Սիրիահայության խնդիրները բարձրաձայնելու, ինչպես նաև հայ արվեստագետներին աջակցելու ծրագրերով Հայաստան է ժամանել Միջին Արևելքի հայության մասին պատմող Azad-hye.net կայքի հիմնադիր և գլխավոր խմբագիր Հրաչ Քալսահակյանը: Նա Երևանում հանդիպում էր կազմակերպել լրագրողների հետ՝ ներկայացնելով իր ծրագրերը, ինչպես նաև համագործակցության առաջարկ անելով ներկա գործընկերներին:

Քալսահակյանը ծնունդով Սիրիայից է, սակայն այժմ բնակվում է Արաբական Միացյալ Էմիրություններում: Նա շարունակում է աջակցել սիրիահայությանը: Ըստ նրա, սիրիահայերին վերաբերող խնդրի հանդեպ հետաքրքրությունը նվազել է Հայաստանում, որի մասին նա պատրաստվում է քննարկել Սփյուռքի նախարարությունում կայանալիք հանդիպման ժամանակ:

«Նախ նպատակ ունենք սիրիահայությանը վերաբերող տեղեկատվությունը ճիշտ հունի մեջ դնել Հայաստանում, որպեսզի հայ լրագրողները միայն չօգտվեն միջազգային աղբյուրներից: Հատկապես այն, ինչ վերաբերում է հայերին: Այսինքն, դեպքերի մասին իմանաք հայերի միջոցով, քանի որ այն ավելի արժանահավատ կլինի», – նշում է Քալսահակյանը՝ հավելելով, որ միջազգային մամուլը այնքան էլ լայն ու մանրամասն տեղեկատվություն չի տալիս Սիրիայում հայերի մասին:

Read More »Սիրիահայերին վերաբերող խնդրի հանդեպ հետաքրքրությունը նվազել է Հայաստանում

«Բարեգործությունը մեծահոգություն չէ, այն յուրաքանչյուրիս պարտականությունն է». այս կարգախոսն արդեն ինը տարի միավորում է օգնության կարիք ունեցողներին, բարեգործներին ու լրագրողներին: «Հայ Ձմեռ պապ» բարեգործական հիմնադրամը լրագրողների միջոցով գտնում է մարդկանց, ովքեր ունեն օգնության կարիք, կապվում բարերարների հետ ու փորձում որևէ բանով օգնել նրանց: Նախաձեռնության աշխատաոճի կարևոր սկզբունքներից մեկն այն է, որ այդ մարդկանց մոտ ստացողի հոգեբանություն չձևավորվի, և նրանք ձգտում ունենան անելու ավելին:

Ինչպես ամեն տարի, այս տարեվերջին ևս «Հայ Ձմեռ պապն» ամփոփեց տարվա ընթացքում կատարված իր աշխատանքի արդյունքները: Միջոցառումը կազմակերպվել էր դեկտեմբերի 25-ին «Մոսկվա»  կինոթատրոնում, որտեղ ցուցադրվեց նաև «Հայ Ձմեռ պապ-2013-2014» լրագրողական բարեգործական ֆիլմը: Այն Հայաստանի սահմանամերձ գյուղերի, Ջավախքի և Արցախի սոցիալապես անապահով ընտանիքների կյանքի վավերագրումն էր:

Միջոցառմանը ներկա էր նաև Թամարան, ով դեռ ինը տարի առաջ «Հայ Ձմեռ պապ»-ի առաջին շահառուներից էր: Հիմա նա ունի աշխատանք, կարողանում է իր միջոցներով մեծացնել դուստրերին: Մինչ այդ Երևանի հանրակացարաններից մեկում ծանր կենցաղային պայմաններում էր ապրում: Այս նախաձեռնության միջոցով Թամարայի աղջիկը նվեր ստացավ համակարգիչ, իսկ նա` աչքը վիրահատելու հնարավորություն: Ինչպես ինքն է ասում` աչքերի խնդիրը նրա մոտ դեռ մանկատնից է, որն էլ ձեռք է բերել մանկատան աշխատողների ոչ մարդկային վերաբերմունքի արդյունքում:

