հետաքննությանը:

Read More »Ադրբեջանում «Ազադլիգ» թերթի ևս մեկ լրագրողի ծեծի են ենթարկել