Read More »«Հայ ձմեռ պապ». կամուրջ կարիքավորների ու բարերարների միջև

Դեկտեմբերի 26-ին, երբ Երեւանի պետական տնտեսագիտական համալսարանում տեղի էր ունենում բարձրագույն որակավորման հանձնաժողովի խորհրդի բաց նիստը, որի ընթացքում կայանալու էր Երեւանի քաղաքապետ Տարոն Մարգարյանի թեկնածուական գիտական թեզի պաշտպանությունը, խոչընդոտվեց այն լուսաբանելու նպատակով եկած լրագրողների աշխատանքը։ Խիստ դատապարտելի է այն, որ ԶԼՄ-ների ներկայացուցիչների մուտքն արգելափակելու նողկալի գործողություններում  ներգրավված էին նույն համալսարանի ուսանողները, ովքեր քաշքշել եւ վիրավորական արտահայտություններ են ուղղել լրագրողներին (Ազատության տեսանյութն այստեղ)։

Տնտեսագիտական համալսարանի ղեկավարության փաստարկները, թե բուհն իր ռեժիմն ունի, եւ լրագրողներն այնտեղ ներկա գտնվելու թույլտվություն պիտի ունենան, որեւէ քննադատության չի դիմանում, քանի որ բաց միջոցառում կազմակերպելիս՝ բուհը պարտավոր էր դրան մասնակցելու հնարավորություն ապահովել բոլոր ցանկացողների, մասնավորապես, նաեւ լրագրողների համար։

Ակնհայտ է, որ այնպիսի հրապարակային իրադարձություն, ինչպիսին թեկնածուական թեզի պաշտպանությունն է, լրագրողների համար փակ է դարձել հենց այն պատճառով, որ գիտական աստիճանի հայցորդը քաղաքապետ Տարոն Մարգարյանն էր։ Եվ չնայած վերջինիս հավաստիացումներին, որ ինքը տեղյակ չի եղել ԶԼՄ-ների ներկայացուցիչների առջեւ մուտքը փակելուն, դժվար է պատկերացնել, որ դա կարող էր տեղի ունենալ իր կամքին հակառակ։

Read More »Տնտեսագիտական համալսարանում կատարվածը խիստ դատապարտելի է

Մենք` դատաիրավական թեմաներ լուսաբանող լրագրողներս, հավատացած ենք, որ հասարակության լուսավորումը արդարության նախադրյալն է և ժողովրդավարության հիմնաքարը: Լրագրողի պարտականությունն է միավորել այդ եզրերը` որոնելով ճշմարտությունը և ներկայացնելով դեպքերի և իրադարձությունների արդար լուսաբանում: Պրոֆեսիոնալ մոտեցումը լրագրողի վստահելիության հիմնքն է: Հավատարիմ մնալով էթիկայի վարքականոններին, մենք ընդունում ենք դատաիրավական և քրեակատարողական հիմնարկներին առնչվող թեմաները լուսաբանելու այս կանոնակարգը` հայտարարելով սկզբունքների և պրոֆեսիոնալ լրագրության համընդհանուր չափանիշների մասին` պարտավորվելով հետևել դրանց:

 ԿԱՆՈՆՆԵՐ

Read More »Քրեակատարողական համակարգի լուսաբանման էթիկայի կանոնակարգ

Դեկտեմբերի 23-ին, ժամը 15.00-ին հրավիրում ենք «Լավագույնը ցանցում» վերնագրով՝ առցանց լրագրողի ուղեցույցի շնորհանդեսին: Ուղեցույցը «Լրագրողներ հանուն ապագայի» ՀԿ-ի նախաձեռնությունն է և տպագրվել է ԵԱՀԿ երևանյան գրասենյակի աջակցությամբ:

Հայ հեղինակների կողմից պատրաստված այս ուղեցույցը տեսական եւ գործնական գիտելիքներ է տրամադրում համացանցում բարձրորակ լրատվական գործունեություն իրականացնելու եւ տեղեկատվական անվտանգությունը պատշաճ ձեւով կազմակերպելու համար:

Գիրքը բաղկացած է վեց մասից և ներկայացնում է փոխակերպվող լրագրության ազդեցությունը տեղեկատվության մատուցման վրա, քննարկում է թվային դարաշրջանում լրագրողի դերը եւ հուշում է առցանց տիրույթում նյութերի մատուցման նոր ձեւաչափեր: Այն նաև մանրամասն անդրադառնում է համացանցում ազատ արտահայտվելու սահմաններին ու հեղինակային իրավունքի պաշտպանությանը: Ուղեցույցի վերջին մասը վերաբերում է թվային սարքերի վրա առկա տվյալների պաշտպանությանը` կարևորելով էլեկտրոնային տիրույթում տեղեկատվության անվտանգությունը:

Շնորհանդեսը տեղի կունենա «Էրեբունի Պլազա» բիզնես կենտրոնի 902 սրահում։

Հարցերի դեպքում գրեք` info@jnews.am էլ.հասցեի կամ զանգեք` (093) 539334 հեռախոսահամարին:

հարգանքներով` 

«Լրագրողներ հանուն ապագայի» ՀԿ

Read More »«Լավագույնը ցանցում» ուղեցույցի շնորհանդեսը կկայանա դեկտեմբերի 23-ին

Ստամբուլում մեկնարկել է «Իսլամաց(վ)ած հայերի մասին» եռօրյա գիտաժողովը` կազմակերպված Հրանտ Դինքի անվան միջազգային հիմնադրամի եւ Ստամբուլի Բոազիչի համալսարանի կողմից:

Ինչպես նշում են կազմակերպիչները`Թուրքիայում նման թեմայով առաջին գիտաժողովն է կազմակերպվում եւ, դատելով մասնակցության հայտերի քանակից, այն մեծ հետաքրքրություն է առաջացրել երկրում: Հիմնադրամը նախատեսված 200 հոգու փոխարեն մասնակցության 600 հայտ է ստացել: 

Նման հետաքրքրությունը կազմակերպիչները պայմանավորում են նրանով, որ մինչեւ վերջերս պատմությունը լռում էր իսլամաց(վ)ած հայերի կենդանի մնալու փաստը, սակայն վերջին տարիներին նկատվում է այդ մասին պատմող հուշագրերի, ուսումնասիրությունների եւ բնութագրերի թվի աճ:

Հիմնադրամի ունեցած տվյալների համաձայն, իսլամաց(վ)ած հայերի թիվը զգալիորեն աճել է հատկապես 1915-16 թվականներին` Հայոց ցեղասպանության պատճառով:  

«Գիտենք, որ անհայտ թվով հայեր 1915 թվականի ջարդերից եւ մահվանից փրկվել են որպես մուսուլման ընտանիքի որդեգրված զավակ, իսկ չափահասներից որոշ կանայք, ինչպես նաեւ ավելի քիչ թվով տղամարդիկ փրկվել են ամուսնանալով մուսուլմանների հետ, իսկ ավելի բացառիկ դեպքերում մի ընտանիքի, թաղամասի կամ գյուղի հայեր կենդանի են մնացել` մահմեդականություն ընդունելով»,- գիտաժողովի բացմանն ասաց Հրանտ Դինքի անվան հիմնադրամի նախագահ, Հրանտ Դինքի այրին` Ռաքել Դինքը: 
Read More »Ստամբուլում մեկնարկել է «Իսլամաց(վ)ած հայերի մասին» գիտաժողովը

Ալեքսեյ Մանուկյանն օրերս վերադարձավ լեհական Լյուբլին քաղաքից, որտեղ հոկտեմբերի 1-ից 6-ը մասնակցում էր «Ինտեգրացիա-Մեդիացիա» միջազգային փառատոնին:

Read More »Գյումրեցի արվեստագետը լեհական քաղաքը ներկայացրեց «10 մետրում»

«Հուլիսի 31-ին «Վճարում ենք 100 դրամ» շարժման երիտասարդ ակտիվիստները Մաշտոցի պուրակում տեղի ունեցած հանրային քննարկման ժամանակ խոչընդոտել են «Հ1», «Արմնյուզ» եւ «Շանթ» հեռուստաընկերությունների նկարահանող խմբերի գործունեությանը։

Օգոստոսի 2-ին շարժման մասնակիցների անունից տարածված հայտարարությամբ ակտիվիստներն իրենց այդ գործողությունը մեկնաբանել են որպես ինքնաբուխ բոյկոտի ակցիա, որն ուղղված չէր կոնկրետ լրագրողների դեմ, այլ՝ հեռուստաընկերությունների, որոնց ներկայացուցիչները, ըստ հայտարարության հեղինակների, ժամանել էին միայն այն պատճառով, որ պուրակի քննարկմանը ներկա էր Հանրային խորհրդի նախագահ Վազգեն Մանուկյանը։ Ակտիվիստների կարծիքով՝  հեռուստաընկերություններն իրականում հետաքրքրված չէին գործընթացի լուսաբանմամբ եւ այս տասը օրվա մեջ գրեթե անուշադրության են մատնել պայքարը։

Մենք՝ ներքոստորագրյալներս, լավատեղյակ լինելով հայաստանյան լրատվական դաշտի թերություններին ու խնդիրներին եւ հասկանալով երիտասարդ ակտիվիստների դժգոհությունը հեռարձակվող լրատվամիջոցների մեծ մասի հաճախ կողմնակալ լուսաբանումներից, այնուամենայնիվ, անթույլատրելի ենք համարում հեռուստաընկերությունների աշխատակիցների մասնագիտական գործունեության խոչընդոտումը։ Գտնում ենք, որ այդ գործողությունները խախտում են ոչ միայն օրենսդրությունը, այլեւ՝ մարդկային տարրական էթիկան։

Read More »Կոչ են անում ակտիվիստներին չխոչընդոտել հեռարձակող լրատվամիջոցների գործունեությանը

Մարկ Սաղաթելյանի, կամ ճշմարիտ է ասել մեր Մարկի վերաբերյալ տարածված ապատեղեկատվությունը բողոքի մի մեծ ալիք բարձրացրեց սոց.ցանցերում և այլ կերպ չէր կարող լինել, քանի որ Մարկը այն եզակի անձանցից է, ում որևէ առիթով հիշատակելիս չես ասում «շոումենը», «պրոդյուսերը» կամ «հաղորդավարը»: Ամենաշատը կասենք кавеэншик Մարկը, բայց դա կոչում չէ, այլ նրա ապրելակերպը,  որը դարձել էր նաև մեր ապրելակերպը` ցրտի և մթի տարիներին հեռուստացույցով ժպիտի և հումորի միջոցով ջերմացնելով մեր բնակարանները: Դրա համար էլ նա մեր Մարկն է: Իր հմայիչ ժպիտով, հումորով և ինտելեկտով նա միշտ կարողանում է գրավել հեռուստադիտողի և հանդիսատեսի համակրանքը և բոլորիս կողմից շատ սիրված և հարազատ անձնավորություն է:

Ու հիմա, երբ նրա կյանքը գտնվում է նման ճակատագրական իրավիճակում, մի քանի անպատասխանատու հարթակներ (չգիտեմ` այլ կերպ ոնց անվանեմ) տարածում են նրա մասին ապատեղեկատվություն և հերթական անգամ սև բիծ թողնում լրատվական դաշտի վրա` հեռվացնելով և նվազեցնելով հանրության վստահությունը մասնագիտական կանոնները հետևողականորեն պահպանող պրոֆեսիոնալ լրագրողների և լրատվամիջոցների նկատմամբ:

Սոցցանցերում հերթական անգամ ամենավերջին բառերով օգտատերերը պիտակավորեցին լրագրողական դաշտը, լրագրողին ու այն, ինչ կապված է լրագրության հետ:

Read More »Գողին և տգետին լրագրող մի անվանեք. Մարկը պիտի լավանա, իսկ հավայի հաչողները թող սատկեն

Տեղեկատվական տեխնոլոգիաների անվտանգության փորձագետ, iDitord.org-ի համահեղինակ և համակարգող Սամվել Մարտիրոսյանի հետ հարցազրույցի հիմնական թեման հաքերային հարձակումներն են և հայ-ադրբեջանական կիբերհակամարտությունը:

– Պրն. Մարտիրոսյան, ուսումնասիրելով ՏՏ ոլորտը` ինչպե՞ս եք գնահատում հայկական կայքերի անվտանգության մակարդակն այսօր, և ինչպիսի՞ն էր այն տարիներ առաջ: Արդյո՞ք կան զգալի փոփոխություններ:

– Ինչ վերաբերում է պետական կայքերին, ապա դրանք 2009 թվականի սեպտեմբերից վերահսկվում են ԱԱԾ-ի կողմից, եւ այդ պահից ոչ մի հաջողված հաքերային հարձակում չի արձանագրվել։ Մնացած ոլորտներում վիճակը շատ տարատեսակ է, դժվար է միանշանակ ասել։ Մի բան պարզ է. այն կայքերը, որոնք կապ ունեն բիզնեսի հետ, դրանց անվտանգությունը զգալիորեն աճել է, քանի որ սկսել են գումարներ ծախսել անվտանգության վրա, ինչը չորս-հինգ տարի առաջ գրեթե չէր արվում:

– Սովորաբար թուրք և ադրբեջանցի հաքերների հարձակումներն ակտիվանում են ապրիլի 24-ին: Ինչպիսի՞ն էր պատկերն այս տարի, և արդյո՞ք հաջողվում է համարժեք պատասխան տալ նրանց հարձակումներին:

Read More »Սամվել Մարտիրոսյան. հարցազրույց կիբերհակամարտության թեմայով